漁屋日本料理 (已結業)

其實呢次去是第二次，食物全部到算不錯，魚生新鮮，羊排唔蘇，手司（d飯還暖），清酒蜆，火炙手司三文魚冇得頂，我食左十件，汽水啤酒（淸酒）任飲，不過清酒麻麻，火鍋同拉麵ok，我食地獄拉麵出奇地得少少辣（唔辣點算地獄）第一次同第二次比較，第一次去4人2細平dd，嗰次冇酒飲，食時間多dd，第二次去7人2細，有酒飲，食時間少左dd好準時，服務算好，Last order 有問到有漏食物嗎?我話有，但是不是冇這種食物嗎?她說不是，之後補反。

家人心血來潮想食放題，一行人walk-in，好運地有位不用等。魚生放面，共叫了四輪，三文魚第一輪非常普通，反而甜蝦就十分鮮味，劍魚腩亦不錯。到第二輪和三輪，不知是否幸運，三文魚都非常肥美，反而甜蝦就有點霉霉地(肉質上，不是味道)。總的來說魚生是滿意的。炸物方面，選擇也多，有青椒天婦羅、魷魚餅等，美中不足是沒有茄子天婦羅，我發覺這店是沒有茄子的食物。燒物方面，係牛的都好味道。服務方面，落單上菜都好快，不知是否坐在出菜位附近的關係，而服務員都好有禮貌。另外，是任飲的，有汽水有清酒，不過本家不飲酒，不知好唔好味。甜品是雀巢蓮花杯任食。本家食的是3小時放題，$218加一，話多30款嘢食。不過見鄰座2小時$1XX 食的東西和我們也差不多，只知道我們的甜品多了百福豆腐花。

個FD生日，就他，就食放題，提前一日BOOK，BOOK7點，個人報價198+1，說我地食218+1多款小小最後選左218+1跟住放工去到無所事事，就6點8上到去，個人都未等我開聲，就已經話168+1而家可以入去食，食到8點半個幾價錢可一差咁遠，真系好怪個場都幾大，坐得都唔算話非常逼點左第一輪刺身，分量系唔會跟紙寫的，系會按人數而比，但味道絕對算系幾OK，款式都算好多，每次上都小小，但又唔會話漏單跟住點左D壽司，個款都好多，而且舊飯好細舊，我覺得算系我去咁多放題裡面壽司最多款，而且最有心機整的一間，抵贊天婦羅都好多款，有青椒，幾特別，又幾好食炸豆腐都幾好食，但舊豆腐應該只系炸左幾秒，但勝在個配菜魚絲比較多呢度飲品都幾多款，連熱茶都要叫先有，算系非常特別。。。。燒粟米個分量系好多，但都好好食，好甜叫做個煮“見”來的時候分量都好多，而且真系只只有肉，D湯真系好清，不過D見系有泥，唔系有沙，系有泥。。。而且好大舊，幾乎好多都有，所以去食的人望清先好食甜品有豆腐花，好正，有雪糕講食物款，絕對唔少，已經唔系好記得自己食過咩，因為太多太多服務方面，都好到家，算系好有禮貌，上菜速度系非常快，基本上系不

很難找啊!! 為了找這間店舖而遲到=v=!之前有book位, 1行7人去。唔洗等立即有得入, 一入到去好舒服!1D都唔迫, 環境佈置得好靚。侍應每次拎單/收野/落食物都會講多謝/唔該, 其實我覺得很死板-_-||野食黎得幾快,但原來刺身每round每款只可20件, 唯有落多幾round啦!(不過很好, 免得浪費嘛!)D刺身放得好靚*V* (唔怪得SET死左件數啦)而且每款刺身真係幾好食, 冇雪藏/ 腥, 所以每款都可以叫來試試。 以放題來說算係幾好, 幾有水準。特別是玉子!! 是加糖並且燒過。真心, 正!(但我朋友說"太甜") JUST U LIKE LA!而當中我覺得金菇肥牛卷、紫蕃薯天婦羅、雞泡魚乾(?) 係最好食! (推介推介!!)另外, 有個類似雜綿串的食物, 我朋友說幾好味, 所以可以試試(?)不過唔好叫炒雜菜, 非常非常的多油!!diskile: 有漏單的情況出現, 係炸/冷豆腐, 清酒煮蜆等。後期都有上返, 只係炸豆腐好難食!!炸豆腐係有d汁浸住, then"淋"曬又甩皮, 難食-3-亦冇我最鐘意既炸蠔T^T <--- 只有卷物中有炸蠔不過對比起其他放題算是很不錯

