海港酒家 (淘大商場2期)

營業中

休息中

清蒸阿拉斯加長腳蟹，足足三斤的蟹未見特別大隻，要供六大兩細享用真的有點免強。真心蟹腳肉有點幼不夠粗壯，幸好鮮味澎湃質地水潤，嫩嫩的蟹肉滴著美妙蟹汁。八隻腳剛剛夠每人一隻，前菜熱熱身不用太飽。芝士焗澳洲龍蝦伊麵，伊麵烚得過濕過耐有點發脹，麵香味完全流失而且偏散碎，掛滿芝士汁直接用筷子掃落口還可以。龍蝦肉爽彈結實，鮮味非凡，連殼都損得乾乾淨淨。蒜蓉粉絲蒸蟶子皇，最難控制溫度及時間，蟶子要夠熱夠嫩夠多汁，粉絲要爽要索汁，全部一次過倒入嘴仔，鮮甜彈牙加蒜香拍爛手掌！炸子雞，熱辣辣新鮮出爐香噴噴，勁肥美嫩滑，薄薄脆皮極香口黏著白滑嫩肉，沾點燒味豉油清爽品嚐。海港招牌燒鵝，遠近馳名必食之選！比大部份燒味檔都要高質色香味美。嬌嫩多汁的鵝肉，脆皮鬆化油香鵝皮，散發勾魂香料味道，梗係一件接一件搶住食啊！脆皮乳豬，香脆乾爽豬皮，無肥膏而肉質幼嫩甜美無過咸，真心可遇不可求！帶子珊瑚蚌炒西蘭花，爽脆菜甜強烈的翠綠西蘭花，不過腍過熟。帶子甜甜滑滑，珊瑚蚌爽爽脆脆帶鮮不腥。清蒸海斑，無睇錯應該杉斑來的。養魚沒鮮味，十分結實不嫩的肉質。海蜇，跟兒時的海蜇無得比！以前爽脆結實粗糙有質感，現時滑嘟嘟略腍，靈魂酸辣蒜汁淡

前晚去海港食晚飯，野食ok既，菜都幾大碟，燒鵝味道都ok，但係大佬假期前一晚，9點已經開始趕客，直接拎單黎叫你賣單，問佢收幾點佢話10點，然後一直收呢樣收嗰樣，收到無野好收，9點40分直接叫你走。海港特式，趕客，幾好食都係假，下次唔會再去，最憎食到趕死趕命 ！呢個經濟環境，老實講，你咁趕收工，遲早到時你工都唔使返，到時真係恭喜你。。。

淘大商場「海港酒樓」勝在地點方便，我差不多個個星期都嚟呢度同阿媽開餐😄今晚吃的泰式炸蝦餅炸得夠乾身，沒有半點油膩的感覺，煎到卜卜脆的真的十分香口！吃這個蝦餅點啲甜酸醬一齊來吃更開胃，脆口又惹味😊

本人得知訂套餐可訂枱，因此到店訂枱12/2/2024初三下午二時。落訂時，已交待訂8人套餐並加半隻乳豬，本人亦親看貴員工寫下了，及後下訂。當天本人提早了到達，接待也很快安排坐位；但找只是指向又無安排同事示意位置，要再返回問接待問幾多號枱。及後再找戴眼鏡黑西装男部長，示意枱位置。原來枱又未執好，位又未擺好，老人家又要企係度等，我地仲要企係下欄位等，為何唔擺好位先叫我們內進？我們坐低仲要聽到侍應話這枱無利是既，我心諗剛坐下不久就要比利是？雖然中菜一向不明文規定是可以收利是，但是老鳳的？仲要比客聽到？還是特登比客聽？要客比？唔比利是係咪唔上菜？本人一心訂枱時，已交待套餐和半隻乳豬，上菜後乳豬一直遲遲未到，其間上菜時本人亦有提及乳豬，但侍應和部長就像永遠聽不到。最後上甜品，我們再強烈提出乳豬時，男部長去廚房了解，回來回覆時張單無，我話有，男部長不停只說張單無，我說訂枱時已交待。戴眼鏡男部長說原來你訂枱時說，再說你坐低後又無說。我心諗一直有提，你們無人願意聽，雖然員工們工作繁忙，但亦只顧吹水。客人落訂已交待，訂單亦有寫，你們又唔看，接訂單和場內運作溝通是你們責任，莫非是客人責任？本人其間有提及最

