稻香漁港市集 (雅蘭中心)

營業中

休息中

暫時係我食過服務態度最差的稻香，服務員態度呼呼喝喝，咁唔想做就咪做啦，服務奇差：1. 拎左位俾左枱號我地，入到去竟然叫我地事但坐就得，萬一下一台客撞左枱號點算，樓面阿姐完全亂黎2. 等左好一段時間都未提供餐具，要主動要求餐具同茶3. 而家稻香自助式煲水，但按制竟然俾個阿姐鬧，叫我地唔好亂按d制，但係唔按又點煲呢？4. 一開始送餐阿姐用多多藉口唔肯幫手剪食物（如春卷，油炸鬼等），又話冇剪刀又話食物好脆，剪左冇咁好食等，不過最終都肯幫手剪總括而言，服務態度簡直係極品，食物又唔係特別好食，唔會再幫襯，簡直影響埋我對其他分店的觀感

訂咗兩圍檯飲茶 比錢去受氣等左半個幾鐘好聲好氣叫個阿姐問一問阿姐態度又差講一堆廢話 話啲野熟咗咪俾你囉 又話唔通唔熟比你食咩叫佢執一執檯 應完好阿之後直行直過 水壺無水又係叫左十幾分鐘都無理過唔會再選擇呢間飲茶

其實未食過一蚊雞🤣 同埋好少食稻香只不過聽家姐最近食過好似又想試吓 佢話OK（不過家姐係食青衣碼頭嗰間）一行三人，叫咗幾樣嘢食旺角呢間好多人呢個商場其他舖頭冇咩人 稻香係超多人（ 因為星期一至五$1 ，星期六日就$38）⭕️海鮮雜菜煲如果鍾意清淡嘅朋友呢食，呢個係十分之建議！因為呢個係類似屋企煮嘅味道 調味料係極之簡單嘅 係冇咩味精嘅 同埋份量十分之多👍🏼👍🏼 ⭕️攬豆豉蒸魚 呢條魚記得係$98性價比都好高味道幾好，唔錯 （不過條條魚大細都會有啲唔同 我其後喺青衣食嗰間就大條好多 但感覺旺角呢間好似好好食啲） ⭕️龍蝦上湯伊麵我覺得個龍蝦個質地都幾好唔錯 但係賣得就在於個伊麵 好腍😱所以麵都冇乜點食 ⭕️$1蚊雞$1嚟講呢 隻雞係完全冇挑剔嘅位置 皮脆嘅 夠熱嘅 同埋都有肉汁嘅 隔籬枱六位師奶叫咗三隻雞🤣🤣🤣 服務冇乜特別，唔會話超差 唔會係超好 應該係話冇服務，因為上枱完都唔會同你對答得太多嘢🤣🤣🤣🤣🤣————————————————————— 隔咗幾日之後喺青衣食 第二次 條魚大啲，但係個雞完全係唔好食嘅海鮮煲份量都唔好咁多，不過已經食厭咗啦 應該唔會再食相反海港x係超多人排隊，下次試吓

見到稻香出$1雞煲/ 海鮮煲，因為細個食過第一次出一蚊雞個時唔差，又勾起兒時情懷，諗住約埋班fd出黎雅蘭試試佢啦！咁呢個$1優惠係20:30後先有既，我地已經早左半個鐘去到等，一開始個知客態度已經差，問佢使唔使拎飛，黑住面話唔使拎籌，到21:00直接入就得，點知過左陣靜雞雞放個牌出黎要排隊，好彩有睇到個牌，個知客完全無通知其他客人要排隊拎籌入到去原來要自己掃QR code，但佢個code掛左係自助茶車側邊，另一個女傳菜係咁催我地快啲叫煲(語氣係好差)，我地5個人叫兩個金錢肚炆雞煲，再叫左啲火鍋料，兩個煲黎到個陣，得一邊有爐，個男經理過黎開爐，但因為個爐既LED好弱，又無聲，朋友禁多幾下開關，個男經理走埋黎大聲喝我地唔好亂禁，與此同時佢自己又好多手咁禁多幾次，大大聲話：嗱！個爐咪著架囉！咁因為另一個煲無爐關係，我地又問一次個女傳菜有無多個爐比我地翻熱，佢話好大聲話無架啦！得一個!(語氣差到以為我地食霸王餐定得罪左佢全家）本住$1雞煲既心態，對佢已經無乜期望，雞好大陣雪雞味，枝竹無味，亦見唔到任何一舊金錢肚出現，另一枱食客問男經理：金錢肚呢？ 男經理回佢地一句：無金錢肚架喎！ 好嘢，你放一

