84
8
4
開飯介紹
集三家精髓於一身的新派潮州菜，供應地道打冷、精緻港式潮菜及南洋小販檔美食。
繼續閱讀
營業時間
今日營業
11:00 - 22:00
星期一至日
11:00 - 22:00
以上資料只供參考, 請與餐廳確認詳情
有關獎賞計劃
食家推介
相關文章
好朋友生日約咗佢去尖沙咀食潮州菜，我哋8:00去到都好多人，好彩我哋一早預約咗，我哋一行三人～食潮州菜價錢一向都唔平，呢一間屬於中價，唔算太貴～翡翠欖菜油泡鮮魷西芹爽口，鮮魷彈牙，平時唔係太鍾意食欖菜，但係原來樣樣配合都幾好食～香麻海蜇爽口呀，正正常常咁啦～雜菌炒牛仔粒菇類好大件，牛仔粒亦都好大件，比例上細返啲會唔會好啲呢 ，哈！牛肉唔韌，不過我嫌佢size太大了～鮑魚蝦籽薑蔥撈麵鮑魚大隻，厚肉彈牙，有鮑魚香味，蝦籽好多，整體成碟嘢都好濃味～
繼續閱讀
好耐無寫食評，又寫下論文先😆.呢間餐館，其實都嚟過好多次飲茶，而每次來來去去都係果幾款點心。好多人都話佢哋價錢貴，其實都係嘅，不過其實以佢地食物質素我又覺得可接受，只可以話唔係性價比高。.👅喜歡佢地嘅「潮州粉粿」，佢比一般中價茶樓係做到比較薄皮，皮嘅口感唔錯，接口位都唔覺太厚；餡料新鮮，唔係出面一咪用胡椒粉等香料遮蓋味道。.👅「豉汁蒸排骨」，好少肥膏，唔韌得嚟有肉香，墊底嘅南瓜香甜多汁，無話吸晒啲排骨肥肉，可能因為本身啲排骨都好少肥膏，碟入邊嘅汁都唔係太肥，當然唔係可以當湯飲😆.👅「叉燒腸」，啲叉燒正正路路啦，個皮都ok，唔厚唔薄，但滑嘅。.👅「鵝片薑蔥撈麵」老公次次嚟都會嗌，因為份量唔太多唔太，兩個人食完仲可以嗌多幾款點心。鵝片夠香，有咬口，撈粗嘅汁味道適中，薑蔥係前切幼絲，不過有時我會嫌佢啲薑太多，我會好似挑骨頭咁樣跳返晒出嚟😬 (我本身麻麻太重薑味).👅「鴛鴦水晶包」係我最愛，我每次必嗌，但有時點半後先去到無賣晒🥺🥺 個人很喜歡奶黃味，無記錯佢入面仲夾咗粒白蓮蓉，所以好香，而紅豆味都好味，會有淡淡嘅陳皮香。.👅而之前試過佢地個「韭菜粿」，係偏油，不過係好香好食嘅。.👅另外有次冇晒水晶包🥺🥺 唯有試咗佢個「杏汁桂花糕」，桂花味好香，而杏汁比較清，都好，唔會搶咗桂花味。口感適中，唔會太Q彈，又唔會太軟身。.🤓仲有想講講，佢有一張“特色小食”嘅點心紙，有一次patpat痕見佢有個大約$150蚊嘅「椒鹽潮州魚蛋」，就挑機睇吓點解要咁貴。冇記錯的話佢大約得12粒魚蛋，佢其實真係好好好好食，不過唔會值百幾蚊，魚蛋啫～頂多$80，跟住過咗一兩個月，佢居然加到170幾蚊👀究竟發生什麼事….💁🏻♀️服務方面，以呢個價錢都唔錯嘅，係試過可能係散工姨姨服務態度無咁得體，但尚可接受。(後記，難得打咗咁大篇嘢，差啲唔俾出，在此澄清，本人沒有接受過任何用餐優惠，純粹個人喜好)
繼續閱讀
