素年 (三陂坊)

營業中

休息中

食齋嘅人一定都試過素年啦！素年係一間純素(vegan)餐廳，唔單止無肉類製品，連動物副產品，即牛奶、芝士都唔會有。你食到嘅芝士🧀️其實係純素芝士；你飲緊嘅咖啡其實係用燕麥奶沖，希望將純素🌱概念帶俾更多客人。.素年經典不可能芝士漢堡包 $128+$10 套餐(連餐飲)相信依個係素年嘅招牌漢堡包🍔，最啱初嚐素食嘅朋友試吓。其實好多餐廳嘅漢堡扒都係用impossible meat嚟整，包括之前荃灣廣場both by Texas burger嘅素漢堡包，素年依個食落就無咩太大驚喜，都係正常一個素漢堡包嘅味道，反而配菜係蕃薯條🍠就幾有驚喜，啱晒低碳飲食嘅女仔丫嘛！.日式咖哩吉列豬扒意大利飯 $88+$30 套餐(連餐飲)另外就叫咗個意大利飯🍛，賣相幾靚，份量就好多，一個女仔自己食都未必食得晒。素豬肉多數都係用新豬肉整嘅，依份吉列豬扒亦都一樣。新豬肉本身口感、味道同正常豬肉都大分別，新豬肉豆味都幾重，吉列豬扒都唔例外，外皮炸得幾酥脆，不過整體味道同意大利飯就唔係好夾，會唔會用返珍珠米好啲呢🤔。.整體味道不過不失，但夠晒創新，其實可以帶未試過依啲新派素食或者未能接受素食嘅朋友一試，應該會帶到驚喜俾佢哋

之前呢間店係買外賣多，因為有折頭。但今次同朋友食，所以專登過嚟糖食。荃灣好多特色素菜。素年在一條食街中，彩紅白色店舖突出。之前見人不算太多，但約左朋友，所以先預位，好彩聽店員講訂位，好多人呀。點了咖哩炸豬排意大利飯，照燒茄子茶漬飯，甘梅炸蕃薯條，泰式炸蝦和苦瓜蘋果梳打。炸番薯條配埋甘梅味道清新，酸酸甜甜苦瓜蘋果梳打清新炸豬扒就好似真豬扒咁嘅口感泰式炸蝦有啲類似腐皮嘅炸到脆脆好好食最有驚喜係照燒茄子茶漬飯，個人最欣賞嘅係燒汁雞髀菇，有咬口又入味。仲有花雕車厘茄，微微酒香，照燒茄子香口。不過茶漬飯方面，味道較清淡。可以中和返當中嘅配菜。堂食覺得更好味。值得推介。

雪山士多啤梨撻（限量供應）好靚的擺盤設計😍雖然係簡簡單單的！但有一種好窩心的祝福！裏面係一大粒士多啤梨、好味！黃薑椰菜花飯：椰菜花飯沾滿香香黃薑、不搶喉👍雞脾菇沒有菇澀味、好 juicy 👍泰式炸蝦卷配酸辣醬：炸得剛好！腐皮味道唔錯👍黑芝麻燕麥奶：濃濃芝麻味香👍熱度剛好👍

相信常流連openrice的一眾對素年過個名字並不陌生，從前找心水餐廳時，就對這間素食餐廳有興趣。如果在荃灣區長大，對三坡坊一定非常熟悉，小時候常和家人光顧大排檔，想不到素年在荃灣中選址在這個地方，頗有意思。menus上的選擇並不多，我選了日式咖喱吉列豬扒意大利飯。意大利飯賣相很開胃，份量亦很多，性價比不錯，豬扒香脆，但略嫌有點乾，整體不過不失。反之友人既不可能肉醬意粉🍝有驚喜，酸酸甜甜好惹味。依間分店位置闊落，如果非繁忙時段黎應該幾好chill。

係香港素食界早已大名鼎鼎既素年YEARS主打素食料理，推出一道又一道以假亂真既素食將不可能變成可能！ꔐ不可能肉醬意大利麵（$98）肉醬意粉超大碟建議細食人士可以下單既時候，減少份量肉醬口感像真度好高，有咬口醬汁酸酸甜甜好開胃ꔐ日式咖喱吉列豬扒意大利飯（$118）賣相超似真咖喱吉豬！吉列豬望落完全無分別，而且十分厚切咬落外層香脆，仲有肉汁而意大利咖喱調味相當到位裡面仲加入雜菇，增加口感ꔐ青檸話梅咖啡湯力（原價$48/餐配可減12元）入口先是咖啡香濃，再來是過話梅的酸攪拌飲又是另一種感覺很適合夏天飲用ꔐ斯里蘭卡伯爵茶（餐配）茶香幾濃，但始終是冰茶，沒飲管有點小不慣