話說今日去咗稻香食火鍋,淨係兩個人都食咗520蚊,仲要打咗七折,而且佢哋嘅樓面態度極差,首先一開頭入去嘅時候,個樓面態度差到呢,問佢嘢或者叫佢幫少少嘢,佢就黑口黑面,講嘢嘅態度極差!!!個茶包直接從一米遠揼過嚟張枱度,我仲以為個茶包「識得喺個天到跌落嚟嘅」🙄😡,上菜嘅時候,碟嘢食大大力放過嚟。再講返個貴,兩個人食$520(打咗七折)不如去食自助餐,可以任飲任食有埋雪糕,仲唔使受啲樓面氣。所以真係建議大家唔好去食,嘢食又貴態度又差!

服務態度用惡劣形容，一到三點半，吹你埋單，語氣極差，驚死你阻住佢落場，喺你面前收柸柸碟碟勁大力，與其係咁不如好似快餐店先俾錢後食飯！再唔係每一台都擺返個收電子貨幣收錢！

見唔使等位，就入去食晚餐紅燒乳鴿，外皮好脆，肉嫩多汁，唔錯黑椒炒牛柳粒，牛柳粒黑椒味都好重，但份量唔多口水雞，好辣，味道普通，份量都係少半隻燒鵝，肉質好嚡口，個皮又唔係好脆，有啲失望！

首先，入座的時候無人理會，門口的職員只顧着看手機，不告知位置卻催促我們走。僥倖入座，卻發現枱面的餐具全都是髒的，有飯粒、菜渣，甚至有唇膏印，讓人不禁以為這麼大的集團居然窮困至此，沒錢聘請清潔工人。我們向職員求助，想拿一套新的餐具，卻發現都是髒的，職員告訴我們全部都一樣，要乾淨的就自己洗，我們大為震驚。上菜的時候，送餐阿姨經驗老到，面向餐車背向食客，一反手把點心籠子砸在我的筷子上，嚇我一跳。想讓職員收走空空的碟子蒸籠難若登天，呼喚她們的時候裝作聽不到，扭頭離開。食物質素勉強能入口，味道普通，例如叉燒腸粉皮厚餡少，棉花雞索然無味。以上所述為本人的親身體驗，希望各位不要誤入此酒樓，不希望大家有同樣差勁的體驗。

==抵食==加埋一都係$20左右==============================只有一個份量，淺淺一鍋體現了甚麼叫「麻雀雖小」，但包括多款配料，如枝竹、冬菇和荀，全部都很入味，以優惠價來說十分有誠意。當然，餐廳推出這個優惠, 其實是想大家再叫其他配料，繼續打邊爐,  故不會調得太濃味，食完可作火鍋湯底。==============================