之前嚟過一次食午飯幾好，今次新年包房食晚飯，環境及服務也不錯。紅燒潮州中鮑翅份量十足、啖啖翅，下面還有火興住保持溫度，加埋醋帶起味道，大滿足！6頭鮑魚伴柚皮鵝掌鮑魚彈牙入味、鵝掌嫩滑，伴埋柚皮一齊食，好味道。蘿蔔灌漿拼炸蝦餅炸蘿蔔很特色，很香濃好味。套餐還有這幾道菜，味道也不錯，只係太飽。滷水鵝肉鵝肝墨魚拼盤蒜香玉蘭菜脯炒飯火腩春菜煲馬蹄片綠豆爽
繼續閱讀
前段時間太忙，沒空整理，今天整理一下用餐體驗，避免其他朋友中伏。内地有親友來HK，想在尖沙咀找一間差不多的潮州餐廳，就在Openrice搜到這一間，來試試。整體菜式，不過不失。但是服務和落單價格明顯有很多伏位。我先到的餐廳（提早打電話訂位了），結果到了，發現沒有給我留位，要臨時安排。就把原本坐在12人桌上的兩位HK客人請到另一個細台。我在等的過程觀察，所有客人落座即會上一套功夫茶。等我的親友陸續入座后，根本不理不管上茶服務（我再三追問，才説自己忘記了，很不情願給上了一套）之後，就是點餐，極盡可能的給我介紹貴菜。我沒有理她，按照自己平時喜歡的菜式來落單。當我們叫炸蝦餅時，很“窩心”告訴我，例牌不夠我們9人吃，說最好叫1.5份。我點頭同意。上菜后，全家吃飯，不過不失，有些菜還是口味比較地道。最後埋單7-8個菜要了我4000多港紙，仔細看張單，發現跟我商量，所有菜全部按照1.5-2份的價格收我（我只是同意炸蝦餅按照1.5份上菜）。我當時沒有跟他計較（因爲親友在，不想掃興），但後面想了想，還是Post出來，避免其他朋友中伏。提醒有親友來HK游玩，想在尖沙咀酒店附近揾餐食的朋友，千企唔好來這間，很明顯的宰外地客，當然，本地食開的可以繼續幫襯，他們也不敢亂來。
繼續閱讀
今日同朋友慶祝生日，特別少少揀左去左尖沙咀美麗華間滿樂潮州試下潮州菜。無論裝修定價錢，餐廳都係走中檔次路線。 一坐低侍應先攞兩碟小食過黎 (咸菜同花生) (各$20一碟)，而茶方面今日揀左杭州菊花($25一位) 。睇完餐牌就叫左幾樣野食。 滷水鵝伕拼盆(例) ($218) 呢份拼盤款式都多，有鵝肉，腩肉，墨魚，豆腐。鵝肉都幾好，肉好嫩。 潮式灌漿蘿白 - 4件 ($140) 一舊加大版嘅蘿蔔絲酥餅，但無乜調味，淨係食到蘿蔔絲原味。 豉油皇煎鯧魚片 ($358) 呢個餸偏貴，幾片魚肉就收左350幾蚊。食落只係將魚肉起骨再煎香佢。 鮮蝦水瓜烙 ($168) 鮮蝦同水瓜好清新，連埋粉漿一齊煎，食起上黎唔怕話好油膩。 火腩春菜煲 ($168) 呢個好普通，菜還菜，火腩還火腩，分開煮再放埋一齊。 椒鹽豆腐茄子粒 ($88) 豆腐同茄子都炸到好脆，份量都多，呢個抵食。 欖菜肉碎炒飯 - 小份 ($118) 本身個男經理同我地講呢個係2人份量，點知黎到都唔係想碟中咁細。份量夠4個人食。但炒飯唔算突出。 清心丸綠豆漺 ($58) 呢款甜品都唔錯，好有綠豆香味。 桂花糕 - 3件 ($58) 桂花糕好重桂花味，但舊糕好易散，完全唔可以夾黎食。 食物唔算一鳴驚人，同埋連潮州菜最基本嘅功夫茶都無提供，4個人連加一食左1600幾，試過一次就夠。
繼續閱讀