泰洋星海南雞飯

營業中

休息中

呢間餐廳最近推出咗新嘅fusion泰式甜品，將泰式糯米飯同甜筒、忌廉合而為一，幾有創意😋💪🏻 忌廉糯米筒 - 朱古力/Oreo ($36)泰式糯米飯有紫米同糯米，食落都幾煙韌，微微暖☺️ 而且甜筒嘅底同面同擠滿忌廉😋 好邪惡！糯米同忌廉一齊食都幾夾。另外，甜筒嘅皮都脆身，口感再豐富啲！💪🏻 冬陰公明爐烏頭 ($168)餐廳嘅冬蔭公湯係偏甜嘅冬蔭公，飲落幾開胃😋 而且椰香同香料味都充足，浸埋條魚一齊食就好夾。而且烏頭嘅肉都好滑身，唔會老柴，魚骨都唔算多，易入口！💪🏻 招牌海南雞 - 例牌 ($68)海南雞嘅肉質好嫩滑，雞髀位真係「sir」一聲就食咗🤣 而佢嘅泰式海南雞醬都幾特別，係偏甜嘅泰式魚露汁，幾特別！💪🏻 肉碎生菜包 ($75)肉碎份量超充足，亦都有充夠嘅生菜去包，唔怕食剩！而且肉碎微微酸辣，配埋生菜嘅爽口，食落好清爽。💪🏻 泰式燒豬頸肉 ($78)豬頸肉燒得啱啱好，外皮微微炭火焦香，肉質彈牙。而且泰式豬頸肉嘅醬汁都係特別，偏酸辣😛 不過豬頸肉就有少少偏咸。味道：7.5/10性價比：8/10 食住瘦指數：💪🏻💪🏻💪🏻/5

28/4/2024中午5點9左右 係佢地門口買左一串魷魚 熟客既都知道佢地門口會有檔賣魚旦燒賣同紅紅地色既墨魚賣 平時多數都係個呀婆做生意 今次到個化到個妝幾尺厚 眼曚曚既女人企係做 佢做完排係我前一個既男仔之後就到我 咁我淨係要一串墨魚 等左一陣 佢就問我你唔要魚旦呀 ？仲拎個透明膠碗幫我打包 我話唔要 我淨係要一串墨魚🦑 過左5秒 又問多我一次 你唔要魚旦呀？ 我心諗 你係咪唔收我錢請我食呀？ 我淨係比左$20買串墨魚都搞咁耐 之後我話唔該比個紙袋我包起佢呀 之後佢就拎左個紙袋仔同膠袋 但係呢 佢就係用隻手放入去整開個紙袋既 然後再放串野入去既 雖然你係帶住藍色膠手套 但係你隻手又收過錢又拎起過個食物夾 你好意思係客人面前咁樣做既？ 傻既都唔會啦 整完仲要成個膠袋都係辣汁 呢間野衛生常識同態度都係差到嘔 唔係我路過都廢去買黎食 如果睇到我呢個食評既人 我建議唔好再去 廢事食壞肚皮 特別係化到個妝好厚既女人係到個時 如果覺得無問題既就可以繼續去 但下一次到你地中招 就唔好後悔

住元朗都會食過呢間既小食同泰國嘢燒賣堅好食雖然都加哂但都仲係份量十足一樣抵食！成班都係由泰國人主理泰味十足。串燒lam 肉 $20呢個次次黎都必叫 ，由豬肉一層一層包住層次感十足再配埋辣汁正串燒牛$18牛肉係濕潤唔係乾柴柴個隻。雞腎 $18好入味 但都幾乾同硬。泰式濕炒河豬 $58個人因為鐘意食濕炒因為有啲汁掛住入味啲，不過次次食味道都有少少唔同都好睇返當日邊個泰國姐姐/哥哥 炒！馬拉盞通菜配咸脆肉 $ 62+18通菜都大份加有鑊氣馬拉盞味道都很出色，如果叫一份咸脆肉覺得很多可以喺馬拉盞通菜加咸脆肉佢個咸脆肉真係好食！

一直都幾鐘意食呢間..但最近呢一年質素係直線下降..堂食炒飯 炒麵果d都仲ok…早幾日買外賣…咖哩炒蟹差唔多三百蚊…竟然用幾廿蚊既急蟹蟹炒…唔係新鮮蟹…肉又梅又有陣化學味…完全覺得係呃人…咖哩味都唔係好 好多生洋蔥..最後成盒掉左..跟蟹既蒜蓉包都係隔晚咁 又硬又咸….串燒問我要唔要辣 我話要…竟然淨係比辣汁 冇比沙嗲汁…炒雜菜油林林 菇多過菜…我寧願加價都要維持番質素….又唔係比唔起錢….絕對絕對唔會再幫襯…..