一早BOOK 左位.6人.佢有分2小時同3小時.每人加多元30蚊左右.我地就CHOICE左3小時任食.而食物都有少少分別.刺身方面真係勁新鮮!!!D 三文魚又肥.玻璃蝦又大隻.質素同平時向JUCSO買既仲好熟食方面都好好.比和X更好味.而且睇得出唔係求其壽司方面....都係刺身好.飲品方面.選擇都好多.地方方面.又大又闊.坐得好舒服服務方面.不是走埋黎問好唔好味.不過收碟就慢D價錢方面.買6送1.我地為返每人$182抵!!!總括黎講我一定會再到.中途有幾台人生日.佢會突然熄晒成場燈.全部人同佢唱生日歌.係就係幾開心.不過可以唔駛突然間全場黑晒.比佢嚇死.

星期三係我男朋友生日,而我地2個本身自己都冇諗住豪食,一因為冇錢,二係因為近我地返工地點,所以選擇左呢度等位個陣已經慶慶地,放工已經好攰,只係想盡快醫肚,點知竟然等足廿分鍾,問侍應就不停話就有,唉!!入到去之後梗係狂tick刺身,但黎個陣真係好少份量囉!!有冇攪錯呀?我頭一round咋喎!而且食放題主打梗係刺身架啦!而且舊舊都薄切,根本2個人係咁叫都唔飽,唉差!不過D刺身算係幾新鮮,但係漏單同催單情況真係經常出現囉!炸物同熟食漏單情況唔會出現(可能一次過起曬D order), 但真係唔太好食囉! 因為天婦羅真係好油好油!而且問題係咁油既情況之下真係好濟,已經唔想再叫!清酒煮蜆簡直係差差差,冇酒味之餘D蜆有好多沙,湯底好似味精湯煮出黎咁!唉! 最慘係連D三文魚燒物真係好腥...羊架少肉過頭,情況如刺身一樣要不停order,唉!如果真係要講比較好食既,有芝士年糕同埋金姑肥牛卷,但呢D野好平常姐,我自己買同整都得啦! 我洗咩洗百幾舊黎食呀?仲要比左個唔好既生日回憶我至愛, 唉!

環境唔錯, 沒有擠逼感, 地方算寬敞, 服務唔錯. 職員態度很友善, 收單快上菜都快但有少少漏單.食物種類: 已這價錢都ok 刺身擺得好靚,但不知為何自動幫你減半上碟,( 後來跟職員了解在落單時除了要寫枱號仲要寫人數才不會減半上碟) 大家要記住啦!! 天婦羅炸蝦、炸蕃薯都好得( 粉夠薄), 雞軟骨(正)吉列豬扒都ok, 炸墨魚餅 好味. 羊架肉質嫩滑,薄燒牛肉同金菇肥牛差不多 一般, 清酒煮蜆 唔錯冇沙,手卷都OK,最後食了個燒三文魚頭(好味),牛油粟米,用鐵板上(正)..仲有雞泡魚干(超正)!!!

抱住佢係一間連鎖店既心態去試下,心諗應該冇死啦呱!好似板長咁,差極都會有個譜點知就中中地伏啦!首先玄米綠茶我會覺得比較有新意D,因為比起其它放題餐廳有新意D點知得個熱字..冇咩玄米味,茶味都欠奉!算啦!唔緊要,我黎係食野唔係飲茶香港人鍾意食魚生就係人都知啦,而且都係放題既主角但係我叫左成碟,我食左幾舊一D都唔新鮮既?! 我覺得最好既只係帶子囉三文魚同tuna都唔係好掂..之後到熟食, 我見到側邊D人成籃天婦羅咁好過癮點知一咬入口D粉厚到咩咁唔在講,仲要蝦既肉質散既?到最後我只係食曬D菜算了至於佢地出名既河豚魚乾算係比較有心思D,擺設都唔錯,係入口硬左D同燶左D囉...到左最好快D趁熱食啦因為我食到最後唔知係咪因為比冷氣吹得耐左硬到好似石頭咁 同埋粒粒栗米算係比較好,而且幾甜但係點解可以無甜品架? 我就算係元朗韓燒都會有ice cream啦! 唉! 好在冇叫D小朋友黎!如果唔係嚐甜既佢地一定嘈生曬比較值得讚既係waiter態度囉,成晚走黎走去都唔黑面,但係漏單情況比較嚴重,要記得改進!

