漁樂軒 (已易手)

叫左:炸魚柳雞翼飯,冬菇牛腩飯,青紅蘿蔔煲粟米湯炸魚柳雞翼飯:魚柳香脆好味,雞翼炸得香口又夠入味,份量真係好大,個汁好重蒜香,好正.冬菇牛腩飯:牛腩好淋又夠味,冬菇爽口又夠香,個汁係蒜香豉油汁,十分香濃野味蒜香十足.青紅蘿蔔煲粟米湯:用料足,清潤可口.以外賣來講真係唔錯.

今日冇飯開又叫外賣.叫左:吉列魚柳香茅豬排飯蒜茸汁+木瓜湯吉列魚柳香茅豬排飯蒜茸汁$39:個飯好大個,重要有四件吉列魚柳,魚柳新鮮夠味又有口感,香茅豬排炸得香口夠脆,十分野味入口唔油膩,大大件好滿足.個汁好重蒜香,超正味道十足.木瓜湯$9:清香味美.整體:好食就好食,不過開始覺得幾貴囉.

今日叫外賣"漁樂軒"叫左:香茅豬排配蒜茸汁,牛腩炸醬飯香茅豬排配蒜茸汁$34:個飯大大盒,足夠兩人食,豬排炸得脆口入味,個汁好重蒜香,超正.牛腩炸醬飯$34:牛腩好淋又夠味,炸醬好大舊肉,個汁酸酸好開胃,食完真係好飽.

今日冇飯開又唔想落街,只好叫外賣喇.叫左:吉列魚柳飯蒜茸汁+菜亁豬肺湯吉列魚柳飯蒜茸汁$36:個飯大到呀,足夠兩人食一個都夠飽,重要有四件吉列魚柳,都係收$36,點解佢做得到,其他各大快餐店反而做唔到呢?魚柳好香脆,入口唔油膩,大大件好滿足.蒜茸汁好香,味道十足.菜亁豬肺湯:跟餐加$7,足料湯,好大碗,用料足,豬肺好腍又冇沙,重要冇味精.真係外賣首選.

係紅磡返工咁耐都唔知有依間舖, 同事介紹下今日lunch就去食下。午餐$30/客~Order左一客酥炸雞球飯。黎到個樣好似幾吸引咁! 數一數，一碟飯有成7-8件雞球~好抵食!個雞球炸得好好，食入口d肉仲係鮮嫩有肉味既~唔錯唔錯! 再配埋咖哩汁真係好好味!不過如果d咖哩汁可以多d就好啦~食到一半已經唔夠汁撈飯啦~!總結~下次lunch諗唔到食咩就一定會再食依間!!!>v</

我自問住九龍城區人士好吃可口又美味便宜的東西多的是!最近老友說這間米線軒頂瓜瓜後便索取了外賣紙一試!今午安坐家中等食到"誰知遇上繁忙時間...等了又等~之後可能本人住唐樓關係, 行到送外賣的"四眼女士"收$時好無品,就咁將客人碗米放係地上,仲粒聲唔出收$走人,我就像個傻MISS唔該前唔該後~唉! 老闆下次可否搵個正常人上門呀

等巴士時發現, 食了才上車啦, 雲吞麵, 通菜, 可樂, 雲吞內豬肉與蝦, 蝦不算太彈口, 中型SIZE, 夾豬肉包著蝦仁, 味道不錯吧, 麵身尚算彈牙, 不重簡水味, 也沒有太濃的蛋麵味, 通菜不錯, 幾爽口, 腐乳醬略為咸了, 可樂, 入貨吧, 沒意見. 飽飽上車

依家d麵店開到成巷成市，真係好難間間去試哂佢，唯有食過覺得ok 0既就keep住去食，呢間漁樂軒都光顧左3-4年喇，整體黎講不過不失0既，出名0既墨魚丸真係幾好味，酥炸雞球或雞亦都唔錯，dinner可以試下佢個飯，其實可以百搭0既，我就食開炸雞球+豬排飯同肉排+雞亦飯，都幾好味呀

因為住係呢間食肆附近既關係，平時成日見到呢間食肆既員工去送外賣，好想搵機會試下，當日食左碗生牛肉湯河，湯底同牛肉既味道都比想像中差，甚至都算係我食過香港十間八間越南粉裡面最差既一間，湯底淡到水汪汪之餘仲有股怪味，d牛肉又咬唔開！

