穴壽司 (形點 I)

營業中

休息中

元朗好多嘢食，不過要想搵一間又舒服，食物質素有保證嘅日本菜，真係要去返穴了。基本上任何菜式都可以無腦選擇，好少出現唔好味嘅情況。尤其鍾意佢個三文魚腩，既肥厚，油脂又足夠，食到大家舔舔脷。牡丹蝦都好鮮甜，令人開胃。是日特色是來了北海道海膽，跟加拿大海膽作對比，海膽味更突出，且沒有腥味。唯一一道熱食蟹肉帶子炒飯也沒有令人失望，粒粒鮮明的飯粒炒得均勻，大贊。🥢特上刺身拼盤牡丹蝦｜油甘魚｜帆立貝｜鯛魚｜鰤魚｜三文魚腩｜加拿大海膽｜吞拿魚腩｜三文魚籽🥢牛油果軟殼蟹卷（6pcs)🥢蟹肉帶子炒飯🥢北海道海膽

三兩知己相約晚膳，估唔到無咩人，可以直入。環境幾好，可惜坐嘅位置靠近商場，扣少少分。所有叫嘅品項都好唔錯。❗️和牛壽喜燒叫咗個貴啲嘅壽喜燒，但冇失望！牛嘅質地好好，味道濃，而材料都唔差，3個人分每人都可以食到兩塊肉。❗️特選壽司3個人分唔係每款都可以食，但刺身新鮮❗️串燒醬汁不錯，不過幾個人分就梗係唔夠如果想有個有保證嘅日式料理，會係一個唔錯嘅選擇。不過預埋單都要3／4百蚊整體評分：（滿分5分）味道：⭐️⭐️⭐️⭐️⭐️環境：⭐️⭐️⭐️⭐️推薦：⭐️⭐️⭐️⭐️⭐️

今日去左穴壽司食飯. 有好多款唔同套餐可以選擇. 有烏冬 有燒物 炸物 刺身 刺身飯 串燒而我最愛既都係刺身飯. 刺身新鮮. 成個餐有前菜. 湯. 甜品. 埋單$250有找. 穴壽司都算係唔錯既選擇

呢間食過堂食，食物質素很不錯，然後睇到佢外賣呢個價錢真係好吸引🤩外賣6折，真係好抵食！海膽好鮮甜，壽司上面嘅魚生新鮮夠冧，佢嘅壽司飯都好好食😋！當日外賣仲有送湯品，不錯！

薯絲蝦佐蛋黃他他醬，賣相一流，之前就是給他的賣相吸引過來吃的，果然好好食，很可口，裏面的蝦也很新鮮好吃，啖啖蝦肉；而外面要捲着薯絲再拎去炸，好考功夫呢🥰🥰🥰這家店的壽司🍣也非常新鮮好吃😋火炙壽司當然更不在話下！入口即溶。推薦這家日式餐廳。

走入這家日本餐廳，空氣中瀰漫一陣炭燒嘅迷人香味，令我即刻醒晒精神。首先，蔬菜沙律好清新，輕輕醋味嘅醬汁帶出菜嘅鮮甜，簡直係開胃嘅完美序曲！跟住，豉油牛肋嘅香氣撲鼻而來，肉質嫩滑得黎唔失汁水，簡直係美味極了。飯後甜點嘅芝士蛋糕，濃郁嘅芝士同絲滑嘅口感真係絕配，透出一種幸福嘅甜。食飽之後，杯嘅抹茶又真係扣分，苦中帶甜，帶走了所有嘅油膩，仲有，攞個餐巾紙擦擦口，飽滿滿地走出餐廳，感覺成個人都輕盈咗！每次來都有種滿足感，雖然價錢唔算太親民，但質素同服務無得輸，對面咁多人排隊等位都值得。下次再黎食，我一定會預埋位，咁就唔使等咁耐喇!🍣🔥😋