其實呢日既前一日先係我人生第一次食放題，因為上次食得ok所以今次對放題都有d期望，一直以來都認為放題係平價的buffet而已。好朋友生日食飯慶祝少不了，友人的友人食過漁屋，俾佢講到好吸引自不然想試試。本來想食荃灣個間但因為booking太full要夜晚9:30先有位 無奈之下只好放棄，其實呢間都full 所以book左5:30食...真係好耐都未試過咁早食晚飯 但我好醒目之前留定肚。店內環境格局唔錯，坐位一d都唔擠迫，行人地方空間都非常夠 實在同好多放題店不能相比，可能店仲係新連空調都好似特別夠力落單食物種類其實唔算太多但相信都夠食，刺身相信必然首選，上台速度很快而且好新鮮，三文魚肥美，甜蝦雖小都也是鮮甜連同其他的確唔錯，壽司上台整齊乾淨雖然每件比平常的細小但反而可食更多種類。冷食整體感覺乾淨衛生而企理。炸物意想不到的快上 但也是新鮮熱辣但款式個人覺得可以多加些少，另外讚下芝士年糕好有口咬得來又香濃。手卷相對就少少失色，一來飯多而且紫菜一點兒也不脆失去了其獨有口感，實在乃一敗筆。其他小食金菇牛肉起絕對要一試，牛肉大塊 不肥而易咬 更薄燒牛肉用上同一醬汁實在好味，沙律也很新鮮入口清爽別有

某日在Openrice 見到這間放題式食肆評價甚高 (見時有4.2分), 但只得6篇食評嫌太少, 擔心係做妹, 但朋友的一大班同仕食過讚好, 所以決定跟朋友一行二人去試一次. 這間漁屋已經是我試的第七間放題式食肆了.9月7日不午五點半去到, 在門口等了兩三分鐘便入內坐低.環境唔錯, 沒有其他食放題地方的擠逼感, 地方算寬敞, 行人通道及座位與座位之間有足夠空間.服務唔錯. 職員態度很友善, 但嫌有時食完的空碟及飲完的汽水罐不太主動回收,要催才做. 另外, 有少少漏單情況.食物種類及質素 : 好一般. 食品選擇大致跟其他放題食店差不多 (或許是少一點才對), 但飲品選擇方面就實在太少 (只得罐裝汽水及綠荼), 特色飲品、啤酒及雪糕一律欠奉.質素 :1 刺身一般, 沒有特別驚喜, 但不算差. 叫得多的種類 (如三文魚刺身,八爪魚), 會自動幫你減半上碟(豈有此理). 較為欠佳的是魷魚, 太"林", 冇魷魚味. 另外,八爪魚減半上碟之餘, 砌到紙咁薄!2. 炸物: a 天婦羅炸蝦、炸蕃薯等不錯, 粉夠薄.. b 吉列豬扒唔錯, 肉質嫩滑. c 炸墨魚餅唔錯, 好味d 炸關東魚餅唔掂, 太油

約左唔使等，朋友話新開好味，咪試下羅。四個人一坐底急不及待係甘落單😁嘩，意想不到😍😍第一碟上來刺身擺得好靚好花心思😘😘即刻胃口大開，刺身好新鮮，仲無限量任食，有貴價帶子，鮑魚片，甜蝦，😍燒物熱呼呼上來好好味，最抵死個牛油粟米，用鐵板上，見到D牛油仲粟米粒上溶緊，好過隱，全程服務好好、環境企理干浄，抵贊，有食放題會第一時間去😜😜

朋友睇完食評定左8：30上到去有枱，好肚餓即點刺身，同其他野食，大概十分鐘，刺身一堆，賣相0分，三文魚梅，甜蝦腳趾尾咁大隻，吞拿魚似食緊咸西瓜😔，壽司還可以，D飯好酸，之士年糕一口粉，天婦羅👌，冷烏冬特硬食唔到，串燒淡而無味，侍應服務👌，冇take2，上綱睇同現實簡直天與地。

