影片
以上資料只供參考, 請與餐廳確認詳情
上星期一, 點解咁記得係上星期一呢? 因為師傅正懊惱緊晚飯食咩好, 突然間心血來潮想去大角咀走番轉, 順便睇下有咩想食啦; 去到大角咁當然係四圍行下啦, 忽然間師傅好想吃魯肉餃, 當時第一間諗起就係車品品呢間人氣食店, 於是立即飛奔而去; 點知去到摸門釘, 原來呢間食店係休例一, 師傅當下心情沉到谷底! 無晒心機嘅情形下, 師傅就求其搵左呢間食店作為晚餐算數; 坦白講呢間食店都好夠歷史, 大大話話至少都有廿年, 淨係個名就夠過癮啦, 都唔知係唔係當時人開架呢?由於師傅由此至終都未有試過, 喺跌左個橙嘅情況下, 希望可以執番個桔啦! 入到去師傅發覺蚊都冇隻, 心裡面不停哼著“心寒” 呢首歌, 你話師傅今次仲唔大大鑊!坐底就拿拿聲落單, 希望用最快速度下快快口食晒佢啦; 當時唯一希望就係唔好太差啦, 喺要求大幅度下降下, 所以選擇食物亦唔敢亂黎, 就簡單咁揀左豬紅, 豬皮同魚蛋三個餸配上米粉!由於真係蚊都冇隻, 所以碗車仔麵好快就擺左喺師傅面前, 第一眼望埋去賣相亦不算太差, 於是師傅就即刻試下個湯底, 湯底頗為淡口, 飲左幾啖後依然帶唔起食慾, 味道真的一般; 再試豬皮, 豬皮太腍唔爽口, 所以口感甚差, 唔掂; 而豬紅就一舊舊實的的, 入口唔滑, 味道普通, 唔得呀; 最後係魚蛋, 魚蛋有三粒, 入口食唔到魚蛋應有嘅爽口彈牙, 咬口真的太腍, 加上都算腥, 唔得; 而米粉就普普通通, 唯一可取係碗車仔麵會配埋蔬菜, 雖然白菜仔煮得比較爽, 但幸好冇沙, 唔使錢嘅感覺反而較好!總括黎講車仔麵質素甚差, 整體表現係一般車仔麵檔之下, 環境同服務唔需要多講, 不過價錢就係好經濟, 十五蚊三餸一麵仲要包埋白菜仔, 站喺價錢角度係抵, 因為而家呢個時勢, 就算車仔麵都好難有咁平, 所以如果唔太計較的話, 呢度都可以一試; 不過師傅份人比較麻煩同奄尖, 所以一定冇下次, 喊臉唔比因為個價錢幫佢挽回返黎架! 一去出門口師傅又唱 “老鵬令我失望, 食店令我心寒”……
繼續閱讀
朋友住得近,所以有時我都會同朋友去呢度食下0野~不過多數食碗仔翅~我本身好鐘意食碗仔翅,去好多地方都會試下唔同人0既手勢,食左咁多地方,始終都係覺得呢度至好味呢度d碗仔翅仲有分唔同size,你可以叫普通、大、加大,0岩曬唔同食量0既客人呀~有次試過碗仔翅加魚肉,真係一試難忘...坦白講,魚肉真係好粉,唔叫仲好食~講到服務,有次同個朋友慢慢食,埋單都唔夠50蚊,點知老闆娘都無俾面色我0地睇,你話去第2度點可能有呢種情況先得0架
繼續閱讀
今晚好忙,忙到飛起,收工已是12点幾,又肚餓又倦唔想行咁遠,近近哋咪來呢到食車仔丏,点了豬紅.豬皮.豆卜加豬腸米粉,大大碗都係$20蚊,仲飲咗杯木瓜汁走甜,豬腸今日有D肥咗D,但整體來講已咁g$都算0K,朋友叫了芒果豆付花一口氣食清光,應該都幾好味,因佢鍾意食甜品,我地仲傾計坐下食下到2点先走人,埋單都係$45抵啦,去附近D茶記都唔得啦!
繼續閱讀
早幾日朋友仔半夜話要食糖水本來想去對面順德公但因為已經半夜1點幾人地收左工唯有轉黎呢度叫左紅豆沙($10),綠豆沙($10)同魚肉菜($11)魚肉好粉無味紅豆沙紅豆大大粒煲得夠淋又有陳皮味唔會太杰太稀可惜係仍然太甜綠豆沙都唔錯但又係衰在太甜如果佢可以少甜d相信客仔會多番d架因為近投注站關係跑馬日特別多人所以牆上寫明賽馬日淨飲汽水$9
繼續閱讀
10月2日, 下雨的一個晚上上完堂, 冇野食帶住空肚走到這"盧海鵬" !見到個個都食車仔面即叫了一個車仔米粉- 豬皮, 魚蛋, 蘿蔔還有老闆娘介紹的豬腸豬腸, 好好味, 但的而且確有點肥, 但我還是吃掉一年不淨!!豬皮, 普通但幾有咬口蘿蔔唔錯, 幾入味,幾甜魚蛋很普通, 沒有什麼問題還送了生菜生菜幾好味新鮮吃得飽飽吃不下糖水, 放下20 大元便走!
繼續閱讀