影片
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
食家推介
17-2-2024（Sat）年初八朝陪老公睇完醫生後落荃灣,都到lunch time喇,我又唔太肚餓,去邊喥食好?老公話去荃新天地睇,睇唔啱,於是行嚟荃灣廣場,佢諗起有次喺呢喥食台灣嘢,係喎,我都記得,重要係唔差,但我哋都睇一睇水牌,唔見嘅?唔通執咗?我記得係老媽伴麵,我哋記得位置,於是上嚟睇,我哋喺呢間舖前就望到佢冇開門,真係執咗(https://www.openrice.com/zh/hongkong/r-%E8%80%81%E5%AA%BD%E6%8B%8C%E9%BA%B5-%E8%8D%83%E7%81%A3-%E5%8F%B0%E7%81%A3%E8%8F%9C-%E5%8F%B0%E5%BC%8F%E9%A3%B2%E5%93%81-r630538),好可惜呀(嗰個好食食評係2023年7月18日刊登嘅呢篇: https://www.openrice.com/zh/hongkong/review/%E6%A2%97%E4%BF%82%E9%A3%9F%E6%8B%8C%E9%BA%B5-e4896892).咁我哋睇吓食豚肉嘅呢間啦,見佢有一人鍋,於是入嚟食,坐低睇完menu,決定要:5.叫嘢食 加$18.00嘅青蘋果乳酸梳打幾清新舒服,又唔會太酸,好味.5分4. 叫嘢食加$8.00嘅熱檸水唔舒服嘅老公飲.1. $88.00嘅日本豚肉烏冬 上到嚟,原來呢個有配迷你沙律,先食日本豚肉烏冬,豚肉薄,肥嘅部份多,但唔膩,可能因為薄切吧;而烏冬唔係好彈牙,但啖湯好味,清得嚟夠味,比別府嘅好.迷你沙律我就最後至食,醋嘅份量啱啱好,菜都新鮮,唔錯.4.5分2. $48.00嘅沖繩風昆布炒豬肉一食,都幾鹹,昆布完全軟身,豬肉都唔太膩. 2.5分3. $149.00嘅特上日本豚鍋,要壽喜燒湯呢個係配飯嘅,淥熟晒食得,所有嘢都正常冇問題,而原來有皇帝菜,日本嘢都落皇帝菜?冬菇厚身多肉,壽喜燒湯偏甜,太甜喇.4分服務:一個侍應態度麻麻,但一個後生啲嘅唔錯.我哋掃QR code落咗嘢食至發現可以加錢要飲品,於是問個侍應講可唔可加返?佢答可以,佢人手落單.侍應主動走嚟移返正個鍋,我哋都唔舍個鍋移咗少少位.收銀嘅都好有禮貌.環境係4.5分,因個位有小小熱.價錢:連加一係$342.00.2.7分
繼續閱讀
今日第二次幫襯，叫咗一個豚肉鰻魚雙拼飯$118，另外加一，套餐有飲品及湯，上菜速度好快，溫度亦好夠，肚餓時食熱飯最滿足。豚肉好大塊，有三片咁多，調味剛剛好，鰻魚亦十分之肥美，整體來說，十分美味。只係考慮到健康，希望餐廳的套餐配埋蔬菜更加好。
繼續閱讀
經過左呢間日式燒肉丼飯幾次見到個menu幾吸引，終於搵左日lunch去試吓😋🥓🍛幸福二重奏：月見豬腩肉丼配炸雞芝士黑咖喱飯($128) 呢個set超豐富，一次過可以食到兩個味道嘅丼飯，豬腩肉同炸雞份量多，豬肉燒得好香而且好冧，炸雞唔會太油膩☺️黑咖喱有啲特別嘅香料味幾唔錯😋除咗丼飯之外個set仲包埋味噌湯、沙律、沖繩豬肉煎餃、飲品及甜品，一個人食應該食到捧住個肚走都食唔晒😆🥩🥓日本產和牛 豚肉鐵板雙併 配白飯($118)呢個鐵板一上到黎好香，和牛好香油脂好冧，調味方面甜甜地同有啲黑椒味，配飯一流😛🥓Aburi en 豚肉丼 ($88)呢個招牌嘅北海道十勝燒豚肉丼都幾有驚喜，望住去見到豬肉嘅紋路以為會偏硬，但係食落其他好夠冧同入味😉📍炙・宴 荃灣廣場、MOKO、利東街、時代廣場、康城、新城市廣場、圍方、形點、V City、荷里活廣場🍽️8.3/10#janfoodiary_日本菜
繼續閱讀
炙•宴 丼飯近年係周圍都開左分店，都試過幾次質素都唔錯。男朋友收工後去荃灣廣場睇下有咩食，見到宜家做緊套餐優惠，都幾抵食所以晚餐就再試試佢。套餐均有味噌湯及飲品。另外，加一服務費。特上鰻魚•照燒雞肉雙併飯 $92鰻魚帶有焦香，雞肉外皮煎得香脆多汁。飯量亦十分足夠。幸福二重丼•照燒雞肉丼配烏冬 $98套裝有沙律、兩隻餃子、味噌湯、黃豆粉蕨餅、細碗的照燒雞肉飯，同細碗的鰹魚湯烏冬。餐點份量不少，味道對得住價錢，男士亦能食得飽飽。
繼續閱讀
當晚想食日本嘢，貪心地又想食魚生，又想食熱嘢，路經荃灣廣場，見到呢間日本嘢冇咩人排隊，於是就入去食夜晚都有啲特價set，而呢個set就包羅萬有，有齊魚生飯，拉麵，餃子，沙律，湯同埋生果魚生飯都幾新鮮，啲魚生有火炙過，不過拉麵就淡咗少少冇咩味，唔係想像中嘅味道另外仲叫咗個壽喜燒打邊爐，揀咗要豬同牛mix，肉質唔錯，對得住價錢，只係可惜肉嘅份量比較少，唔多夠喉，不過其他配料都好足，加$10轉做烏冬，都幾飽肚。湯底稍為甜咗少少，食到尾覺得有啲甜環境就坐得幾舒服，埋單三百幾蚊，性價比都合理
繼續閱讀