糧友パン工房

營業中

休息中

前日(8-10-2017 Sun)同老公o係荃灣廣場搵o野食時,行經呢間,嗅到香噴噴o既味道,我o地o係魚河岸食完o野後,老公話行o黎睇吓,買多個麵包食.佢見到$13.00造型似餃子,名叫月島軟心芝士餃子o既包,就決定要呢個.而我見到$12.00,造型似櫻花o既櫻之紅豆盛,都心郁郁要.買完搵個地方坐低食,我o地先食月島軟心芝士餃子, 軟心芝士鹹淡適中,成個包口感亦正常,唔錯.之後到櫻之紅豆盛,面o個粒應該係櫻花,我掰o黎食吓,係,係鹽漬櫻花,味道除o左鹹之外就係酸,有啲似酸梅味.然後到返個包,紅豆餡都幾豐盛,食落,外皮脆脆地,包身唔算好軟熟, 紅豆餡又係甜度適中,都OK o既.老公就形容為紅豆菠蘿包.

小心選擇以免中伏💢糧友出既抹茶黑豆包同八女抹茶菠蘿我覺得係唔錯既, 不過呢近排出既抹茶product 係有D 嚇親人。1. 抹茶麻糬波波, 聞落茶味超香精, 食落質地好淋, 一啖之後要送入地獄系列2. 特濃抹茶餃子, 本身個餃子同朱古力version 係幾好食, 諗住可以一試點知呢個個醬係杰到一個點而且茶味極奇怪, 又一嚇人之作3. 抹茶紅黑達人,如果呢個只係黑豆會好好多

25/9/2017晚上同女友係荃灣行街 行到荃灣廣場一間 「糧友パン工房 Ryoyu Bakery Studio」自己是睇一次見到依個牌子原來已經係2013年進駐荃灣店舖裏面到處都是買麵包港式麵包就食得多 今次就試吓號稱九洲最大型既面包自己買了四款麵包紫薯一丁目🔽 評分（ 8 / 10 ）裡面餡料全部都是紫薯茸 甜而不膩 入口鬆軟藍莓芝士餃子🔽 評分 （ 9 / 10 ）自己最愛的麵包其中一種外型似餃子 紫色代替外面餃子皮 有心思裡面就厲害了 藍莓同紅豆綜合而成的餡料入口非常之滑 不甜又不膩 馬里蘇芝士仔 🔽 評分 （ 6 / 10 ）未食之前諗緊芝士仔係邊 原來係麵包入面作為餡料外層一片肉鬆粒 入口增加口感 裡面芝士仔一粒粒 芝士味濃度岩岩好 不甜不鹹八女抺茶黑豆 🔽 評分 （ 7 / 10 ）外表睇已經見到一點點黑豆分佈整個麵包混合抺茶粉整成既麵包 估唔到入口都好鬆軟而且仲食到黑豆同麵包本身既麥香味味道好平均 值得推介

宜家d麵包越來越貴, 去美心買,一般都成$8-$10左右一個, 有時仲食完唔飽。o個日去荃灣發現呢間麵包店, 價錢唔貴, 同美心差唔多。而且仲有好多款揀, 仲要係日本麵包一買買左唔少- 櫻花紅豆包- 正! 好特別! 甜甜地又多紅豆! 粉紅色仲好靚tim朱古力三重奏- 朱古力流心餡夠香濃皇冠朱古力冬甩- 有點硬, 不過味道唔錯!抺茶餃子- 抺茶重, 但唔會太甜!蟹棒米燒- 偏細, 不過好味! 價錢合理又好味,係唔錯既麵包店選擇!

仲記得對上一次食係7月份，點知未夠一個月又被吸引了🤤門口有logo之外仲有好大隻公仔🙈試咗上次好想食嘅 櫻之紅豆盛($12)，外表唔錯，除咗包形似櫻花之外，仲加入咗百力滋，中間仲貌似有朵鹽漬櫻花🙈雖然中間嘅紅豆餡唔會過甜，但餡嘅數量略少😢另外食咗個 熊本夏日之蜜瓜($16)，同之前食過嘅日式菠蘿烙好相似，都係個面脆脆哋😛唔同嘅應該係呢個有蜜瓜餡，但食落口味道有點假😣仲有 棒子腸($13)，出奇哋唔會有太多麵包糠，麵包嘅質感較少見，類似千層麵包咁🙈最後食埋個 戚風(蜂蜜)$18，咬落去有淡淡嘅蜂蜜味，不過可能因為鬆軟嘅關係所以食完好似冇食過咁，但真係好好食👅真係好軟綿綿嫁

日式菠蘿烙$8去過日本的朋友大概都會知道，日本人很喜歡吃哈蜜瓜包，不論在便利店，還是在麵包店，也有很多哈密瓜包出售。當中東京淺草花月堂的哈蜜瓜包令我念不忘, 日式哈密瓜包像香港的菠蘿包，表面都介上十字，形成格仔圓案。麵包拿起手，已聞到一陣陣甜蜜的味道。菠蘿皮微硬香脆，甜蜜可囗，內裡包身鬆軟，非常好吃哦

