祥發咖啡小食

營業中

休息中

送外成個鐘先黎仲要話返人轉頭語氣差咁嘅服務態度非常差。似住自己做得耐都唔係咁嘅服務唔夠人咪唔好學人做外賣生意。野食黎到凍嘅咁不如自己煮成日多人叫外賣你地等下啦食物以經麻麻

行完山路過青衣屋村，見到咁多舊式商場、冬菇亭真係要搵間試下！唔係拆吓拆吓咩都無哂🥲一坐低聽日廚師炒嘢啲鑊氣聲已經覺得無黎錯，哥哥仔仲問我地行山黎呀？附近有得行山咩？去到餐廳有人同你講多兩句都係買少見少架喇，令我想行多次呢條路黎再食多次😂叫左乾炒牛河，係完美架！成碟河粉都係一條條！係成碼都係呀！煮過吓飯你都知炒河粉一條條真係心機黎架！睇個樣都唔洗解釋有幾好食啦🤤🤤🤤仲見到餐牌有窩蛋牛肉飯！下次一定要食

以往中學唸書的時候，經常來這間大排檔，畢業之後，很少來到。雖然位置是屋企附近，但是你也很少會專登上山🤷🏿‍♂️，走來這個大排檔，坐在外面吃茶餐廳風格的飯。再來這個地方，其實擺設也沒有什麼太大分別，就是多了帳幕，以及多了兩三部冷氣機，畢竟天氣那麼熱，無論學生，或是工友，都很難以抵擋這麼炎熱的天氣😪吧。以往的同學，有多少已經結了婚，有多少結婚他才會出現，有多少結婚他才會邀請你，有些你很想見，有些你想見也見不了，有些成為了電子朋友。人各有志，無謂強求。由於是午餐完全不吸引，只是那些豉椒排骨飯、鹹魚雞粒炒飯、楊州炒飯等等極之普通的菜色，於是唯有捱貴價，在主餐牌上點一個以往經常吃的西汁雞脾飯。這個西汁炸雞髀飯，的確比起正常的午餐，又或者其他食客所叫的麵食，等得比較耐，可見餐廳的確用心製作，來到的時候，炸雞脾還相當熱燙，為了方便，我叫店員替我將雞髀切開。「西汁」，在現今粗俗的世界上，大家都會想到另一種意義，甚至毛，有些朋友，完全未聽過有「西汁」這種汁，或許，其實只有少數餐廳用這個名字去叫這款汁吧。我覺得所謂的西汁🤔，其實就是肉醬意汁那種汁醬，只不過沒有了肉醬粒，還有點蘿蔔，亦都好像平時的燒汁一般的味

本人很喜歡在這個冬菇亭 吃下午茶或早餐因為本人的食量比較少 ，舖頭內有很多粉麵 尤其是下午茶最喜歡的是豉油王炒麵， 現在香港很少這麼有特色的地道冬菇亭下午茶粉麵 ，而且他們的速度也非常有效率和快 .如果時間趕的話我很喜歡吃快餐 真的是香港地道大排檔的風味.

重拾小時候的味道！和一眾（舊）街坊一樣，此冬菇亭的食物伴我們成長。地點不變，味道亦沒太大分別，現在改善了的地方是有部分座位有冷氣，熱辣辣的夏天亦可安心到訪了！椒鹽骨炒飯加底：雖然於大排檔來說$50了元並不便宜，但此飯多年來亦保持高水準，絕對值得一試！（不過由於又熱又辣，最好配上冰凍可樂，哈哈！）咖啡豬排飯：咖哩汁味道很香（可以再辣一點更佳！），豬排鬆脆，可是飯林了一點，吃到尾段時有一點「留」。還是前者較好味吸引！牛肚墨丸河：腩汁配河粉配潮州辣椒油，份量雖少但吃後卻非常滿足！

