稜閣屋 (已結業)

同朋友叫左一個海捕鮑魚鍋，等到超過25分鐘都未有，但係後來唻嘅客人一叫就有，就搵侍應跟進，第一個侍應(係店長)話”整緊架啦，等等”。再過左10分鐘，再問幫我地落單嘅侍應係咪漏單，佢check左一陣話冇漏，又話得兩個廚師煮唔切，朋友同佢講我地叫嘅火鍋，只需要比一鍋生嘅食物我地就可以，況且其餘後到嘅幾枱客有3枱都係叫呢d鍋都到哂仲食緊添，侍應就show個落單機比我地睇話佢冇落漏單，即係整緊，就走左去。我地商量打算走嘅時候，店長行埋唻問我地其實係咪落左好耐，我地話係，我朋友再講一次情況，店長就話咁得意！ 跟著就即刻攞左個鍋比我地，而隔兩枱有位比左一陣落左單大概5分鐘嘅都一齊有個鍋。原來已叫定嘅追加食物因為佢地出得太遲，搞到我地有得食都變冇得食，但係有嘅又冇跟鍋一齊上⋯⋯真係好無奈落單嗰陣，唔係講得快，同時指住圖片讀出唻話要乜嘢，講完就問你地要咩呀？追加食物上錯左另一枱，又不時無預告下從後申手攞我地枱上嘅嘢🤦🏻‍♀️，之後想叫野決定搵店長落單，同一位侍講想搵店長，佢好大聲嗌店長話我地想吩咐佢⋯⋯四位侍應只要店長可以溝通食物方面其實同吉野家差唔多，冇乜特別，不過可能心情影響嘅關係

之前同朋友係RINGER HUT食LUNCHSET選擇唔算多既我就叫左野菜拉麵如果對肉有少少追求既你就唔適合叫呢個了菜係幾鮮甜既同個湯底都清甜而麵底都好夠彈牙只係佢真係太少肉食晒成碗我只係搵到一塊肉可能相對上成碗麵比較DRY但就應該幾岩鐘意素食既人朋友叫左咖哩豬扒飯不過不失 豬扒都OK 炸粉唔算太厚另外仲叫左個薯餅做小食都幾惹味既整體而言味道都係唔錯既不過就未去到好特別而座位方面都舒適既晏就食飯就免收加一服務費我都試過晚市既芝士火鍋以$60-70左右黎講都多嘢食同埋芝士味唔會太淡黎開淘大唔知食飯好都可以試下

星期六夜晚去到淘大覓食。淘大附近很多日式火鍋點，這間ringerhut在淘大屹立左一段時間，價錢又不算太貴。69蚊(加一)一個一人火鍋，同大X樂，吉X家一個價錢，五會Expect太多，但真係有意外驚喜啊！（好似我成日講餐飯有意外驚喜LOL）上桌既時候鍋入面就有滿滿的丸子，獅子狗，年糕魚餅，蟹柳，冬菇，豆腐，菜.....其實都好豐富。牛肉既品質系好過大X樂的。雖然牛肉味比較淡，但係夠厚身，大大塊三片，又五會霉霉爛爛，呢個價位好抵啊！講番最好味既湯底。湯啱啱滾既時候我就忍五住狂飲，都飲到湯底既芝士味，五會淡到好似水咁，都有番咁上下濃郁，飲到驚無湯碌牛同面先停低。真係好似放左三四塊芝士既濃郁感，好香芝士味另外跟餐附一碗面同胡麻醬，面都有咬口，最後放入去吸附曬d芝士湯底，好正~自此之後吉X家已被我剔除出平價一人火鍋的行列了~贏曬成條街

5點幾去到九龍灣，有d餓想食野，諗住早d食當early dinnet。買呢間仲有下午茶menu,價錢又平，一於試下。貧朋仔叫左抄飯配煎餃子。我叫左疏菜拉麵配炒蛋同蛋糕。 抄飯同餃子普普通通。相反拉麵有驚喜，幾多疏菜，麵質又煙韌。炒蛋係我最愛既真.炒滑蛋。食埋塊雪芳蛋糕都幾飽。幾十蚊貨仔算係咁。不過最大敗筆係杯豆奶，係即沖粉，勁死甜個d,早知飲其他野好過總結來講，連鎖快餐店既價錢，呢個質素算係交足貨，而且d位都好坐過大xx個d

