泰好 (已結業)

今個月由$60一碟海南雞加到而家$68，之前都仲係雞脾肉，而家加咗價不特止，仲要全部都係雞胸肉。服務員服務態度差劣，未食完就已經收碟，好似趕你走咁。負評講嘢大聲夾惡，我兩個小朋友都俾佢嚇親衛生環境亦都十分惡劣。

好耐無食過肉骨茶啦。見到咧間有，而且價錢親民就試下野食一上黎，我就震撼左咁真材實料既，D料鋪滿曬。有豆卜，三舊肉骨（但肉唔多，係骨大舊）,三舊雞肉，湯底唔濃，清清淡淡配埋米線食都唔錯。雖然同正宗既爭少少，不過個價錢擺係度，滿意架啦熱檸茶，唔配糖我一向唔加糖，所以無所謂。午市除左肉骨茶，仲有好多其他選擇。冬蔭公金邊粉，海南雞飯，炒飯......粉麵餐可以隨意改米粉米線金邊粉。餐牌雖然有寫加一服務費，實際上無收。不失為一個好選擇。

朝早黎到鰂魚涌想食份簡單嘅早餐，於是就入左黎啦。漢堡扒、煎雙蛋、多士（$30)成個餐有兩塊漢堡扒，但係食落都幾油。太陽蛋有啲生，如果唔想整穿蛋黃嘅話記得用匙羹食！今次貪方便就咁叉黎食，結果成隻蛋黃穿左。方包係冇烘過嘅，入面夾左啲牛油，都係不過不失。跟餐配嘅熱檸茶都唔錯。成份早餐都係普普通通咁，係平價之選。

如果大家想搵一間寧靜少少, 食物價錢ok嘅餐廳, 請支持一下呢一間太古坊附近超多餐廳, 有幾間都唔錯我不嬲幫襯開嘅, 一個下午茶撈檬加埋一杯嘢飲都係32蚊, 而且份量非常足夠. 咖啡都好飲, 有泡沫㗎今日又去幫襯, 今日佢個plating擺得好靚, 所以好有衝動post上嚟分享讚賞一下. 去開鰂魚涌太古坊附近就幫襯下啦😊

今日試咗呢間係公司附近嘅茶餐廳要左一個鮮牛肉骨茶湯底早餐配餐肉同蛋呢個湯底真係我第一次食 有飲得出少少藥材味 其他嘢食正正常常啦主要係個價錢都幾抵包埋飲品都係30蚊 可以再試

上星期五晏晝去左鰂魚涌，梗係係嗰邊食返個lunch喇經過見到呢間餐廳，於是走入去e肚仔、開餐先我Order左個lunch set：海南雞飯涼拌菜係醃菜，有白蘿蔔、紅蘿蔔及青瓜條。味道酸酸地，好開胃嘅前菜炒雜菜為lunch增加左健康嘅蔬菜量，係呢個套餐嘅加分位😊碗湯好好味，係味道香濃嘅雞湯，當中仲有白蘿蔔呢🤭難怪飲落有種清甜味😋主角黎喇﹗雞皮雖然唔算薄，但一啲都唔算厚，而且雞肉一啲都唔肥，雞肉味香、肉質滑得黎又juice﹗👍🏻整體都唔錯，可惜食一個lunch 要$76有啲啲貴…😅

每日到中午，我哋都會好頭痛去食啲咩好，因為鰂魚涌呢頭啲餐廳都唔平，而且奉旨要啲客食快餐，務求一個lunch time可以做四五轉生意😅 不過都明白搵食艱難，所以通常我哋都好識做嘅，食飽飽就起身。「泰好」係其中一間無咁鍾意趕客嘅餐廳，通常都唔會有侍應喺你面前扮抹枱，其實就想提你快啲走😅🤣 呢日阿太又話想去「泰好」食佢嘅 #海南雞冬陰公米線，再加杯 #龍眼蜜 潤吓喉，#小秘書 咁nice，當然會奉陪啦！我呢日點咗 #肥牛冬陰公河粉，份量比平時出奇地大份... 可能知我哋肚餓掛😉 湯底味道濃咗啲，不過配埋啲河粉食，辣辣地啱啱好。平時我唔捨得加錢飲嘢㗎，因為加埋一都要七八十蚊埋單，但係天氣咁熱仲要食辣嘢，唯有破例一次咁多啦🤪

