章記香港仔魚蛋王 (已結業)

再黎左食章記，今次叫左牛腩麵，$29。牛腩好淋，有牛味，都幾多舊下，份量ok。成碗麵黎講我覺得份量一般，我好細食，食晒都係覺得啱啱好，可能大食啲嘅男士就唔夠食啦。等左3分鐘就有得食，快趣。

今日嚟咗章記既香港仔魚蛋王，既然係魚蛋王我就嗌左碗魚蛋麵。湯底好淡，冇乜味，要來好多醋先食得開胃啲。魚蛋都唔錯，彈牙。啲面都唔錯，唔會太淋，有咬口。價錢唔算貴，月尾嚟食就啱啦。

牛雜米線（$28）每次嚟到我幾乎都係獨沽一味叫牛雜米線，因為呢度真係整得幾好食。試過去過好多其他店舖叫牛雜粉，都會有一種怪怪地嘅味，呢間就絕對唔會。啲料好新鮮而且件件都大大件，$28有咁嘅質素，我覺得相當唔錯。

入到去叫野食落錯單 唔緊要 但不停叫我轉食佢落錯既野 ...話唔想又要叫人轉轉轉 跟住每講一句都串住哂 諗番起都嬲 番到屋企野食又唔好食 魚麵好怪 個湯底又冇乜味 又唔係抵食 40幾得細細碗 如果唔係咁夜得番佢未收鋪真係唔會選擇唔會再幫襯

食晚飯前覺得有少少肚餓，走咗去屋企附近一間香港仔魚蛋就叫咗碗豬肉丸魚蛋河粉配腐乳通菜醫肚，豬肉丸彈牙爽口，不過d湯底略為淡左小小，但價錢都不會太貴，叫左兩樣都係$36。

尋晚食咗碗牛腩魚麵40蚊，牛腩OK，但係魚麵就好難食，難食在於毫無魚味、又硬又韌，好彩魚麵嘅份量唔多，如果唔係都好難捱。試過咁多間魚麵，這間可算是最難食，早知29蚊食碗普通牛腩麵好過。

去左旅行冇番黎香港一排, 其實都幾掛住香港d 特式美食, 牛腩絕對係其中一樣放完長假放工行過呢檔粉麵, 離遠已經聞到好香濃既牛腩味, 即刻諗都唔諗就衝左入去, 當然係叫至愛既牛腩河啦牛腩肥瘦適中, 河粉又滑又夠薄身, 好正配埋個油菜+熱飲, 咁至夠香港風味

去紅磡開會前，先去食早餐，已對港式早餐好膩，所以去食粉麵，呢間比較近！門口大大張宣傳招牌！黑底金字招牌，門口一半係淥麵區，店內茶餐廳格局！近牆附近位置都放咗啲店內用品紙箱，感覺比較雜亂！一張小圓枱坐低，店員姨姨係即刻問食乜嘢！心唸比少許時間睇下餐牌得唔得？咁佢態度都無嘢嘅！係心急啲啫！魚蛋河（$28）叫了多蔥都係一匙！應該無多到！魚蛋唔算彈，無乜魚味，魚片太薄，無口感，河粉幾滑！湯底淡！無乜味！一般潮州四寶麵（$33）同事食凍豆漿：微微冰涼！豆味一般，幸好唔會過甜！熱咖啡：同事話超難飲！好奶水又無咖啡甘香！中伏食物認真一般！店員姨姨除了落單急以外，其他時間都悠悠閒閒的！粉麵只可以話ok!

返工咁辛苦，放咗工梗係要獎勵下自己啦，同朋友就走咗黎紅磡食魚蛋粉，因為夠曬平靚正，依家香港物價咁高，平時都要搵下啲可以慳下錢既餐廳呢講起魚蛋粉，香港仔魚蛋粉應該係唔少香港人心目中既首要同至愛，分店都多，港九新界都有，方便易搵叫咗一碗牛腩河，牛腩切開每一舊既大小相若，肥瘦適中，淋得黎都好入味，河粉唔使講係爽口幼滑，絕配加咗一碟腐乳通菜，新鮮爽口，其他仲有生菜，白菜，菜心可揀，通菜就梗係搭腐乳啦加枝細可樂，飽曬。

我曾經係紅磡住了十多年，後來搬到土瓜灣居住，今天約了牙醫洗牙，又回來到紅磡。自從馬頭圍道塌樓之後，很多新樓在興建中，可能好久沒有回來，很多地方都變了，連之前食肆都面目全非，在途中發現了這間魚蛋舖，居然還存在，當然要幫襯下。香港人真係好識做生意，明明唔係係香港仔做，叫香港仔魚蛋，仲有分乜記、乜記。如果外地人梗以為係來自香港仔😂😂呢度魚蛋我食過，魚旦係每日新鮮在後面工場做，好有魚味而且彈牙，而我今日就要了牛腩河，牛腩好腍，炆得好入味，雖然唔可以同出名的牛腩相比，可是已經不錯了，連辣椒油都是潮州造法，好香少辣。👍👍

在紅磡住了十幾年，如果早上起床，都會到這裡吃早餐，呢度冇麵包、多士，只有麵食，如：牛丸，魚旦，牛腩⋯⋯包一杯飲品都係＄26。我就喜歡點牛腩河多蔥，這裡的牛腩冇分爽腩，坑腩，一切就要看緣份了，就係因為咁，所以先有驚喜。

呢到既魚蛋真心冇得頂，完全冇周街其他香港仔果啲行貨魚蛋果種死實實、假彈牙，最重要係有鮮魚味，一啲都唔粉(最怕果啲落粉魚蛋...)相信用料就算唔十足都九足另外重點要試炸魚皮，係其他鋪都唔食唯獨是呢到先會食，厚身加上香脆，一試難忘。仲記得舊年冬天打親邊爐都專登買返包返去同屋企人嘆

紅磡區做完嘢，又喺午後之輕食時間！一向鐘意食中式粉麵嘅我，見方便就搵間麵舖試吓啦！唔知食乜，牛腩粗一定無死！而且想試吓個師傅功力，試吓個牛腩得唔得就知！姐姐一擺上枱，第一個感覺喺「嘩，駛唔駛咁大碗呀？我冇叫加底喎！而且都好多牛腩喎！」試咗幾舊牛腩，用上清湯腩嘅做法，味道唔會太鹹，而且都算幾健康！肉質都幾好，有口感，唔會做得太淋！麵底真喺好多！26蚊真喺超抵食！

一直有用開openrice 但就第一次寫食評 我今日食lunch 同fd去穩野食 捻唔到食咩 然後我地經過佐章記 我就捻起我上次食過一次 然後介紹比距地 我點佐個牛雜河 fd各點鮮蝦雲吞同埋墨魚丸麵 估唔到個速度可以咁快 而且仲送包辣椒醬 陣味好香 我fd話我冇介紹錯d墨魚丸好脆湯幾香下總之就都ok啦今次冇影相 因為外賣係學校食噶唔係好貴咋

今日好想食章記香港仔魚蛋王又懶落街,只好叫外賣.叫左:牛什飯,墨魚卷米粉牛什飯$31送紫菜湯:牛什炆得好淋夠入味唔太肥,可能外賣關係有小小凍左,紫菜湯味道都可以,但有沙,不過份量比堂食細左D.墨魚卷米粉$28:墨魚卷爽滑彈牙,米粉份量唔小.整體:食品都可以,但總係覺得堂食會好D.