係尖沙咀返工, 真係周圍都有好野食, 今日想近近地, 諗住又幫襯樓上果間啦, 見到多左間新野就試下啦, 一坐低見到個lunch menu...-_-"洗唔洗咁多選擇...要食咩都有...定食, 刺身, 湯麵, 熟食, 火鍋...應有盡有仲要價錢都覺得非常合理啦...份量方面, 本身預計同區內大多數日料店一樣, 男仔要食1個半先夠吧...但實情係份量大到一個飯餐都未必食得晒...佢個set包一個沙律, (湯+ 飯) / (麵+2件太卷), @@"最驚係飲品任飲...講返野食先粒粒魚生飯($54) : 好大盤...無錯...佢係成個盤上的...d三文魚多到有1個半飯碗咁多...好似唔洗錢咁...三文魚好鮮...不過d油魚就有d腥...鳳尾蝦餃子拉麵 ($42) : 女仔都係叫麵食好啦...3隻餃子+拉麵...味道普通咖哩吉豬飯 ($48) : 豬扒炸得好香脆...無俾咖哩汁浸淋晒...咖哩口味是日本咖哩帶辛...而且個汁做得夠"傑"...好味汁燒牛肉飯 ($38) : 又平又好味又大份...愛牛肉者值得一試...最後...每人加10蚊仲可以任食三文魚sushi...每件剛剛好一口...不會

朋友介紹呢間食日本放提,仲要尖沙咀分店,所以遠到來吃.7:30pM到,馬上安排入座,魚生三文魚,吞拿魚,北寄貝甜蝦30隻其他還有希靈魚,帶子,蛋各10件試試 我一個人也最少吃了15件三文魚……北寄貝,甜蝦真係好新鮮同好鮮味……叫了8輪,,真的超讚!其他幾款魚生就普普通通.尤其帶子好細隻....壽司:食咗火灸三文魚,,殼蟹卷 海膽手卷-D海膽麻麻地新鮮…….燒物:有雞軟骨雞翼 有香粉味道..很特別(超好味)正!鯖魚,燒得好香口,總括所有燒物都燒得非常好心機,外脆內軟,如果全部都加多些咸味,更帶出燒烤的肉味.....炸物:天婦羅蝦,細細隻,但係粉不多,熱辣辣,蝦肉好爽,蟹棒天婦羅,芝士年go也不錯,外面炸得脆脆其他料理:牛油栗米,炒什菜,,牛肉鍋,,,不過有樣好,夠熱,我就最欣賞金牛肉卷,肉味好噥. 很大條小食:蟹籽沙律,枝豆.....也是一般,,我地6個人,真係食咗好多款....放提2個鐘,又點會食到咁多. 而且上菜又快,小小漏單,真係直得一讚再讚. 仲要汽水任飲..........真的抱住個肚走........

5:45黎到,當時冇咩人,加上book左位,我两個人,佢比4人卡位我,不過就算系两人位都吾會好窄野食比想象中少,野飲冇左啤酒同清酒有d可惜刺身很新鮮,三文魚厚切,但系唔夠肥,甜蝦,鮑片,帶子都好好,八爪魚,北極貝普通沙律也很很新鮮,炸物唔會好厚粉,推介蝦,番薯同芋頭,軟壳蟹,墨魚餅一般串焼款式很少,鷄軟骨很好,鷄肉串食落似麥樂鷄壽司做得很好,全部都細細件,飯同配料比例剛好,推介鰻魚同花之戀人,仲有雪之戀人同櫻之戀人,雪之戀人系太卷上面加隻蝦,櫻之戀人就系飯出面圍住鮑片,再加d粉紅色既野，幾靚，但系好睇唔好食仲有肥牛金菇同薄燒牛肉，薄燒牛肉就系肥牛包住葱同炸蒜整體黎講呢度野食系我食過既放題中最好既，全部真系比心機整出黎，唔系是但將d野堆埋一碟就上枱，服務態度亦好好，每次落單都會講多謝晒，收碟同上菜 ，速度都好快，系有漏單，不過唔嚴重，只系刺身比少左幾件，我本身可以接受，所以再黎機會好大