牛陣 (德福廣場1期)

營業中

休息中

每次想食日式火鍋都會諗起「牛陣」🐮，估唔到而家有「夏祭」主題🎏！除咗有夏祭遊戲同特色小食，仲有期間限定嘅日本直送懷舊『波子汽水』放題🎐！加埋著住祭典服飾嘅店員，喺香港都感受到日本祭典嘅氣氛~入座前可以係門口玩咗夏祭遊戲先，成功挑戰釣起6條小魚🎣，仲有全單29% Off添！食物款式仲新增咗祭典必食小食，包括炸雞、日式炒麵、章魚小丸子同爆谷等🍿⋯亦唔好錯過任飲波子汽水啊！————————————————👅 澳洲產特上長期穀飼牛放題套餐（$278/90分鐘）🔸呢個套餐食到澳洲產特上長期穀飼牛、沖繩豬、牛舌同基本款海鮮等🤩，見到開放式廚房有機器即場刨牛肉~🔸 特上穀飼牛軟嫩香口且油花感唔太膩，屬於可以食多幾塊😋，涮燙幾下食得，好夾甜甜地既壽喜燒，記得加多加8蚊要埋生雞蛋，一啖有齊濃純香滑！🔸牛舌就更重牛味，薄得嚟都幾彈牙😛，沖繩豬帶豬肉甜味，比軟夾豚骨湯~🔸 原隻魷魚仔同墨魚仔Q彈🐙，蟹子蝦滑頗鮮味，黃金螺螺味重又好煙韌🔸自助吧亦有好多林林總總嘅火鍋配料同蔬菜🥬，有名牌清晰標示，選擇眾多🔸記得留返肚食Häagen-Dazs雪糕呀！嗰晚有六款選擇🍨，我最鍾意夏威夷果仁同朱古力味，加埋爆谷超正！🔸

同朋友聚舊最好就係shabushabu😋 今日同fd子嚟咗德福廣場呢間牛極打邊爐, 呢度嘅嘢食款式又多, 肉類又高質🥰🥓 今次我食咗個黑毛和牛放題, $279, 有黑毛豬、和牛、牛舌任食!🤩 和牛真係好好味! 肥瘦適中, 加埋醬汁都咁鮮味~ 我都好鍾意食牛舌咖, 牛舌比較厚身同煙un! 而黑毛豬都係超級靚咖, 而且夠晒薄片!🍡 丸同肉方面都係好多選擇, 爆汁丸、白魚丸都好正~ 肉類就除咗以上幾款牛同豬, 仲有任拎唔嬲嘅雞肉同魚肉添!🥬 配菜方面都係應有盡有! 番茄、豆腐、生菜等等各種菜、金菇、雞脾菇等幾種菇、響鈴、麵類... ... 一定唔會食厭!🍨 飲品同雪糕都係好多款, 雪糕仲係haagen daz嘅添！

放假同小朋友一齊行德福，行完想食飽飽先搭車去MegaBox，最後選擇左食牛陣🤣牛陣門口有個小小攤位，入去之前可以參加佢哋個夏祭活動，玩細細個嗰陣大家都會有玩過嘅釣魚遊戲。本來見釣得越多獎品越豐富，爸爸諗住出手，點知都係敵唔過小朋友嘅自告奮勇🤣🤣。入到去我同爸爸都揀咗同一個套餐，特選黑毛和牛及沖繩豚放題套餐，90分鐘429蚊。個套餐仲送左一盤好大份嘅海鮮拼盤，有蠔、蝦、扇貝、鮑魚。嘢飲方面就選擇咗波子汽水放題，而湯底就揀咗鴛鴦鍋，一邊辣嘅一邊就係✈️✈️✈️✈️✈️，大人同小朋友都岩食。最想講嘅係個黑毛和牛，望落已經同普通嘅牛唔同，食落更加係知點解佢叫特選。好種牛味，同埋隻肉質打邊爐真係一流。我同爸爸就主力食牛，中間食啲海鮮，而小朋友有波子汽水嘅陪伴下，都好乖咁一齊食左好多嘢。自選區個邊其實都好多配料揀，但我地掛住食牛，所以都只係行左一輪，夾咗小小丸同菜。放題食到尾聲，同埋小朋友一齊出去裝雪糕haagen dazs雪糕嘅魔力，真係大人小朋友都好難抵抗，4種口味都試哂😋，仲裝咗細細杯爆谷比小朋友。

