泰式食

營業中

休息中

快飯以銅鑼灣呢個地區呢度嘅食物,價錢,質素都ok位置又夠方便今次叫左===金邊粉唔太油都似係泰式唔係果啲港式炒法===豬肉濕炒河仲有得出去攞下小食可加＄轉泰式特飲價錢真係幾抵

Today with my family we stopped in this restaurant.. food very good.. good portions and good teste… but the service is terrible!We ask to change one dish because too spicy (in the menu no help to understand spicy or not), the waiter say to us “I will check with my manager”… never came back… after that all waitress non came to check our table!!!Also I founded cockroaches on the sofa!!!Very bad hygiene!!Food 9Service 3

已經第二次黎食味道好食 好值得推介環境舒服 同朋友傾計都坐得舒服今次同四個朋友食飯叫咗one set A+B+C dinner set A 豬頸肉B 盲曹魚C 雜菜煲加埋都係$398 好抵食 份量足之後散叫炒飯 飲品🥰最後除番開每人$214

今次星期六夜晚去到 唔洗等位就入得 仲比左好大個卡位好闊落😆所以坐得幾舒服 皇宮大蝦蛋網炒貴刁 $108 其實就係炒金邊粉😛賣相都幾靚 撈埋花生、糖一齊食 酸酸甜甜好開胃 炒得幾乾身 幾好食 泰式青咖喱雞$98青咖喱都唔錯 好香椰奶味 不過就比較重口味 雞就正常水準 係冇骨既雞髀肉 薄餅$30叫左咖喱點可以唔叫薄餅🤪一份有4塊 我地叫左2份 好鬆軟 煙煙韌韌 點解咖喱食一流 泰國椰菜苗$90炒得好惹味 辣辣地 椰菜苗都幾嫩 但份量就比較少 性價比低左啲

泰式食好似喺銅鑼灣已有一定歷史，成日搭車都見到好大個招牌，但從來無食過😄。今日終於試左個午餐，發現抵食不突止，仲要好好食，好有驚喜😍。因為係樓上餐廳，所以要排隊搭𨋢， 都等咗一段時間，如果趕時間就唔好lunch上黎😂😂。原來午餐係半自助形式，侍應先帶你坐好，order完餐之後，可以自行去出面有個細既角落，有兩款湯，一個係 冬陰功， 一個係青紅蘿蔔，仲有兩款前菜，可以任食😋😋😋。個人實在太為食啦 ，兩款湯同前菜都想試， 冬陰功湯，酸酸辣辣， 味道啱啱好😍。中式老火湯亦煲得好濃郁😋。萍果沙律爽脆清甜，燒雞酸辣青瓜辣度十足😊，好開胃。叫左個香葉胡椒肉碎飯 $68 即叫即炒，熱辣辣又辣辣地， 飯粒煙煙靭靭，好惹味，不過略嫌煎蛋過熟，如果係太陽蛋仲正😋😋。個炒飯太大碟😅，之前又貪心飲左兩碗湯同小食，真係好飽，搞到食唔晒😂😂，下次真係食少D前菜先得。

食物不錯，分量ok!蝦餅有4件，鬆脆香口！泰式炒牛河比較沒特色！蝦醬炒通菜好食！柚子沙律也口感足夠！服務人員的態度都不錯！但可能食物有一點味精，食完後覺得口渴。不過大部分泰菜都有此情況！不錯的泰國餐廳

The set provided was really worthy. Tung Choi+ grilled meat+ fried squid +rice and dessert only $338~! Very crispy fried squid and it was pretty fresh. The meat was well seasoned without being too salty. The Tung Choi was well chosen which was young and green. We also ordered a juicy coconut and lime soda which prices were also reasonable. Overall, the environment was nice, spacious and hygienic. A good place to hangout with friends.

Nice interior. Filled with many Thai decoratives. They even have Auto Rickshaw. We ordered Papaya salad, Pad Thai, Steamed fish, Rice, and Thai platter shared by 3 people. Just be careful while eating the steamed fish as it has small bones. All dishes were yummy! For drinks we ordered Lime soda, Shaved ice with Mango flavor and Green Apple with honey. Shaved ice with Mango is a big portion where 2 people can share 1.