✨乳豬好肥…大部分位置都係頗多脂肪，有肉感嘅位置比較少，裝飾幾特別嘅 隻乳豬有兩隻心心耳朵❤️✨杏仁片炸蝦球第一次聽蝦球用杏仁片嚟炸 幾有創意🤣不過我都係覺得平時就咁用粉+蛋炸好食啲～✨帶子炒西蘭花係我最鍾意嘅西蘭花🥦🙈整得幾好食，有淡淡嘅小炒嘅香，帶子好大粒同鮮嫩😚👍🏻✨鮑魚花膠生菜我唔鍾意食花膠同生菜，所以淨係食鮑魚～鮑魚係高級嗰種鮑魚，大隻啲，新鮮啲，質地煙韌。✨蒸魚啲魚好新鮮，質地有種彈性🐟，配上豉油食真係一流。同埋唔會好多碎骨，肉與骨之間好分明。✨魚翅（另有白菜）點解會有加白菜😂😂😂不過翅好食～✨烤雞烤得好香🐓😚肉質鮮嫩可口，好入味✨羅漢齋伊麵我媽咪係素食者🌱，所以order呢個。我呢個食肉獸對呢啲麻麻地，就直接問阿媽，佢話好普通，而且煮出黎唔夠齋舖正宗。✨龍蝦伊麵我最鍾意呢個‼️裡面有龍蝦同蟹腳，兩樣都好新鮮，質地彈牙，味道十足。伊麵淋得嚟帶有煙韌感。✨甜品：·兔子包（奶黃包）外表好可愛啊😍🙈外面有一層椰絲增添口感🥥奶皇味好香💛·紅棗糕少少彈牙煙韌，味道上唔會好甜，好濃郁紅棗味。

洒家職員，服務態度非常差，而且經理及職員＇還可以罵客人＇而且動手打茶客＇垃圾食市＇以後不要惠顧。食物全凍了才上＇也不會加熱才送給客人＇最叻就話不收這食物費用＇食物質素不算太差都冇用，因為服務問題＇把整個酒樓質素拉下去，再不改進服務及態度＇－定拖累酒樓生意及聲望＇可惜啊！

今日去到稻香酒樓飲下午茶，真係有好多人排隊。以為佢會好平，但係其實食落嘅價錢都唔平。首先，佢下午茶嘅選擇非常之少，而且個優惠價錢都係只不過同非下午茶時段比較上來平一至兩蚊，亦都冇炒粉麵，炒飯等等嘅選擇。咁今日我哋食咗牛肉球，牛肉球嘅味道都唔錯，亦都有鮮蝦燒賣，燒賣上的蝦都好大隻。仲有煎腸粉，煎得非常之香口配合埋啲醬料非常好食。重點就係嗰個懷舊馬拉糕，大大嚿好香馬拉糕味非常之飽肚，春卷亦都炸得好脆口好好食。

首先，讓我談談鮑魚雞煲。稻香以新鮮的鮑魚和優質的雞肉製作出這道令人垂涎的佳餚。鮑魚切片均勻細軟，帶有豐富的鮮味。雞肉則保持了柔嫩多汁的口感，與鮑魚完美搭配。煲裡還加入了多種新鮮的蔬菜，增添了色彩和口感的層次感。整體而言，這道鮑魚雞煲充滿了濃郁的湯汁和美味的食材，每一口都讓人愛不釋手。除了口感豐富的美食，稻香的服務也是一大亮點。工作人員熱忱友善，隨時關注客人的需求，提供細致周到的服務。他們迅速而有禮地處理點單和送菜，確保整個用餐過程順利。舒適的用餐環境和良好的服務態度使我倍感舒適和放心。

稻香酒樓在香港人的心目中是平民酒樓，一般市民晚上吃飯不是太豪華或家人平常吃飯，街坊朋友聚會的地方。它经常會有優惠和特價，所以，宵夜、下午茶時段的排隊客非常多。這次舊同學聚會，平民些，便來到旺角的稻香。酒樓場面果然熱鬧，人多，全滿座雖然未感到會有翻枱。食物味道各方面都尚可，連燒肉亦加熱，皮脆且香口，是誠意展示，頗用心。可惜的是樓面的姨姨們，單錯單事小，不接受到櫃枱取消菜單就有點兒過分，這點事，錯了，自己直接改，可能說：「我們改不了，你自己去櫃枱改」今時今日這種服務真不行。就算工作再辛苦，服務就是工作，你接受了工作便要放心去完成！開心完成與否，全取決於自己，為何選擇不開心呢！

起初叫左孖寶蟹和乳鵨，跟住就話沒蟹，之後叫左乳鶬和蒸魚孖寶，等左半個鐘食哂D飯條魚都未黎，唔會再有下次!，職員服務態度差，唔夠人做唔切就唔好開咁多張枱，菜上到枱巳凍哂