影片
港鐵荃灣站 B1 出口, 步行約7分鐘
繼續閱讀
營業時間
今日營業
11:30 - 21:30
星期一至日
11:30 - 21:30
以上資料只供參考, 請與餐廳確認詳情
相關文章
老婆有飯局，咁就乘機約啲老死陪我食飯啦，兩個麻甩佬過到嚟荃灣食泰菜，皆因知道「湄南」跟「龍華」聯乘推出咗個乳鴿套餐，非常微妙嘅組合，仲以優惠價推出，咁着數，當然專登過嚟試一試啦。餐廳裝修簡約，但一室白磚牆，襯以青綠、鮮黃嘅座椅，加上夠光猛，望上去好醒神。而餐廳尾尾牆上嘅一幅彩繪，描繪咗好多泰國民間風情，非常吸晴。餐牌選擇多元化，有泰式沙律、小食、大碗船麵、細碗船麵、各式湯粉麵、飯品、甜品、飲品……等等，一應俱全。當中嘅傳統細碗船面非常有特色，$56有3小碗，可以自由配搭麵底、配料、湯底，而所有散點主食都可以以優惠價追加小食同飲品，非常有彈性。此外仲有泰式咖哩、喇沙參參、冬陰功系列、特別推介……等等。最正喺全日都唔收加一嘛！如果覺得散點眼花繚亂，可以晌啲套餐度著手，一個人嚟或各自嗌嘅可以選擇「精選晚市套餐」，如果兩個人嘅就不妨考慮佢哋嘅「泰北風味二人餐」，計落價錢都好划算。而上文提及嘅同「龍華酒店」合作嘅乳鴿套餐，就喺呢個：一大隻龍華乳鴿王再配一碗雜錦船湯河或者招牌海南雞飯，原價就標$138，但依家只喺賣$88，仲可以追加飲品、小食、沙律等等。呢度如大多數餐廳都用咗二維碼落單，如果唔太熟悉操作，搵店員落單都喺無任歡迎。枱上已經整齊擺放好筷子、紙巾，同幾款常用嘅調味料，自由取用。如再需其他餐具，店員都好樂意提供，啲招呼幾殷勤，又好禮貌。秘製泰式燒豬頸肉 $88啲豬頸肉燒得好靚仔，有少少燶邊，食落去好有炭火香味，切得厚薄均一，而咬落質感爽爽哋口，又帶有少少油脂香，唔點任何醬就咁食都好好味，若沾上自家製嘅醬汁，酸酸甜甜，又帶微辣，喺一種種風味，但同樣好食。傳統細船河 $56泰式湯河粉算食過唔少，但其實傳統細細碗嘅船河就真喺第一次，上文都講過麵底、配料、湯底都可以自由組合，自行睇睇餐牌我就唔多介紹，但溫馨一提，部分選項需要加多少少錢，我哋嘅組合喺：泰式札肉米粉配清湯美國牛肉河粉配清湯（+$3）泰式魚蛋金邊粉配冬蔭功湯（+$3）整體嚟講味道幾唔錯，最好食喺啲扎肉，幾款麵底都好滑溜，湯底方面始終都喺冬陰功湯較為亮點多啲。食呢啲細船麵最好就喺一個價錢，試到好多樣嘢。湄南x龍華 • 鴿雞名物全餐 $88雖然只喺賣$88，但就絕無將貨就價，而且，店員話啲乳鴿都喺有單時先炸，所以，夠晒新鮮，送到嚟真喺堅熱焫焫，直頭熨手。店家提供膠手套，所以，可以食得好豪邁，「龍華」出品果然高質量素，除咗啲乳鴿夠大隻之外，調味啱啱好又夠入味，外皮非常之香脆，肉質細嫩，兼且夠晒肉汁，真喺無咩挑剔。而碟正宗泰式海南雞飯一樣唔失禮，雞肉非常之嫩滑，雞皮好爽口，皮下脂肪少，起晒骨啖啖肉，食得夠爽；再沾上自家特製辣醬，有點辣勁，但點到即止，卻令到雞肉嘅鮮味更為突出，配埋清香嘅油飯，確喺好食。椰青水 +$12、泰式奶茶 +$8由於我哋喺散點，唔係咩套餐，所以，嘢飲需要加配。小弟就諗住有豬頸肉，又船麵，都屬少少濃味嘢，所以揀個椰青水清爽一下，其實呢個品牌嘅椰青水都唔錯，話晒都喺100%純椰青水，飲落椰子味香純，味道清爽；而老友就揀咗泰式奶茶，佢話飲落都幾香滑，但比一般港式嘅就會偏甜少少。今餐飯真喺好滿足，試到樣樣都合心水，啱食又好味，並且估唔到食泰國嘢又可以試到好味嘅乳鴿。加上啲招呼又唔錯，所以，睇相都見，確喺有唔少人幫襯，晌用餐期間，亦都見到仲有唔少外賣單添。