簡直係食好西滿足小日子！今次試咗幾款菜式，每樣都令我心花怒放咁興奮。先講講軟殼蟹沙律啦，啲軟殼蟹炸到金黃鬆脆，啖啖肉感，同咁爽口嘅沙律菜拌埋，酸酸甜甜真係做到滿分！🥗再嚟就係拼盤，同桌嘅海膽卷真係高登去到新境界。那個海膽軟滑得嚟，魷魚嘅彈牙質感配上海膽嘅鮮甜，爽！🍣當然，講到重頭戲，非得松葉蟹蓋海膽石鍋飯莫屬。蟹肉、蟹籽甘香四溢，每一啖飯都有佢哋嘅蹤影，咁濃郁嘅滋味，完全係蟹控嘅天堂啦！🍚依間餐廳嘅裝潢都幾有feel，坐落度食飯又舒適又寧靜，食物嘅表現係實力派嘅，真係讓人心情好到不得了，你話，下次再唔再嚟？當然答案係一定要嘅啦！

同事約我去形點穴壽司食晏，話性價比高，值得一試。睇完餐牌，卒之點咗咖哩豚肉飯。先嚟前菜、麵豉湯、海鮮蒸蛋同沙律，清清哋又開胃。跟住碟主角，日式咖哩好香，豚肉都好冧，份量啱啱好，冇浪費食物。最後食埋個甜品，埋單唔使一舊水。

逢親過去元朗朋友總說我去大西北，今日過去辦點事情順便午餐。Yoho One 總有好多選擇，各國菜餚料理都有，今天忽然好想食咖喱。穴壽司的午餐set也有我喜愛的日式咖喱，選了「吉列黑豚咖喱御膳」$128，包括前菜、麵豉湯、沙律和甜品。吉列黑豚咖喱御膳真係香噴噴，外面的炸醬薄薄的一層，裏面包着好Juicy的黑豚肉，份量之大差不多相等如成人的手掌，豚肉軟滑沒有一點嚡，咬下去肉是光亮帶點油脂，咖喱汁香濃中帶點甜，豚肉吸收了咖喱的味道，送飯一流！

今天是選舉日後一天的學校假期，為方便好友帶同小朋友出席她的生日宴，選了一個大家方便的聚腳點元朗形點。我們的老朋友特別喜愛日本食物，所以選擇了「穴壽司」。這間餐廳很有氣派，長長的壽司吧看著壽司師傅主理食材而且面積頗大，座位寬闊，是聚餐好地方。明太子冷烏冬配海鮮天扶良這個定食非常豐富，除咗有主菜之外，還有前菜、沙律、海鮮蒸蛋和甜品。Tempura有兩大隻蝦，蝦肉甜美，一條小魚，最初嘗一口肉身稔稔的原來是魚肉，脆醬之下很嫩滑，還有帶子，秋葵和蔬菜天扶良，份量充足。明太子冷烏冬，烏冬質感爽滑彈牙，配上清清的煙魚湯非常美味。海鮮蒸蛋滑滑的，有蛋香。小朋友點咗一個兒童餐，有他們愛吃的皇帝蟹棒壽司、蟹籽壽司、玉子壽司、腐皮壽司等，原來小朋友也愛吃蒸蛋。

今日食評✍🏻穴@yoho mall試食指數⭐⭐⭐店舖衛生⭐⭐⭐⭐侍應態度⭐⭐⭐⭐((每項5⭐️為滿分)) ·午市唔多人地方大夠寬敞坐得舒服·午餐有沙律、甜品送我哋點咗1️⃣滑蛋雞柳飯餸同飯嘅比例幾恰當最怕食到最後係白飯雞肉夠嫩2️⃣豚肉烏冬職員落錯單，我哋想點雞扒烏冬豚肉好味夠嫩滑烏冬幾大碗不過偏腍唔係咁好口感3️⃣白桃soda太甜$32唔算貴但再平啲錢更吸引始終soda飲品成本好低好多人都會覺得唔抵飲全單加一251·無論大鋪小店我哋都會盡試盡講Follow我哋bw.foodie