今早去淘大海港飲茶，我登記了三人，只見個知客比二人進入，入邊還有好多位，我走埋去問點解只比二人，佢就發爛鬧我，我做嘢唔需要你去教，我話你今ge態度我會投訴你，佢話歡迎你投訴，我哋俾錢嚟去消費，得來就係咁對待，今時今日香港ge服務態度就係咁。

海港一直烧鸭出名，但是今天中午200多元半只烧鸭既然没有烧鸭胸！烧鸭只有两块肉，鸭腿和鸭胸。跟经理投诉没结果！大家小心上当，千万小心！要照片退货。而且烧鸭水平不如以前，太失望了。其他点心菜式还可以。This restaurant is known for its duck. However the best part of duck is missing today when paying over $200 for half of a duck.A duck has only two portions of meat - the thigh and breast. Complaints to the manager is useless as he was not helpful. Make sure to photo the dish for return. Best not to order!The quality of this duck dish has deteriorated over the years. Other dishes and dim sum s

以我所知海港酒樓嘅位置前身係美心酒樓同埋潮江春酒樓，酒樓位於淘大商場內園，環境很好，雖然要上一層，但有電梯亦都有升降機，酒樓樓底很高，雖然佢比商場其他酒樓定價較高，但係食物質素真係高一個層次，晚餐套餐亦都一樣，雖然比其他酒樓貴三至四成，但係都經常爆滿，如果想節日時候去更加要提早預約，否則就算願意多付金錢亦都爆滿好欣賞佢疫情期間推出的兩人套餐，$500唔使食到個高質素中菜，開心😁不過而家冇啦，過咗疫情冇咗套餐，兩個人去周圍有散叫🥹

朋友生日想食長腳蟹，所以移師到淘大海港. 之前都食過西寶城嗰間都算OK，今次嚟到淘大平日食，已經爆曬場，究竟係抵食定還是街坊生意咁勁 去到已經冇乜蟹嘅選擇，叫左隻三斤半，另外四人餐和燒鵝…. 去到6:30已經爆場⋯⋯個場相當大，擺結婚酒一流！上菜超級快，一瞬間叫的菜已全部已經放晒喺枱面，連枱都唔夠擺😂 雖然場面都多人，但係酒樓啲姐姐都盡力同埋有服務，所有菜都算有水準，龍蝦同蟹ok 👍尤其是隻蟹多高多肉而且很甜⋯⋯所以一如既往台台都起碼一隻蟹. 總括如果大夥兒食飯有冇乜好諗嘅建議食海港小菜海鮮係一個幾好嘅選擇⋯⋯ 長腳蟹、四人餐飲品加埋2400其實我哋叫多咗姐⋯⋯但算幾抵，又可以坐成晚…

每次去飲茶都漏單，每一次都一定漏，最少漏一碟， 今日係兩個人去食叫三個點心漏一個， 真係想畀個獎佢 ，啲嘢又唔係特別好食，只係貪佢方便。我哋等極都唔見嗰一碟點心嘅時候問夥記，個夥記好似習以為常咁問我，如果真係漏咗係唔係唔要？ 之前次次都係食午餐，今次第一次食下午茶，啲價錢唔過眼佢平咗去邊！而且亦都唔係繁忙時間，唔知點解佢都有本事漏單？由於唔係第一次所以忍唔住喺呢度寫，之前漏單一路都冇出聲，諗住佢間唔中一次就算啦，雖然我係每一次去食嘢都遇到漏單事件。

淘大海港酒樓前身係戲院，所以樓底很高，覺得很舒服。星期六日好多人，要等較長時間，所以平時甚少光顧。今日可能是星期一，所以不用等位，當然要試試。我們三人，點了原隻鮮蝦燒買，肉結實，有原隻蝦及蟹子，好味。义燒包皮薄多餡，唔錯，其餘潮州粉果，鮮蝦菜苗餃，牛肉，能保持一貫水準，不過不失，蜆芥鯪魚球忘記拍照，鯪魚球和蜆介，是一個完美的結合, 很夾，好味。紅棗糕是我很喜愛的甜品，濃郁不太甜，每次都會點，總括來說，這一餐很滿意。

