直美 (已結業)

又有間新既放題啦 之前叫火鳥既放題變左做直美既放題。我就即刻去左試下食。叫左食物一陣D食物就黎整哂LU。舉一舉手就好快有人過黎幫手收野同埋落單同埋間野個光線唔太光，又唔會太暗，個feel幾好 就成個環境同服務先俾我留個唔錯既印象佢既熟食真係幾好食好似佢個泰式豬頸肉，肉質好彈牙，個汁又辣辣地，幾開胃 做前菜一流串燒味道都正 個陣燒烤香味勁香，肉汁既鮮又多，然後仲有陣炭燒味，黎到不能不食。仲有炸物，尤其天婦羅，蝦雖然比較細隻，但肉質幾實，提升成個口感，粉又唔厚，食多幾個都唔怕飽最後少不了係刺身，刺身都唔錯，買相幾討好三文魚都係腩位 幾鮮味，Size OK，但係肉厚，食好多都唔怕。尤魚唔un 仲幾甜甜蝦大隻 , 唔sing呢度既食物同埋環境 服務, 收呢個價，唔錯

旺角銀城有間放題新開無耐個日同我屋企去旺角，咁岩見到，就去下試一試。呢度裝修都幾別緻, 座位幾闊落, 可能係新開, 冇乜人 但感覺幾舒服佢個到有個飲品幾好飲，係水蜜桃啤酒。雖然就係啤酒，都佢酒精度低，又幾甜，好易入口，唔飲酒既朋友都會飲返一兩罐。仲有一定要提同埋推介佢地既蠔我叫左佢地個吉列炸蠔，佢地個蠔好大，幾口感 入味至於個羊架我覺得都OK。表面好大塊，其實簿簿地，一啖都食左半舊。所以叫多一兩舊都唔會太飽。而且食落d汁係咇出黎，勁正。仲有刺身個味道好鮮味 三文魚，魷魚 呢類真係必叫，刺身好新鮮。三文魚大大件, 仲係腩位,超多魚油,好肥美魷魚唔un , 亦幾爽口仲有個壽司卷，飯軟料足，食唔停口。要提下個服務態度，食物好怏到，但收碟就慢左D啦, 改善一下就好啦價錢就17幾（最貴時段），都好合理。

我自問食遍旺角的日本放題，發覺呢間放題用料新鮮，有好多新口味係他放題没有的，員工態度良好及友善。刺身雖然都是一般放題所提供的種類，但勝在用料新鮮同厚切。以下是我個人推介：海胆糯米糍，加入了少許 wasabi造的糯米糍皮很軟糯，能帶岀海胆的鮮味；機燒鲍魚很鮮很爽，仲有少許金箔在上，墊底那件蘿蔔煮得非常入味；燒蠔夠熱及有少許配料，很惹味；炸鷄軟骨夠乾身夠脆夠入味而不油腻，佐酒一流。甜品亦很精緻，如益力多奶凍/芝士一口蛋糕等，都係同區食館都未曾試過，希望呢間食肆能够keep到水準啦！

與老公即興於旺角找地方食晚餐，已七點了，然想起直美放題，便上去碰碰運氣，可能是閑日吧，不用等位。一行入去，員工佈滿親切的笑容。 坐下立即點刺身單，不出十分鐘便有一盆刺身於面前出現，用料新鮮不在話下，出來的份量亦很足。繼而點了壽司，其中值得推介的是象拔蚌壽司，十分爽甜。大會送的焗蠔亦很值得推介；我至愛的雞軟骨炸得很脆，但並不油膩；羊架很鬆軟很入味；海膽糯米糕糍更是我從未見過，甚至沒有想過，可知他們真的花了很多心機去做一些其他三文魚粥粥底綿而很鮮甜；還有日式火 鍋。飲品方面有汽水啤酒任飲，清酒需加錢任飲。甜品很有心思，有一口芝士蛋糕可比美酒店的水準。一定會再來的！

之前響團購買咗呢間放題, 呢日就約好咗朋友仔出黎一齊試!首先, 未食之前其實已經感受到呢間野既質素, 預早打去訂好枱, 原本都相安無事既, 點知朋友仔忽然打黎話果日唔得要改一改期, 咁我望清楚團購D條款(e.g.:比唔比改)就打去改啦….好簡單, 我直接講出我既要求..我: 唔好意思, 之前訂咗團購, 不過想改期店員: 你等等啦 (語帶悔氣)就黎等既期間, 唔知係果個店員唔記得mute定係專登比我聽, 我就聽到佢同另一個人既對話…店員: 咩事呀?店員: 團購呀, 真係麻鬼煩, 成日改黎改去!我: ……….. (好無言, 我都只係第一次改o者, 點樣改黎改去呀?!)隔咗一陣, 個店員再拎起電話同我講….店員: 團購果D淨係可以改一次架咋, 你知啦嘛! (超差既語氣!!!)我: ……….. (真係好無奈!!!) 我知啦!講咗我要咩日子之後, 我: 唔該… (個“該”字都未完, 佢就已經cup咗我線)算!!! 我忍……….食野既日子到啦, 訂咗5點半早埸, 我同朋友仔都預早D去到~一上到去, 就知中招啦!!!! 原來正正就係之前我地食過既「火鳥」, 只係轉咗個名..… 果次我地大家都覺得間野

見到團購任食生蠔放題(要另外收費)好吸引, 咪試下囉. 一行8人6:50PM到, 門口登記話未夠鐘唔可以入場(但場入只得1/3客), 咁算啦, 大家係門口等.入場後睇睇, 原來前身係火鳥(走時係樓下望見火鳥個LED燈牌仲係度).講番食物, 刺身除三文魚外, 其餘都唔掂, 特別係蝦. 壽司舊飯超硬,估計整好左一段時間.期待既生蠔等左30MINS, 催2次至黎, 點知一睇, 尐生蠔啡啡地色, 食落口係苦既.我地都冇再點, 唯有叫熟食.但真心, 一樣熟食都唔掂, 原來6人團購送一樣紅酒我地都冇要就走.第一次食放題只點兩次就走人, 而且場內只有一半客,但都冇人收檯要自己執走.

