77
18
11
開飯介紹
海景咖啡廊供應全天用餐—早餐、午餐及晚餐，其中國際美食包括各式海鮮、沙律、壽司、中式點心、熱葷、烤烘肉類及甜品等。餐廳位於酒店閣樓，靠近大堂處裝潢華麗，可飽覽維多利亞海港景致。
繼續閱讀
特色
家庭親子
營業時間
星期一至日
06:30 - 01:00
以上資料只供參考, 請與餐廳確認詳情
招牌菜
食評 (112)
記錄返2月尾左右既食評由於情人節食自助餐太貴，於是今年既情人節我同我既情人去左食平野，月尾我地又去食多次自助餐 我唔係太大食既人，所以我食自助餐一定翻唔到本。指定動作有：翡翠螺、帶子、生蠔、長蟹腳，全部都係清甜新鮮既海產！而且又唔夠又加唔夠又加，永冇話暫停供應！( 呢個係自助餐好重要既一點)最後要講既係Parma Ham，聽d 師傅講由西班牙入貨的~~~ 好架勢啊.....我同情人約定下次要餓足3日再去食過
繼續閱讀
我哋一家和姪仔嚟呢度食lunch buffet，因為仔仔同姪仔想食炸雪糕，環境OK，Service 也好。冷盤有翡翠螺、蝦、青口等，翡翠螺唔錯，幾新鮮，蝦也很爽口，青口就一般la。刺身有三文魚、吞拿魚、蟹柳等，三文魚不算肥美，但還可以，手卷即叫即做，我要咗個加洲卷，味道不過不失而矣。牛肉燒賣、越式春卷味道不錯。燒味不錯，燒肉皮很脆，叉燒偏瘦，但不會嚡口。燒牛肉就嚡咗啲，麻麻哋啫。又係甜品時間，Tiramisu有少少酒味，Cheese 香滑，好味道，New York Cheese Cake OK la 但唔夠Rich。Creme Brulee和西米pudding都係一般，仔仔話Chocolate Fountain怪怪味，我覺得有少少薄荷味，所以小朋友不喜歡，炸雪糕都係麻麻哋，太油喇。有六欵 Häagen-Dazs 雪糕，仔仔同姪仔都話好味道。甜品都係The Greenery 好味啲。Openrice 有75折，我原本只想比OK，但老公話比笑臉，因為仔仔同姪仔都食得好開心喎。
繼續閱讀
今次buffet係用左openrice ge4人優惠e-coupon, 除返每人$300零蚊la~1)沙律-中上: 先黎係沙律, 要均衡飲食嘛~ 所有都ok好好味, 只係個雞肉好鞋2)冷盤-中等:蠔係超細同超瘦~ 食左少少就算la長腳蟹: 不停re-fill, 有時有d較鮮味,有d就無咩味, 睇彩數la~螺: 又好味又大隻魚生: 三文魚同帶子十分肥美~ 但好可惜帶子到左後期就冇refill3)熱食-上男友食左墨西哥煎飯同薯片, 話勁好味我食左curry lamb同nan都覺得好好味,雖然唔係咩貴野, 但好食就得la~4)甜品-下只有炸雪糕同朱古力噴泉好味, 其他都甜過頭.....食朱古力噴泉不妨加多d topping, 脆口d, 感覺會冇咁漏overall$300零蚊係值得一食ge~
繼續閱讀
「阿禾」是個buffet迷，已嚷著吃buffet 很久了，本來上星期初訂好枱，一嚐他的心願，怎料當晚他的魔鬼老闆要他OT到8點，臨時取消真掃興。之後我患了感冒，昨晚是服藥的最後一天，身體雖未完全復原，但也答應了「阿禾」去海景咖啡廊吃buffet。海景咖啡廊位於尖東的 InterContinental Grand Stanford Hotel，不知道跟香港洲際酒店的InterContinental Hong Kong 是否有關，但價錢就真是平了一截了。