神緣 (已結業)

冇耐前先係日本返黎，好掛住果邊嘅甜點，咁啱返工途中見到一間新開嘅茶飲店，門面都企理事正，仲要主打奶茶+日本蕨餅！未試過又幾特別，反正奶茶正常黎講唔會差得去邊，諗住試左個蕨餅先啦，點知就伏左。。。。唔係煙韌, 軟淋嘅口感，係霉架!!!我真係未食過“霉”嘅蕨餅，真係好x難食😭😭😭 根本唔係蕨餅，似係台式飲品嘅“麻薯”P.S 為左唔浪費食物，只能搵人處理佢😀

這天，在繁忙的街頭遇到了一家日式手搖茶店，便決定來嚐嚐他們的招牌蕨餅奶茶。首先，這杯手搖蕨餅奶茶的外觀非常吸引人，茶身色澤濃郁，帶著深澤的紅茶色。第一口，我能明顯感受到茶葉的香氣，有著獨特的濃郁口感，非常順滑。接著是蕨餅，蕨餅是一種傳統日式甜點，由蕨菜粉製成，質地軟綿，口感彈牙。這杯奶茶中的蕨餅卻怪怪的⋯⋯在品嚐的過程中，我發現這杯奶茶的甜度適中，不會過於甜膩，而且奶茶的濃淡也恰到好處，沒有過於濃稠，讓人可以輕松享受到每一口的滋味。總的來說，這杯奶茶若果不加蕨餅絕對是不錯，但蕨餅真的建議不要。

由細到大我都超鍾意食蕨餅，見佢新開諗住試吓。點知伏到hihi ！完全唔係嗰樣嘢又濕又淋一點都唔Q, 好似食緊羊羹咁🤮🤮難食到一個點！幫你哋試左，可以唔使試。不可一不可再。直升機停機坪…..伏伏伏伏伏伏伏伏……

行到熱熱地諗住搵杯珍珠奶茶飲！見到門面似有野飲，就行埋去揀野飲點知冇珍珠奶茶！再睇多次個門面「日本茶」！話時話，好似飲好多台灣茶都唔覺自己飲過日本茶，除左去食日本菜比果杯我飲係「日本茶」之外於是八卦吓有咩飲乜都未睇中，職員就話新張期有free ugrade活動於是係唔係都揀返杯先話說…個menu明明隻隻都係中文字，但我唔識揀！因為佢杯杯都寫「皇室貴族」查實我乜茶都擺入口，唔係好get到「皇室貴族」到底係咩味？反正，都未試過，就揀個「皇室貴族焙茶」職員話啲茶葉係日本皇室貴族選用既，強調係靚茶葉佢再問我要唔要加味道，咁我就揀個「黃豆粉」諗住唔好飲齋茶咁寡…不過佢話唔會寡，因為有「蕨餅」喺茶入面「蕨餅？」睇到張相我認唔住話「呢個咪台灣淡水金記麻糬！」然後我７左…職員介紹呢個係「蕨餅」都係佢地招牌！見有埋優惠價，照加$29試吓！同埋我真係好掛住淡水個麻糬！整體包裝係靚好精緻！杯茶的確係香，同埋有陣唔識講既香味，總之入口就好濃，同埋個黃豆粉好夾，成件事覺得健康左！而杯入面D蕨餅都好好味！其實我冇諗過呢舊野可以擺入杯茶！因為我覺得應該就咁食，但估唔到好好味！同埋比起食台式飲料D珍珠健康好多！而加錢

嗰日放工經過電氣道，見到有間新既店鋪，日系裝修，裝修得好靚，令我忽然好掛住番鄉下呀! 於是行過去望吓賣咩，原來係日本蕨餅茶房，其實我唔知咩係蕨餅，雖然成日去日本玩，但真係無乜idea到底蕨餅係咩黎既，女店員好有耐性咁介紹俾我知，佢話蕨餅係用純正日本蕨粉做，好有營養既，比起珍珠更易消化，聽落好似好健康咁。佢有四款茶底可以揀，店員話焙茶同紅茶最受歡迎，咁我就揀左焙茶，少冰少甜，等左大約3分鐘就有得飲喇，焙茶底好香好濃，奶味都幾重，蕨餅食落既感覺有D似麻糬，煙煙韌韌咁，甜度啱啱好，不過有D蕨餅太大粒，唔係好啜到，要打開蓋先食到，如果蕨餅細粒番少少會更容易啜到! 

今日見完客，係天后發現咗間裝修得好靚嘅日式茶飲店，試咗杯新推出嘅冷泡蕨餅焙茶 - 好正，茶味好出，好清新，蕨餅好好味（雖然稍為大粒咗少少，但頗有口感)，有驚喜！😍 嗰男店員好有禮貌，我行埋去時，佢仲同我每個茶逐一介紹, 之後我先知原來冷泡純茶今日先開始賣（咁好彩） ， 每日有限定杯數。佢話由於冷泡時間需時，要至少8粒鐘，所以暫時一日整得唔多。坦白講，我自己唔係好飲奶，如果好似我咁平時飲嘢要走糖走奶，嚟杯冷泡焙茶真係值得一試。

本身好鍾意食蕨餅，見新開張咪試下囉！點知…………！茶底就不過不失，但係啲蕨餅完全碎晒，冇形狀可言！茶同蕨餅D味道唔係好夾！飲完之後有D怪味回返出來！蕨餅入口霉霉哋，蕨餅嘅份量只得個杯嘅1／10。宣傳單張上的相片完全唔同實物，其實是見到蕨飲大大嚿好似好吸引，但取貨後完全感覺唔係嗰回事，好失望！黄雨天去買，買咗3杯，兩隻手又攞傘又攞飲品，但係一個袋都唔肯俾，點攞呢？後來再次反覆詢問，才給了個細袋裝兩杯，再手攞一杯，再攞住把遮，落住大雨咁行番公司。點知大家飲咗一啖，對視一眼，跟住大家徹底崩潰！

見到新開，鋪面又靚靚仔仔即刻試下，我地叫左1杯焙茶，1杯紅茶，買時仲有fb ig offer，有得free upgrade所以要左大杯🤣店員好Nice👍🏻2杯茶味都好香，雖然本人唔太好奶，但係好茶🤭2種茶味都好出，焙茶真係有烘焙味，紅茶就係偏澀個種，2個茶味好開心，入面仲唔係普通珍珠奶茶啲珍珠，係蕨餅！好特別😋但係老實講，賣相真係麻麻🤣一pat野咁，不過啜落，都食到佢係1粒粒嘅🤣蕨餅粒粒質地偏淋，本身有甜味👍🏻成杯野整嚟講係好味嘅，可惜佢對我嚟講有啲太奶，如果佢第時有出純茶就好喇～