泰爸爸

營業中

休息中

去奧運站做野 lunch time，突然諗起之前朋友推介過既泰國野，見一段時間無去泰國野，就即刻走去試一試😁見到menu 好多野食, 2個人唔小心叫多左... 😅鮮蝦炒金邊粉：好大份的金邊粉，唔算好辣，甜度適中，男士一定食得飽！豬頸肉撈檬：酸酸甜甜的，唔會好酸，好開胃，爽口的粉，加上肉嫩較厚切的燒豬頸肉，夾得岩岩好😁泰式奶茶：可以叫少甜/走甜，唔係間間泰國野都做到，依個位係唔錯 。珍多冰：好香椰汁味，唔多溝水，綠色的椰條很多，有咬口，煙煙韌韌幾好！😁泰式鴛鴦串燒： 雞串肉好嫩滑，五點醬的話，是沙嗲味，點醬的話，成了沙茶味，很特別！豬串竟然唔韌，唔講仲以為係豬頸肉😆自製肉碎生菜包： 辣肉加生菜的配搭，減去油膩感，肉碎不鹹，還有有濕紙巾提供，真係貼心！椰汁千層糕：賣相還好，勝在夠大件🤣上面有椰汁在面，減膩，味道正常叫咁多野都只係人均$160, 好抵食好大份!

有室內又有室外既泰菜店, 想帶埋寵物去食飯都非常方便, 可以坐露天位置, 等狗狗都可以陪主人用餐, 店內員工好多都係泰國人, 而且友善有禮.碎肉生菜包 $88肉碎炒得香辣惹味, 而且香料味十足, 香味完全滲入肉碎當中, 生菜亦都翠綠新鮮, 食完之後會更加開胃.泰式煎蠔餅 $108蠔仔份量十足, 蠔餅炸得香脆, 又唔會油膩, 而且入口蛋香十足泰式香茅燒雞 $98雖然我地係叫半隻雞, 但仍然啖啖肉, 雞肉燒得嫰滑,雞皮燒至金黃色, 而且入口好香香茅味, 味道非常特別, 點埋餐廳既燒雞醬更好味, 推介大家一家要試👍🏼鮮蝦金邊粉 $88金邊粉炒得夠乾身, 有鑊氣, 配料夠多, 而且酸甜味適中, 蝦肉亦夠大隻爽口.菠蘿沙冰 $35 龍眼沙 $33

大角咀出名多小店 ！撞正今日去開奧海城 就查吓附近 發現有間幾好評 價錢相宜 嘅泰菜😜食完覺得係幾正宗地道嘅味道 份量又大 cp值幾高⭐️ 。當曰平日連戶外都滿座了 而店內嘅姨姨們都係識講廣東話嘅泰國人🤭🥗碎肉生菜包 $88 生菜包非常出色 肉碎炒得好香 微辣又帶有少少酸酸哋 洋蔥加香茅 炒得非常惹味 包住生菜食調味剛剛好 😀🐔泰式香茅燒雞半隻 $98 見好多枱叫燒雞 賣相好吸引 燒得幾靚，我哋都跟住嗌。燒雞勁濃香茅味 肉質嫩滑 一啲都吾乾 而且搭配酸酸辣辣嘅醬汁 味道更昇華 。份量都好大好好肉 推薦👍🏻👍🏻👍🏻🦪🧇泰式煎蠔餅 $108 蠔餅好大份 仲用了鐵板上菜熱辣辣🔥 蠔餅炸得非常酥脆 好香蛋味 又唔會太油膩 🍝鮮蝦炒金邊粉 $88 粉炒得夠乾身 夠鑊氣 有蝦雞肉花生碎 幾足料 份量超大 兩人食勁飽 😙🍍菠蘿沙冰$35，🍨龍眼沙冰 $33沙冰最驚係勁假嘅糖醬味 好彩佢地嘅沙冰吾係🤭菠蘿冰有淡淡菠蘿香味 好清甜 加上小碎冰 熱天飲好爽 。龍眼冰都好多龍眼肉 吾會好死甜 幾特別🍧