今日心情已經唔多好，唉，班政棍，唔冷靜既香港人，被挑撥既警民關係。食乜都唔好味。但係咁唔好既心情下，又遇著一間又貴又一般既味道既餐廳，俾星星都手緊了未坐低，行入去望到餐牌都見唔係平架啦，但落雨，唔想搵第二間啦。一碟咖哩飯冇野飲，都要$76（未計加一），即刻反轉睇睇，麵食吧啦，都唔平架，$58喎⋯⋯唔包野飲添。加埋一成 $63.8。泰式雞湯豬排扎肉米線首先，你唔會食得出係唔係雞湯啦⋯⋯豬排同扎肉係細塊既加上唔特別好食

近排天氣實在太熱☀️行多兩步都想死💨💨小秘書 唯有屈喺公司附近活動，就連lunch都連續幫襯同一間「泰好餐廳」、仲要係食埋同一樣嘢 「3號米線」😅 小秘書本來係因為鍾意佢個冬蔭功湯底夠野味嚟幫襯，但係餐廳似乎為迎合香港人口味，酸辣嘅口味已經無咁正宗，而且米線份量又唔平均、仲碎濕濕咁... 所以我已經諗定下星期要變吓心😁 搵個第二個先

下午茶時間去左呢間太古坊附近嘅餐廳食嘢, 睇一睇menu發現確實係比我平時去開嘅泰國餐廳少選擇, 好多泰國菜餐廳有既紅咖哩綠咖哩都無,炒飯好似都係得一款😆最後點左個蟹肉炒粉絲,味道偏淡,但係都算多蟹肉,跟餐嘅凍奶茶都係不過不失。值得一提嘅係下午茶時間午餐餐牌會有八折，環境ok,坐得係舒服既，鰂魚涌好少有。埋單$6x 少少貴

上星期同個同事喺鰂魚涌開會，開完會後一齊去食lunch。我地揀左間泰國餐廳，依間餐廳之前未食過，可能12:30算早，未有太多人，所以唔使等位。鋪入面唔算太大，坐底後睇睇menu，有d午市套餐我選擇左冬蔭公海鮮金邊粉配龍眼冰$63等左一陣，粉就上枱，冬蔭公入面有鮮魷魚、蝦、菇。實物賣相同menu差得遠試左一啖，冬蔭公湯底都算濃，味道okay，而蝦肉質一般，金邊粉都算滑。龍眼冰就幾好飲，唔算太甜，賣相幾靚

心思思想食點辣，記起未黎過太古坊入面呢間泰國野，佢有個冬蔭公粉麵餐，一於同同事試下先！餐廳環境都幾舒適，有裝修有設計，光猛潔淨，店員都幾 NICE。呢個一餸特色自選粉，我要了冬蔭公+肥牛粉絲！侍應端來時，我方發現原來它只是個湯底係冬蔭公而已，而不是一碗冬蔭公肥牛粉絲，只怪自己冇睇清楚…難免失望。不過以 $32 來說算係咁了！個湯唔算勁辣果種，香料欠奉，比起聞名的泰式食肆又真係遜色了。肥牛有D較韌，份量方面都OK嘅。至於杯熱奶茶就幾好飲，又夠滑。總算為成個餐加番D分。另外，同事呢碗榨菜肉絲蛋麵 ($30)，又稱 "榨蛋麵" 則好入味，料夠多，有青菜以伴，都叫有菜有肉啦！

其實個餐牌印錯左你可以同我講，又或者每日咁多客人你係咪應該改返個餐牌，你咁樣寫吉列豬扒、漢堡扒、西煎雙蛋 方包，即係有晒咁多樣嘢啦！上碟先同我講原來豬扒同漢堡扒係只可以揀一樣，好搞笑囉！咁上面C餐D餐又識得用 ( / )。另外碗碟有漂水味道🤢