泰好味

營業中

休息中

依間咁嘅嘢第一次食，點知中伏到應一應，完全係唔掂囉，第一間令我嬲到要上嚟寫食評，一嚟原來連最基本泰國餐廳要有嘅嘢海南雞飯都冇已經火滾，得lunch先有，諗住唔鬼食，但情人節就算數啦，316蚊(套餐價)覺得都okay，唔算話好貴，但頂佢個肺，出到嚟啲嘢食同垃圾冇分別，佢個套餐得蝦餅，東蔭公湯，菜包，炒菜一碟同泰式炒飯total五樣，最火滾係個所謂泰式炒飯，一啲都唔似係泰式囉，唔知邊忽似係，仲要勁細碟，一人食都覺少嘅份量，同我自己屋企炒嘅隔夜飯一啲分別都冇，白晒晒，得幾隻雪藏蝦同幾粒芒果，仲要係未清乾淨晒皮嘅芒果，大佬做嘢唔洗慳時間到咁呀嘛?!皮都未清晒就放落去炒真係好q嘢~~啲菜呢就炒到老嘅，炒到黑晒，全餐係得個湯，菜包同蝦餅叫正常同啲，咁就收人316，食到滿肚火，下次咪洗旨意再幫襯佢,埋單仲要三吹四請，心諗係咪唔想收錢呀！行到就到廚房先叫到人出嚟埋單，可以全村人入晒去冇人睇埸都有囉~~永久backlist依間cheap嘢!!

上OPEN RICE SEARCH屯門泰國菜，竟然見到這間【泰好味】咁多好評。地點又近，就一於光顧一下。一去到的時候，真係O咀! 餐廳環境非常差、很舊式的餐桌、被油煙沾污成黃色的冷氣機、殘舊的牆壁、多年前貼在牆上的海報等等… 都已到達餐廳門外，同朋友商議過後都繼續光顧吧! 坐下後，侍應拿了餐牌給我們。一如所料，都是黃黃舊舊的餐牌。但想像不到的，就是餐具真的真的很污穢! 盛滿了茶的茶杯，底部全是黑色的陳年舊蔑! 叫我怎麼飲下去??看看餐牌，食物價錢不便宜。比起元朗的泰國菜館還要貴。我們兩人只點了三個菜，此環境實在降低了我地的食慾(不好意思地說一句!)。【炸蝦餅】蝦餅切了幾小塊。跟平時的還要細。但味道都幾好，炸得幾好又有蝦味同埋很爽口！ 都OK!【泰式豬肉炒飯】炒得有鍋氣! 內有小蕃茄仔、洋蔥粒、蛋絲一齊炒。都幾有泰式味道! 但豬肉就炒得過耐，肉質不嫩!【泰式沙嗲】叫了一半雞一半豬。沙嗲比平時出去食的較細串。肉質不算嫩，沙嗲汁都調得較稀! 所以不算特出 。總結: 雖然是沒加一收費! 但價位都是略為貴的。食物都算過得去，但餐廳環境差! 沒法給好評，OK還可以! 但我不會再光顧。

入o左屯門探公公,婆婆,夜晚搵o野食,叫o左多款o野食,串燒,豬頸肉,炒菜,木瓜沙律,明爐魚,金邊粉,樣樣都好好味~!!!!!4大2小埋單$590大家都食到好飽呢~!!!!!!!!!!!!!!!!!!!

睇完戲後, 行到洪橋位置搵食。無意中都會搵到好野^^ 舖頭細細, 好在等了15 MINS到就可以入座由於又係得兩個人關係, 試既種類都唔多第一個來的是黃咖哩雞+白飯 ($68) (白飯唔記得幾錢)很香甜,微辣, 椰奶十足, 煮好的雞肉滑嫩香醇，配白飯一流!泰式蝦炒飯 ($48) (有豬、雞、蝦選擇, 我選了蝦)上台時熱辣辣, 但味道一般, 有很多配料和蝦, 都幾大碟、夠份量! 但不夠乾身, 食落沒有炒飯的味道。所以之後都就咁當普通飯咁撈埋個黃咖哩食, 唔好O徒料!炸蝦餅 ($50)呢個漏單, 初初仲諗住用來送飯, 搞到食晒所有野先上.....個蝦餅都炸得幾香脆, 但對兩個人來說, 食咁多件太油膩了, 下次都不好叫龍眼冰 ($18)呢個味道仲淡過我平時自己冇加糖沖的龍眼水, 佢名副其實的龍眼"冰"。真係好多"冰", 我地見到隔離台先到的飲品咁多冰, 都已醒目咁叫少冰三色冰 ($18)椰汁+水+三色涼粉, 味道適中, 唔會太甜, 但如果多些椰味會更好！