繼續閱讀
餐廳主打船麵，細碗船麵仲可以自由配搭個人喜歡既口味。精選晚市套餐，跟罐裝汽水/瓶裝水/檸檬水，仲可以優惠價$10追加小食，套餐款式每週更新。泰式魚餅：鯪魚肉加左泰式香料再煎香，充滿泰式風味。泰式蝦餅：蝦餅炸到金黃色，咬落新鮮Q彈，蘸泰式辣醬更滋味。Maenam雜錦船河：大大碗有齊牛肉、扎肉、牛丸、豬肉丸、魚丸、豬紅、炸豬皮，配菜有芽菜、通菜粒、蘿蔔、香蔥，河粉又滑又薄又索湯，湯底味道極為濃郁，亦食到香料芳香。泰北海南雞拼豬頸肉飯：海南雞去晒骨，肉質無比滑溜，雞脾位更細軟，雞皮爽口，雞味甚濃；豬頸肉燒得香口，鎖住到肉汁，配搭酸辣醬更惹味。芒果糯米飯：芒果香甜厚肉，糯米飯有兩款，口感煙韌，好滿足。總結，食物地道又美味，份量十足，真材實料。
繼續閱讀
呢間餐廳之前食過午餐都好食，今晚同朋友再訪，佢晚市套餐，每日都唔同，價錢都唔貴。我地揀咗雜錦喇沙摻摻，好多配料，有魚蛋，泰式豬肉丸，牛肉丸，扎肉，白蘿蔔同鴨血芽菜等等，喇沙湯底超岩口味，香濃惹味夠開胃，摻摻有油麵同米粉，吸左湯汁夠晒入味，好食！套餐配咗個前菜，有小蝦餅，熱辣辣炸起外脆內QQ,入面嘅蝦肉夠晒彈牙！仲叫咗沙嗲雞串燒，雞肉燒得非常之嫩滑，外皮少少焦香，而且沙嗲醬汁亦都好濃郁，粒粒花生又夠香，一客6串都唔夠喉。朋友點嘅海南雞飯，雞好滑溜，同埋雞香味濃郁，雞肉嫩滑食落唔會覺得韌同鞋，配埋雞油飯同泰式醬汁，真係正宗又好味道！
繼續閱讀
今日放工係荃灣搵食，試左呢間menu多選擇價錢又親民既泰國船麵🍴傳統細船麵（可以自選三款湯底同配料）1.泰式扎肉船湯米粉第一次食船麵，完全冇既定印象係咩味道，都幾有驚喜，湯底係屬於清甜帶少少香料味，好岩唔食得辣，但又唔想食清湯既人，扎肉口感都唔錯2.秘製豬頸肉冬陰功金邊粉冬陰功湯底，酸辣開胃，豬頸肉值得推介👍🏻口感嫩滑得黎，外層又有陣焦香3.泰式牛丸麻辣河粉麻辣湯底，香辣惹味，屬於小辣以上，牛丸冇騷味，口感彈牙一個價錢食到三種唔同既口味，簡單係一次滿足晒三個願望，亦好適合同朋友開心share🍴泰式炸蝦餅即叫即炸，上枱熱辣辣好香口，咬落啖啖蝦肉，配埋酸辣醬一流🍴芒果糯米飯即叫即整既芒果糯米飯，芒果非常甜☺️糯米飯軟糯同濕潤，配埋香濃椰醬一齊食，係完美既配搭☺️#MAENAM #湄南 #細船麵 #泰式船麵 #boatnoodle #tsuenwan #kolourmallHK #荃灣美食 #荃灣食乜好 #荃灣好去處 #荃灣搵食 #荃灣友 #荃灣千色匯 #綠楊坊 #荃新天地🌟📍湄南.河泰式船麵 (荃灣)荃灣眾安街68號荃灣千色匯I 2樓2031號舖@MAPHK2021
繼續閱讀
今晚同家姐去食，都係嗌個雜錦船河餐，等咗十𡃁分鐘，碗粉黎到，一飲啖湯，即刻讚有料到👍，飲得出好有料，正，出色，有層次！初頭唔捨得加辣，驚影響咁正嘅湯底。但始終嗜辣，食幾啖粉後，再加味架上兩款辣粒，再昇華真係唔可唔比讚。套餐加10蚊有小食，鳳爪就唔夠酸，蝦餅雖細粒，但好味。埋單150蚊，真係抵到爆，最緊要係好滿足。在此一讚師傅有心機，加油
繼續閱讀