滋味館粉麵 (已結業)

收工去買埋晚餐外賣比肥髀，上網搵咗呢間粉麵店，在商場外圍轉角，店內普通麵店格局，乾淨企理，店員姨姨比我慢慢睇餐牌，食物都係麵食同啲飯類，點餐後可以坐低等（當時唔爆場）廚房出菜包好比我！搭一程車返屋低放低，見到上層兩碗湯已漏到浸濕了紙皮！我要求分湯，碗係可以入微波爐加熱嘅！幾實淨，比埋即棄餐具牛舌麵（$33）牛舌比得好多片，炆得淋身，一啲都唔韌，味道入味，幼麵係鹼水麵，爽口彈牙無鹼水味，湯好濃牛腩汁嘅味，略偏鹹，倒湯趁未比麵及餸吸得太多時食就剛剛好牛肚雲吞河（$41）肥髀食，同佢交換了雲吞同牛肚，牛肚係金錢肚，稔口彈牙，好味！雲吞皮薄嫩滑，豬肉為主唔乾，蝦肉爽唔腥，好味！店員姨姨有禮，不過落單後就無乜接觸！呢間店雖然客人不少，但唔嘈雜，大家靜靜的食飯不錯的牛舌！

一向少食雞皮嘅我，嚟親呢間食口水雞一定要連皮食，雞好滑、麻同辣味道適中，正正正！支持小店，出色嘅小店更加要支持佢位置於得寶外圍，大家如果想試，要花小小時間搵，不過絕對值得

加班回家，肚子空空，本想到「秋月居」試試，臨門卻覺得不對口味，就轉到隔壁去。港式粉麵格局，牛肉類應該是店家耍家的，就吃碗牛腩飯試試真偽。牛腩我點了瘦腩，也不太堅實，五香香濃，卻仍嚐到牛味。最喜那米飯粒粒分明，拌上腩汁真箇美味。餐飲奉上奶茶一杯才不過45元，經濟實惠滋味的小店也。

小小一間小店，本想著賣粉麵的。原來有很多選擇，有炸物伴飯，有口水雞春卷小食。不過主食還是港式粉麵。有很多料可揀。不過相信他們善於牛料理，牛腩，牛肚，牛脷也是menu中座上客，還有個叫牛魔王的粉麵。今日不食那麼牛，食了一個正常的金錢肚拼雲吞河，加越式米網春卷。春卷正常味道即叫即炸，尚算通透。金錢肚真係有料到，淋得嚟有嚼頭，不過較大件，若切小件些會易食啲，雲吞肉同蝦份量均衡皮算薄，好食。最後叫了凍檸茶，飲落像糖水般冇茶冇檸味😱

平日都會來這裡食午飯，支持一下小店，今日也一如以往。叫了一個雞翼炸春捲河粉，一試雞翼就覺得味道怪怪地，雞肉的肉質偏老，而且仲好“鞋”。咬了一口雞翼，就覺得好似翻炸過的，因為那些雞皮真的很硬。要浸一浸湯先比較好咬。春捲就中規中矩。整個餐，味道最正常的是河粉，可能因為最普通吧，沒甚麼特別烹調技巧吧。一句到尾，沒有下次！

未食過。去九龍灣試新嘢。好味的牛魔王粗麺.最好食係...牛脷  非常軟諗、肥牛就正正常常, 半肥廋，牛腩有Ｄ酥味, 味道一般 。D 湯底有好香八角味. 另加咗＄1 麻辣汁（唔太辣，不過好惹味 , 即刻開胃晒, 而且唔太油膩）。牛肉份量算大碗, 我呢個大食積，都觉好鬼飽 。（有餐飲送 ）

滋味館已經食過好多次，每次都好滿意，所以覺得一定要上黎讚一讚！有一樣食物係每次必點，而且水準每次保持非常高水準！就係咖喱牛腩！首先，呢個餸係有個小蠟燭係底將個餸保持溫度，好細心，好欣賞！其次係牛腩，真係炆得非常林，而且好味道，最後就係咖喱汁，唔算太辣亦不會太油，送飯一流！叫飯是跟紫菜湯或飲品，我多數飲湯，因為夠鮮味，之後加$10可以加菜，好大碟架，味道都好好！另外抵讚食物包括吉列朱扒，好厚亦juicy同熱辣辣！估唔到小店做到呢個水平！正！其他的粉麵都好食，不過我較少食，因為真係無可能唔叫咖喱。。。最後亦好想讚入面做嘅人勁有禮貌。。！

