知味一派 (已結業)

今日八人尼左呢度食每人叫左個餐....我的係焗豬頸肉飯...連野飲的...呀....31蚊....不過不失...香噴噴的焗飯....又真係幾好...佢d 芝士味仲要幾濃下~~d 肉又放滿成個飯...不錯不錯~~鄰近紅火車站...真係食完番大陸都仲得呀~

紅磡暴食日(3/4) 　由於出街前跑步的關係吧，是日我胃口特好；吃完福元湯圓明明很飽，再行了一陣又有空檔了，反正想看的天象電影未夠鐘，我又拉了友人食tea。　餐廳前身是賣美國菜的country road，環境是不錯的，現在卻賣中西匯集的菜式。其中有個號稱"hotel high tea"的套餐引起我注意，雖然內容九唔搭八，都去了一試。set的食物包括：　煎餃子x3-錯過了寶其利街的餃子王(就在福元湯圓隔離，只是當時太飽)，心裡有點牽掛。雖然如此，也不敢對此店的餃子抱太高期望，結果卻頗驚喜：餃子皮薄肉鮮且多汁，比坊間許多餃子店都做得好，我有點懷疑Bon Bond是向餃子王取貨!炸雞翼x2-新鮮炸起的雞翼，香脆可口總不會差到那裡去，OK!炸蝦x3-雪藏蝦沒鮮味，沾上酸辣醬才有味道，是最不濟的一款西多士x2-除餃子外另一款最吸引我的食物，無他，新鮮炸起，油香蜜味滿溢的西多士真的很美味!意式奶凍x1-不夠滑，好平庸　此餐只索價$35，已包一杯飲料，可以加$8多一杯，即一人食又得，二人分亦得；雖然押上酒店之名實在是超級誇張失實，但亦不失為一個經濟抵食的下午茶。

2-20-2008平時間中都有到這裡午餐，因為這裡環境比其他國際都會的餐廳更舒適。今次叫了鹽燒帆立貝伴香草欖油炒意粉($45)，山賊燒肉眼扒配薯菜($48)。跟餐的餐湯，尤其是忌廉湯，雖則是雜菌磨菇湯，但賣相是否灰得像石灰水呢，這已大大減低了我的胃口。至於意粉，如此漂亮吸引的名字，最後也還是失望，數粒帆立貝算很大粒，眼見餐廳不吝嗇，食落都會覺得開心吧，可是太多油，本身亦都太過淡，幸有青椒紅椒吊味。另外山賊燒肉眼扒配薯菜，看賣相實在同樣不吸引，不過反而肉扒不會很韌，反之比意粉來得出色。總結來說，價錢不太值，又一點失望。下次還是早一點，到Food Court食三餸飯了。

那晚看演唱會前來呢度食飯，可能平時0吾太多人，所以呢度人手出現問題，有點應接不暇，而且服務員都幾0吾好老皮。野食質素0吾掂，台椅亦好烏joe，根本無服務員去清潔。個餐茶要再三催至有。絕對無下次。

見門面裝修不錯，因此和朋友一試，令人極度失望。首先waitress態度不佳+黑臉，亂收餐\具。之後我和朋友叫了蒜香什菌炒飯，怎知來到的時候是一碟什菌加一碗白飯，我還以為自己來了茶餐\廳點了經濟客飯。於是我詢問(應該是)經理，問他為甚麼來的不是炒飯，但他答了我一句：係呀。就走開了。我們呆了，係呀是甚麼意思呢？係應該炒飯，但來錯了，還是係白飯，只係餐\牌寫錯？$28(不連飲品和要加一)吃了這樣的lunch，覺得非常不值。

好耐冇去紅磡~又再一次黎到呢度!睇演唱會之前同兩個fd去既~今次多左好多野食,不過我冇叫set dinner,睇到食評好似麻麻~叫左個芥末海鮮焗飯~幾得意呀!有少少wasibe味,又唔會spicy~味道o岩o岩好~2個fd叫左個set dinner,好耐先到,係呢度扣分啦!同埋d waiter好似好忙咁,叫完好耐先應~

又一個紅館的晚上, 神奇時光之前先來過晚餐, 想不到係更加神奇.小弟遲到, 文迪已經叫了個雞, 看看餐牌, 最後要了個鴨, 剛剛一對.知味海南雞飯$43: 4分, 油飯都算做幾香的, 硬了點. 但係雞無乜肉, 好多骨, 也偏老, 白肉部份係幾鞋口的. 用作店名為題, 水準係相當令人失望.秘製啤酒汁炆米鴨$58: 0分, 係等了好久好久先來, 差點以為隔離要唱愛與誠了. 一吃落口, 味道係十分奇怪, 完全吃不出啤酒味, 只有陣怪怪的苦味. 米鴨又係骨多過肉. 看來這秘製真的係被我都唔制!不算便宜, 但食物係相當差, 服務又係好差, 態度惡劣.算了吧! 這裡係知味, 並不是滋味.