21/07/2017呢間包店既各款包都好吸引呀隨便夾左個新鮮出爐既抹茶餃子？身為抹茶控既我就好食苦澀回甘既抹茶甜既抹茶就唔洗預我加左野既更加唔洗預我呢個抹茶包唔大 $12全部都係抹茶餡食落去就幾滑 有回甘 唔甜 少少苦味但如果可以再苦少少咁就會好正但呢個都係個人口味啦可能作為一個包來說甜啲大眾化啲會好啲既haha但係整體來說 $12呢個質素已經唔錯有機會要再買下佢啲紫薯//黃薯個啲2:30呢個時間都幾多人買包排隊都排左一陣🤣🤣🤣最後我係冇影到相既 唯有用呢張相扮下野咁啦 哈哈

麵包美感學🥖🥐🍞應該係細個睇'日式麵包王'太多,對於🇯🇵麵包充滿着無限嘅幻想😂覺得呢個漩窩好有美感,所以買左🙈唔似菠蘿包既抹茶菠蘿包,其實日式麵包真係好好食🤤🤤呢間尤其好鬆軟👍🏻

The bakery here is so good that I can buy a whole loaf and have it for dinner.As usual I got the fruit loaf and got three other items I have not tried before.The maple bagel was really good, it was chewy with maple syrup in the middle and the donut was soft and sweet.

看完"PET PET當家"見到D狗仔食香腸食得咁開心,一行出戲院就覺得好肚餓,經過面包店見到好多人在買包,加上芝士撻新鮮出爐,難得遇上新鮮出爐就當然要食啦~~哈哈, 新鮮出爐的芒果芝士撻,重未放上架上就已經急不及待係收銀處ORDER定先, 好怕一下子就無哂~~食一啖先, 熱呼呼軟棉棉的, 帶酸的芝士味, 撻底鬆化, 基本上食3-4啖就食完, 不過未食前貪得意試新味,食完個人較喜歡原味個種簡單濃郁的芝士味多D本身好喜歡食朱古力,見到呢個脹卜卜的朱古力餃子包就覺得好可愛, 買來試下啦~~咬一啖先, WOWWWWWWW, 脹卜卜包內有好多好多好多朱古力,真材實料 呢個包如果由不喜歡食咁多朱古力的朋友食可能會覺得太肥太"漏",但喜歡朱古力的人就會覺得好正啦~~~ 咬落去真係啖啖都係朱古力, 而且不會太甜, GOOD咁多朱古力都係$12一個包, 抵食啦~~簡簡單單就醫好個肚可以繼續行街啦~~~

朱古力忌廉卷，係個卷面頭加左d糖粉，味道比較甜，好有香濃嘅朱古力味，忌廉十足。咬落去, d忌廉流曬出嚟，真係有d甜！切出嚟share嚟食幾好，切細啲會好d，不過啲忌廉都好甜。

月島軟心芝士餃子 ＄12芝士份量無相像中咁澎拜，但算幾多芝士餡，咬落係咸香為主既芝士味🧀有d似卡夫芝士😈個包都幾鬆軟，但食完有d頂胃既感覺一一一一一一一一一一一一一一一一特濃朱古力餃子 $12味道相對較少驚喜，勝在朱古力甜而不膩🍫，都係芝士正d

早餐黎個"特濃朱古力軟心餃子" 麵包好好好好軟熟 而且入面滿滿朱古力醬 重要既係朱古力醬香濃不太甜 賣相好可愛 size都差唔多有手掌咁大 下次會想試埋佢既芝士味 ！

日本月島半熟芝士撻 Japan tsukisima soft center cheese tart由日本直送月島芝士乳酪焗製而成的「半熟芝士撻」,入面有1.)日本乳酪 2.)忌廉芝士 同 3.)檸檬 其實佢個味都似Bake果間架（我自已覺得）! 流心程度同佢亦差不多! 如果你唔係著重撻皮的話因為佢個撻皮其實幾鬆散! 一拎上手就會散哂之後再嗌多左個三重芝士味的...1.)日本乳酪 2.)忌廉芝士  3.)檸檬 同埋加多左2樣 4.)車打芝士 5.)巴馬臣芝士嗯,,,都係唔好擔心...去食三重芝士....因為真係好濟....食半個就KO自己同埋其實食唔出巴馬臣芝士同車打芝士味...咁當然佢一定有放到落去個撻到既..但比忌廉芝士蓋過哂陣味...哈哈....

逛完一田, 被旁邊麵包店的半熟芝士撻廣告牌所吸引, 介紹說是運用了來自日本的月島軟心芝士, 可惜芝士撻已賣完。  臨離開之際, 看見麵包櫃裏擺放了一隻隻大餃子, 再細讀膠牌原來它也運用了月島軟心芝士, 哈哈 ... 終於可以嚐嚐了!月島軟心芝士餃子 $12餃子飽滿, 以為是很墜手, 怎知道原來是輕輕的, 吃著是濕潤兼帶軟綿綿, 因為是湯種麵包。月島軟心芝士很奶滑, 芝士味道會似笑牛牌的原味芝士, 濃得來有點甜味, 的確與入口柔軟的餃子包包很夾味。