16蚊有幾條菜，唔錯。d牛肉有少少薑嘅味道，唔韌。份量對我嚟講實在係太多。總括係冇特別。

哩間d 麵呀,米粉呀其實真係普通過普通,但佢都有值得一試既推介既!就係---炸雞球!!!雞球有六舊之多,炸得剛剛好,皮脆肉唔鞋,又唔硬,唔錯唔錯!拼米線盛惠$22冇野飲

見到這間漁樂軒,總是想起年前無線喜劇"男親女愛"內,黃子華飾演的余樂天,因為兩個名的音實在接近,認真九唔搭八.門外的招牌標榜著得獎雲吞麵,$16一碗,說得那麼巴閉,好,就入來一試虛實.其實,也沒有什麼特別大的期望.如果真的天上有,地下無,那些老字號如池記,麥奀,何洪記,仲使出黎行?現今除上述我所提及的老字號雲吞麵店之外,份量真正叫少的雲吞麵已買少見少,反而那些平價雲吞麵店,如雨後春荀,越開越多.賤物鬥窮人,這一類雲吞麵店,生意不絕.價錢平,份量又大,吃著也懶理正宗與否.而這個所謂的得獎雲吞麵,一見到有生菜在內,湯羹放著荵粒,在麵條面上.已經是反傳統之做法.試一啖湯,味道幾淡,那些什麼大地魚,蝦殼味也不突出.再吃幾大粒的雲吞,一口是蝦,吃極也是蝦,肥豬肉在那裏去?不是說全蝦的不好,但此雲吞內的蝦,質感有點霉.麵條呢?鹼水味不輕.本來已味啖的雲吞湯底,混合著鹼水味之後,更不能喝下去.又引証一樣,如果本身真係有料,就無須大吹大擂.得獎雲吞麵?這五個字,我都識寫.

每次坐巴士回家經過這兒時，那條寫着"美食之最大賞金獎"的紅色banner就出現眼前。萬萬想不到一間看來亳不起眼的小店竟然那麽有名。不來試試怎行 ?一坐下來就馬上試試得獎的雲吞。貪心一點想試多些，要了個雲吞牛腩雙併。平常小弟是一定要吃生麵的，但是日忽然思吃河粉，也就改變一下習慣了....份量貫徹一向土記食肆的傳統，份量大得很，一般胃納小的女士們是絕對無法將之KO的；先吃吃牛腩，做的是柱候style，但吃落沒有太重花椒八角的味道，切腩部份也不太夠淰及入味，只是很普通；主角雲吞看上去有一條散尾，但size卻是比傳統風格的大得多，餡料是蝦為主，豬肉只是佔很少的比例，不是小弟那杯茶。蝦吃落雖算新鮮帶點爽口，但卻是連蝦腸也還未有全然挑出的，外觀上已扣了一大截分了....當然算不得上很難吃(起碼算是抵吃)，但這雲吞是號稱得過獎的，要求少不免要高一點...看來絕對是過譽了....

一直想試這間得獎的餐廳，終於來試吃了。四個人，叫了雞球米線、雞翼米線、豬扒米線和牛腩河。雞球和雞翼另附甜酸醬，米線也加上了雪菜和時菜，巧見心思。豬扒炸得鬆，牛腩也惹味。最難得的是約20元的價錢，卻夠晒大碗，抵吃！

昨晚上咗一個朋友屋企工作，到晚飯時間，我個朋友話嚟呢間舖頭食飯。一坐低，望一望個餐牌，有十樣晚餐，不過入面有八樣我都唔食既…(又真菌類又牛腩，呢兩樣嘢既配搭就佔咗八樣晚餐)我忍唔住同個朋友講，點知個職員偷聽到，話：「你第一次嚟既，呢十樣晚餐你可以亂咁配搭，任得你點配都得！」嗯，咁又唔同晒！我叫咗個咖哩香茅豬扒雞球飯(本來係配什菌汁 =_=!)，個朋友叫咗個牛肉牛腩加腩汁飯d牛肉都算唔錯，粉味唔重，尚算鬆化。牛腩就唔知，因為我唔食既。結果我個朋友食晒個餐我果個飯都未到…一問，先知道係即叫即做…(反正大把時間，一於等下)半柱香時間，上碟了！個咖哩好香，食落算有咖哩味，香茅豬扒就好香茅！好香，豬扒煎到啱啱好，唔太乾身，又唔係一大塊上，係同你切成一條條，放便「送」飯！個雞球(乒乓球大小)一入口，外脆內軟，成口肉汁。等咗咁耐，值得值得！好滿足既一餐