滄浪庭京川滬料理 (已結業)

前數天在這裡打任食邊爐室內環境不錯但卡位有點過大個鍋是嚇人的大而且賣相亦不討好像廚房用黎裝生肉的鐵兜　由於女友不吃辣的關係叫了清湯底從沒見過清湯真的這樣清甚麼也沒有　再加上奇大的鍋放牛肉上去　好似係個泳池游緊水甘難以置信　肥牛不錯　，　其他的很一般　生菜不光淨，魚蛋的口感可以用恐怖黎形容　一定要提的是，任飲的銀菊露是難見的難飲好似係糖水漿加ｄ　街賣的銀菊露溝埋　上菜的嬸嬸傻呼呼　但很誠懇看著對面的南北美食館　掛住那裡的獅子頭同時也掛住稻香的湯底跟士油帶著萬般的不滿　賣單人地悶極了的ｃｏｕｎｔｅｒ早找好了錢卻沒人拿來給我　我望住個知客兩個字　佢都仲好開心甘傾緊計到佢去廁所先俾人叫去拿找錢給我混帳，雖知一分錢一分貨　但真的很氣憤這樣的價錢　夠我滿足的去南北美食館吃３餐了都是不試新野好　

昨晚到滄浪庭吃飯, 發覺比以前退步了不少叫左個煲仔飯, 可揀三餸, 我們叫了油鴨, 滑雞, 冬菇, 個飯算唔錯, $68七個人都夠食..另外叫了個幾貴的河蝦仁...味道ok, 但不太值小籠包普通, 餃子都係最失望都係擔擔麵, 真係完全唔掂....同以前差好遠唔知係咪因為o野食唔太得, 所以唔多人, 環境幾好, 易搵位, 服務就認真麻麻...叫極加水都唔理..

我被佢既$68一位任食火鍋吸引，前幾日同幾個朋友去左試食。食之前睇過openrice既食評，見d人話佢服務態度唔得，有左d心裡準備。但都係要俾一個差佢，真係幾差。寫左飛d野一定黎唔齊，問個侍應哥哥佢話冇黎果d你咪再填飛囉.... 俾佢吹到b一聲。此動作重覆又重覆，最後有d 係這張食物款式有限的點食物紙上比較“貴”的食物，如金菇已全部冇晒…真冇隠!!象拔蚌: 我們還點了一條象拔蚌刺身，都幾鮮甜。話咁快就食完，所以叫多一個例牌，但份量係之前的1/10，而價錢就係之前的1/6，我們問個部長個例牌份量真係好少喎，佢答: “係呀，例牌o麻。”真係俾佢吹帳。

以前返中學成日幫襯佐敦總店食lunch, 貪佢有學生價, 幾抵, 食物又ok. 而家0係西區返大學, 知道佢開0左分店0係西環, 鬼咁開心, 早幾日就專登落去搵, 幫襯食dinner.裝修同佐敦0個間幾乎一樣, 一樣同同區環境格格不入. @_@兩個人叫0左滄浪庭炒飯, 醉轉彎, 淆肉, 普通小籠包同酒釀丸子share.淆肉味道幾好, 但個人覺得as 一個冷盤唔係好夠凍... d 肉汁0者喱0係個碟度成日好似想溶想溶咁.醉轉彎超級唔ok! 唔係轉彎位置都算喇, 件件雞都好苦... feel 到係因為浸酒浸得過耐, 搞到食唔到! 份量本身已經細, 但我0地兩個都決定放棄佢, 因為真係苦到離晒譜. >_<滄浪庭炒飯有瑤柱絲, 蛋白同一d 青豆, 偏乾身, 味道幾好, 不過個人覺得佢過份乾身, 食第1, 2 啖仲ok, 去到第3, 4, 5 啖已經要飲水lubricate 個口. 個人亦唔鍾意佢落青豆, 硬係覺得d 青豆整到碟炒飯cheap 晒. @_@小籠包一籠4 隻, 好好食呀, 肉汁好多, 又夠熱辣, 皮又唔會太厚, 好正! 我當日整穿層皮將d 肉汁放晒落炒

這裡有廣東及上海點心,但選擇不多, 而且質素只屬一般.勝在裝修唔錯,有卡位,坐得很舒服,價錢亦不貴,最適合三五知己嘆茶.

朋友十分好客，在請我們到她家聚會前先請了我們到滄浪庭吃午飯，我們十二大一小，她竟然order了三十多碟點心，幾個餃子麵，其中有五籠是小籠包，起首是嚇了一跳，怎會吃得下呢? 不知是我們大食還是太肚餓，最後只是包走了幾粒點心，真是大胃王!點心都是熱騰騰的，最有印象的是小籠包，我吃了三個，還有一碟薰鴨肉(點wasabi吃的)，非常好味；反而甜品香蕉高力豆沙則較為失色，外面的蛋白太鬆散，沒有口感；其餘的都是一般茶樓點心。因我們人多，所以可坐到一張12人的四方，而且還是靠牆有簾隔著，像是坐在房內一樣。不知是否我對廣東飲茶比較情有獨中，如果給我選擇，我還是較喜歡這店舖的前身『德興火鍋』，起碼點心款式比較多而且價錢也較為相宜。

