影片
以上資料只供參考, 請與餐廳確認詳情
食家推介
招牌菜
估唔到 勁難食 係海怡住左咁耐都未試過呢間糖水鋪，見佢又唔洗排隊，又有位，咁去下囉，款式都吸引既，因為有d飽飽地所以食中式糖水食芝麻糊，都夠熱既，但冇芝麻味，好似飲緊水咁都未食過咁難食既野， d服務員又黑口黑面咁 真係冇下次喇
繼續閱讀
同家人食個飯後甜品 , 來到了甜品莊 . 此小店於海怡東商場的一個小角落 , 雖然座位不多但環境舒適 .小店賣的是西式甜品 , 亦有提供中式甜品 , 正合家人不同的口味 . 老爸點了中式 , 我和女友點了西式 . 甜品來了 , 其中我點了一道火焰雪山 . 那是用蛋白泡蓋上香草雪糕形成雪山 , 加上霖酒後點火 , 最後灑上冰凍的煉奶把火撲滅 .點火前 , 店員把店內的燈調暗 , 火焰雪山頓時成為小店中令人期待的焦點 . 點火時的情亦十分可觀 , 詳情可按 Movie 去片 . 視覺享受完了 , 現在來味覺享受 . 火焰雪山的外層係煉奶 , 霖酒加輕微燒焦的蛋白 , 口感獨特 ; 內層則是香草雪糕 . 由於內冷外暖 , 味覺層次十分豐富 . 整體而言 , 此店的甜品甜度十分適中 , 火焰雪山亦不例外 . 給個鑽 . 更上一層樓 , 竟然還有聽覺的享受 ! 火焰雪山原來係不少港人的美好回憶 . 我和女友一邊食火焰雪山 , 一邊聽老爸細說有關火焰雪山的當年情 ( 大家可搜尋 " 皇上皇 火焰雪山 " 一詞 , 下刪 ) ...美麗的表演 , 好味的甜品 , 有趣的故事 , 舒適的環境 , 實在係人生一大享受 ! 想不到小小的甜品莊竟能用一道甜品同時滿足了我們視覺 , 味覺 , 什至聽覺的享受 , 實在過癮 !甜品莊值得推介 !
繼續閱讀
甜品店最近係南區越開越多但新式既普遍都比較貴兼多人排要等勁耐而尼間係海怡東西商場中間既小店就可以解決你既煩惱舖頭一至日都開星期一至四開2pm-11pm last order係1040pm星期五至日就開3pm-12am last order1140pm岩哂食tea同要食宵夜既為食友舖到選擇都算幾多 新式舊式中式西式都有 價錢比較平民 好多大概30蚊內就有交易我自己最鐘意嗌杏仁豆腐刨冰($29)原因首先係出面較少機會有杏仁同腐啦 而且尼度個刨冰有啲似雪花冰 食到底都唔會無味👍成碗唔只得刨冰仲會有唔少既杏仁豆腐圍邊 一次過滿足2個願望!另外薑汁湯圓亦唔錯 薑汁味重但唔辣 大人小朋友都食到尼暖下胃一句講曬就係 比較少人+環境靜+抵食+選擇多
繼續閱讀
同男友家人係屋企食完飯, 不如就到附近的糖水舖食糖水啦, 順便吹下水. 我去過青衣個間分店, 聽講話係酒店甜品師傅操刀, 唔知呢間係咪?男友知道小妹係綠茶控, 第一時間叫左個綠茶雪糕牛奶布丁. 甜度岩岩好, 我本身唔太好紅豆, 因為多數都整到好甜, 但呢度既紅豆食落粒粒爽口, 有咬口仲唔太甜, OK! 個布丁都好有奶味, 唔錯!男友DADDY叫個芝麻糊, 味道保持水準!我就因為唔想食凍野同埋有D飽既關係, 叫左個蛋白杏仁茶, 我亦都好鐘意呢個甜品做CONTROL EXPERIMENT的, 呢度既杏仁茶都係不負眾望, 係生磨的, 好多蛋白, 唔太甜, OK!男友話呢度個火焰雪山一定要試, 佢點火時會全場熄燈, 都幾得意! 男友DADDY仲爆了當年第一次約會MAMMY食甜品都係食呢款, 咁我地就緊係試下啦! 成個火焰雪山係用蛋白+呍喱拿雪糕做, 味道會比賣相無咁特出. 其實我一向對比用酒冧完再燒既食物麻麻地, 因我個人幾怕燒完朕酒精味, 店員話係用RUM酒, 唔知係咪因為RUM酒既關係, D酒味過左一陣無乜, 食落仲有D甜甜地! 呢度D甜品都算抵食呀!
繼續閱讀
飯後甜品於住處附近尋覓，重訪甜品莊，點了數道甜品淺嚐。薑汁燉奶：薑味濃，驅寒佳品。燉奶滑口，甜度適中，奶香中規中矩。芒果西米露：西米露較淡口，甜度芒香可適量追加少許。火焰雪山：家中小鬼貪其火光表演。甜品酒香芬芳，外層蓬鬆，內層雪糕硬身，整體食味OK喇！
繼續閱讀