綠色煮意

營業中

休息中

剛剛轉工去到火炭區返工，完全唔知火炭佢有啲咩好食，跟住同事帶我去咗工業區入邊一間餐廳叫做綠色煮意，去到餐廳發覺餐廳有啲喜出望外嘅感覺，餐廳裝修都唔錯，冇諗過喺工業區入邊竟然有間咁雅致嘅餐廳，務員態度殷勤，我點咗一個蜂蜜黑椒德國鹹豬手配沙律及薯條蜂蜜黑椒德國鹹豬手配沙律薯條一見到個餐嘅時候覺得好吸引，啲蜂蜜喺隻豬手喺上面，令我垂涎三尺，薯條炸得金黃香脆，沙律嘅配搭亦都非常新鮮美味，份量十足，要分甘同味先可以食得晒，性價比高。

火炭工業區係一個好少外人會踏足 地方, 仲要呢間餐廳係遠離港鐵站更加到訪人數少之又少，加上呢間一天只是開午餐三小時，所以 嚟呢度嘅多數都會係熟客 如果唔係朋友住駿洋邨真係我呢世都唔會踏足呢間餐廳😂餐廳只做這個時段👇星期一至五12：00 - 15：00🥩烤澳洲草飼肉眼牛扒配有機蘑菇黑松露蛋麵 包飲品$148蛋麵非常煙韌Q彈，黑松露味香濃，肉眼牛扒質地有趙頭得嚟juicy，兼且牛味濃香🍵熱檸茶茶底比較淡身，不過檸檬好新鮮裝修都幾特別，有打卡位，不過營業時間實在太短😅，見隔離枱嘅食物都好正，下次有機會再去試其他嘢😋

過年前同朋友食午餐，見下聚舊，他介紹呢間餐廳，說冇咩味精，佢係火炭工作，梗係佢話事啦！雖然餐廳位於工廠大廈，但係裡面裝修很特別，有一種去旅行感覺。我叫了咸豬手，朋友叫了安格斯牛扒。咸豬手配薯條沙律$148咸豬手份量超大，啖啖肉唔算好咸，外皮唔肥；超多薯條，熱騰騰，即叫即整，最鍾意食粗身薯條；沙律菜配水果，鮮甜又醒胃！雖然我當天冇食早餐，好肚餓，但係都食唔曬。烤美國安格斯牛扒（10 oz)  配沙律薯條$198朋友份牛扒又係好大份，烤得好靚，外表金黃色帶有些少焦香味道，裡面粉紅色，真係外脆內嫩，肉質Juicy! 呢間餐廳都唔錯，比起同水準的西餐廳性價比高。

因工作關係會喺火炭區附近搵食。 呢間餐廳 ，雖然比較偏遠但係都係我有時會想去嘅餐廳。呢間餐廳淨係做午市， 星期五最好book定位 ，人會比較多。餐廳定價在區內算頗高。餐廳嘅餐牌變化不大，不過可以留意餐廳中間有塊黑板，寫嘅就係 是日推介 ，耐不久就會轉款。▶️雞扒青草意大利包▶️檸檬煎鱸魚 手打麵▶️雞扒牛油果沙律▶️牛扒蛋麵這裡的肉類肉質和調味是不錯的，都有西餐廳的水準，不是醃到失去原味的那種茶餐廳水平。意粉類的味道也很不錯。沙律也很推薦，菜很新鮮。可以另加牛油果，份量很足。牛油果fans喜訊。小店較人性化，可因應客人需要調節口味，如要求少一點薯角，會適量多給一點沙律。每份即製，因此等待時間較長。飲品只有咖啡、檸茶、檸水，特飲要加廿多元，真係有點貴。