今日睇完戲過來試一下, 沒有經openrice訂座, 所以也沒有享有特別優惠, 泰國野我都鍾意食, 不過今日就無下午茶餐, 見到好多選擇, 有d選擇困難同心多🤭 今日唔食辣, 試下佢的雜錦湯粉轉金邊粉, 包一杯飲品, 要左凍🍋茶, 叫左走甜少冰, 等左一陣, 飲品先到, 茶底唔錯, 同一般茶記d🍋茶有d唔同, 之後送來湯粉, 份量都唔少, 見到配菜也豐富🤭😋 飲啖湯先, 清甜唔肥夠熱👍😍食下金邊粉, 可能浸左d湯, 更加好味🤩 再食下魚蛋, 魚片, 扎肉, 豬頸肉和羅白, 都幾好味😛😚 見d店員都係泰國人, 真係夠晒正宗😄下次可以再試其他🤗

天氣又開始悶熱，又系時候出動食泰菜，今次同朋友黎到大角咀，二訪價錢親民又扺食，由正宗泰國人主理既泰菜 一 泰爸爸@phatpapahk🌟青木瓜沙律 $75青木瓜、辣椒、青檸檬、花生粒配上酸辣汁，酸酸辣辣好開胃🤤👍🏻🌟蟹肉芒果炒飯 $88蟹肉同芒果都比得吾少，炒飯亦好大碟好足料，誠意十足🌟泰式煎蠔餅 $108真系睇相都睇得到個蠔餅真系好大份好足料，誠意十足🌟泰式盬燒鱸魚 $148魚肉鮮甜之餘配上泰式酸辣汁🤤👍🏻🌟芒果糯米飯 $55香甜既芒果配上軟糯既椰汁糯米飯🤤👍🏻🌟椰汁西米糕 $30椰汁既香甜配上西米，經典泰式甜品🤤👍🏻飲品：西瓜沙冰 $35 椰汁紅豆冰 $33 📍泰爸爸地址：大角咀海泓道1號奧海城3期地下G26號舖#大角咀 #泰菜 #泰爸爸 #留港消費 #支持小店 #西瓜沙冰 #為食關注組 #覓食大角咀 #食在大角咀 #青木瓜沙律 #泰式煎蠔餅 #芒果糯米飯 #椰汁西米糕 #椰汁紅豆冰 #蟹肉芒果炒飯 #大角咀食乜好 #泰式盬燒鱸魚 #香港美食地圖 #九十後行到邊食到邊#HKIG #HKIGER #PHATPAPAHK #HONGKONGFOODIE

平時揸車經過奧海城三期都見到有幾間餐廳，放工同朋友嚟到泰爸爸食泰菜。餐廳設有室外同室內座位，坐外邊都幾chill 。員工友善有禮，支持小店，好味道，價錢又相宜。碎肉生菜包餡料炒得夠香，香料味唔會過重，肉碎保持到夠口感，唔會食唔到。配嘅生菜份量足夠包哂一碟。好味唔太辣泰式炒椰菜苗椰菜苗好爽脆，泰式雖然簡單，但都炒得唔hea。椰菜苗真係好好食。泰式香茅燒雞呢個真係要大力讚賞下，首先食嘅底味好足夠，燒雞啱啱好皮脆肉滑，小小焦香嘅雞皮，但裡面嘅肉係勁juicy 。兩個人食半隻已經夠哂。泰式黃咖喱薯仔牛腩泰國嘢就一定要叫個泰式咖喱，咖喱同椰奶嘅味道好平衡，牛腩炆到一啲都唔韌，而且大大舊，十分抵食。香蔥蒜蓉包十分足料，一客有好多舊，叫一個大家share 嚟點咖喱食係最好嘅選擇。

位於大角咀奥海城三期< 𝐏𝐡𝐚𝐭 𝐏𝐚𝐩𝐚 >, 一間優閒泰國菜餐廳, 設有室內及室外, 亦有多款茶式選擇, 而且性價比高。ᴛʜᴀɪ ʀᴏᴀꜱᴛᴇᴅ ʟᴀᴍʙ ᴄʜᴏᴘ $⁹⁸/² ᴘᴄ泰式燒羊鞍, 肉質幼嫩, 混合各種泰國香料及調味料, 帶點羊羶味道。ᴘɪɴᴇᴀᴘᴘʟᴇ ꜱᴍᴏᴏᴛʜɪᴇꜱ $³⁵菠蘿沙冰, 帶點酸甜味道, 冰爽涼快。ᴛʜᴀɪ ɪᴄᴇᴅ ᴍɪʟᴋ ᴛᴇᴀ $³⁰泰式凍奶茶, 額外加了珍珠⁽⁺$⁵⁾ , 茶味濃重。ᴛʜᴀɪ ᴅᴇꜱꜱᴇʀᴛ ᴘʟᴀᴛᴛᴇʀ $⁷⁵芒果糯米飯拼盤, 一次滿足所有願望, 暖笠笠糯米飯蓋滿椰漿, 軟糯咬口, 放有幾款千層糕, 層次分明, 各有千秋。泰爸爸 (大角咀)📍大角咀海泓道1號奧海城3期地下G26號舖