路過見到呂宋芒糯米飯，見幾吸引 所以買左個外賣番屋企食。 番到去一打開個椰漿， 都心知不妙， 未見過係咁淡色。 食既時候都覺得係得個甜字， 但完全冇椰味。個糯米飯食落口就比較硬， 仲有啲白飯味，最後都冇食哂就掉左了。 而芒果就真係好甜的而且沒有掉果核， 但我期待係會冇果核的。 這個價錢食這樣質素的糯米飯比較貴。

夜晚元朗食宵夜 b仔涼粉呢頭應該大家都會黎平時梗會黎呢間泰國野買2 3串串燒食下但坐低食就第一次熱鬧嘅街頭氣氛 我話俾自己知 我去左泰國睇下餐牌串燒- 司華力腸。Lam肉。雞肉-司華力腸一向係我黎呢度必叫的皮脆肉嫩 又多汁加上佢既辣汁 超惹味-Lam 肉第一次食 係酸既豬肉新奇有趣 都好食既-雞肉 正常發揮Pad Thai 酸酸甜甜 濕度岩岩好蝦唔梅 鐵板蠔仔煎蛋上枱熱辣辣 勁香口既一度菜 d蛋已經炸到 睇唔出係蛋蠔仔細細 鮮甜好特別不過食到底就覺得好油夜晚黎元朗宵夜必食推介

相信元朗地膽先知呢間泰洋星，檔口係買串燒小食，而堂食個門口非常隱蔽，雖然一定唔係食裝修食環境既選擇，但係都坐得幾舒服！- 肉碎生菜包啲肉碎香辣得來帶的酸酸哋，好開胃，份量啱啱好，好平均咁俾啲生菜包住。- 黃咖喱（豬/牛/雞）咖哩夠濃，點蒜蓉包或者撈飯都好正！我叫咗牛，多到爭d食唔晒。- 泰式炒通菜食泰國嘢必嗌的，小小辣啦，啲通菜唔老，通夠爽葉夠綠，味道都係水準之上。- 香葉肉碎配飯.太陽蛋$72真係好抵，太陽蛋夠流心，香葉肉碎夠濃味，講真同其他貴價泰國菜既味道比有過之而無不及。總括而言，性價比高，又充滿着元朗特色，值得一試！

見佢D串燒好似幾好食，又有泰國風味的lam肉，咁未買多D幾串串燒同屋企人一齊分享，開下小型party.點知我一比完錢。個店員就在後面同另一個店員講，買咁多比鬼食呀？ 原來我買多幾串串燒就唔得的？服務態度咁差，我估都唔洗我講D野好唔好食啦！連對客人最基本的尊重都沒有！以後永遠都唔會再買這間店的串燒。真係食隔離間店D甜品雞翼尖好過。如果你好想食串燒都想受下氣的話，歡迎大家真係唔好錯過這間極品，一定要試下叫！🙂

◦•●◉✿✿◉●•◦ 終於可以出街食飯了😫成日食外賣食到悶悶地最近👵🏻👴🏻都係元朗周圍搵吓有咩美食🥲今次介紹呢間海南雞髀飯覺得不錯～ 💫海南雞髀飯一定要轉雞髀🍗❗️👴🏻👵🏻試過普通同雞髀😆 轉咗雞髀會滑好多☺️汁醬送飯好開胃外賣$55仲包湯 抵食～💫串燒司華力腸&雞肉味道ok無咩特別☺️ 💫馬拉盞通菜唔算係好濃味嘅炒通菜亦都唔算好油還可以～～排隊嘅時候見到好多人買佢哋嘅燒賣 聽講辣汁係重點 下次要試! 另外，👴🏻👵🏻都有試過佢哋嘅豬手飯但就覺得一般啦😆 比較推薦佢哋嘅海南雞髀飯! 😋: 𝟟.𝟝/𝟙𝟘

夜晚叫左個外賣西蘭花拎走 返屋企一打開！好有驚喜…點解可以少到咁，有無可能收人$68蚊得咁少😨，1個西蘭花都無…以一個小菜既價錢，依個份量的話，唔會再選擇呢間。

以前元朗最好食泰國菜如今巨難食。馬拉盞炒通菜。是淡味繼而出水。泰式鳳爪似白灼。完全沒有酸辣口感冬陰公仲衰。水咁蝦梅肉串燒醬失水準。雞是梅肉。以前最出色的沙爹醬。如今也是冇味。炸蝦餅是硬。口感是實完全唔知500蚊食左咩落肚應該都沒有下次‼️‼️‼️‼️相都唔想影🤮🤮🤮🤮本身收銀態度都不好👎🏻串貢貢其實是不是因為師傅轉左還是佢地減材減料。點解可以難食到咁🤢🤢🤢🤢🤢🤢🤢🤢🤢