此日式放題舊址是火鳥。之前有光顧過火鳥，極度懷疑根本是同一間，連廚師老闆都是同一人。放題質素很差，只有刺身還可以，除此之外沒其他食物可以再encore。刺身種類有厚切三文魚(真係厚切，厚到唔想放入口），赤貝（身一次食到沒鮮味的），榮螺，貝柱（又是令人意外的一點鮮味也沒有），油甘魚（帶酸味）等等。服務生說劍魚腩雖然餐牌有，但唔會再入。 熟食我們點了羊架，天婦羅，韓式辣炒牛肉，還加錢點了生蠔。生蠔其實勉強過得去，始終放題質素唔可以強求。羊架從來未見過咁乾咁樣衰的，一點羊味也沒有，似劣質牛扒，韓式辣炒牛肉得個辣字，唔知自己食緊豬牛邊一種。直美的點菜紙有好多，應該有差唔多16張，但你點完第一輪已經搵唔到咩菜好點。因為佢一張點菜紙上面只有三至四道菜，仲要係個名唔同但實質差唔多既野，如廣島燒餅，蔬菜燒餅。。。諸如此類。我是用團購價光顧，所以埋單$177，以咁既質素真心俾多左好多。隔離桌有兩個後生仔正價入黎，冇任食生蠔都要每位$196。用二百蚊價錢食呢d質素食物，完全唔可以接受。食完後唯一感想就係，老闆只係想開間有咁多賺咁多，賺完就轉名再搵過既放題餐廳。真心勸大家唔好去。這種價錢有好多好多bett

2014既Christmas Eve念住同朋友一齊食餐好既，但真係好一般😣今次係朋友之間既gathering所以原諒我冇影到相。之前未轉手(火鳥)嗰陣食過兩次都好滿意，好鍾意。野食同服務對得住個價錢，所以今次都揀左，點知轉左手就真係轉左手😢d野食既選擇多左韓國野，但係少左其他野eg焗蠔，吉列蠔etc刺身一般，最好食係甜蝦三文魚。念住揀實冇死既燒菠蘿都死，菠蘿好難食😥燒到好乾，菠蘿完全唔甜。btw d韓國野整得好好好好一般。天婦羅都ok。蕃薯仔又係唔甜同乾。野飲就選擇唔多，得可樂，芬達，烏龍茶(唔知有冇記錯)，不知名啤酒(可能我見識少)，同埋康師傅d野飲😐最抵讚既係d service😃d 員工都好nice，好好笑容，野食黎得又快，如果食物既quality可以好d就好啦😍

刺身夠新鮮，野食款式ok，生蠔就吾駛加錢試啦。生蠔好有『驚喜』，好過好多五星酒店。串燒夠惹味，甜蝦強力推介，啤酒任飲正！仲有名產既康師傅，美連達氣水，燒波蘿好有風味！

聖誕節嚟咗呢到食，6:25嚟到，入去2個人坐近路口位，同埋其實台有點細，食放題叫野食可能唔夠位放。一開始很興奮的落刺身啦…等咗都一段時間先嚟……點知……同我地落嘅唔一樣，不過太肚餓就照食先，刺身基本上不錯，只是鮑片我地唔太岩食。第二次終於嚟岩了！不過其實嚟到d冰都溶咗1/3,所以要鮮要快快食！ 海膽要加錢的，但都不錯！ 其他熱食我冇乜影相，大致味道不錯，但野食唔夠熱我果區個服務員成日話轉頭(例：加茶)，但最後又去了做其他野，我明白放題係會忙，但叫三四次都加不到一次茶有少少失望……整體味道是不錯的，但219加一，成241一個人就只會食呢次，因為實在有點貴！

在團購見到百幾蚊又有得任食蠔即刻買黎試下,果日揀左6-8PM呢段時間食,17:55去到,門外無咩人排隊,一到1800即刻入座幾好一坐下當然立即叫生蠔同刺生,甜蝦啦,可能時間仲早無咩客,所以食物真係極速來到1.生蠔: 好瘦好細隻,入口好腥,完全唔掂,食完第一隻之後個D要狂加茄汁同檸檬汁,真係好失望寧願佢唔好有生蠔2.刺生: 整體黎講,三文魚幾肥美我最鐘意食甜蝦,呢到係有頭甜蝦,但唔係想像中咁大隻,而且同生蠔一樣好腥,唔新鮮3.其他食物無咩特別，全部麻麻地，當晚最好食竟然係天婦羅，熱拿拿又夠脆，我地點左三次埋單$128+49 = $177呢個價錢絕對係只此一次