泰好味

營業中

休息中

19-9-2007,晚上11點去食,去到才知佢地開到3點.去到叫左個必食:麵包蟹$168, 蝦刺身, 冬蔭公, 炒河粉.全部都好好味, 特別係麵包蟹+汁, 好值得去試.走時都食到好飽.!!!

尋晚到屯門醫院探細b個gf啦,上來搵下屯門有咩好野食,見到呢間好多好評所以黎呢間食啦,其實呢間野幾難搵,because佢附近d鋪頭關晒門我同細b都以為冇啦,正諗緊走人之際...口索口索~~eee?好香喎..就係咁我地跟住d味搵到佢,入番正題先,我地4個人食左:1.咖哩蟹包------- 正!停唔到口2.生蝦刺身------- 都好新鮮,最緊要夠平$363.蛋包海鮮炒粉絲---- 好味夠香4.蒜頭炒椰苗----- 好香好正跟住我地再嗌多5.細東陰公湯,6.馬拉盞炒通菜,打包俾阿嫂.Total埋單- $402總括黎講真係好味又好抵食,下次一定再去試其他野

見呢間野有甘多好評, 所以要去試下. 果然無令人失望, 真係好好味, 自己其實經常食泰國菜, 呢間真係有水準同好地道, 而且又好抵食, 老闆係泰國人又好nice呢, 真係好難得. 我會勁推介比朋友.

住响屯門咁耐都未黎過呢度食野,見咁多人話好, 就試下. 雖然鋪頭細細地,外面靜英英, 不過好乾淨,係泰國人做,佢地好nice. 我地點左咖哩蟹包, 食到唔停得口,咖喱好好味!份量都唔細, 加上有d其他野, 兩個人係食唔晒. 今次人少試得好少野, 一定會再去!

昨晚跟朋友到『泰好味』食晚飯，個咖哩蟹包真是好好。起初不知價錢，仲以為幾十蚊，但見個包咁『正』，覺得無可能幾十蚊，後來見到是『市價』，跟朋友估要幾多錢，我估$100，朋友估$120，……哈，埋單$140，ok 啦，因為真的好『正』！仲有個『蛋包海鮮炒粉絲』，不錯，一d都唔油，勁。最重要個阿姐好鬼nice，d員工都是秦國人，難怪咁地度。下次要試下d 紅咖哩。

今日我同一家人一齊去呢度食野我係泰好味食左;- 咖哩蟹包超好食食到停唔到口- 南瓜海鮮焗飯又多海鮮好好食- 椒鹽軟殼蟹好正!!!- 酸甜倉魚啲魚起左肉一片片咁好容易食- 冬蔭功(細) 佢用大頭蝦黎整既超級好飲- 馬拉盞炒椰菜苗啲茶好新鮮好爽6個人只係要$420!! 食到好飽真係超抵食!!

兩個人、係咁叫:*咖喱軟殼蟹----- 正!!!!好大碟呀!*鹽燒烏頭-----好滑，但魚味不夠*柚子蝦沙律-----好惹味*蝦膏炒飯-----估唔到係最好食嘅一樣，好香，好微的甜味，加上蝦乾仔，正呀!!!用咖喱汁撈飯，食唔停*泰式炒椰苗----份量較少，不太新鮮，但咪道好加埋啤酒及青檸梳打，$265埋單，食到頂住，算抵食。

呢間泰國菜開左幾年，轉過幾次手，依家去好似改左叫泰好味雖然店面幾\"UP得\"但D野好得~絕對平靚正~推介下呢D先咖哩XX包(可以海鮮/蝦/蟹) - 我覺得蝦包最好，係一個大面包，入面有咖哩炒蝦，D包索左D咖哩超正~燒魷魚- 唔知點形容，總之好食啦~禾花雀- 唔係成日都有，好香口，一啖一隻，但自己食完覺得有D殘忍XD鹽燒烏頭- 烏頭入面塞滿香葉果D，出面鋪滿鹽，我媽咪平時唔食魚都話好食~馬拉盞炒菜- 好香，每次都叫~椰青焗海飯- 多椰汁，食完再三回味西絲柚蝦沙律- 好開胃，本來無胃口，食完呢個之後胃口返哂黎

今晚三人去呢間食..生蝦(~$32): 新鮮,有9隻咁多..好好味...冬音功湯(細)($32): 好味,夠3人食,仲有兩隻大頭蝦,不過油咗少少..蛋包券粉絲(~$3x)同明爐烏頭(~6x): 好大碟,ok馬拉盞炒菜(~$28): 超好味,想再叫多碟,不過好飽...最後仲有西米糕送...要留意鋪頭好細, 唔想等要早d到..