見天氣凍左，想打邊爐，今日就來到淘大既稜閣屋邊邊佢，我地叫左個2人餐，套餐包2個火鍋，2沙律同1小食，2飲品(如唔要飲品可轉甜品)~火鍋叫左味噌鍋同生蠔鍋，2個迷你玉米沙律，1個餃子小食，2杯熱柚子蜜味噌火鍋配料有豆腐，金菇，冬菇，長腳蟹柳，玉米，獅子丸，兆菜同芋絲，另跟4片豬肉或牛肉同1個迷你拉麵~而生蠔火鍋配料有長菇，兆菜，紫薑，生蠔 etc...都係另跟4片豬肉或牛肉同1個迷你拉麵~味噌火鍋湯底有d啖拉麵都不太煙un豬肉好薄生蠔味道都是麻麻試過一次都夠了,應該不會再吃~

聽朋友講九龍灣有芝士火鍋仲要又平味道又可以於是我就去左試食咁佢其實同吉野家個邊爐好似都係一人鍋可以選豬牛同雞咁我當然選牛啦配料吾多有粟米 芝士丸 拉麵 南瓜 娃娃菜 蟹柳 豆腐 同金菇其實d料都幾普通不過真心抵而且個芝士丸真係好好食嫁同埋食都最後其實都幾飽囉都算係咁啦加上個環境又吾錯嫁我同朋友坐卡位幾大 幾闊同真係傾到計食幾耐佢都吾會趕你走最緊要係價錢幾平啊92元埋單物超所值真心推薦俾大家真係頹飯之選又平又味道吾錯😍

胡麻照燒雞飯便當 HKD53：整體水平普通。雞扒有少少乾身同鞋口，但個燒汁幾好食，用黎送飯唔錯。除左雞扒，知餐亦有蘋果沙律、小蕃薯同蔬菜炸物。蘋果沙律有陣怪味，由上菜一刻，已經唔太凍。小蕃薯味道不錯，幾甜。蔬菜炸物，由於炸得太長時間，除左焦味同油味，都唔太食到有咩蔬菜係入面。日式沙律（跟餐送）：味道不錯，普通沙律菜配芝麻醬，幾開胃。環境：整體店鋪環境尚算不錯，坐位闊落。整體：不太推薦，因為食物水平一般，如果想食日式快餐，九龍灣都有幾多唔同選擇。

同朋友既簡單聚會無特別去搵定邊間餐廳去到淘大先決定行左一個圈覺得淘大D 野食平均價錢都中上所以最多人食既係M記,KFC 同吉吉家(抵玩D)不過朋友話未佢未食過LI 間見佢門口個價錢牌寫住163 二人套餐都唔算平不過無所謂啦當試下一入去坐低睇餐牌先知原來D 一人餐既價錢都幾大眾化同大B樂,吉吉家價錢差唔到(而且水準比佢地好,同埋有D 新鮮感啦, 唔洗成日食連鎖快餐店)同行友人話唔太肚餓咁我地就只係叫左個芝士火鍋加多一個烏冬(本身個餐都有跟個面, 不過怕唔夠)雖然牛肉得三四片但質素唔差就算啦我情願佢靚D 但係少D 個人都幾喜歡芝士初初食食唔到個湯底既芝士味後期少左湯先食到芝士味D 菜又吸哂芝士味正友人話烏冬都係吉吉家好D(此人乃食評家是也, 個人覺得兩間都唔錯)大致想對今餐都滿意性價比高後期亦都多人入去食證明應該係食得過埋單俾完錢先睇到出示住戶證免加一下次要記住~

🌿店鋪環境🌿有啲想扮日式家座餐廳，唔算太美觀，但都叫幾衛生，又無油煙。座位闊落，有梳化座，食客人數即使假日亦唔多。🌿食物方面🌿一開頭見到menu內無鍋嘅選擇，但卻有食客食緊，然後隨便叫左個霜降牛麵，竟然點中左個鍋物餐，顯見menu指示不清晰。【霜降牛麵】：HKD48鍋物材料幾豐富，牛有5-6塊，太韌；其餘有蕃茄、生菜、菇等普通野。麵係一般公仔麵。48蚊黎講幾抵食。不過個鍋等左成20分鐘，耐左啲。【胡麻照燒雞便當】：HKD53無咩特別，照燒雞份量岩岩夠，但唔多；呢個價錢略貴，唔太值。🏵🏵🏵🏵🏵🏵🏵🏵🏵🏵食物：⭐️⭐️⭐️環境：⭐️⭐️⭐️⭐️衛生：⭐️⭐️⭐️服務：⭐️⭐️⭐️抵食：⭐️⭐️⭐️

低食午餐話說今日係附近行開，就順便食埋lunch，見呢間都唔算貴，就試下啦！原本諗住快食一個烏冬，點知原來係火鍋咁食，不過都好快食得，所以都不錯，啲烏冬一滾起就要開始撈返啲蟹柳，海鮮可以等多陣，蝦本身熟，熱左又上得，最後先好撈冬菇，咁就完美地將唔同既材料滾熟，又好食！食到咁上下，就熄火，唔好一直滾呀！另外附有少沙律，用麻醬又穩陣又好食，啲菜都新鮮，脆既。。唯一美中不足，就係員工們都好似不太開心，其實返工要開心先會令客人開心