好多屋邨留下都緊會有間大排檔，面呢間喺青衣長康邨，大家都叫佢做冬菇亭，相信住喺附近既邨民一定食過。呢間其實係分開兩間舖，一間係負責朝早會做茶餐廳小食既生意早餐，午餐快餐，湯粉麵，下午茶而另一間就負責夜晚小炒火煱。今次小妹幫襯下午茶，呢度選擇七多，炒粉麵飯，湯粉麵同香口煎炸野。我最欣賞既係所有野都係即叫即整份量大，味道有水準雞脾薯條每個小朋友都愛既下午茶因為即叫即炸，所以製作需時。好野當然係要等，外賣反到去都仲熱辣辣，薯條仲好脆而油份唔多菠蘿海鮮炒飯都係一樣即叫即炒，大大盒料多又新鮮並唔係啲餸頭餸尾，超有鑊氣，好好味小妹一個人可以食到一整盒就知好味到咩程度

第三次食祥發，回復返正常食物水平。叫食西汁吉列魚雞扒飯，食物黎到唔算熱。賣相都唔吸引。望落好似好多塊肉，原來得半塊魚，雞扒分開了一半放在魚下面，假象大份點。 雞扒煎得脆皮，都算好食。不過塊魚唔多得，份量少而凍冰冰，食落唔吉列，應該是完全蓋上西汁的原固。 最理想是西汁蓋一半，有一半脆口先至好。 西汁味道正常，像是洋蔥汁，撈飯食都唔錯。以為午餐整得快，都要等一陣。話係冷氣開放，始終都係熱。 唯一有改善係杯凍飲，個杯唔漏水。 可入口，充飢。

又做職安真漢子，午餐當然去食返祥發。叫食時菜班腩飯。時菜真係時菜，係菜心。如果黎椰菜成碟唔洗食。冇厄人。普通菜心，不提。衰在堆班腩，雖然色澤係唔錯，不過食落冷冰冰。應該炸完出黎已經擺左陣，就咁放上去，都唔落鑊炒返熱。舊魚都預左係越南鯰魚肉，肉感過實，硬是有急凍雪櫃味。有落疆絲想避雪味魚腥味，可惜效果不大，都算是用心良苦。唯一係杯野飲，同以前一樣，曉漏水。飲飲下冇左半杯。今次食同上次比差遠了，唔知搞嘜鬼。

去職安局上堂放晏食飯，冇得揀入去食，因為附近冇嘜野揀。精選午餐，款款HKD 42, 椒鹽骨飯首選。味道剛好，咸度適中，塊塊骨都係熱辣辣岩岩炸出黎，表皮香脆。椒鹽配料夾得好，唔算太多椒，所以辣味剛好。因為有洋蔥仔切碎，調味口感優良。午餐碟頭飯整到咁已經好有水準，又唔會辣到出晒汗，飯又唔硬又夠份量。 所以好滿意，飽。不過用椰菜當時菜又係做壞朵，始終椰菜係下品當伴碟，做唔到時菜。呢個要扣分。凍檸茶個杯漏水，飲兩飲就冇晒。

是日放假，路經呢個屋邨，要走好遠路先至有第二個選擇，所以就唔行啦求其入咗個冬菇亭食野要咗個精選粉麵餐:柱候牛腩麵跟凍O茶$27凍飲加$1牛腩肥瘦適中，夠腍，帯有淡淡牛味，而湯底就太咸及極重味丹，一入口已食得出，佩菜都無半條……凍O茶加$1無錯係底，但係就少咗—啖(八成半滿)及超甜

毎位員工都開開心心，各自有講有笑，睇黎老板對員工都好可以—坐落，有位傾緊計嘅阿姐姐企起度睇住我睇餐牌(唔好意思，阻住佢同熟客傾計)個様好有耐性，企足分幾鐘…叫咗碗牛膀河，河粉略"鞋"，湯底夠咸，但牛膀太老，欠嫩，有改良空間！餐黎架，要咗杯奶茶，超甜又欠茶香…好在員工笑容夠囉！埋單$29蚊，算OK…