翠怡餐廳 (已結業)

青衣向來不是在下覓食地方，偶然只會在這區開餐，原因是缺少了特色餐廳，也沒有甚麼主題餐廳可供選擇的。然而除了青衣城外，今天都想在青衣美景花園覓食，來一個普通的午餐吧！曾幾何時，在翠怡花園有間翠怡餐廳，主打西菜，也有茶記嘢食，而今天去的餐廳名字與翠怡花園的一模一樣，同樣叫翠怡餐廳，但美景花園的翠怡餐廳與翠怡花園的翠怡餐廳是否一樣呢？其實兩者並沒有關連，美景花園的翠怡餐廳主打茶記食品，與翠怡花園的是截然不同。翻閱餐牌，茶記的早餐午餐晚餐與茶記無異，只是在牆上的餐單中有鐵板炒粉麵和日式食品，中式炒粉麵不用瓷碟上，而改用鐵板上，也有紅白湯和中湯奉送，日式食品也是這樣，只是主菜是日式而言。最後還是從牆上的餐單，點選了一客鐵板炒粉麵。無論在茶記抑或在西餐廳，在下點湯都是一式一樣的，沒有第二樣，除非沒有羅宋湯吧！翠怡的羅宋湯，湯底看起來是對辦的，可是味道較淡，不酸也不甜，只是散發著很微弱的酸味，蔬菜都算煮很得腍，也未見有牛腩或肉類在湯裡，是典型的茶記紅湯（羅未湯）。中式炒粉麵中，在下經常吃的是炒河，因此也點了豉椒涼瓜班腩炒河，這是以鐵板上的，而在下也覺較為新鮮，因為很少茶記會用鐵板上的。上菜時，餸菜與

10-6-2013（一）是日起床已是下午二時正，趕快外出填肚吧，隨意選在 翠怡餐廳  吃下午茶。點叫了一客  叉燒湯紅薯粉配熱檸茶 。甫上桌，看見賣相對辦，份量頗大；吃下一口，叉燒大大片，啖啖肉，很有肉汁；紅薯粉煮得剛好，軟硬適中；奉送的通菜也很多，夠爽口；唯湯底較淡，近乎沒味的，亦使整碗粉失色不少！埋單 $25，不過不失的一餐！

雖然呢間茶記都唔係成日食，但經過今次之後就唔想再食。因為無左學生既九折優惠，而且野食又唔係特別好食。只係一個焗飯加凍飲就已經36蚊，通賬都唔使咁貴既，離譜左小小。紅湯絕對係君子之作，因為淡如水嘛。雖然我對茶記既紅湯無乜期望，但都唔使俾一、兩滴蕃茄汁再加上滾水整個湯俾人飲呀。淡如水之餘，仲要係無乜料裡面。真係飲到汗顏，就算飲忌廉湯都會落得同樣下場。芝士焗豬扒飯呢個飯表面上好似無乜野，但食落就覺得自已揀錯啦。因為呢個飯太濕，食落唔夠乾身，感覺唔係太好。而且個豬扒雖然係炸過，但我覺得好油膩。真係麻麻地，而個飯既汁都係普通既蕃茄汁。都係好大路既出品，唔使特別評論。整體上，個飯真係麻麻中既麻麻。未食過咁油膩既豬扒，而個飯就猶如水浸般那樣濕。真係未食過咁出位既焗飯。難得既焗飯，難得既餐廳。真係唔使再去，呢間茶餐廳轉左老闆之後。好多野都每況愈下，好似食物既質素，服務態度咁啦。但價錢就不跌反升，雖然通賬真係好勁。但都唔使咁既。除非係同學既要求，我都唔主張再黎呢度食。

前幾日出黎食飯，唔知點解度度都要等。就係呢間唔使等，就入左去呢間食。其實呢間午餐會有學生九折，所以都算幾著數。紅湯個味好淡，好似飲緊染左紅色既水一樣咁既味。個湯只係有好多菜，所以都係唔太得。炸帶子焗肉醬意粉炸帶子係急凍既，呢個已經預左。不過個味道又唔太差。而肉醬意粉既味道好大路，肉醬又唔會太酸或者太難食。算係咁啦。凍奶茶唔係太得，落得太多奶。飲完好滯。其實呢間美景算唔錯，學生會有九折同環境又唔算太迫。雖然野食好麻麻，不過點都好過成日食飯堂既野。

落堂落遲左，就黎呢度食下午茶。呢間算唔錯啦，下午茶唔係太多人，坐得好舒服。西多薯條呢個下午茶雖然好大路，但有我鍾意食既扭紋薯條。薯條係即炸既，新鮮美味。西多士都唔錯既，有搽到花生醬。而且炸得剛剛好，唔會太硬。凍檸茶好普通，茶味唔夠濃。呢餐都算唔錯既，坐得舒服已經好好啦。

今日同班同學差唔多成三點先食飯，又唔想去canteen。就黎左呢度食。雖然差唔多成三點先食飯，但都有午餐食，而且仲有九折既優惠。羅宋湯一飲落去覺得好稀，而且個味又好淡。真係唔多好飲，而且個湯又唔多料。不過算啦，二十幾蚊唔通俾酒店既野你咩。芝士腸焗肉醬意粉芝士腸煎過黎，個皮又好脆，好好食。呢個意粉既肉醬好多，可以撈哂成個意粉有突。不過個肉醬味唔算太濃，但我覺得可以接受既。我最鍾意既係意粉面頭既芝士，真係好夠味啊。凍奶茶唔算好飲，落得太多奶，似係飲緊奶水。呢餐野食就好普通，不過就好飽肚。如果唔係有優惠，我地都未必會黎。

喱間o係美景係最似西餐廳o既食店,但食物就同快餐店同級,甚至更差.叫個扒餐,要豬扒配薯菜,用刀叉食o既野居然用個兜兜住,因為個兜o既平面o既面積好細,結果用刀叉尼食食得甚為狼狽,如果轉筷子就更加怪.唔知點攪!味道方面,汁太多,而且由於薯條擺底,o個個兜將D汁集中o係兜底度,結果就係將所有薯條浸到淋晒,變成一"pat"咁,好核突.唔掂!冇下次!

成個美景花園商場座得最comfort係佢，有好多卡位．又有分smoke or non-smoke area．又有波睇cableTV，還有第二部電視會睇無線．食物算得上中得水平，最爰係早餐ｄ麥片好好味．