尋晚睇Eason concert, 所以近近地去都會食野, 見佢唔太多人就入左去, 因時間不多, 兩個人坐低無耐就係SET DIN MENU 選左個西冷扒同三文魚天使麵, 上菜都幾快. 個扒幾厚, 但一邊生一邊好熟, 熟個邊都好硬下, 個天使麵仲奇怪, 明明話有鮮茄, 但成碟麵真係無色無味, 淡到好似係屋企自己煮米粉咁, 可以讚既只有話佢D 三文魚都叫多GEI. 最後我地兩個餐都食剩(對唔住, 我地平時好少咁無衣食, 但...真係食唔到LA), 兩個人急急腳上左FOOD COURT 食左個煎鍋貼, 叫做滿足返D **REMARK: 野飲都係唔得, D 奶茶好吉野家, 好似苦茶咁**

今晚睇演唱會前食晚飯,近7點間間都爆滿, 係得呢間有位...........與友人叫了兩個一人晚餐share食,叫XX牛柳凹同XX蝦仁,等了30mins先有唔熱的湯到,45mins先有野食,牛柳凹好硬好咸,蝦仁完全無味,食物水準差得好緊要~!期間完全無人招呼,叫人浸水當聽唔到~!有個女侍應上凍檸水時仲淋濕一個女仔,之後無人出來道歉,其他侍應仲埋怨女食客整濕地下,離譜~!臨走前仲見有一台客問點解無停車場級飛,有四眼經理話唔關佢事叫果台客去"吠"商場d人,果台客同佢嘈,之後有個肥侍應走出來除呔講粗口喊打人,嚇到我地拿拿聲走~!呢間野太恐怖,侍應可以自把自為,完全唔似一間餐廳,大排檔仲好過佢,我以後都唔會再幫襯呢間謀人寺了~!

下午食左個黑招豬扒飯…勁耐先黎…杯凍檸茶又俾錯凍奶茶…塊扒勁硬…把刀都唔係好切得落…救命…冇哂mood食…待應D效率好低…各位巴打…免得過都唔好係都食…食到慶…

新理工校舍搬左去老遠重冇啖好食，lectures中間有一個鐘食飯，於是去左都會搵野食。見到呢間野都裝修幾好，又有D人食，於是膽粗粗試下，唔試由自可，一試把幾火！一行十個同學仔，八個叫左個黑椒西冷牛扒拼薯菜，等左成七個字(35 mins)先黎到，D扒重要大細不一差好遠，擺明坤水，好彩我地叫左七個，可以比較下。食落去硬到石頭甘，切極都切唔落，有邊好熟有邊好生，生果邊血淋淋，我都冇食到。D薯條勁唔新鮮，淋zi zi，好似炸左好耐甘，又細份。當我地八個人食完成個扒，兩個同學個海南雞飯都重未到。我地前後催左個待應四五次，成日話黎緊黎緊。一個鐘後，個經理走埋黎話：唔好意思丫，我地海南雞飯賣哂，一係轉其他野好嘛？足足一粒鐘先黎話冇，真係把幾火！！！結果佢地都轉左黑椒西冷牛扒拼薯菜。跟住兩三個字之後，奇蹟出現。有兩碟海南雞飯捧出黎，我地呆哂。又話冇，而家又有？你落樓下foodcourt斬料上黎丫？！都唔知敢唔敢食。D飯全黃色撈勁多豬油，肥到丫媽都唔認得，皮多過雞肉，點食？！野飲都催左五六次，又係成日話黎緊黎緊，杯熱可力都話臨賣單先拎出黎，想點？！我地食到好炆，以後都唔會幫襯呢間野！！！！！

今日上完堂,見呢間冇咩人,就走左去試下啦..之後order左個咖哩雞飯,我本身係超級咖哩迷..眼見同學d飯都來齊哂,,淨返我個未來我就同經理講..佢就成日都話"來緊來緊"..好啦..等左成8個字..冇錯..係40 分鐘..!!!!!先至來到...一食...嘩..咖哩味我就食唔到啦..d 雞鞋到呀..從來都未食過d咁差o既咖哩...以後都唔會再來呀埋單又慢..叫左幾次先再人加水比我..!!!

食過番尋味~凍奶茶甜o左少少~侍應好好人，我坐低慢慢食+睇書主動幫我加水~下午冇乜人，好relax~

碗lasa好似食正餐咁大份，食唔出係麵定係米粉，不過似麵多d，怪怪地但又幾好食，食完竟然冇口喝，唔通冇味精？仲有五大片煙鴨胸，瓜、豆卜，好好味，如果肚餓的話真係抵到爛！另一份叫o左金菇牛肉卷，係即燒的，因為都等o左一陣，加好好味！三大舊！配埋凍奶茶檸茶，真係好平好抵啊~

早幾日行過去都會商場試Bon Bond Cafe既下午茶餐。我地兩個人﹐叫左雞軟骨併天使麵加薄餅Pizza﹐發覺無論味道或賣相都係超水準﹐好味﹗我見其他人都係叫天使麵﹐又有人叫high tea set ﹐有雞翼﹐餃子等﹐真係低食。特登影左相同大家分享﹗