深井陳記燒鵝茶餐廳 (已結業)

陳記員工態度惡劣簡直趕客今日約了媽媽去旺角深井陳記燒鵝食下午茶, 落單嗰陣，個女侍應問我地食咩，我話一個燒鵝嬾粉及一個燒鵝米粉，佢問我飲咩，我話轉頭先叫嘢飲, 佢再重複問我飲咩, 我再答佢轉頭先叫飲品(注意:我係好有禮貌答佢的), 佢立即發脾氣走左去唔幫我落單。之後佢行左去收銀機處，我望住佢，佢當時在收銀處同另一個客落單，佢嘅態度都係好差嘅。隔咗一陣，我叫左另一個侍應幫我落單，然後個侍應落完單就比左佢入機, 佢入機嗰陣係收銀處大聲喝過嚟我個坐位, 要我重複一次確認我叫左嘅餐, 當時我真係火都嚟(但仍忍住),我答佢我同左佢同事落單了, 佢已經同我確認咗佢好似深深不忿我唔聽佢話，佢落完單便行去我張枱大力咁掉張單去我張枱度，我望住佢，問佢：你咩態度？佢答：我咩態度唔好？我話: 你掉張單我張抬算點？佢: 我咩態度？我又冇掉到你, 有錢大晒咩？本來我開開心心同媽媽去食野，換來一肚火，佢態度極之惡劣，之後佢仲繼續挑釁，繼續追住重覆同一句說話鬧我，我立即站起來叫我阿媽同我一齊走我覺得我唔係要你提供好好嘅服務，我亦不是有錢人要一個什麼高質服務，亦唔需要佢提供什麼特別服務給我, 但最少唔可以對我地呼呼喝

哥哥收工買燒鵝比我食🤗！$130呀，上庄呢間陳記聽就聽得多，今次係第一次食。可能係新年期間，價錢比平日貴。門口價錢全部另外貼左新價錢啊～～數一數，大約10舊燒鵝～味道好似同美心矛咩分別。試一次就夠啊！

一早聽到依間餐廳口碑一般, 但想食陳記燒鵝 (未食過), 所以一試:1. 侍應好似態度極差, 黑口黑面, 點做遊客生意?2. 同行朋友想食炒飯, 常餐, 落單果個話: "廚房無人, 叫依d 要等 20 分鐘喎. 如果要快, 叫燒味啦. " 口面就只想你叫燒味.3. 最後食左三寳飯, 但極為普通, 以陳記個名來講, 真係幾失望.4. 朋友叫左常餐, 果然好耐先來, 食物味道反而ok.第一次去食, 如無特別,相信下次都唔會再去

用大众点评搜查到这个名气，点评不错的地方，点了粟米班腩及海鲜意粉，超多味精且味道一般，这么名气的地方，食物质量水准太低，估计主要打广告用来招呼自由行游客，随便一家茶餐厅都比它好吃，太影响游客对香港当地食物的观感了

不嬲對茶餐廳要求都好低。因我通常都係食常餐嗌出前一丁，難食極有個譜。但呢個常餐真係不得了，極難食!!!明明餐牌寫蕃茄濃湯底，出到黎湯底一d蕃茄味都冇，清湯黎..只得少少蕃茄碎舖面...d面煮到勁硬...豬扒肉勁硬而無味整體負評，不建議

路經此店便入內試一試，因很久沒吃過瀨粉了，位是坐得舒服，因大部份是sofa 卡位亦不窄，看了餐牌後，也是選了燒鵝燒肉瀨粉，上碟一看，已覺失望，因擺位不正，有D皮與肉也移位，入口燒肉有點鹹而皮超硬，鵝亦一般，有D皮是超韌，肉未有香口感，跟餐的飲品奶茶,入口時極濃帶少許渣，水準之下，唯一好是瀨粉夠滑。

想食燒鵝好多個月了，掟唔起心肝過深井食下，就去左陳記食。今日bay即興約會，接完我收工一齊直接過左去mk搵食。已黎過呢間第三次了，上次黎已係好幾年前，地方幾大有卡位，有一定人流，茶餐廳格局，黎呢度前上網一查才知太子分店已搬，咁又係，上次去嗰間一轉眼又已經係經年前既事了。。。脾例牌燒鵝138終於有得食喇，万分開心。顏色燒得有光澤，外脆內軟有多汁，咬一啖鵝肉，肉質細嫩撕開，齒脥留香，沾上酸甜醬，就更加開胃喇，yummyyummy干炒牛河56唔太油膩之餘，河粉好滑身，牛肉量都唔少嫁，仲一d都唔un tim咸牛肉滑旦厚多士36竟然黎錯了午餐肉滑旦，好傷心呀。雖然多士脆，又有點牛油味，但午餐肉粒粒無乜咬口，旦就幾滑有旦汁，不過做法攪到會食曬d涵唔想吃舊大多士咁。加3凍奶茶甜度適中但半大杯冰，好解渴，但單買16都唔平。呢度上菜好快手，不錯不錯。今晚好多謝呢個男人帶我去食好西，雖然價錢都唔平，但可以滿足一下腸胃兼口齒享受了，內心無形有種快感，大滿足。

評語：切勿光顧店家的碟頭飯，用的都是下欄燒味香港新界的深井以燒鵝馳名，不單在香港家傳戶曉，連訪港旅行團也會到深井歎其燒鵝。而深井有好幾家燒鵝店，包括裕記、能記、傅記、陳記。話說陳記五十年代由咖啡牌檔做起，一直扎根深井，老闆陳偉文兄弟數十年來靠賣燒鵝發財致富，吸引不少政治名人和明星捧場。許冠文當年拍賣座電影《雞同鴨講》，也專誠跑到陳記取材。陳記除了在深井總店外，在市區也有幾間茶餐廳格局的分店，想吃燒鵝不必山長水遠地去到深井，在旺角也可以吃到喔！今天光顧的「陳記燒鵝」新分店離旺角地鐵站很近，但這裡共有兩間陳記分店，彼此相距不遠，舊店位於新填地街427號，而新店則在同一條街的393號，所以店家用了393分店作為識別，而不是第393間分店的意思。新舊店的面積大小相若，但新店比較整潔光猛及坐得比較舒適。店內是一般港式茶餐廳格局，沒有特別華麗裝飾，賣的除了主打燒臘外就是一般港式茶餐廳的食物。我過去光顧大多是斬半隻或一隻燒鵝堂吃或外帶，但今次想換換口味試試這裡的燒臘碟頭飯，結果非常失望。「茄瓜火腩飯」餐館慣常會使用剩餘的燒腩加入配料重新炆煮，吃起來也有其獨特風味，我可以接受。但「燒鵝雙拼飯」的燒鵝除