好耐冇去九龍灣，今日去咗牛陣打邊爐。早放工去食午市平好多，呢個澳洲產穀飼牛放題套餐食90分鐘都只係$209，如果你玩遊戲贏咗仲有七一折添！（細個玩嘅釣魚遊戲，我比較廢淨係贏咗幾粒糖。）講返呢個餐，我叫咗壽喜燒湯底。佢嘅味道偏甜，將所有食物嘅味道都提升，尤其係啲菜好甜好好食。呢度有好多款先有，但係乜都唔使點！肉就有三盤，除咗澳洲嘅穀物飼養牛，仲有牛舌同埋沖繩豚肉。牛肉油花又靚味道濃郁，牛舌亦都十分爽口，豬肉有驚喜一啲都唔鞋！除咗肉類，仲有好多配料例如蔬菜同埋丸類。竟然仲有台灣腸添！仲有一啲海鮮例如墨魚同魷魚同埋章魚等等，都唔錯㗎！最後嘅甜品有Häagen-Dazs雪糕！有六隻未俾我哋揀，我一入嚟未食肉就食咗雪糕喇！今日有蜜瓜味、咖啡味、朱古力味、藍莓味、士多啤梨味、焦糖味；我最鍾意食蜜瓜味好清爽。仲有波子汽水任飲，真係充滿童年回憶。

今日一個人第一次去德福分店「牛陣」食牛叫咗個(90分鐘)澳洲長期谷飼牛放題 $209 + $5 混合湯一開始就俾咗一份豬肉片、一份牛脷、兩份澳洲牛，但系我一睇見嗰兩盒澳洲牛紅白相間分布，肉質紋理模糊，肥瘦無規律，再加上我留意到肥肉間中神奇地會有一兩點嘅紅肉，咁就好肯定系擠壓合成㗎啦 (你唔需要系一個專家，只需要你食不同嘅牛肉多加上又有多年買餸下廚嘅經驗就自然會識得分辨)，其實合成肉通常由兩塊以上嘅肉黏合系一齊，然後冰凍再進行分割切片。 但系又不得不贊呢間「牛陣」嘅系，當牛肉放入鍋煮熟後，澳洲牛竟然整體性良好，無乜分散成好多小塊，只系覺得牛味好淡。仲記得多年前去過好幾次「牛陣」喺觀塘APM嘅分店，當時食物還可以算得上不俗，但估唔到今日嘅「牛陣」都要學埋一啲呃呃騙騙嘅手法，咁樣做咪即系趕客。😩😩最可惜有樣嘢我做漏咗，就系唔記得影相去證明俾大家睇系真嘅。😮‍💨😮‍💨 不過無論如何，今日餐晏晝飯真系感覺非常唔好。

今日去咗牛陣食牛 叫咗最貴$359嗰個餐 寫到明係日本和牛嚟嘅一開始就唔係比和牛我哋 後尾第二轉又比第3段開始又唔俾 我哋又覺得怪怪地啦點解次次啲牛都唔同樣 於是就問個店員啦 佢就話係唔同部位所以d油花唔同但係食咁多年野一睇就知完全係兩個唔同級數嘅牛啦然後真係比我去夾配料嘅時候見到有個負責切肉嘅後生仔店員收埋我碟和牛去雪櫃做生意要呃呃騙騙嘅就唔係咁好啦 一定唔關店員事嘅應該都係上頭order扮嘢比嘅cheap牛：見到佢收埋焗住攞出嚟嗰份牛：簡直差天共地 越諗越嬲依間野主要都係食牛嘅 冇咩其他嘢食㗎啦

同愛佬二人去試牛陣 ，平時我哋掂行掂過。從來冇諗過入去，但係忽然間想試吓，我倆條老土怪就入去吃90 分鐘。原來好趕 食唔切 想食慢啲都唔得😅🤩😅😆不過🐂🐖肉也好味😋⋯⋯海鮮唔掂 青口唔得但係其他疏菜 (羽衣甘藍🥬正 正 正）雜菇 、丸丸 、雪糕🍦！可以添食 添飲。好扺 啤酒也可以

打邊爐時必定購買幾款牛肉來打邊爐，牛陣「肉の日半額」，昨晚做冬訂購了這套餐，外賣火煱套餐有澳洲產長期穀飼牛及日本產豚肉火鍋套餐，裏面包括：澳洲產長期穀飼牛、日本產豚肉、美洲產雞肉、季節蔬菜拼盤、配料拼盤、麵食 (烏冬/日式拉麵)、日本醬油、日式麻醬、新鮮蒜蓉、辣椒和芫茜蔥，連湯底都包括在內，分量十足，好夠方便！黑毛和牛肉汁細嫩，放入口即溶，屋企人都大讚好要encore！