繼上次原本想食下午茶但點知食咗晚餐後，終於有機會真正試到佢嘅下午茶啦😜😜今次我就嗌咗😘😘～～～泰式炒金邊粉～～～金邊粉份量都頗多，蝦🦐大約有2-3隻！食落酸酸甜甜幾野味😜😜可惜炒得比較濕身左啲，如果炒得乾番啲會更好味、更爽口！😉😉 另外一提嘅係佢碟金邊粉側邊會放咗三款調味配料俾你自行撈勻！呢個做法我第一次見幾特別🤗🤗～～～椰汁紅豆冰～～～呢杯椰汁味一般，紅豆味幾濃！OK可以接受😋😗😗總結：晚餐貴少少真係有道理嘅，不論擺碟定份量都出色過下午茶！但下午茶平啲又有飲品喎🥺🥺!你會點揀呢?😝😝

見好耐無食泰國菜，Lunch就同朋友黎個即興泰國菜由於天氣太熱，一坐低就叫咗杯椰汁冰解下暑先🍹 一飲真係甜到眼到突埋，我自問都鐘意飲甜野等不健康飲料，但呢杯真係飲糖咁，之後全杯無再飲過我自己叫咗一個set lunch牛肉濕炒河粉，包餐湯、飲品加錢。朋友就叫左個蝦膏炒飯、咖哩雞配薄餅、西蘭花炒帶子，最先黎係咖哩雞，呢個係不錯的，啲咖哩汁都夠味夠燙，唔知關唔關肚餓事，之後個蝦膏炒飯完全係垃圾中垃圾！絕對無誇大，唔信的可以叫下，點垃圾法呢，炒飯啲飯係濕的，就要爛飯到痴埋一舊舊咁，又唔夠蝦膏，味道好淡，呢個炒飯真係貼錢比我都唔會再食！全餐最好食係個西蘭花炒帶子，西蘭花夠味道帶子亦都算多，所以成碟都食咗7-8成，食到最後見到有隻昆蟲係隻碟度🪲 即刻想反胃，因為我真係差唔多成碟食哂🤮🤮🤮 但我唔確定係飛落去定廚房衛生問題 就無反映，飲杯水即走，永久blacklist

今日同老公難得出銅鑼灣食飯, 老公話好耐無食泰國，,所以就來泰式食，記得好幾年前食過，環境大同靚，上次來要等位，今次6點前就來到,没有太多人，我地擇左窗口位，風景都幾靚，望落去就係ｓｏｇｏ， 其實衣到都幾啱慶祝食。今次水準同上次一樣好食，食左三個餸加飲品真係好飽，差d食吳哂但係水準菜，最緊要係夠哂熱上菜快可能未係好多人，下次想食泰國菜都會再黎衣間。１）醃豬肉碎沙律(生菜包)~味道係好味既,好正宗(但如果多一點肥豬肉就更好，一定會超好味🤣， 肉質真係偏瘦。）２）👍泰式燒雞,我老公最愛, 亦都不負眾望, 雞新鮮肉質夠幼嫩.醬汁就同併盤一樣係普通泰式汁,如果有其他選擇就更好啦!３）泰式拼盤~(蝦餅,魚餅,素菜春卷)全部都好新鮮又夠熱(好味),不過分量吳算多,每款兩件４）龍眼冰~龍眼味濃烈, 偏甜😁(但我喜歡)