系奧海城行到餓餓地見到依間餐廳店員好似都係外籍人一定夠曬正宗啦入夜天氣唔熱，坐戶外位夠曬chillPhat Papa!! CP值爆表!!值得支持Pork with Cold Vermicelli $68豬頸肉撈檬粉, 肉質爽彈, 米粉口感爽滑, 散上自製酸甜醬汁, 非常開胃。Beef Satay + Chicken Satay $88/6 pc叫了雙拼, 分別是沙爹串燒牛肉及沙爹串燒雞肉, 每款各有特色, 濃郁牛味和雞味, 與沙嗲醬可為絕配。Thai Stir Fried Eggplant with Thai Basil and Minced Pork $88金不換肉碎茄子煲, 茄子保持鮮艷嫩紫, 以碎雞肉炒成打拋雞, 油香滿瀉。

追加食評（續）前文係有位橙衫戴眼鏡職員話22:00打烊，但我order的食物佢21:45左右先送到，借問3個餸菜加一杯生啤點樣响15分鐘內完成呢，我同該職員講我哋啲菜啱啱先到，咁係咪唔食得吖，佢一味話佢收22:00，我當堂火咗，我話我要食埋先走得，你做唔切就唔應該俾我落單喇，跟著佢好唔客氣話；好吖，你咪食囉，我企响度睇住你哋食，態度勁差，仲話佢哋要OT, OT公司冇錢俾佢哋，我真係覺得好搞笑囉，之前落單仲有一小插曲，諗返更無語，都係果個店員走嚟話你哋落齊埋冇嘢再加，叫我哋埋單先，但要俾現金，因為佢舖頭冇錢出糧俾個伙記，我話我哋俾卡唔得呀，佢話要俾就俾現金收唔到卡，我頂佢唔順將單總數$853，我俾咗$1000佢，跟著佢找返錢俾我，當時真想鬧爆佢，公司冇錢出糧但找到錢俾客人，呢個店員超級唔掂，此餐廳服務態度永不會再回頭光僱，簡直完全有問題😤😤😤😡😡😡

我前排去咗大角咀嘅泰爸爸食咗佢哋嘅曼谷鮮蝦炒金邊粉🤤 呢到嘅環境都唔錯，幾鍾意佢有室外嘅位，坐得舒適寬敞👍🏻呢個鮮蝦炒金邊粉嘅味道好正宗，好似喺泰國嘅路邊攤食個啲咁嘅味道！金邊粉炒得香口有彈性，每一條粉都均勻沾滿醬汁。而鮮蝦新鮮彈牙，蝦肉鮮甜多汁，不過可惜只有兩隻蝦，同埋唔夠大隻，如果有多啲蝦就更加好🥲同埋金邊粉嘅份量都幾夠，係簡單易飽之選👍🏻熱檸茶正常水準，不過不失！我朋友仲有試左豬頸肉撈檬，我食左佢一啲試下味，豬頸肉都唔錯😋下次可以再試下其他野😆

💪🏻 泰式拼盤 ($138)拼盤包括咗炸蝦餅、炸魚餅、春卷同埋串燒雞各2份，一次過可以試下所有泰式小食😋 炸蝦餅好彈牙，炸魚餅香茅味突出，炸春卷夠脆身，串燒雞肉質滑，點埋沙嗲醬好惹味！💪🏻 泰式香茅燒雞 ($98)燒雞香茅味得出，份量亦都好多！雞髀肉質好滑身😛💪🏻 泰式煎蠔餅 ($108)煎蠔餅炸得好香脆，蛋香十足！而且蠔仔份量好多，啖啖蠔肉😋 再點埋辣醬好香口！💪🏻 鮮蝦炒金邊粉 ($88)金邊粉配料好多，蝦肉原隻上，肉質彈牙！而金邊粉都炒得香口，微微酸酸羅望子醬食落開胃！味道：7.5/10性價比：7/10 食住瘦指數：💪🏻💪🏻💪🏻/5

