義香荳腐食品

營業中

休息中

行過九龍城，知道公和因為重建一早執左，以前都知呢度有間都係做荳品，有豆漿賣，口痕買左一樽細黑豆豆漿回家同屋企人分享，盛惠17元，點知打開蓋一聞已經有陣煲燶左嘅鑊底味，試左一啖仔成個口都有陣燶味，好難飲，即使超市賣嘅預先包裝黑豆豆漿都無呢種燶味，上網查過有燶味嘅豆漿係製造過程中出左問題，店舖需要做好品質檢查，當然最後成樽倒哂

今晚打邊爐，上網搵豆腐卜買。見呢間專經營豆品，滿心期待。食評：價錢唔貴，但今日除左豆腐外，其他都好難食。1. 豆卜 ($10): 軟林，好食2. 山根 ($10): 好厚身，好um。打邊爐唔岩用，我諗用黎煮齋可能好d3. 炸魚皮($20): 又硬又um，完全過晒期。

今日第一次去幫襯～初初入去淨係覺得啲阿姐大大聲冇乜特別～走嗰時睇佢牆上邊$15一碗諗住俾$40找續之後發現原來只需要$20都算~叫我求其發放低～之後佢整豆腐嗰個銀色大夾跌咗落地下條路正中間～我好心同個阿叔講聲佢就不斷催我你行啦我會執啦～但係我係拖住一個四歲小朋友（可能佢想我推我個女行啦）～仲要個夾跌正喺中間又唔去執污糟邋遢～我都冇話嗰隻大銀色夾阻住我行，佢就聲大夾惡叫我行快啲我識去執啦～好心提佢條肥阿叔走去話我～我諗如果冇小朋友喺度，我應該同佢開火～雖然賺得嗰10零$20食物錢～都唔會諗住佢哋班阿叔阿姐有咩好服務，但係最基本人與人之間嘅尊重應該要有囉~所以你哋班人快啲早唞啦～做到咁厭世～放過自己放過人啦!賺錢賺得咁唔開心~咁多年老字號又點？影衰晒自己屋企人嘅心血。平又點？平俾啲街坊但係就要受你哋氣？

特色老店、人情味濃，經過坐低叫咗凍豆漿、釀豆腐、煎釀三寶。釀豆腐：不過不失，正常有豆味但唔算有驚喜(可能我有期望)。煎釀三寶：夠熱、還可以。凍豆漿：味有點燶(似煲濃咗嘅味道)，我唔鍾意嘅味道。釀豆腐都有小燶焦味，但冇凍豆漿咁強烈。環境好有老店嘅味道👍

喜歡義香出品的豆腐花，去九龍城買餸，經過都會吃上一碗。吃時必選熱的，特別滑溜。而且，難得還是有豆味的。義香豆腐花之所以出名，全因經過柴火燒，所以特別香！可惜，九龍城重建在即，店家無心重開，傳9月結業，好吃的豆腐花又少一間。

⭐️凍豆花店家有標示自家豆品都用明火磨製所以豆製品會有香濃焦香味豆花 質感偏實 口感都算滑溜有豆香 帶有淡淡焦香 糖水唔太甜⭐️煎三寶煎三寶有紅腸 豆腐同魚蛋豆腐魚肉彈牙豆腐軟滑紅腸香口 魚蛋軟彈 整體正正常常 總結：食物選擇唔少 味道可以 但真係未必個個啱口味 豆製品焦香味冇其他食評所寫咁濃烈 我個人係接受到 覺得幾有特色環境還可以 充滿懷舊歷史感 服務其實都唔錯 態度比較直接但絕對唔係冇禮貌 有滿滿人情味 價錢合理 幾抵食 可以一試

全間啲員工，老细啲服務態度極差，問多句都唔得，找錢又出聲，就咁放台面就算。豆腐花又唔滑，我哋想落糖，嗰女人大聲講已經落咗，唔使再攪。返到屋企食都係冇糖，啲豆腐又唔得。唔會有下次。

咁啱去開九龍城，朋友介紹咗呢間嘅豆腐花&豆漿，話係九龍城嘅老字號，用炭爐整嘅豆製品不過買嘅時候店員服務態度唔太好，又記錯晒我買嘅嘢，仲找錯錢😥短短幾分鐘買小小嘢已經覺得感覺麻麻，試完之後的確豆味係好出，但係個隻炭燒味好似燶味我就唔太中意，真係唔係個個中意呢隻味，豆漿嘅燶味特別明顯，豆腐花都還好🤔🌲🌲🌲🌲🌲🌲🌲🌲🌴只想懶住食、懶住玩、歡迎餵食🌴💤🦥得閒就Follow吓，不過懶得Follow翻你🦥💤 義香荳腐食品 (九龍城)九龍城衙前塱道74號地下

以前係附近讀書，零用唔多時，依度就係最好嘅選擇😆。識得飽肚又好味，唯一缺點就係地方細d，同埋冇冷氣😂😂😂夏天真係熱到出汗，不過都被佢哋嘅豆腐花深深吸引住😍😍又香又滑！