酒店的裝修偏舊式，金色大吊燈和褐紅色的天花，我頗喜歡這種古典的味道，加上那位高貴的金髮女郎的鋼琴演奏，感覺很舒服。「阿禾」一開始就捧了10隻生蠔，5隻長蟹腳回來，我也不認輸，拿了5隻翡翠螺和一碟刺身，包括：三文魚、八爪魚、帶子等等。生蠔是即開的，「新鮮」到... 鹹死我的味蕾，不過「阿禾」很愛吃生蠔的，他決定再多給生蠔吧一次機會，再捧10隻回來，這次就好得多了。至於長蟹腳，不過不失。這次最得我們大讚的是翡翠螺和帶子刺身，翡翠螺十分肥大，肉質很爽，配以泰式酸辣汁，簡直回味無窮。而帶子刺身也是叫我們讚不絕口，一來很少buffet有提供帶子刺身的，二來這個帶子刺身又肥美、又鮮甜，真是很棒﹗熟食不太吸引，肉眼不夠多汁，蒸魚又不夠嫩滑，所以我很快就進入甜品區了。第一次吃炸雪糕，感覺很特別，外脆內軟、內冷外熱，味道也很好﹗窩夫也不錯﹗到朱古力噴泉了，有士多啤梨、綿花糖、菠蘿，我吃了兩串，開始有點膩，就捧了廿多粒新鮮士多啤梨來吃，又拿了很多很甜、很多汁的西瓜。本來也想試試各式各樣的蛋糕，但真的飽了...最後，我們一邊喝熱檸茶、一邊閒聊，就這樣坐到10時許才離開。跟「阿禾」一起，最開心就是看見他吃得滿足的樣子~
繼續閱讀
身邊並非所有朋友,也對吃方面有特別要求.與舊同事慶祝生日,不是放題,就是自助餐.這一次到另一位舊同事生日,主人家要求吃自助餐,作為出席者,實在沒有反對之理由.因為貴網有優惠,友人便提議來到海景嘉福酒店的咖啡室.七五折之後,每人做羅漢也是三百多.身為洲際同集團的海景嘉福,最為人津津樂道,是意大利餐廳Minstral,同中菜廳海景軒.此自助晚餐沒有任何什麼黑松露,長腳蟹等特別主題,所以入座率比較冷清,與隔離的日航是兩回事.頭盤有即開生蠔,蠔吧上的師傅正不斷地開蠔,師傅說蠔是來自愛爾蘭,話須是即開貨色,但沒有一點鮮味,只有腥味.冷盤上的蟹腳,味道頗為鮮甜,青口肉很瘦,鮮味欠奉,用來煲湯則還可.翡翠螺爽甜,凍蝦也算"蝦有蝦味".刺身方面,得帶子最為可取,件件厚切,肉質鮮甜.吞拿魚沒有味道,三文魚只是其他友人之選,我沒有去吃.沙律陣容很弱,難聽一點說,公司飯堂的沙律盤上,選擇比這裏更多.除一些沙律菜之外,有一味焗海鱸香草西柚汁,魚肉是沒有味道的.其他的八爪魚沙律,燒牛肉沙律,吃罷沒有留下深刻印像.見到自助餐桌上的熱盤,當見到魚骨外露的蒸魚.總是覺得,好像正在執人"口水尾".其他的也是中式小炒,也沒有什麼吸引了.友人拿些燒羊架回來,丁點羊味也沒有.即切燒牛肉算是最好,肉味香濃,嫣紅的牛肉入口嫩滑,配菜焗薯同樣好吃.另外的麵包焗魚,魚肉又粗又鞋,試一口便算.甜品有炸雪糕,還有朱古力噴泉,點些棉花糖同士多啤梨吃.雪糕是Haagen Dazs,又想起年前在Haagen Dazs,一小時十幾球的失笑回憶.早前在其他食評上,或貴網在月前出版的"開飯十年",小弟在"自助餐上的眾生相"一文中,已說過對自助餐的感覺.現今去酒店吃個自助餐,話平又不算,拿住三幾百上蘇豪,也可換來一餐有點水準的西餐.始終吃自助餐的心態,又不同吃散餐.比一個價錢任揀任吃,最為普羅港人受落.一日辛勞工作,受盡老闆閒氣之後,與一大班朋友,下班後一同來輕鬆地吃個自助餐,埋黎睇埋黎揀,有得揀,先至係老闆.身邊人也叫我豁達一點,看得不要太過執著,凡是要向好的方面去想.與大班朋友坐在一起吃自助餐,也是一種福份.這樣去看,做人也會過得開心一點.
繼續閱讀