午餐打邊爐真系一件想心樂事, 見到午市放題套餐 $129+1或定量$89+1, 以前已經試左放題, 今次大家覺得唔使食太多就揀左定量牛及豚, 有八片幾大塊既牛,嚴選牛肉比較瘦陸得太熟會比較鞋, 所以我就陸得生D, 薄切半肥瘦豬肉, 快熟有肉味, 由於安排位置唔錯好近出面方便拎野食，任食嘅食物水準質素幾好, 一讚, 任食食品有金菇,冬菇, 各款丸, 豆腐, 南瓜, 蟲草花, 娃娃菜.....當然不可以少既系雪糕, 有四款口味：士多啤梨,咖啡,曲奇呍呢拿同芒紅桑子. 一個滿足既午餐都係一百蚊內🤓 

話說好耐冇約過中學同學一齊食飯，於是我哋約咗今日喺九龍灣德福打邊爐，呢間牛陣已經唔係第一次食，已經食過幾次，依然係咁鍾意食。我哋一行四人揀左一個海鮮和牛套餐，最啱食肉獸嘅我可以瘋狂叫和牛及蝦。呢個餐雖然貴少少但係最正係可以瘋狂追加生蠔，如果鍾意食生蠔嘅朋友一定要揀呢個餐。飲品係可以免費選擇嘅，有多款飲品供選擇而我就最鍾意飲道地烏龍茶可以清清腸胃，當然唔少得佢嘅賣點之一就係Häagen-Dazs雪糕出邊買都要$20一杯，我哋每人食咗兩個其實已經回到本，一於試吓唔同嘅口味。另外出邊有好多配料可以供自己任君選擇，最正係佢有我最鍾意食嘅冰菜。

天氣凍凍最岩做咩呀？最岩就係打邊爐啦！今次揀左個A4和牛餐～一黎左湯底已急不及待馬上開動～選擇得牛陣，牛肉質素的自然有保證，雪花分佈剛剛好配料方面選擇亦都好多（不外乎必有既菜呀～響鈴等等）最後用哈根大師作甜品🍨🍨大大既滿足！

好耐無打過邊爐啦！今日就黎左牛陣，我想話除左要等得耐d，真係以咁既價錢無可挑剔😘😘呢間既staff都好nice，服務態度好好，又efficient😝好多職員都好有主動性去offer help，真係好值得一讚💕我地今次揀咗壽喜燒湯底，佢地既豚肉都好正，唔會油脂分佈太多，唔會整到成個湯底都有好多油浮面，所以真係食得多都無咁guilty😂🤣🤣🤣另外我好中意食佢地個鯊魚丸，真係好正❤️，不過大家食嘅時候要小心，因為裡面有好多汁會爆出嚟🤣之前未試過咖啡味嘅雪糕，呢個味好有驚喜，又幾好味喎😏飲品選擇略為少，建議可以提供多d飲品choice，咁就perfect lah👍🏻👍🏻

無打邊爐一排 再次係呢到食番都覺得質素唔錯 最平既牛肉都可以 有牛味！揀左壽喜燒湯底 唔會好甜 醬汁都好多選擇 火鍋配料都有唔少選擇 最後當然要食雪糕 依家改左做杯裝雪糕 但都有4款味道可以揀 可惜上次無焦糖脆餅揀 整體來講係幾抵食既日式火鍋放題 員工都係有禮貌嘅

#午市放題套餐 $129+1 60分鐘任食 中間坐位的位置較迫夾#嚴選牛肉 冇乜脂肪，就算啱啱熟肉質都係粗糙鞋口😂不喜歡粗糙的肉。下次都係食返肥牛....#豚肉 薄切半肥瘦豬肉，反而不錯，幾入味👍🏻好快熟，而且肉嫩不會粗糙湯底 #壽喜燒 偏甜，但係幾好味😋煮拉麵🍜、金菇、娃娃菜、南瓜 時幾好吃。建議聽加湯的時候叫他加水，因為湯越小的時候就會太甜#豬骨湯 偏向清淡，煮拉麵也不錯～ᶘ ᵒᴥᵒᶅ個人口味評分：5/10

看見大家的評論後，我和家人一起去吃午餐。到了餐廳後,就開始點餐😊員工推介吃澳洲🦘牛肉，同挑選了番茄味🍅的鍋湯，吃的時候帶來小小酸甜的味度，好想去來吃 員工服務態度：Very Good🥴好快手收盤子的時候，不會叫我們快點，有禮貌👍🏻 🥺希望大家都來吃🥺