今日去了經過這間，其實只是想在附近買嘢，見到呢間有碗仔翅，就其食啲嘢。啲店員超無禮貌，大聲大氣，出去望下有咩炸物，佢喝住晒！問佢有無炸豆腐，佢叫我，你自己睇啦！問咩鬧咩，食到一肚氣。我話唔會再嚟食，佢話最好啦！

天氣酷熱，路過九龍城街市，見到「義香」，食碗荳花＋涼粉消下暑，坐底叫完豆花，想加煎荳腐，點知老板娘惡氣沖天鬧『噤遲落單』，其實店內只有三四個客，何況我只係幾分鐘內再order，從來都未試過解暑食品，越食越激氣！吾想做生意可以關門，無謂用這種態度趕客，抹殺『獅子山精神』🤔😤

我第一次寫評論，真心唔明呢間野點解咁多人幫襯。我第一次買 企係度等緊佢比豆漿豆花同炸豆腐，隔離有個女人拎起舊野問個呀姐幾錢，佢答「自己識睇啦，我唔會再答呢d問題」個女人當堂嬲到走左。咁佢唔係串我，我本身都無咩野。咁佢整完個豆花比我，就劈咗係前面個紙皮兜到暗示我自己拎，我一拎起個豆花係45度傾斜，我又兩手都渣住野，佢望住都無諗過幫手，仲bear我覺得我阻住後面，然後我唯有用一隻手慢慢整返好佢打直拎起。最嬲既係，我比左錢買埋3舊炸豆腐，佢唔記得都算，我問佢先幫我整，整好果陣佢拎起想比我我兩隻手都拎緊野仲拎緊部電話，諗住收返部電話落褲袋先接佢袋豆腐，然後我手機都未放落袋（一秒都無）佢就「dxx，你自己拎」（就將袋豆腐劈去另一邊個紙皮盒）我自己拎。真係心諗使唔使呀。返到屋企都仲成肚氣，想飲啖豆漿下下火又成浸燶味，我就真係唔識欣賞喇，呢間垃圾，我一定唔會再幫襯。

市建局話要重建，一心想嚟支持下，整返碗熱豆腐花先，送到過嚟見到，唔好講個size了，可能會俾人鬧”依家百物騰貴”……，個豆腐花嚡熠熠又硬，沒有豆香味，不想多講，支持市建局💪🏼ps: 如果再要講，樓面啲阿姐，尤其是短白髪的一位，我唔知佢係唔想做(如果佢係打工），還是唔憂做(如果佢係老闆），完！

九龍城變天，區內大部份名氣老牌食店都會受今次，市建局大規模重建此區計劃影响，須要結業或搬遷，而這問矻立在此區多年靠售賣荳品食物而譽滿全城的義香荳品食店，亦受影响打理人甚至巳向傳媒透露，會趁勢結業，因此揾食肥華就把握這店夕陽時機在6月10日，專誠到此店一試佢嘅熱荳腐花及涷荳䊢，等日後有番個集體回憶，先講個熱荳腐花味道真係堅得，可以同深水埗另一售賣荳品名店公和分庭抗禮，兩者都夠滑夠香，亦有應有嘅傳統荳腐花味道，此味食品打成平手，至於嗰杯荳䊢肥華就認為公和嘅比義香勝一筹，因荳味較濃和甜度較重，合揾食肥華口味多啲，奉勸各位看官，趁老店尚在快把握時機到此店食番碗平，靚，正，荳腐花喇喂👍👍👍

超級懷舊荳品店叫野食驚險過程比美10年前澳牛。首先同大家講下流程免等比阿遮用好重嘅語氣同你講野。1.自己搵位坐低2.自己睇定食乜, 牆上面貼左有乜食3.阿遮問你食乜時， 講清楚要乜，要唔要甜，重點記得講凍定熱，夏天無熱荳漿，如果想聽阿遮同你講多幾句就試下叫啦。4.默默地享受（可以拍照，阿遮唔理你）5.食完，起身，阿遮會計數同叫出去比錢，重點又黎啦， 錢💰～ 係要比賣荳漿果邊阿遮，千祈唔好比煎野阿遮，唔想阿遮又同你再講幾句，就唔好向錯方向比錢。——————————荳花 $10碗- 係正常滑嘅， 同以前細個街市食果D一樣。唔好問有冇薑汁，無架，枱上面有黃糖，自己加啦。無糖荳漿 $8杯- 飲一啖，真係有燶味架！飲多幾啖，飲晒成杯都係有燶味，荳味都有嘅放心。一路都有街方買支裝，阿遮每個都會提佢地要今日飲晒， 所以應該無問題，燶味應該係特式。—————————-其實 呢個食荳花經歷都幾特別幾好笑嘅。不過 阿遮s開舖做得咁谷氣不如唔好做，退休休息下啦。