星期五晚嘅商場真係全部都係人，晚上6點半同朋友在形點I搵晚飯食，見到呢間日本料理餐廳唔需要點等位，餐牌價錢亦唔算太貴，見全個餐廳都滿座，佢哋帶咗我哋去近玻璃最入嘅二人座位。因為最近身體過敏的關係不敢叫魚生同蝦，最後叫咗一份鰻魚石鍋飯，一份芝士蘆筍辣吞拿魚腩卷、一碗黑豚淮山湯。✨鰻魚石鍋飯，石鍋都算夠熱，石鍋底不會吃到飯焦，味道就是鰻魚汁白飯的感覺，沒有太大驚喜，米飯也是選用一般的香米。✨芝士蘆筍辣吞拿魚卷其實我吃不太出是吞拿魚🤣只吃到中間有cream cheese，味道是香辣也不會辣口，紫菜卷也沒有爽脆口感，紫菜又點糊了。✨黑豚淮山湯老實說，這個湯汁我很失望，我從來沒有吃過一碗湯汁豚肉是這麼稀少，切得非常之零碎，也沒有什麼味道可言

依間日本餐廳係YOHO 入面，價錢算係中上。裝置算寬敞設有BAR枱位。店員既服務態度都非常好，上菜速度亦好快。鮪赤身$58、章紅魚$52、火炙三文魚$44、𩶘魚$48（壽司）呢度嘅壽司真係好正，尤其係佢哋嘅鮪赤身，章紅魚同𩶘魚，食落去好鮮甜！加上佢哋嘅火炙三文魚，仲有啲微微嘅焦香味，好好味啊！推介大家一定要嚟試吓！松葉蟹蓋海膽石鍋飯$178呢度嘅松葉蟹蓋海膽石鍋飯真係好正，啲蟹肉鮮甜，而啲海膽份量亦好多！仲有松葉蟹膏既好濃郁好creamy！雜錦天扶良$138呢度嘅雜錦天婦羅好香脆，熱辣辣嘅，一口咬落去就好juicy！

今晚共聚、聊天、吃美食、談旅遊⋯😄🔰飛機貨刺身(7款)，3人份量$1117，中拖羅入口溶化，牡丹蝦肉鮮甜黏密，紅鯛和黑鯛魚肉肥美紮實，帶子爽滑，所有食材新鮮高質🔰松葉蟹蓋海膽石鍋飯$178，蟹殼面有松葉蟹肉、加拿大海膽、蟹籽，三款食材下面有很多蟹膏，超乎想像的多🥳，和熱騰騰的珍珠米飯混和，美味無窮，讚不絕口🔰穴壽司(1件)$88，賣飛佛🤩，每次必吃，層次是加拿大海膽、大甜蝦、三文魚子、吞拿魚蓉、帶子片，最底層有少許飯，多重質感，絕對是味蕾大滿足🔰鹽燒三文魚頭$88，有面頰和三文魚肉，肉質有肥美的，也有些偏嚡的，此乃正常，看吃的部位，而眼睛組織位置如啫喱狀般滑，總之能夠吸收或多或少的Omega 3，都是不錯的選擇

我最近去咗穴壽司，好開心嘅飲食體驗！佢哋嘅主打係壽司同刺身，特別推介佢哋嘅軟殼蟹卷。呢款卷物入口即溶，蟹肉鮮甜，而且軟殼蟹炸得好脆，加埋啲酸甜嘅醬汁，真係好味！另外一款必試嘅菜式係蟹蓋蟹膏海膽飯，佢哋嘅飯做得好熟透，每粒飯粒都好鬆軟，加埋啲濃郁嘅蟹膏，再撒上啲新鮮嘅海膽，真係好滋味！如果你鍾意喝湯，咁你就一定要試下佢哋嘅鯛魚豆腐湯。湯底清甜，豆腐好滑，再加埋啲鮮嫩嘅鯛魚肉，真係好開胃！總括而言，穴壽司嘅食物質素非常之高，而且味道都好正！服務員態度好好，環境整潔，令人感覺好舒服。不過啲價錢有啲貴，唔係普通人可以常常嚟嘅，但絕對係值得一試嘅好地方！