係附近打完波，又係覓食醫肚既時候~甚少踏足九龍灣既我同女朋友黎到得寶商場搵野食~發現多咗好多唔同既食肆~不過大部份都係連鎖店~所以最後選擇咗支持本地小店同女朋友各自點咗豬手同牛舌飯~跟餐可以選擇紫菜湯或餐飲~紫菜湯 - 紫菜份量好多，差唔多每啖都食到紫菜~食落爽口~好味湯底味道清甜，飲唔停口~豬手飯 - 飯同豬手分開上，上枱已經聞到陣陣南乳味撲鼻而來~豬手用好似瓦煲仔咁裝住，下面點住蠟燭保持溫度，可以保持食物溫度之餘又唔使食得咁急~南乳汁香濃又唔太杰~豬手忟得好淋好入味而且碗飯認真大碗，但略嫌太濕~乾身返少少再用南乳汁撈飯就perfect喇牛舌飯 - 同樣用瓦煲仔，用蠟燭燒住上枱，汁就變成牛腩汁~味道同樣香濃，牛味好重~正牛舌一樣忟得咁入味，而且size都唔細，足足可以蓋住碗飯，以咁既size,唔係得1塊架~係有6~7塊。腩汁撈飯，樂而忘返2個人食咗80蚊，份量大，味道無得彈~咁既價錢仲想點?食後感:碗飯真係大到座山咁~男士一定食得飽，至於女士。。。十個有九個都應該食唔哂~除非佢係大食妹一名啦

去得寶買完野就行落大路邊呢間粉麵小店食下午茶， 見左有卡位就坐底，環境乾淨企理幾光猛，樓面啊姐好有禮貌行過黎問先生食D咩？我就話炸醬麵凍檸水少甜少冰吾該，大約5分鐘左右就拎左黎上湯會另上(個湯味道好香好濃有層次錦)有別於一般港式粉麵店既上湯！之後就試麵炸醬 醬入面有瘦肉絲同洋蔥碎，甜甜酸酸中帶小小微微辣甜酸度適中 正！ 見到餐牌度有2個幾特別既粉麵名:「牛魔王」牛腩+牛根+牛肚+牛雜。/「豬八戒」豬頸肉+豬潤+豬手。下次經過會試下。依家吃下午茶好難搵到一間價錢平有份量味道仲要OK既呢一區得幾間系合格滋味館就系時其中一間……

今年 同男朋友黎左九龍灣讀書周邊野食雖然多 但食來食去一定有滋味館份傳統粉麵 沒有甚麼意想不到 的味道但勝在夠份量 同足料滋味館一向有一人套餐 送野飲 一啲都唔貴 入面好多野都試過真係無一樣野係難食！面類驚喜比較少 飯類 炸類就好好食 新鮮炸出黎既炸物意想不到咁好味滋昧館入面不大但座位整齊 乾淨 不像連鎖店般大肆裝修但存在一份簡潔的小店色彩在大家樂 大快活 27 蚊既麵 份量少 來來去去都果幾樣不如去小店 同樣價錢 份量更足下午茶餐 仲野飲 點可以唔黎又可以撐下呢d小本經營小店 好推介口水雞麵 $43我通常會加少少醋 會更好食佢地既口水雞麵唔算太平 但絕對值咁既價錢 份量好夠送一碗麵 老闆們都好好人姨姨又好nice 小店存在既果份人情味 食開連鎖店既係唔會明同男朋友以後一得閒都會翻黎食滋味館 感受下啲人情味平，令， 正 ！

這間粉麵小店開張幾個月, 這個位置人流不是太多, 所以一般不用等位, 而且地方算寬敞清潔, 坐得舒服, 大部分粉麵都是$27, 仲要幾大碗, 好抵食 加$5有飲品湯底不覺得太味精, 餸的份量都好多同新鮮, 牛脷好好味!老闆同埋侍應姐姐都好人有禮貌

九龍灣食野一好貴...不過最近發現得寶有粉麵唔錯~雖然遠左啲(同埋好難搵)... 但係因為新開所以幾乾淨同埋唔會太咸, 呢排都成日同屋企人食~三個人叫左三碗再加兩碟油菜全走~ 豬頸肉米線($26), 魚皮餃米線($25), 牛肚河($26)~牛肚的確好好食, 唔會太腍一pat 野, 又唔會好咸 (個人食得比較淡)加$10有油菜一碟~平日有提供下午茶優惠, $15有碗魚蛋粉! 去邊度搵!個人覺得檸茶唔錯, 唔會澀 老闆話d冰係佢地自己用製冰機整... 感覺上會衛生過喺工場運過黎...特別而家炎炎夏日...