我真係好鍾意食呢一間嘅燒賣，已經食過無數咁多次每次黎都會買一串燒賣加一串魚蛋，講緊都係$20嘅事😋😋而且好多粒, 一串有成八粒😋😋其實都知道佢啲魚蛋燒賣係入貨返嚟而唔係自己整, 但就好中意佢地既人情味, 賣燒賣既姐姐係泰國人好nice架, 而且佢的辣椒油同咖喱汁都非常好味,令到整串魚蛋燒賣味道立即昇華！另外佢地有賣其他泰國食物, 都好唔錯而且因為疫情有折，不過今次冇食就唔多講喇！經開一定要去試下呀😋

9年無寫過食評了今年無夜市，團年飯都無得食，唯有叫盤菜係屋企團年。老公話食話呢間海南雞ok. 就話要訂呢間盤菜。 原來佢係第一年做，連相都無，又無食評參考。就膽粗粗冒死（唔好食會剩番好多，唔想浪費，屋企人都嘴diu）嘅精神去試下。最後訂左6-8 人盤菜，雖然攞盤菜等左成半個鐘，不過見都擺得幾靚就算啦鮑魚都入味、蠔豉ok、魷魚🦑幾爽、豬皮好味、魚蛋係泰國粉麵嘅細粒魚蛋、芋頭好粉，係蝦就差啲，可能係要整定嘅關係，不過都幾大隻。整體黎講唔錯，性價比高，最緊要唔會太重味，因為多數盤菜都好重味。我地5個人食，最終都係食唔晒要留番第二日食

📍 泰洋星 @ 元朗ღ 泰式乾炒河 $58ღ 酸辣海鮮粉絲 $72ღ 泰式燒烤雞翼、豬頸肉 $20/串ღ 泰式燒烤豬、雞 $18/串ღ 青檸冰 $22元朗必食地道濃味泰菜🥰元朗人一定唔會唔識泰洋星喇～金龍燒賣同秘製辣汁魚蛋已經好出色估唔到呢度嘅泰菜都好值得一試( ^ω^ )嗰沙律啲粉絲索晒啲汁好入味 同時都好辣但係酸辣得好夠味你又忍唔住不斷食😂串燒豬頸肉同雞好食 牛同雞腎就偏硬但佢嗰沙嗲醬又係好濃郁👍🏻👍🏻炒粉麵嗰啲全部都大大碟夠晒鑊氣嗰日去堂食仲有85折 2個人百二蚊埋單 好抵！回頭指數😼5/5（自問重口味先好去(⌒▽⌒)

泰洋星係元朗臭河、近舊B仔隔雜，有樓下、樓上位置，夜晚仲可以開枱坐喺餐廳門口出面，樓上位要行條勁斜嘅樓梯上去。環境普通，唔算坐得好舒服，多人食會有小小逼。🌴泰式炒金邊粉 $55★★★☆☆味道正常，酸酸甜甜咁，冇太大驚喜，就係普通Pad Thai。食落覺得唔夠鑊氣，比平時出面食嘅再濕左啲。🌴例牌海南雞 $65★★★☆☆份量都多，海南雞肉質食落係滑身，但唔太重雞味。個人認為啲雞偏肥，雞皮未做到帶小小爽脆嘅口感，同埋皮下太多脂肪，肉嘅比例較小相比之下，但個酸辣汁係好食，夠哂開胃用，黎撈飯點雞一流。🌴蒜蓉包(六件) $28★★★☆☆薄薄地一片片，脆既但因為唔係厚身食落冇咩口感，正係食到蒜蓉味，冇牛油香，唔係唔好食但就普通左D。🌴炒肉碎生菜包 $68★★★★☆味道唔錯，少少辣，食落重香菜、洋蔥味道，包埋生菜食好唔錯！肉碎份量多，肉碎偏向大粒小小，有咬口。🌴冬陰公明爐魚烏頭 $148★★☆☆☆雖然冬陰公湯底，但滾起左之後條魚都係唔太入味，條魚係新鮮嘅但就冇醃，冇咩味道，單調左D。有埋D菇、椰菜、蕃茄仔配料，同我預期中嘅味道有出入。🌟總括：野食中規中矩，冇話特別好味同唔好味，但勝在價錢真係唔貴，都抵