泰好運

營業中

休息中

係街市入面的隱世泰菜，一定會揀呢間。中午黎食lunch簡直平靚正。款式選擇多，中午客飯，即炒泰式粉麵乜都有。價錢好親民，全部40幾蚊，仲包杯椰汁冰，係無得輸👍今日叫左咖哩牛腩，菠蘿炒飯。味道好正宗，一定好過唔少出面的泰菜館。

今日同朋友上嚟，可以食多幾款，平時食開都係嗰一至三款午飯。今日朋友叫咗D我平時無叫既嘢，幾好味喎。青咖喱豬頸肉，青咖喱微微辣，好好食。另一碟炒麵 (印像中餐牌好似無炒麵架？！)麵係好似車仔麵既油麵咁，炒得乾身好好味。呢兩碟好好味道，下次要再食。菠蘿炒飯甜甜地，個人唔係太歡喜。呢間舖午飯真係平/靚/正。

生左終於可以放縱食野！之前大住個肚食唔到生野，轉左手之黎第一次係到食生蝦。除左生蝦之外，蝦頭仲會炸熟一齊上！對於飲酒既我黎講，直頭好似多左份小食咁正～ 好味仲有生菜包，抄椰苗都係好味既

星期日落雨天要搵個地方有得hea下睇下書又有得食好西嘅地方介紹你去深水埗嘅市政街市"保安道街市"，同一座果到有體育館及圖書館，因落雨關係室外節目取消了，就同小朋友去圖書館睇下書，之後上上層熟食檔食個午餐! 我地去了《泰好運》，點了4個餐加……一碟泰式馬拉盞炒通菜($38):馬拉盞味道夠出色， 望落去好似好辣，其實辣度可以接受，食到最底略為多油泰式酸辣無骨鳳爪($15):叫了下午茶所以可以另加15蚊要一碟無骨鳳爪， 可能15蚊的關係，所以份量唔多 ，但味道比我想像中好， 夠酸味，而且十分爽口冬陰功海鮮湯河($48)呢度嘅冬陰功湯， 雖然有d辣， 但係佢嘅辣度老少咸宜,我兩個小朋友都飲得到，所以我覺得唔夠辣🤪如果唔食得辣嘅你呢度就啱曬嘞🤣 海鮮種類都多有蝦魷魚蜆蟹柳，略嫌煮得過熟，魷魚有點韌泰式炒金邊粉($40) 酸酸mei mei食得好開胃泰式濕炒雞河呢碟令你飽到不得了 但醬汁太多炸海南雞飯我哋叫錯咗其實我哋想叫普通嘅海南雞飯🤣🤣 講返個飯底，佢係有用雞油去撈飯， 雖然係用油撈飯，但係一啲都唔覺得漏! 雞肉雖然都炸過嚟， 佢keep得到滑嫩 口感附送一杯飲品，我哋揀咗椰汁冰! 因為天氣都

原本這舖位幾年前第一代都係好好食。經常嚟食午餐。然後一次轉咗手，煮得好難食，水汪汪既星洲咖喱..... 之後無再幫襯。今年2月農曆新年後再到來，見好似又再換過班底(可能又再易手)，咁就試一次啦！現在應該不是第1手既家庭班底，但一樣煮得好好味。同事都話回復好味道，今天已第3次幫襯了。冬蔭功湯粉好香蕃茄味！正！原味湯粉，好似有牛骨湯咁既味道，好味。星洲咖喱豬扒飯，咖喱係炒咖喱蟹嗰種咖喱，好香好好味，鍾意撈汁食飯既朋友啱晒！午餐可選龍眼冰或椰汁冰。椰汁冰好香甜重奶味。

想搵又好食又抵既泰國野，大家都會諗到係九龍城搵，但其實各區街市入面既熟食中心都隱藏唔少CP值極高既泰國菜！今日食呢間係保安道街市二樓，入街市一上電梯就係。午市套餐平均價$40包飲品。鋪頭廚師樓面目測都係泰國人。飲品試左熱咖啡同凍奶茶，咖啡唔係來貨茶記果種咖啡粉，奶茶茶味特別。好香～正餐叫左冬蔭功雞絲金邊粉同埋紅咖哩雞扒飯。兩者份量質素都唔差，出菜速度快。係略嫌唔夠辣。不過岩我老公呢類怕辣既人。中意辣既建議可以叫加辣。另外我地見正餐唔錯，有追加左一碟飛天芥蘭。聽到炒果陣廚房果啲好夠火候既炒菜聲，就知唔會差得去邊。出到黎碟菜真係岩岩好熟唔會炒太老。泰式炒菜共通點就係好油。不過好好食，所以都成碟清晒。

估唔到市政街市除咗大排檔，都有泰國菜，而且位置熟食市場嘅角落頭，遠離嘈雜嘅大排檔自成一角。座位較為寬敞，分量對得起個價錢，味道亦好。下次可以叫多幾個人去食😋😋

舊舖轉手之後都係泰菜，老闆（廚師）人很nice,煮得一手好菜，食過幾次水準都keep 得住， 特別推介咖喱豬肉配薄餅泰式豬手香茅雞翼冬陰功湯菜式唔會過辣，如果食得辣嘅可以要求加辣挑戰下