屋企人生日，次次都鍾意食呢間，因為呢間有長腳蟹食之前疫情好平就買多一隻返去。🫣今日都嗌咗隻🦀長腳蟹，白玉冬瓜盅，海港小炒王，🪿招牌燒鵝王半隻，新鮮菠蘿咕嚕肉，晚市孖寶e餐，🦐黃金蟹肉蝦球伊麵，🐟清蒸虎杉仔一條。🪿燒鵝好好食，白玉冬瓜盅都好清甜，🦐蝦球伊麵就不過不失，🐟條魚略嫌蒸得熟咗少少。不過隻🦀長腳蟹就同之前食開嘅好似有少少唔同，今日嗰隻比較似水蟹。。之後同經理講咗，都解決左。。

員工好趕，都沒食完就收碟，淨低嗰啲食物就求其擺落一個人嘅碗，都冇問嗰個人想唔想食！員工好趕，都沒食完就收碟，淨低嗰啲食物就求其擺落一個人嘅碗，都冇問嗰個人想唔想食！員工好趕，都沒食完就收碟，淨低嗰啲食物就求其擺落一個人嘅碗，都冇問嗰個人想唔想食！員工好趕，都沒食完就收碟，淨低嗰啲食物就求其擺落一個人嘅碗，都冇問嗰個人想唔想食！員工好趕，都沒食完就收碟，淨低嗰啲食物就求其擺落一個人嘅碗，都冇問嗰個人想唔想食！

2/2/2023生日，想食長腳蚧🦀，約咗親人一起吃晚飯，book左6pm枱6個人，選擇咗一隻7斤半的長腳蚧及加左幾個少菜，少菜來先，食晒少菜蚧仍未到，後追左才到蚧上場，今次是我第四次食長腳蚧，味道仍然可以，好味道！埋單3,200左右，完美生日飯，整體來說海港食長腳蟹係算好囉！

🍴 西蘭花炒帶子珊玵蚌 $168 (7/10)象拔蚌都好爽口，西蘭花都啱啱好熟，帶子好滑唔腥！🍴脆皮乳鴿 2隻 $108 (7/10)乳鴿都係即叫即炸，肉質唔會太老，正正常常！🍴蜜味欖角骨 $128 (7/10)即叫即炸，肉質都唔會鞋口，甜甜地，欖角味比較淡，ok嘅。🍴馳名燒鵝皇 $258 (7/10)係凍嘅，個皮已經唔脆，不過肉質比較紮實，都有燒鵝味道。🍴上湯焗澳州龍蝦伊麵 $398 (7.5/10)龍蝦係新鮮龍蝦，肉質彈牙爽口，伊麵都剛剛好，上湯嘅味道就唔會太腍。🍴鹽燒大頭鮑魚 $48一隻 (6/10)椒鹽味好濃郁，偏鹹，鮑魚肉質都爽口彈牙夠大隻！🍴黑松露滑蛋蝦球 $138 (6/10)有黑松露嘅香味，炒蛋都唔算好滑，但蝦仁都幾爽口！🍴海港小炒王 $128 (7/10)炒得唔算乾身，入邊有韭菜蝦仁燒肉豆皮，味道剛好都正常嘅！推薦指數: 7/10正正常常冇驚喜，亦都冇失望，中間酒樓質素！

路經見有海報宣傳長腳蟹堂食每斤258元，於是約屋企人一齊品嚐。呢隻長腳蟹有4斤左右，蟹膏都算多，最啱撈白飯食，蟹肉實淨兼夠鮮甜，很不錯。呢碟西蘭花班球，班片大大件有魚味，西蘭花夠翠綠，味道唔錯。呢碟燒雞賣相吸引，皮脆肉滑，味道適中，唔會過鹹，都幾好味。食飯点可以冇菜，叫咗碟椒絲腐乳通菜，份量都幾多，夠哂鑊氣，味道都 ok。