朋友話呢間素食cafe好好味 所以同左佢地去荃灣分店食🥰呢間分店裝修好靚 好有少女感💗粉紅色加白色既主色調令人感覺舒服💗🤍▫️咖哩豬扒意大利飯豬扒係新豬肉嚟😆個口感又真係幾似豬肉🤣🤣🤣▫️不可能肉醬意大利粉呢個係3個入面最好食😋個調味好開胃😚❤️▫️經典漢堡包🍔個包賣相好靚🤪不過朋友話個牛肉唔太似🤣🤣🤣🤣🤣個人認為如果想食素食 呢間都係幾好既選擇 啲食物款式都好新穎 味道都唔錯😊😊😊

⌂ 荃灣素年 荃灣三陂坊20號地舖星期一至日 12：00 - 22：00·照燒茄子茶漬飯 · 照燒野菜串燒· 焗椰菜花配腐乳鷹嘴豆泥 · 絹豆腐豆乳忌廉柚子蛋糕· 海鹽焦糖朱古力伯爵茶撻· 苦瓜蘋果梳打𖧷 有加一，最低消費一款正價食物或甜品𖧷 只收現金/八達通𖧷 限時90分鐘︶︶꒦꒷‧˚₊៸៸﹕︶꒷꒦︶꒷꒦︶︶꒦꒷‧˚₊ ៸៸︶︶꒦꒷‧˚₊៸៸﹕︶꒷꒦︶꒷꒦︶︶꒦꒷‧˚₊ ៸៸*･゜原來素食都可以好好食？゜･*平時食得太多肉想試下健康清新之選? 相信講起素食餐廳大家都聽過素年！ 一直都好想試呢間Cafe 睇下佢係點樣改變大家對素食嘅刻板印象！今日就同媽咪到訪荃灣分店，帶媽咪食好啲!餐廳裝修以粉紅色同簡約為主，座位同座位之間分得好開，坐得好舒服。而且又有落地玻璃！全面嘅光可以照入嚟，照多啲陽光心情都靚啲啦٩(ü)ว٩(ü)ว值得一讚嘅係店員嘅服務態度勁好!! 勁熱心幫我地斟水xddd 總括嚟講，食物質素好好又影相影到好靚! 會再嚟幫襯架！聽講佢地嘅Menu 成日都會轉～ 等下次嚟試下新嘅嘢食先！！( ᐡ• ·̫ •ᐡ)و♡︶︶꒦꒷‧˚₊៸៸﹕︶꒷꒦︶꒷꒦︶︶꒦꒷‧˚₊ ៸៸๑ 照燒茄子茶漬

小編💁🏻‍♀️琴日戚起條筋，想食得健康啲，就去咗呢間素食🥗 @years.hk 餐廳。叫咗一個黃薑椰菜花飯同埋一個茶漬飯，加埋一個墨西哥🇲🇽片同牛油果🥑。味道好，服務好再加上佢哋定期都會轉餐牌，所以我都係會定期返去幫襯。今日食嗰個茶漬飯嘅錢塞嗰個桂花蕃茄仔非常新鮮，而且有談談桂花香，推介。 🏠 years 📍Tsuen wan 味道: ⭐️⭐️ ⭐️⭐️打卡位: ⭐️⭐️ ⭐️⭐️環境: ⭐️⭐️⭐️ ⭐️服務: ⭐️⭐️⭐️⭐️價錢：🤑

朋友聚會，經過討論後決定食素年。幾年前係深水埗返工，已經食過好幾次，真係難得水準keep到既素食店。荃灣店第一次試，經過重重既大排檔，終於搵到！😅點左兩主食、三小食$88 我既最愛🇹🇭冬蔭意⼤利飯🤤⾦不換 | ⾞厘茄 | 泰茄⼦ | 蘆筍 | 秀珍菇分量大、味道十足、偏辣既，但我至愛！$98🍝 不可能⾁醬意⼤利粉不可能⾁醬 | 番茄 | ⾃家製巴⾺⾂芝士勁多肉醬、意粉靭度剛好$58 🌮 ⽜油果酸忌廉冬蔭墨⻄哥脆⽚牛油果🥑醬 + 酸忌廉醬足夠點晒全部脆片小食之選+$36 🍟 台式甘梅炸蕃薯條蕃薯🍠條夠粗、輕甜、面上有甘梅粉，味道很夾+$36 🍡 照燒野菜串燒燒得夠淋、味道不錯！+$30 Ice cappuccino +$32 🍵 Matcha chocolate🍮 海鹽焦糖朱古力伯爵茶撻朱古力撻皮夠脆、淡淡伯爵茶香加埋cream同朱古力碎口感更豐富，最正係一d都唔甜！總結地點有點難搵、坐位舒服、分量十足，味道出色、素食來說價錢偏平、服務唔錯、素食好選擇！👍🏻

同朋友食晚飯，好在提早book 咗枱，入座之後都好多人，全場爆晒，環境燈光光猛而且枱同枱之間都好鬆動。蕃薯條配黑松露純素蛋黃醬$68，蕃薯條好香脆，唔係硬脆果種配上蛋黄醬真係食到停唔到口。另外叫咗不可能burger ，但無影到相，食落真係好似真肉咁 好好味😋

