米線陣

營業中

休息中

中午時間過來通常都滿座。心大心細樣樣都想食，通常我都叫呢個特盛米線。我個人覺得蕃茄湯比豬骨湯好味道，蕃茄湯加配料的辣肉醬，少少辣味更夠味。這一大碗足夠一位小童加一位女士食，十分抵食。

成日都食米線，今次嚟到米線陣食，我覺得佢嘅特色之處就係有麻辣蕃茄湯底，麻辣辣得恰到好處，加上蕃茄酸酸甜甜，非常開胃！今次我哋order咗肥牛麻辣蕃茄烏冬，烏冬軟硬適中，口感彈牙，肥牛份量正常，整體亦不錯。

好耐冇嚟過米線陣食嘢，今日行過樂富就入去試吓。一入到去侍應嘅反應，都幾熱情，大圍之後呢枱面上面已經有張QR code俾我哋自助落單，有幾方便。睇咗一陣之後呢決定叫咗個金錢肚麻辣米線，再加個大漢雞髀菇同埋青檸薏米水做套餐。總共係$63。麻辣湯底米線好香，夾埋芫荽味，好好食，個味道唔係出面食得到，尤其鍾意芫荽香味嘅人應該會特別喜愛。杯薏米水薏米青檸同埋糖漿嘅配搭均勻，味道正常。大汗雞髀菇初頭食有啲鹹，送住啲米線同埋薏米水食食吓又OK。總括嚟講米線幾好食，價錢都合理。

味道好好吃！！🙌終於有一家米線味道是OK的了！！🙀之前嘗試了譚仔……就很一般啊也有可能是當時點的外賣的情況，米線陣的味道感覺真的不錯喲 點的麻辣番茄下次去試試別的口味

晚上放工普普通通食餐米線啦，wechat消費券里有得領取呢間鋪頭的優惠券，滿100送份大汗豬扒，講真，大汗豬扒都幾好食，因為滴辣椒粉又好食。其他就係普通的米線甘，好似無咩特別。btw，檸檬茶的茶底好有茶味。

Lunch time早一步到所以好彩唔洗排隊就已經有得入特盛米線 -54再加錢轉香濃擔擔麵湯底 -4叫特盛係因為可以唔洗諗要啲咩餸岩晒有選擇困難症嘅人🤣入面有美國肥牛，手打豬肉丸，鹵水雞翼，魚腐，雲耳同鮮金菇食米線個感覺係健康啲嘅🤣雖然呢個湯底應該好肥😂😂不過夠晒濃郁好豐厚嘅感覺魚腐都幾OK不過個湯有個位扣晒分😵‍💫😵‍💫但都已經食到尾所以無特別同啲店員講淨係希望佢哋嘅衛生情況可以改善一下🫠

上環分店職員，當個個客食緊野的時候在旁邊有個職員不斷掃地地下D塵飛晒上半空，現場所有職員都沒有提醒他，究竟一間食店有冇注重食物衛生，這裏已經很明顯，不會再光顧。

米線陣米線陣我由中學識到而家出嚟做嘢，連鎖米線店來講，感覺唔錯偏向好食，份量多。仲記得大學嗰陣出示學生證，會送埋熱飲添啊🙈好抵食。間唔中佢會出特飲，青瓜豆漿我到依家都仲記得，$40幾蚊已好豐富。印象中佢個酸辣湯底幾好味，今日食麻辣蕃茄湯，幾好食，唔會太甜。淡淡蕃茄味，加上少少辣嘅感覺，有層次，唔會好dry。餸方面叫左雲吞同牛展，雲呑大大粒，入面有新鮮蝦，唔會hea你。牛展入味，唔會太un，有咬口，整體都ok

米線控既我，最愛食酸酸辣辣既米線😋😋，呢間集團式既米線陣，平時好少食，因為成日覺得有更好選擇😊。不過今日因為買左大家樂coupon ，當中附送左米線陣coupon ，食夠$100可以減$20 ，所以就試下order 兩人餐。兩人餐 $138 好多選擇，分別可以叫兩碗兩餸米線，加$可以要其他湯底。仲有一款小食，一個冬菇蘿蔔，兩杯野飲。好豐富😋😋😋。我當然要左酸辣湯底+豬軟骨同牛肚，湯底夠酸😊，不過唔夠香，但都好惹味。米線偏淋，牛肚唔錯，爽口又唔 韌，豬軟骨就一般😅，鞋左少少。雞翼雲吞蕃茄湯米線，蕃茄湯幾好味，酸酸甜甜同米線好夾😋，D餸就正常無咩特別。指定既 冬菇蘿蔔，冬菇夠入味，蘿蔔就硬左D。有幾款小食可以選擇，我地揀左京醬雞球，個汁好味，好似咕嚕肉嗰個汁，不過雞球炸得有D硬，差D咬爛D牙😂😂。埋單減左coupon $127，真係平到笑😉。總括味道係唔錯既，不過有D食物煮得過火，令到硬左。但有咁多選擇又咁多野食，真係好滿足😍。