金百利廣場一到lunch或者晚餐時間都人山人海呢到既菜式包羅萬有 中日泰韓都應有盡有Fat9咁識食就緊係要去試下位於金百利既泰式食啦呢間泰國野既裝修係落左啲心機🥰相信去過泰國既冇搭過都一定見過tuk tuk 呢間餐廳一入門口就見到有架tuk tuk係到😆呢排去唔到旅行住 見到就當去左先啦🥴﹊﹊﹊﹊﹊﹊﹊﹊﹊﹊﹊﹊☞ dinner set 338$ 前菜:豬串燒 主菜:青咖喱豬肉 湯:椰子雞湯 蔬菜:蒜蓉炒西蘭花佢既串燒醬不得不讚 好好味 花生味好重 搶哂主角既風頭😚因為佢串燒啲豬肉既肉質都幾似食緊柴咁 成舊乾爭爭 所以個醬搶哂風頭😹個串燒唔點個醬既話係食唔到落口 又冇味 好彩有個醬🤭佢個青咖喱豬肉既豬肉好過串燒既肉好多 可能係煮法既問題😳講番個重點 佢個豬肉都唔係重點個重點係個青咖喱真係好出色 剩係個汁都可以撈十碗飯😋黎到呢到Fat9極推介大家叫呢個青咖喱 又唔話好辣 送飯一流🤤佢個椰子雞湯都比幾多雞我 但佢個椰子味就唔係話好出但都有味既只不過唔重味🥴拿 唔好睇佢好似細細碗咁 飲落去4個人都夠飲一人一碗 啲料都夠4個人食架😼而佢上面紅色個啲唔係辣油黎 大家可以放心以為湯落辣油咁kick

聽同事講‘泰式食’嘅下午茶又大份又好味又底，一直想搵機會試吓，今日冇帶飯就去食呢間啦！點知去到嘅時候五點尾就六點，下午茶已經完咗🥺🥺咁為有食佢嘅晚餐😳😳～～～泰式炒粉絲（配雞肉）～～～$88佢嘅晚餐都好食嘅，但係貴左D囉，一碟炒粉絲都要$88，唔包野飲仲要加一😤😤講返碟粉絲先，比例上粉絲同雞肉都差唔多，雞肉幾大件、有彈性！粉絲亦炒得色澤均勻，夠濃味！配菜都幾豐富🥕都係得1個鐘食飯，未能享受一餐好味嘅雞肉炒粉絲！🙂🙂P.S 下次我一定要食到你嘅‘下午茶’😆😆

中午來到銅鑼灣這間泰國餐廳覺得詑失望... 餐館裝修本身幾靚好特別，泰佛像仲有架篤篤打咭位。午市套餐揀飯粉及飲品，自助式拎餐湯沙律，炸蝦片小食。第一次點泰式海南雞飯， 雞件已經乾又鞋更發現好多骨，根本和切雞飯無疑! 向經理查詢了解，佢竟然話餐牌寫著泰式海南雞飯並冇“去骨”這兩字喎。你是覺得我們從未去過泰國嗎？例如港人喜愛嘅水門海南雞飯來說，全是雞肉已去骨的

🍴 泰滋味三寶 (明爐青檸烏頭+泰式燒豬頸肉+泰式生菜包) ($368) ⭐️⭐️⭐️⭐️ 烏頭整得好好食，賣相同樣吸引，辣辣地嘅汁加上青檸調味，魚肉入哂味，食落好開胃好吸引！豬頸肉份量幾多，燒得唔錯，配上秘製嘅辣汁都算幾夾，值得一試。生菜包嘅肉碎炒得唔算好油，我覺得生菜葉可以比多幾片，因為肉碎嘅份量其實多過生菜葉可以包到嘅。 🍴 泰式濕炒河粉 ($90) ⭐️⭐️💫 河粉整得太淋，上菜時黐埋一齊，配菜有點兒太多，整體感覺麻麻地。 🍴 芒果沙冰 ($38) ⭐️⭐️⭐️ 沙冰好大杯，味道正常，雖然飲得出唔係新鮮嘅芒果整出嚟，但幾解渴嘅。 .............................. 泰式食 地址📍: 銅鑼灣記利佐治街1號金百利廣場8樓 R3 總評分: 6.6/10 .............................. 味道😋: ⭐️⭐️⭐️ 環境👀: ⭐️⭐️⭐️💫 服務👨🏻‍🍳: ⭐️⭐️⭐️💫 衛生🧹: ⭐️⭐️⭐️💫 抵食💰: ⭐️⭐️⭐️