今日去到火炭開工，悶悶的工作，想發掘一些新鮮感，就去左一幢工廈試新野食，仲諗住工廈內都係碟頭飯，好普通既野食…點知被我去到呢間餐廳門口，裝修得幾有氣派，望入去餐廳，就好似得得地…咁就二話不說就衝入左去…坐低左…叫左個 lunch set. 不過唔記得影餐牌 唔記得菜式名😂 簡單啲就係豬扒拼沙律加薯條！又簡單 d 講呢…幾好食，薯條外脆內有薯蓉。沙律都幾新鮮，幾 fresh. 豬扒食落無渣唔韌，成碟基本上被我食清光唔浪費，可以值得再 encore

今日中午時間，本來一大班工作的伙伴，去茶樓飲茶，但不知怎麼樣，成班誤打誤撞，無去茶樓，反而走左去工廠區d 工廠大廈，最古舊個d,大廈，走左去食西餐，去到餐廳門口，俾他地個門口吸引左， 有d氣勢，跟住就走左入去，望下個menu,就叫左個lunch set, 個名就不記得啦，有牛扒，有炒飯甘啦。個d 牛扒就碎上的，不使自己用刀叉再切，都幾貼心。d 飯炒得幾香。d 扒都幾好食。不韌，幾有肉感。基本上成碟食曬。可以再次去

返多一日工就放假喇，開心！！！😍 再一次嚟幫襯，今日間餐廳都幾爆場，唔知會以為係Happy Friday！🤔·🔸 牛扒松露野菌蛋麵（$148）朋友推介，10個讚！真係好好食呀！😱 牛扒切成8-9條，方便食用，肥瘦適中，薄身得嚟仲保留到合適嘅厚度，好容易就切得開，口感一流。蛋麵夠闊身、唔易斷，整碟菜式都充滿住香濃嘅松露味，連埋d野菌一齊食，非常滋味！👍🏻·Lunch嚟講算唔平，但質素絕對唔會輸蝕其他意大利餐廳，值得繼續支持！

之前因為裝修停業左一排，今日係開返之後第一次黎食由於太耐冇黎過既緣故，上到去都搵唔到間野係邊，最後發現我地應該係入錯左入口，因為呢棟工廈唔只一個入口上到黎唔算太多人，可能唔太多人知道佢開返水吧位有D種菜既燈箱，唔知我地食既菜係咪呢度種出黎架呢 (當然知道冇呢個可能)牆上面掛住左唔同地方景色既相，以希臘既為主，門口畫住左好大幅希臘景色既壁畫，好有心思 (其實裝修同之前冇乜大分別)望一望個MENU，有D唔同左但又似曾相識喎, 係我地第一次黎綠色煮意既時候有既菜式我地估計應該係之前有段時間轉左手, 而家裝修過後又轉返LUNCH既選擇都好多架由於好懷念第一次黎食既蛋面, 而家有返緊係要叫返黎食牛朳煮到大概6-7成熟, 個人覺得岩岩好, 個面仲曬左胡椒同芝士碎牛朳雖然唔係厚切, 但呢度厚度都唔薄架啦, 份量都幾多, 牛肉味唔算話好濃, 但整體味道唔錯, 食落仲有芝士同黑松露味至於個蛋面就係類似扁意粉咁, 有少量雜菇, 個醬應該係黑松露+忌廉, 每條面上面有沾到醬汁, 又唔會太多, 食落唔會好膩 個咖啡令到我好驚喜, 飲落去個奶香好濃好滑, 仲有少少甜味, 完全唔需要落糖,  真係估唔到呀LUNC