服務好評，唔小心倒瀉左杯野，我都未反應的切，職員就俾左d 紙巾我同安排換位，之後仲補返杯野飲d 野食唔太濃，唔覺有味精，味道唔錯，分量足夠，價錢合理整體比其他米線舖好

2020年10月中本人光顧該店米線，碗杯數量其實是比較適合以兩個袋分裝，唯當時仍是以一袋合裝。亦因多於一個碗疊起的緣故，其中一個因為碗蓋蓋不緊而塌下，導致上面另一個碗亦有傾斜。因此，部分湯汁開始漏出，雖然未造成燙傷，但手部相應位置被熱力灼紅。本人曾至該分店反映問題，唯一位職員態度甚劣，除否認碗蓋有可能不緊，又質問既然認為兩個袋比較合適何以當時不提出，更甚者嬉皮笑臉指「你地女人皮膚敏感啲姐」。態度之無禮以致其他正在排隊的女食客都為之不肖。本人隨後致電尋找店長，覆述問題後發現，接聽電話的同樣是該職員，本人要求向管理層投訴被拒，指「唔係你話想點就點」。對方多番出言反駁甚至侮辱，不斷以「熱少少就根本唔需要咁大意見」，「女人掩尖啲我明」，「你呢啲根本唔係意見而係歪理」，「你買野唔代表你啱曬」，「你可以去同電視台講」等等來冷嘲熱諷。而重點是，本人根本尚未提出過有關任何責任問題，事實上本人亦覺得皮膚熱紅並沒有什麼大不了，但對方則不斷發大來講，肆意營造本人要求苛刻。請問多兩個碗分開兩個袋很離譜嗎？請問把碗蓋蓋緊並且double check的要求過高嗎？然而該公司10月19日收到電郵不予回覆，本人10月

叫咗個酸辣（最小辣）米線，配料有炆冬菇同魚腐。冬菇夠嫩滑，但魚腐似炸魚片咁。多啲酸菜會好啲。另外加杯凍奶茶，比咗支木棒嚟攪拌，但就冇比吸管。問侍應先比支紙飲管。其實好多餘，點解唔一開始就比紙吸管？變咗嘥咗支木棒！加咗小食青瓜皮蛋，青瓜冇醃過咁，似係切碎再淋汁上去，所以青瓜只有青瓜味，同醬汁混和唔到。皮蛋一般，唔係流心果種。檸蜜雞翼鮮炸熱辣辣，甜甜酸酸好味道。手機落單方便，埋單要去收銀處比錢，唔係app落單時比埋。

除咗譚仔之外，我亦都係米線真嘅常客。每次嚟到一定會嗌麻辣番茄湯配肥牛同餃子🥟😁🤪一定唔少得嘅就係大汗豬扒啦！豬扒上面超多辣粉，味道好刺激好正！而且豬扒一啲都唔韌😇炸完仲好鬆脆！好好食😋而且麻辣蕃茄湯好足料，真係有粒粒蕃茄肉喺度，蕃茄味好龍肉，其他配料亦都唔貴，唔夠食可以再加餸😛

我不是很吃得辣的人，所以麻辣火鍋，米線是從未試過的，今天到樂富，早餐又未食，於是提早11時許就食午餐，最後選擇了米線陣，有午市套餐58元起，包括一款餸，一碗米線或飯，三選一小食，和一杯熱飲，我想食豐富些，所以 揀了一碗肥牛魚腐麻茄米線，小食揀了檸檬蜜糖雞翼和凍檸檬茶，我竟然揀了麻茄湯底，雖然是小辣，但對我來說是一個大挑戰，米線上枱後，先嘗湯頭，入口是酸甜的蕃茄湯，跟著嘗到辣味，再飲一湯匙，仍感覺不到麻辣，當繼續食的時候，嘴唇不知不覺的感到麻麻燙燙，原來感覺是這樣的，如果是大辣一定很刺激，這碗米線比我預期更滿意，魚腐彈牙，肥牛亦不是只有肥膏反之肉比脂肪多，我最滿意是檸檬蜜糖雞翼，外皮炸得香脆，加上檸檬蜜糖汁，很滋味，又可以中和米線的辣味。

今天晚上路經未缐陣，與先生一起可米線晚餐！米線一直是我喜歡吃的食物之一，今次試大汗系列菜式，刺激味蕾過足口癮！大汗系列的以海、陸、空為題，配上蒜頭、辣椒等風沙材料，有大汗豬扒擔擔米線、大汗魷魚鬚麻辣米線及大汗霸氣雞扒蕃茄米線。我們點的魷魚鬚非常大條好味，而且彈牙！而豬扒入口酥脆惹味，肉質鮮嫰，配合香濃湯底，讓人停不了口！兩杯特飲激檸雪碧及海鹽柚子雪碧，相當解渴好味，我特別喜歡激檸雪碧。另外兩款小食皮蛋青瓜及醉雞翼也非常色入味。