美膳居 (已結業)

星期六來這裡吃了一頓快樂的high tea，但忙到今日先有時間寫返。我叫了一客茄汁肉腸炒螺絲粉，好好味。暖暖的是福建炒飯。Ok啦。中途有隻狗狂吠，唔知係客人的還是舖頭的。另外坐位亦迫了點。食tea就真係好抵，唔叫tea set,都好多其他食物選擇，overall係幾平。

係登龍街都試過幾間食店，呢間去左2次每次去到，都總係覺得有太多選擇，成日都拿唔定主意食咩我覺得佢d set既前菜都好有水準，第一次食既蒜蓉焗青口好好食，有d薯蓉係底，尋日就係芝士焗蟹蓉，就算我本身唔好芝士忌廉個d，亦覺得係水準之作！main course就好似冇前菜咁有驚喜了，不過不失啦，尋日既日式咖哩牛柳啦，d咖哩甜甜地，都似返日式個種！飲品方面就太多冰加太甜上菜會好慢，如果唔趕時間先好去撞正2次去都唔多人，環境ok！set around 係40-50元咁上下

見報紙介紹登龍街好多次，早兩日終於有時間黎睇下。原本無諗住食呢間的，不過是有位店員姐姐在店外落力宣傳，見食物又唔差，就試下囉。一坐低比人最好既印象係環境好乾淨，有位店員在執拾桌面時，非常細心，把桌面的飯屑倒在手中，唔會似香港好多地方，求其掃落地嚇親街坊。呢度的選擇都算幾多，我地點左既食物係：１）鑊仔牛柳餐（＄４ｘ）：餐湯、牛柳意粉（但唔係鑊仔上既！）、半打迷你蒜蓉青口薯蓉、凍飲。個牛柳麻麻，比較咸、反而個青口好好食。２）鴛鴦焗飯餐（＄４ｘ）：好多款揀，我地揀左香草雞扒拼綠茶忌廉石斑，個綠色忌廉汁幾新鮮。幾驚喜既係有糖水送（因為餐牌無寫的）整體呢度食物質素只是尚可，不過是環境同店員服務態度屬於上佳水平。最後一提是呢度通風幾好的，因為附近幾抬食煙，我地居然都聞唔到。

每次同某一位朋友在銅鑼灣lunch就一定黎呢度,＄３０一個午餐其實都幾抵,而佢亦都保持水準,不過份量略小,如果好肚餓可能會唔夠飽!

黎呢度，因為老老要食飯，又睇中這裡的酥皮魚翅餐。個旦白蟹肉小菜都好味。我叫的石班雞扒意亦ok,唯獨係未飲過咁鹹咁難飲的羅宋湯。整體說，這裡的菜，味道太鹹。40元左右，有湯，沙律，主菜，飲品同甜品，算係咁。招呼亦合格。

朋友們食晚飯, 我搭檯坐, 佢地平時食開, 覺得呢間d野食幾好。依我對眼scan過呢, 一般料而矣, 亦冇令我想偷食之衝動。問題係碗糖水。佢d糖水碗崩得嘅都崩曬架喇。有個朋友食到底仲見到玻璃碎! 俾其他人食到呢, 真係由裡面開刀都似!我一定唔食呢間!

25 Dec,2005 星期日和朋友C及二家姐下午到銅鑼灣shopping,逛到6時半,決定食完dinner再逛。我提意到登龍街。本到BALL BALL茶坊,入到去看MENU時待應知道我們不會選聖誕餐,便對我們說今日設有最低消費$150。我們三個對望了一下,便決定到第二間吃。侍應不好意思地送了我們一張coupon。其實我們不介意他們設最低消費,但應該貼在當眼處,讓食客進去時知道!!於是便到這裏食,我們三個不約而同選了聖誕餐Set C。先來龍蝦魚翅湯:有洋葱,蝦肉碎,翅,味道一般。火雞伴火腿扒伴焗海鮮(飯或意粉):我轉了螺絲粉。這個味道不錯,有八爪魚,蝦毛仔,洋葱絲等。想不到白汁幾好味。火雞及火腿扒只是一般。甜品是蛋花大菜糕:不太有興趣,而且很飽,只吃了兩口。埋單: HK$150,沒有加一。繼續shopping...^_^

我今日同男友食lunch，叫兩個set，一個菠蘿鴛鴦扒飯，一個芝士海鮮玉子豆腐飯，連湯同埋飮都只係$26一個set，其實係頭講都算幾抵。我一坐低冇耐就叫食，之後就陸陸續續好多人，正當我慶幸自己好彩早到又叫食時候，我見到隔離兩個人已經飮緊湯，之後有幾遲連食都埋但我仲係連湯都未有，我想催但又冇人理我。後尾我發現原來幾人都同後生個伙計好熟…唔怪得之啦…但咁都未算最離譜，最離譜係之後有碟飯，我一睇都知唔係我，我同佢地講佢地一係就睇唔到我(唔知係唔係扮)，一係就係咁叫我等等，但等等去都係唔理我，真係佛都有火。間好細，只係得兩個人睇哂樓面，得呢度食其實都預咩都要等。之但係我先叫先都要先俾熟人，呢樣就好有問題囉。除非大家同個伙計好熟啦，如果唔係真係去唔過!!!!!!P.S. 我男友話我知佢返到公司肚痛…呢間真係…

下晝行到餓餓地,入去tea一tea.叫個超級抵食tea.$18包雞絲螺絲湯粉,菠蘿豬扒包,薯條,再加$3轉飲橙什.味覺當然不能強求,算OK啦!螺絲粉比較硬,湯多味精,但幾大碗.菠蘿包夠新鮮,熱辣辣,皮脆,包身軟綿綿.豬扒分量應該屬於正常size一半,夠"淋",一咬即開,唔使同佢掙扎.食完喱兩樣已經好飽,勉強食埋薯條.食完夜晚都唔使食.係銅鑼灣區好難搵到D咁抵食o既地方架喇.

同食齋朋友0係登龍街搵好0野食，本身想去泰成，點知條人龍長過命，唯有行多幾間睇下~過0左幾間舖見到美膳居，裝修老老實實，最重要係落緊大雨~半推半就行0左入去~~哈哈~~食齋朋友見到有味『萄汁焗四蔬』，但又想食咖哩，落單0既姐姐好爽快答應0左將萄汁轉咖哩，朋友開心到不得了~ =)。結論：我揀0左個Set，麥香雞+炸野菜+蛋包炸豬扒配意粉+雜果冰；食齋朋友揀0左咖哩焗四蔬配意粉+雜果冰。咖哩焗四蔬-一上台已經聞到好香~咖哩面焗到火農火農0地，加上芝士半溶半焦0既狀態，兩人都急不及待開餐，咖哩汁食落就知道有萄汁0係裡面，相信係因為『焗四蔬』本身係萄汁底所以先會咁樣，無影響到味道之餘，反而覺得好好味；『四蔬』一d都唔馬虎，西蘭花、粟米芯、小棠菜、蘑菇...不能盡錄。食晒成碟0野，假設有個硬豬仔包0係身，用0黎點咖哩汁食真係一流！總之兩個字-推介！麥香雞+炸野菜-麥香雞唔睇都知係出面入返0黎即炸貨色，味道不過不失。炸野菜就出乎意料咁好味！佢係一咋過雜菜球咁樣炸，脆漿好得手，0岩0岩好將成咋雜菜鎖成一個球體，食落香脆唔覺肥膩，又唔會炸到變菜乾~無晒水份。蛋包炸豬扒配意粉-炸豬扒下面有炒蛋一隻下面