影片
港鐵大圍站 A 出口, 步行約5分鐘
繼續閱讀
營業時間
星期一
全日休息
星期二至日
11:00 - 22:30
以上資料只供參考, 請與餐廳確認詳情
鋪仔細細 主做外賣多堂食風味十足只供全部室外摺檯坐正門口 不停有人買外賣價錢合理，分量多2個人食唔曬 拎2個盒外賣聽晚煮麵食埋佢 唔好曬😛潮州蠔仔粥（細）兩個人食有d多，足料好味，每一啖都有蠔仔滷水汁夠味道，唔會咸唔會淡滷水鵝片：真心推薦 新鮮，配埋白醋食一流，外賣好多人買呢個滷味拼盤（鵝腸.豬腩肉.墨魚）：多款選擇想食咩就揀咩淨豬紅：入味，味道濃
繼續閱讀
路經幾次都見到有人排隊買野之前就試過外賣鵝下裝去阿婆度食勁好味，今次就試下堂食兩個人食3樣餸都已經好飽了鵝肉入口即化又甘香唔係硬肉，食得出係新鮮煎蠔蛋我自己超級鐘意又香又唔熱氣豬紅都係靚野，有味，唔係出面車仔麵啲咬落唔會爆汁，又淡果種唔識點講地方係街邊檔如果大家想談情就唔好揀依間啦但同朋友食就一流服務員就係阿叔嬸嬸咁唔會唔舒服果種一切都剛剛好衛生就我自己都唔太介意有潔癖既朋友自己考慮清楚香港人抗疫加油💪🏻
繼續閱讀
朋友介紹，大圍有間隱世打冷，身為打冷迷嘅我又點會唔即刻試試佢呢。餐廳環境方面就麻麻地，坐位唔多，冇室內位，夏天黎食應該會有啲辛苦。黎到食打冷點少得個滷水拼盤，叫左墨魚，生腸同腎。全部都滷得好入味，墨魚同生腸都好爽口，好食。相比之下腎就淋左少少之後係白灼東風螺，東風螺全部都好大隻，仲有個奄痴住，証明好新鮮。而且都好大份，食落好滿足最後點少得蠔仔粥，入邊蠔仔非常足料，仲放咗鹹魚同埋炸蒜，非常之惹味，真心推介。如果唔介意個環境嘅話，尼間小店真係超級推介，又平又大份，而且味道都唔媽夫，cp值超高。
繼續閱讀
上次嚟叫外賣，嗌左豬耳，掌翼，墨魚片，鵝片等等一般都會叫到既食物。拎到返家一開，嘩，個陣"老"水味衝鼻而出，再放埋入口，第一下反應是，喂，掂喎間嘢。老水味夠，耳有耳味，翼有翼味，片有片味，真心覺得好食，老水嘢真係最緊要就係啲汁，佢啲汁唔會太濃，唔會太淡，食到我同成班fds好想再end call, 遲下一定會再去，又唔係貴，真心值得推介。不過稍有不足係鋪址不太近火車站，要行一段路仔先可以找到，不過好味既嘢，行遠啲都值既。注意，店鋪不太大間，如果要堂食要早啲到了。
繼續閱讀