素年位於繁華的荃灣三陂坊，裡面的環境非常乾淨舒適。Impossible肉醬意粉, 採用了由植物製成美味的素肉醬代替了豬肉醬。再加上蕃茄醬和自家製的巴馬臣芝士，濃郁的醬汁，入口即化，讓人感到非常舒適和滿足。芝士非常有特色，它擁有濃郁的香氣和獨特的口感，可以為這道菜式增添更多層次的風味，味道非常濃郁美味，讓人一口接一口。對於素食者來說，這道菜品絕對是一個驚喜，不僅健康，還非常美味。如果您正在尋找一家舒適、乾淨的素食餐廳，這家餐廳絕對值得一試！

Green Monday 同阿媽去食返個素菜午餐先，素年之前喺紅磡食過，荃灣都有分店，近近地落去食返個肉醬意粉喺繁忙嘅荃灣鬧市，入咗一間文清餐廳，感覺非常之平靜舒服午餐有好多選擇，沙律、意大利飯、意粉、漢堡包不可能肉醬意粉，呢個係我嘅首選，基本上同平時嘅肉醬意粉冇乜分別，而且意粉堅韌度做得剛剛好，唔會軟淋淋，味道豐富川辣麻辣芫荽意大利粉，估唔到呢個意粉咁惹味，少少辣少少麻芫荽帶出成個風味，為咗佢我會成日嚟斯里蘭卡伯爵茶（凍）茶味香濃嘆埋杯朱古力咖啡，唔會太甜，聽住音樂優哉游哉

📝滿街都係大排檔嘅荃灣三陂坊，周圍環境非常熱鬧，但當中有一間非常清新嘅素食小店「素年」，「素年」主打新派素菜，一人份最平$88有交易👍🥢焗椰菜花配腐乳鷹嘴豆泥圖中份是以$36追加，份量比預期多，口味配搭新穎，但又出奇地夾，酸酸哋嘅腐乳鷹嘴豆泥開胃，適合作餐前小食🥢日式咖喱吉列豬扒意大利飯咖喱意大利飯加入了蕃茄、雞髀菇、蘆筍、蘋果，Risotto煮得剛好，口感軟稔中帶點煙韌，新豬肉吉列豬扒🐖外層金黃鬆脆，肉質香嫩多汁🥢川味麻辣芫荽意大利粉鐘意食芫荽一定唔可以錯過，加入了蟲草花、甘荀絲、豆卜等，炒過嘅意粉彈牙而吸收了濃濃嘅川味醬汁，辣度適中，再灑上大量芫荽，味道令人食欲大增🚩素年📍三陂坊20號地舖#荃灣美食📌「素年」打破了小妹對素食既有嘅刻板印象，菜式設計新穎有心思，主食大概十多款定期更新，小食&甜品亦有驚喜，飲品種類選擇多，玄米茶👍推薦😋

估唔到素食餐廳都可以咁好食🤭呢個餐廳隱藏咗喺一堆大排檔隔離，估佢唔到其他美食當下佢都要排隊45分鐘不過絕對值得個三文魚茶漬飯($88+$30), 以為分量細細地，點知都好夠飽👍🏻偽三文魚質感有啲似啫喱，但係好食另外仲叫咗兩個小食, 番薯薯條> 推介，上面梅子粉加鮮炸番薯條，你平時嘅薯條更加正😍兩鷹嘴豆椰菜花> 呢個有啲失色, 可以唔使食 基本上來講，絕對有回頭率! 美中不足係餐廳搜狗點半，9pm已經開始餐廳清潔，好大浸消毒藥水味，但係嗰陣時大家都未食完🥲

相信人人都知甜品是女人第二個胃，原來對小朋友亦不例外，哈哈。因為早幾天和牙晴一起外出用膳，飯後我們還去了一間有主菜有甜點的餐廳。而且飲品比較特別，有別於我們平時飲的朱古力凍奶茶熱杏霜，所以我們去了素年。地方乾淨企理，有文青感覺的一間餐廳。餐廳色調溫和，主以粉白淡啡為裝修和枱櫈顏色，感覺舒適自然。香蕉合桃布朗尼$58 香蕉上面有一層焦糖，而且有一定厚度，所以食下去有兩種感覺，第一種是軟身的香蕉，第二種是硬脆的焦糖薄片。合桃布朗尼分量十足，不但每一口都食到有合桃粒 ，布朗尼裏面的朱古力成份濃郁，滋味在心頭。抹茶燕麥奶$44 平時外出用餐都只是見到抹茶，我今次見到有抹茶燕麥奶一定要試一試。抹茶加燕麥都幾特別，記保留了抹茶的撲鼻香醇，還有輕微的燕麥奶味道，兩者配合原來都幾夾。士多啤梨大黄燕麥奶$50 這杯士多啤梨特飲，簡直是牙晴至愛，未飲之前的淡粉紅色賣相，已經吸引着牙晴。一啖飲下去，她說有很多士多啤梨味，應該是指士多啤梨濃郁，哈哈。