留家廚房 (已結業)

琴晚同左兩個朋友出去食飯, 本來係想去黃色門食, 但係已經無晒位, 咁咪試下佢地依間囉! 一入到去, 個格局比較似高級餐廳, 但都幾舒服, 我地叫左半隻京酥鴨, 鵝肝炒菜, 五味骨, 留家炒飯。Ｄ送黎O既時間唔會太急, 亦唔會太慢, 首先黎左五味骨, 有D似咕嚕肉同金沙骨結合, 但就無骨, 酸酸地辣辣地, D肉都炆得好林, 幾好味, 跟住黎左京酥鴨, 隻鴨可以話係幾首菜之中最好, 隻鴨D皮仲脆脆地, 有D汁, D肉亦都煮得好林, 骨都起埋, 底下有D栗子同蓮子, 白菜仔伴碟, 依隻鴨可以俾九十分, 鵝肝炒菜反而無普通果D炒菜咁好味, 花考左D, 個炒飯o既炒功幾好, 但D料同出面酒樓炒飯差唔多。睇過之前食評D人都知佢得兩種甜品, 個糖水幾清甜, 食完飯飯都唔會覺得太飽, 但個糕就唔係太好味, 唔食無損失。要讚o既係佢地服務幾好, 而家都無遇到之前果位網友被安排坐街邊o既情況, 自動自覺"針"茶, 落單一叫即到, 唔錯。三個人最後埋單六百幾, 價錢合理, 不過最好八點半先去, 可以坐耐D慢慢傾下計, 唔洗趕頭趕命。總括黎講，我俾佢地八十五分，可以一試！

第三站：晚飯地方一點也不像私房菜，有十張左右，室內的擺設令人覺得很舒服，招呼也不差。我們七個人，叫了八個；菜式有別一般的酒樓小菜，起碼不會吃來吃去果幾味。蜜糖雞潤：有蜜糖味的雞潤及雞腎，細細碟，味道有點像BBQ的燒烤食品；煙燻雞：雞皮有少許甜味，雞肉很嫩咬落還有香料味；鵝肝醬炒芥蘭：我想是罐頭鵝肝醬炒芥蘭，這樣的配搭竟然有不錯的效果；蝦子柚皮：用上湯淋上有蝦子的柚皮面，柚皮入口即溶；黃金肉鬆涼瓜：用咸蛋黃及豬肉碎炒涼瓜，個人口味喜歡苦瓜一點；WASABI牛肉粒：切成大大粒的七成熟牛肉，配wasabi獻汁，紫菜鯪魚卷：用紫菜包著鯪魚肉炸，配一個酸甜汁，但我嫌稍腥了一點；荷葉飯：此飯要早一天預訂；我因太飽，只吃了半碗，只覺味道一般。 我們不試這裡的甜品了，皆因這條街有太多其他的選擇，OK，埋單，下一站，甜品！

I have once **reserved** a table for 2. When we arrived, they ended up asking us to seat outside of the restaurant (a temporary table set on the street). They told us that a table will available in a few minute and we can then sit inside... After 5 minutes, we found that a table is available as a couple left... and the manager refused to let us have the table as "it is a table for three" I was so upset as this table was occupied by 2 persons... We ended up without ordering anything. By just

同舊老細以及兩位舊同事補食新年飯，由於舊老細o既朋友大力推薦呢度，就即管黎一試。其實呢度o既訂檯時間非常不便，得6:30同8:30兩個時段，好似一D私房菜咁，但其實都係普通飯店的叫菜模式，真係唔明點解要有此安排。6:30黎到，個場當然係非常之咁「吉」啦，要到近8點至開始多人─香港人邊有咁早收工食晚飯呀？不過由於佢唔係滿晒，所以我地坐過8:30都冇趕，服務生o既態度亦謙恭有禮，都幾適合談天說地。四個人都叫左唔少野，由於我最遲到，叫菜由舊老細發板，所以菜名係估估下。共叫左：西洋菜湯、招牌燻雞、五柳魚、苦盡甘來﹝即涼瓜鹹蛋黃炒肉鬆﹞、紅炆海參、珍珠雞﹝老細朋友強力推薦，話一人一件會唔夠食咁話﹞同上湯浸芥蘭。個西洋菜湯係一盅盅咁上o既，煮得好「溶」，好清甜。招牌菜o既燻雞上檯賣相已經好靚，皮光肉滑，再加左兩片玫瑰花瓣，算係有D造型。燻雞皮入口微脆，充滿茶香，雞肉亦算嫩滑，不愧係招牌菜。五柳魚D汁多到好似湯浸咁，個人而言就比較鍾意汁同魚o既比例平衡番D，而且太多汁令到魚的表面好快就唔脆。唔知用ｏ既係咩魚，略有腥味，結果大家都冇食皮。個五柳汁味道都可以，而且唔會太厚獻，酸酸甜甜，幾開胃的。個涼瓜鹹

幾個人專程食開年飯, 一早訂檯, 諗住各大報紙雜誌煲得咁勁, 點都要試.舖唔大但好企理, 點大概以下幾味:煙薰雞- 應該係呢度必吃項目, 但覺得層皮苦;肝膽相照- 個名幾攪鬼, 係用鵝肝煮芥蘭, 可以;炒牛胸- 有蘿蔔, 牛胸炒得幾爽口有咬感, 可惜成碟就只有幾塊係唔肥, 其他真係肥到食唔落;留家湯丸(需預訂) - 鹹, 當湯麵食, 萬眾期待原來只係無餡小湯丸浸係魚肉菜湯度, 心諗咁都要預訂? 但湯丸煙"un", 魚肉都幾鮮....侍仔會介紹菜式, 換碟都幾勤, 不過我感覺都係麻麻. 食完呢餐, 我真係無諗過再囉!

見很多網頁介紹,遂與男友二人來試菜.週六晚上訂檯極滿,規定6:30或8:30.訂了兩個星期才有檯.遺憾兩人檯是一張極細的檯.比大家樂等快餐廳的還要細.根本不夠用.點了招牌菜: 留家燻雞,咖哩牛胸和蝦兵蟹將（蝦籽蟹肉鮮菇扒蘭度）.味道是不錯的.但偏甜.由於上菜極快(可以想像餐廳的氣氛如何),加上坐得很不舒服(檯面實在太細),我們極速食完埋單.由坐低落單到離開合共只需30分鐘.(本人是出名吃得慢的!)雖然食物OK¸但這次感覺極不愉快,可能大堆頭人會好D,不適合情侶喃喃細語.

昨晚在此"造冬"，一共試了十一樣菜色，其中印象最深刻的有：1. 玫瑰花煙燻雞-芳香味美，肉質嫩滑。玫瑰香、煙燻香和焦糖香撲鼻而來，已經很久沒有這種回味再三的感覺！2. 留家五味骨-雖然份量略小，但真的有齊甜、酸、苦、辣、鹹五味，絕對是味覺上的新嘗試。3. 日本芥末牛仔粒-份量同樣偏小。個人本來很怕wasabi的辣，但此菜只保留芥末的香，卻沒有了辣，用的牛柳也有水準。4. 秘製金錢腱-味道毫不特別，想了一整晚也不明白何謂秘製。望有識之士賜教。5. 乾炒牛河-河粉"碎濕濕"，沒有驚喜。何洪記仍是No. 1！順帶一提：舖面不大，必須訂位。