大角咀係一個小店林立既地方，今次就黎左泰爸爸試下泰國菜鮮蝦炒金邊粉$88 佢個鮮蝦炒金邊粉，味道唔錯，蝦都大隻，配料都多，如果有埋花生同青檸自己撈就更好🤣泰式香茅燒雞（半隻）$98呢隻燒雞睇落色水係幾好，表皮炸得幾脆，雞脾都多汁，口感唔錯😇泰式煎蠔餅$108第一次食泰式煎蠔餅，口感幾特別，平時食既打冷蠔餅係粉多脆d，泰式既係淋d似煎蛋餅，不過佢個醬令佢昇華左，幾好食🤗泰式拼盤$138佢拼盤有雞串燒，蝦餅，春卷同魚餅，份量唔算好多，不過佢有曬沙嗲醬同泰式辣醬比你沾😋 芒果沙冰$35佢既沙冰都比較smooth，唔會飲到好多碎冰感覺，唔錯🤣

呢間泰國餐廳🇹🇭嘅價格以係奧海城來講算抵食，價錢比出面泰菜平，但絕對真材實料，由泰國人主理，侍應都係泰國人，服務態度非常好。餐廳有分室內同露天座位，露天都好Chill下。兩個人叫咗一餸一菜一飯，食到勁飽好滿足。💜鮮菠蘿海鮮炒飯 $98 （🌕🌕🌕🌕🌕/5）勁足料有蝦、魷魚、青口、鮮菠蘿，用料新鮮，配料仲有肉鬆、腰果、提子乾、臘肉，多種材料夾埋口感豐富，而且份量超多，CP值極高。💜泰式黃咖喱薯仔雞 $88（配泰式薄餅$45）（🌕🌕🌕🌕🌕/5）黃咖哩香味濃郁，椰香同香料味幾出，帶小辣。雞肉同配菜足料，雞肉肉質鮮嫩，薯仔同洋蔥等配菜都入好味，叫左一份泰式薄餅配咖喱，薄餅香脆同埋有8小塊，薄餅索滿咖哩汁超好味😋💜泰式炒通菜 $72 （🌕🌕🌕🌕/5）炒得好有鑊氣，但唔會太腍，炒得爽脆剛剛好。小辣得黎好香口，夠哂惹味。🍴整體評價：✅性價比高✅高質泰菜✅服務態度好✅適合情侶👩‍❤️‍👨閨密👯‍♀️大伙兒👨‍👩‍👧‍👦💰人均消費：$150

母親大人話想食泰國菜，上心既我即到OpenRice 找找看，附近有間泰爸爸既泰國菜。餐廳面積唔算好大，牆身掛了一些泰國畫做裝飾，點了母親大人最愛既芒果糯米糍飯，再點了菠蘿海鮮炒飯同兩大個椰青解渴。菠蘿海鮮炒飯以菠蘿蓋裝住炒飯，上面有肉鬆同腰果，材料都算多，菠蘿酸酸甜甜，好醒胃。芒果糯米飯有驚喜，用左兩種糯米整出來，好特別，糯米飯暖暖地，好好味。🔎泰爸爸 (大角咀)📍大角咀海泓道1號奧海城3期地下G26號舖

泰菜，之前就同大家介紹過九龍城 金麥泰、泰式美食、九龍灣 泰𝘾𝙤𝙤𝙡、粉嶺聯和墟 雄泰、荃灣 泰玖今次同朋友黎到大角咀食晏，試下依間出名地道既泰菜 一 泰爸爸 @babieholic2021🌟鮮菠蘿海鮮炒飯 $98原個新鮮菠蘿上，炒飯好足料，海鮮、肉鬆、腰果同提子乾亦比得毫不手軟，𝘾𝙋值極高🤤👍🏻🌟泰式拼盤 $138(炸蝦餅x2、炸魚餅x2、春卷x2、串燒雞x2)炸蝦餅口感彈牙，炸魚餅好重泰味(香料味)，春卷亦炸得香口，而串燒雞肉質嫩滑+埋高質既沙嗲汁🤤👍🏻🌟椰汁千層糕 $30/4(件)斑蘭味清香，口感軟糯 🤤👍🏻🌟椰汁珍多冰、椰汁三色冰 $33(杯)飲椰汁冰最怕死甜，而佢吾會死甜，仲好足料🤤📍泰爸爸地址：大角咀海泓道1號奧海城3期地下G26號舖#大角咀 #泰爸爸 #泰菜 #春卷 #串燒雞 #炸蝦餅 #炸魚餅 #泰式拼盤 #覓食大角咀 #椰汁千層糕 #椰汁珍多冰 #椰汁三色冰 #大角咀食乜好 #鮮菠蘿海鮮炒飯 #大角咀高𝘾𝙋泰菜