看見附近一間泰菜館人龍特長,於是退而求其次, 試吃這間餐廳, 我們二人行, 剛好有兩個位, 不用像其他人般等位, yeah!我們點了4個菜:豬牛串燒: 豬肉串燒比較好, 牛肉串燒有點兒硬細冬蔭功湯: 他們開爐火為冬蔭功湯保溫, 很細心, 酸辣鹹味齊備, 如果鹹味再減淡一點會更好, 朋友說裡面的材料不多, 我覺得還ok呀, 蝦的數量挺多的, 只是不是大蝦。我不太吃辣, 所以覺得挺辣的。泰式炒芥蘭: 常選吃馬拉盞炒的, 所以今次嘗試泰式, 原來是辣的, 小辣, 我不太吃辣,但還可接受。鐵板蠔仔蛋: 熱辣辣, 蛋漿滑, hahahha, 厚厚的滑蛋夾雜蠔仔, 好吃!芒果沙冰: 一般, 很人工的味道

經常性係呢頭出沒,已經好久冇黎過呢度食,當日一家五口黎晚飯...續樣講講吧~先黎一個冬蔭功, 上黎既時候完全冇野滾住, 我印象中以前唔係咁,味道幾好,夠酸又夠辣不過覺得佢今次油左少少...生蝦都ok...48蚊有10隻,不過嫌佢俾得唔夠汁,一分錢一分貨...蝦唔算大隻...不過都過得去...味道都幾好...食左兩樣辣野可以有第二d味中和下...今日既蟹包索價200元...蟹好細隻加上冇乜肉,如果係第二類型既配料可能感覺會抵d...我覺得個包冇以前咁好食了...特別係個咖哩汁...以前個味好好多....攪到都冇要食晒佢既意慾...

係屯門要食到正正宗宗既泰國菜其實都幾難, 我個事頭婆就帶佐我黎呢度, 食正宗味道既泰國菜, 座底望下個餐牌, 咦~~ 大眾化價錢喎, 好!!因為得兩個人, 所以唔係叫佐好多野 黎~~睇相

以前在屯門住過所以知訂黎食，搬走之後有機會入屯門都盡可能去食除炒粉炒飯超抵食外，其他食物價錢唔算特別平不過都好合理，而且食物整得好食，碟頭又大又足料今次2個人去，因為閒日，時間又好早，所以得我地一檯客專誠想帶朋友試下個咖喱包，由於知道個包好大份，兩個人其實基本上唔會食得晒，所以都只係點左幾個菜最重要係叫個冬蔭公湯，係我試過咁度之中最滿意的，酸味辣味剛剛好，一窩$98 其實呢，之前食過咖喱蟹包，都覺得好好味架，不過由於我同朋友都怕食蟹好麻煩，所以試過一次以後就試其他配搭，一樣係好好味 個麵包烘到微脆，索晒d咖喱汁，係難以形容的正！咖喱包的咖喱汁係唔辣的，但好惹味，打了蛋花，大約$150 ，值呀！芒果白雪冰 $18好好味的，不過我自己都係鍾意飲青檸梳打，爽d 埋單$296，食唔晒d野，打包左2大盒唔好o徒，拎返屋企叮返熱都仲好正之前食過好多次其他食物，例如柚子沙律、燒豬頸肉等，炒粉炒飯等，全部都好好食環境幾企理的一間鋪仔，老闆娘同佢細佬都好nice，人手唔多，有咩需要可以出聲問佢會幫你，希望佢地好生意

耐無係喱頭出現，都唔知有間咁既鋪頭係度，地方細細，係由兩位泰國女士打理。１。泰式乾炒河：肉片，芥蘭，簡簡單單，味道不俗。２。豬頸肉湯河：湯底正，豬頸肉略嫌薄左些少，河粉煮得唔會太焾身。３。青檸soda：從未試過咁好飲，唔太酸，唔太甜，較得岩岩好。