第一次跟朋友去小曼谷，之前佢地講到好正，我都吾信，點知食完一次，成日都想去食，果時心諗，館仔多數咪又係Ｄ咩湯矇粉呀！生熟牛肉河呀咁，點知去到完全喜出望外，推介生蝦刺身，禾花雀，馬拉登椰菜苗，個蝦餅好但牙，好有蝦味，個冬陰公好正宗，鱸魚都吾錯，不過個鐵板牛油蠔仔蛋真係好吾得，Ｄ蛋好鞋，又無味，肉碎生菜包都係有Ｄ失望，整體黎講其他?菜都好好味，Ｄ阿姐又好人，我己經去過幾次了！！

呢間小曼谷d野真係食得過佢\地d炸蝦餅真係去到必食ge野,一碟有5件,裡面啖啖肉!! 賣相又好,味道好好!重有d炒飯都好好食,份量唔算係好多,不過4-5個人每人一碗仔絕對係夠ge.不過鋪頭好細間,但係去ge人好多,次次去到都要等幾耐位.不過絕對係值得一試ge.野食唔貴,多數d野都係$25-35一碟,有d仲係$15有交易.做野ge泰國人識聽廣東話,唔使怕點唔到餸,服務態度唔錯. 不過有一樣野要記住,當你揀定左食某幾樣野時,一定要快手落左單先,之後先再慢慢睇仲想食乜.如果唔係你要等好耐先有得食, 即係要睇arm就落單先,之後有野arm就再叫,唔好等埋一次過先落單.

估唔到冇人寫呢間食評,因為佢勁多人去所以都想分享一下我成日都同d朋友黎呢度食因為住0係屯門呢度0既蝦儘25袂5大塊,係我食過最好食0既蝦餅比長沙灣0既小金象更好食而生蝦刺身($38) 都好新鮮下~而且又抵死冬蔭公湯不過不失,因為我本身唔鍾意飲而我同事食0既炸黃花雀,佢地話好正,不過我就唔敢食

一間叫人又愛又恨的餐廳.食物好吃,特別是炸蝦餅($25),是我吃過最好味的一間.其炒金邊粉也不錯~價錢真的很平,飯無論night定lunch 都只是20-30多元.each time 都飽得捧着肚子走.但恨的是,實在太多人了,6:15p.m.後去一定要排隊.要吃趁早呀~

嘩！我未食過咁平的泰國菜啊！生蝦一碟都係$38, 泰式炒飯都係$2x至3x, 又大碟又好味!這裡的蝦餅簡直係招牌！外型金黃,一d都無過火！味道又好好！基本上價錢及味道也一流, 唯獨門面細, 常常要等位, 環境也簡陋. 不過最緊要係好食!!!!

小曼谷在置樂彩華(or暉?不太肯定)花園地鋪，為小店一間,只有6、7張摺檯,數次晚市時經過，都見滿座(周末及假期為甚),門口聚集了不少等位人士,証明此店十分受歡迎。店員及廚房都是泰藉人士,能說流利廣東話,落單不用擔心!甫坐下,店員會給你一大碗熱水灼碗筷(我覺此舉很體貼顧客),及奉上免費龍眼水一杯,先呷一口,感到透心涼,然後點菜,我當日午市光顧以避開晚市的人潮,三人共點了：-泰式香葉肉碎炒飯,肉可選豬/牛/雞,好有wok氣兼少少辣,值得推介-炸蝦餅有五件,炸得夠香脆及蝦肉彈牙-冬蔭公湯金邊粉,大大碗湯料夠晒味-馬拉盞炒椰菜苗,夠香夠惹味-泰式炒粉絲,連埋椰菜絲,蛋絲,肉片(可選豬/牛/雞)同炒,味道適中剛剛好以上每碟價錢為$25-30,別以為價錢平,每碟份量會很少,以上份量三人埋單時一齊"捧住個肚走",很滿足 當日看見鄰桌的串燒及炒通菜很吸引,下次必會試試!九龍城的小曼谷我並未試過,不太清楚有多好,這間屯門小曼谷一試後,我認為值得推介!