由於一直聽哥哥說這裡的排骨很好吃, 自己又特別愛上海菜,所以今天來試試. 可惜期望越大, 失望越大. 首先, 人多. 我們等了30分鐘才有位.我們叫了3個拉麵,(上海排骨拉麵,北京水餃麵和菜肉雲吞麵)1個排骨菜飯, 一品生煎包, 雞絲粉皮, 叉燒包, 蘋果鍋餅, 蘿蔔糕和四喜烤夫. 最先來的是四喜烤夫, 很重的麻油味而且很油膩, 賣相不太好... 雞絲粉皮是最令我失望, 比上海坊還差... 雞少醬汁更少.... $28 吃齋粉皮.叉燒包$5 三個, 沒期望. 蘿蔔糕沒吃. 生煎包很油,不脆, 比x大叮叮煎包更差... 只有蘋果鍋餅比較好, 夠清甜. 上海排骨拉麵和排骨菜飯的排骨是同一種, 一般的差. $39我可以在附近的"好好" 和"南北"吃更好.菜飯是菜和飯分開...拉麵很淋.... 北京水餃和菜肉雲吞的分別是在大小....我是不會再去了....(每人茶芥3 元.)

過份﹗過份﹗一間service好差的食肆﹗我由1:05落單的餐，最快一碟在1:30，後一碟在1:50，但我們lunch只食到2:00，你話點吃，催極都唔來，3個流沙包有2個是酸的，我們吃了一口後便叫個侍應來，點知佢居然話，你地都吃哂啦，傻架﹗酸的﹗點吃呀﹗況且，無乜理由個侍應咁講嘢﹗吃到好勞氣，仲要duplicate左d點心，咁都ok啦，因為個餐d嘢都未來，唯有吃住點心先，點知吃飽左個肚，最尾那碟餸就吃不下了。>_<總之，咩都慢，什麼最快？埋單最快，無論係吃完的單定係呢間已被blacklisted 的食肆﹗

especially the hot pot its damn yummy wa.. if u have chance u should go for a try

外觀,裝修,服務態度都OK,但食店最重要係味道,味道唔掂,其他幾好都冇用.事實上,呢間野真係好難食,食物好鹹,鹹到苦,價錢又貴,食物又細碟---$70幾1隻1兩都冇嘅千年醉蟹!!$80幾1窩鹹雞湯!!簡直係---五星級價錢,三星級裝修和服務,一星級食物質素!!

呢間個環境係唔錯,可惜食物唔抵食..好食都話值..可惜..味道真係唔得囉,食物又細碟喎,仲有服務態度係唔得囉,加上又成日係客人面前行來行去,又斟茶,又成日幫我清潔桌面, 雖然服務態度係體貼,但我覺得騷擾我和朋友食飯!

我也吃了蟹粉小籠包, $18一只, 唔熱之餘, 皮厚又唔多覺有蟹粉, 呃鬼!

聽聞不錯特意和男友來試試,但真的很失望!!!小籠包$20四隻本己不便宜,skin 很厚又沒汁,最失望是包包不是熱辣辣的,只是暖暖地,小籠包最忌是不夠熱,又沒汁,又貴--很差勁!!始終是金滿庭的最好! 東坡肉不鬆化,肉質還有點tough,又是失望之作.最後的一道山竹素菜亦很普通,絕對不值$68!!!以後都不會再來!!

一家人琴晚去咗西環嗰間滄浪庭叫餸食飯，叫咗幾個麵，都好似樣，啲麵好彈牙，仲有個白切羊肉好好食，好有羊味，但係一啲都唔"騷"！小食呢，個招牌小籠包就麻麻喇，但係有個蔥香煎餅，幾一流！另外，我哋又叫咗幾個甜品，有一個係椰汁香芒拉麵，啲芒果做的麵條太硬，唔係咁好食。但係有個唔知咩酥(裡面係蘿蔔絲)同埋豆沙煎餅都好好食，豆沙唔係太甜，個皮好脆; 而個南瓜煎餅呢，就十足十日本食的天婦羅一樣，麻麻地！

尋晚同老婆去左西環荷蘭街滄浪亭試佢地既麻辣火鍋，點左麻辣鴛鴦鍋底,個麻辣湯好似樣，好多乾辣椒，花椒;有落子彈椒，紅油滿面，唔錯唔錯! 佢地都有提供不同既醬汁配料，幾好咁啦。因老婆唔食肉，只試一些簡單餸:四川苕粉，木耳(唔錯);香酥肉(好正);油麥菜(辣到飛起但好香好味)仲有手打蝦麵(太鬆散,唔掂，估計係落得太多粉)。不過唔知點解，煲到我地食完都唔係好覺"麻香"，後期仲覺得有d苦味; 清湯果面又係唔知點解越煲越咸.....服務方面都算唔錯。總結:因香味不夠暫時評分"70"，雖然湯底個樣好靓但我始終覺得個湯底爭緊d咁....但我諗試埋小菜再評會好d。