三pair人想試吓一D未試過的泰菜餐廳，上openrice search，見27個笑面，沒有苦面，心諗應該冇衰．點知一去到，見到個環境，仲要坐門口，極之唔得，但都試吓啦．大家都好鍾意食泰菜，當然踴躍點菜，點知沒有我喜歡吃的椰菜苗，好失望．生蝦刺身不太新鮮，食法與其他泰菜餐廳不盡相同，通常用醬油碟剩載的醬汁，只是淋在生蝦身上，而且味道沒有以往吃的那麼好味．　咖喱麵包蟹，如果沒有蟹的話，我覺得好好味，但呢味餸被那些梅梅地肉的蟹弄至失分不少．炸蝦餅，都冇乜嘢彈到佢，係個賣相小家D囉．冬蔭公湯，D蝦肉都梅梅地，唔夠辣，都幾油，好多餐廳都有呢個毛病，其實可以煮得清啲啫，我都試過有餐廳清得黎都好夠味兼好好味，但呢間唔得囉．木瓜沙律，D木瓜絲都唔爽既，唔駛問亞貴，又係唔新鮮啦．辣椒膏炒蟶子，好鬼多殼碎同沙，咦．炒金邊粉，好嚡呀！炭燒豬頸肉，係全枱惟一有人讚的餸．炭燒烏頭，有少少生．枝裝藍好啤酒同罐裝可口可樂最冇問題，青檸梳打一般，三個椰青得一個可以食埋D肉，其餘兩個都太老了．叫了一個白飯，竟然連白飯都唔得，都唔知呢間餐廳有麼是得的．後加的馬拉盞芥蘭和煎蠔餅，竟然忙記落單，算了吧，已經好飽，但其中一個

其實對上個次幫襯係2星期前....補番先....老公收工番黎都要10點半...但又勁勁勁勁想食泰國野~初初以為佢收好夜,好早打去問一問,收11點~~唯有叫外賣自己拎.生蝦-d蝦都幾新鮮...但辣就唔夠辣~炸蝦餅-冇咩特別.南瓜海鮮飯 - 都係冇乜特別..蟹包...好好味...芒果白雪冰 X 2 - 都好味,但細杯~嘩....都幾貴...我唔知價錢,諗住$300搞得店...埋單要$350~

生蝦--好味!! 辣辣地，味道調得好好。椰汁雞湯-好多香料，有椰汁味又酦酦地，有少少怪，個人唔太鐘意。泰式濕炒(雞肉)-d粉好煙韌，雞肉唔'鞋'。蛋包海鮮飯-好夠份量，味道都唔錯。上菜幾快，臨走送左個西米糕一人一件，好好味，唔太甜。

見到介紹覺得好似幾好食, 雖然就遠左少少, 不過都特登走入去食啦.去到見到個門面真係幾細下, 不過, 既然咁多人讚就俾個機會佢啦.今日點左三大個菜.椰汁雞湯 - 今日好凍, 食呢個就最岩喇, 又夠熱又唔太辣, 好食馬拉盞通菜 - 呢個麻麻地, 唔係太辣蛋包海鮮飯 - 好正好好食, 不過真係勁大碟, 食唔晒要打包返屋企總括黎講, 都幾好食.

27-12-2008dinner@泰好味 椰菜苗(馬拉盞)-個味道幾好,5太咸,賞面食左幾條xd冬蔭公湯-呢個反而ma ma,甜味太重,不夠辣味生蝦-最愛,d蝦新鮮so爽,而且係幾辣,不過很好味炸蝦餅-都5錯,不過反而覺得冇咩特別蛋包海鮮飯-哇左聲,haha,因為真係好大碟,d飯都有味(本身係叫粉絲/_\)芒果白雪冰-完全似由大芒打出黎既茸,順便當做甜品點知...係因為我地瘋狂點得太多野定好似之前d人講夜食,個老闆娘又真係送左大菜g0俾我地食,勁飽都係230蚊=)

係睇左呢度既介紹先去食XD地點都幾偏僻. 好細間食晚飯. 7個女仔去. 嗌左8碟菜.岩岩好清晒埋單都係每人50零蚊左右.價錢相宜冇乜點食過泰國菜但係相當有驚喜有人唔食得蟹.所以叫左咖啡雞包一樣咁正. 啖啖雞肉冇乜肥D雞肉唔老身. 配埋D 咖啡. 一流 蝦餅. 豬頸肉都好好.初頭以為豬頸肉會好肥. 但出到黎岩岩好. 非常惹味. 另外叫左馬拉盞炒通菜. 金邊粉. 炒粉絲. 蛋包海鮮飯 .魷魚金邊粉同蛋包海鮮飯都絕對係水準以上魷魚D 汁好辣. 怕辣就免試喇.同埋不得不提佢個芒果冰甜得黎又唔似係街邊芒果汁個D行貨我自己唔太食得辣. 食完辣之後飲呢個真係透心涼舒服好多. 誠意推薦怕辣既朋友叫呢個黎飲. P.S. 上菜幾快. 老闆娘好好人. 我地食完係咁吹水又睇電視. 最後食左成3粒鐘佢都冇怒睥我地趕我地走XDD