岩岩係附近考完試，黎到淘大食午飯。淘大真係好多野食，不過多數都係大型食物連鎖店😣。行過見到呢一個環境唔錯，餐牌食物都岩食又唔貴，所以就入左去nah!😊環境的確係幾好，枱面有一壺水俾食客自己添。我地就叫左個日式櫻花蝦炒飯，一黎到d櫻花蝦嘅香味就撲埋黎，個飯都夠乾身，好味。😊至於個吉列魚柳黑松露汁飯就比較起來冇咁好了。魚柳就食到陣雪藏味，個汁就香黑松露味嘅，不過同個飯就唔係好岩🤔🤔 不過一分錢 一分貨，$38 黎講算係咁。

最近這一年半有多以來，我看電影跟選擇戲院的習慣，都在不知不覺間地被徹底改變。因為一年半之前的我，其實很喜歡在牛頭角「淘大商場」，以及裡面的戲院「影藝戲院」購票跟看電影。甚至「淘大花園」跟附近牛頭角、九龍灣居民也知道有「影藝」廉價戲票的一回事。結果「影藝戲院」一到了農曆新年，就會出現萬人空巷排隊等候購票看「賀歲片」，排隊人龍擠滿「淘大商場」的壯觀場景。可惜好景不常，「影藝戲院」終於再次遇上租務問題，因而再次光榮結束營業。其實現在「影藝戲院」未結業前，都已經不是我看電影的首選，因為我已經有了「M」電影院院線的「會員證」。所以現在的我，無論是想看港產電影、亞洲電影，抑或是美國荷李活的電影，我通常都只會拿着「M」電影院線的「會員證」，去「M」電影院線旗下的電影院，就可以在大部分時間下，以有如「影藝」般的便宜價錢，購票跟觀看電影。至於「淘大商場」裡面的「影藝戲院」原址，現在舖位已經被另一條電影院線「UX」所購入，現在還正在進行裝修改動工程，我也不知道「淘大商場」版本的「UX戲院」在此何時正式啟用。不過我肯定知道了一件事，就是「UX」院線的電影戲票價錢，一向都不便宜。所以將來想再在「淘大商場」，看

約左中學同學食飯咁耐冇見梗係想揾個舒服得黎又可以坐得耐嘅地方經過一輪行逛後發現Ringer Hut個裝修係幾高級，但入面食物嘅價錢都幾相宜係佢了糾結左好耐食拉麵定晚市套餐最終俾個餐牌嘅海鮮吸引左呵呵呵，其實我原本係以為有個海鮮湯加個飯黎到先知原來係火鍋唔緊要，我都會好開心咁食!!btw右下角個小糕點甜甜地幾好食，有豆沙係入面其實60蚊，包曬小食同嘢飲我已經覺得好抵~爆開了的聖子整體黎講，E間餐廳很不錯人唔算多，我同朋友2人可以坐一個卡位下次再黎試個拉麵

星期二晚上8點幾放工後好想食芝士火鍋，一諗就諗到呢間。大約9點去到，唔係太多人，可以坐卡位鬆動d。2個人各自叫左個芝士火鍋，加左3樣配料，分別係牛肉，年糕同壽喜燒。芝士火鍋好多料，有菜、蟹柳、壽喜燒、芝士丸、芝心獅子狗等，湯底係芝士濃湯。個火鍋好快滾，幾分鐘幾滾，10分鐘就食得，d料吸曬d芝士湯，非常好食。火鍋仲有1個麵同牛肉，芝麻醬，將牛肉點芝麻醬食非常夾，仲可以添醬，唔夠水可以加普通湯。落年糕落去慢慢煮，吸左d芝士味非常滿足。1個人食個火鍋唔加料未必夠飽，但係味道非常好。

冇錯 又係九龍灣嘅餐廳🤣今次去左淘大商場入面嘅Ringer Hut聽講呢度最出名係#長琦Champon ($29)係麵上面鋪滿野肉 雞粒同海鮮湯底都幾鮮味 但真係太多野菜🤦🏻‍♀️另外我加左$10要左#餃子 外脆內軟不錯不錯 大家都可以叫黎一試😋最驚喜係隨餐附送嘅包包 竟然係#排包 啊！我係幾耐冇食過 好正啊😈_________________________裝修環境：✨✨✨✨服務態度：✨✨✨✨食物質素：✨✨✨(5個✨為滿分)________________________唔信我嘅可以自己試下😂