估唔到火炭工廈嘅餐廳門口都整得咁靚，真係加唔少分呀！😎 據說餐廳曾經轉過手，食物質素變差咗，幸好宜家轉返手，質素有返保證！只要識搵，工廈都可以有好野食！😉·🍄🥣 有機蘑菇湯（$12）7/10店員力薦嘅是日餐湯，話用咗自己種嘅有機蘑菇，同一般嘅唔同。味道係幾香濃，幾creamy，正正常常，但同飲開嘅蘑菇湯好似冇乜大分別。😂·👑 雞扒羅勒青醬忌廉意粉（$78）8/10好大塊嘅雞扒，就咁睇以為煮燶咗塊皮，其實唔係。雞皮煎到少少香脆，雞肉好嫩滑，仲好厚身添！😋 而意粉就不過不失啦。·🍋☕️ 熱檸茶（$0）7/10味道同樣不過不失，勝在杯碟顏色撞得夠突出！👍🏻·💡 Lunch冇加一，雖然係星期五，但唔係坐滿，算係坐得幾舒適！👍🏻

午餐時間(最好book 枱)南瓜餐湯好濃郁~淡淡南瓜味五成熟肉眼扒(每日限10份)$188woo 好厚身大塊五成熟~近看更加大塊肉質鲜嫩(內裡充滿肉汁)值得再食魚柳扒配飯$98魚扒好大塊(最好是啖啖肉，無魚骨)肉好鲜甜魚兩面煎得好靚(金黄色，煎得好香口)餐牌多選擇2人午餐(有扒餐)消費$292

上星期四和係火炭返工既友人lunch,同埋阿B一起去，估唔到火炭有環境咁靚既餐廳，餐廳內用海洋做主題，感覺有點像黃金海岸既餐廳，仲有BB椅供應。 我們叫左lunch set 魚柳薯菜，魚柳沒腥味、薯菜加汁味道不錯，預早訂位仲有小食送，士多啤梨甜品阿B好喜歡，一連叫左兩個先肯停手。

試兩次牛排，味道不錯，但兩次都好多根，反而豬排好好。豬腳也不錯，可以一試，但份量都好大，幾個人分享最好。另湯夠熱，不過少咗個麵包，有埋就perfect。地方整潔，服務態度度不錯。

上星期六，唔想煑飯，又唔想畀酒樓餐廳規定八點半還枱，好似「食完收工」咁。找到這間在火炭樓上餐廳。雖然是晚餐時段，仍可以叫午餐牌食物。雖然係午餐牌，卻是晚餐質素。叫了一個燒豬手餐，服務小姐馬上提醒一個人食唔哂，遂聽佢話，叫一個輕一點的 烤啡菇沙律。先上啡菇，足量的菜，不是只得幾片菜葉那種，是足以作一餐的。很仔細很用心很有誠意的沙律。之後上燒豬手。好細心，拆好肉。皮脆肉香，筋軟捻香… 配雜菌飯 😋😋😋最後上咖啡，當然好星巴克好多，點好? 唔識寫呀！最後，抵食！自己睇單。仲免加一！推薦！👍🏼👍🏼

近排成日落雨,我在火炭區工作多年經常落雨會叫外賣,老實講在火炭工廠區真系搵唔到好野食,今日終於好天,聽同事講在桂地街環球工業中心2樓有間西餐廳,咁即日咪上去試下個Lunch,因幾日都系食外賣,食到有啲厭 .上到去坐低感覺好舒服,座位較寛闊,樓底又高,我最鍾意系樓底夠高的餐廳食野, Lunch價錢在同區內都算略貴,但在火炭區有咁既環境及質數已經系好好架啦,講到食物,我點左個每週廚師推介.意式芝士焗石斑香草意粉,質數口感味道也好好,食飽後,服務員話試下呢度啲咖啡好多客人飲架,咁好啦,試埋你杯咖啡得唔得先,飲落去好舒服,咖啡因比較少,好岩我飲,間餐廳原來仲有Happy Hour 及晚餐,岩晒我OT後落去食埋野先走,總括(必定回頭再去)

自己本身係火炭做野,聽同事講有間新開西餐廳,所以就book枱試下!一入去餐廳環境燈光舒服,餐廳很細心有個露台可給客人食煙。食物賣相同味道也不錯,誠意推介豬手。set餐也不太貴合理。值得大家一試