波記燒臘粉艇 (已結業)

五月初八‧晴 去南華會打波，在附近下車，先吃點東西。來這裡，因為有食友推介這裡的切雞及燒肉，如果不是，幾難會留意這個地方。 看店名也可以估到，這裡出色的是其湯底，說明不含味精的，似乎也信心十足，就來個燒肉切雞湯飯。先吃推薦的食物，燒肉皮脆，但因為給的是近尾的部份，味道一般，不過可以想像，如果是肋骨的位置，應該很可口的；切雞是雞胸肉，吃起來雖然較嚡口，要多一點牙力去應付，但吃起來也真的有雞味。不要以為現在吃有雞味的雞很容易，其實也頗難的；湯底是肉湯，味道濃甜，用來撈飯，也真不錯。26蚊已經連凍飲一杯了，也很經濟的。 值得一提的是這裡服務很不錯，店員的態度也很好的，值得一讚。

午餐只叫了一碗蝦仔珍肝湯飯, 一雞飯.最初仲以為上錯左, 因個牆上的相片差十萬九千里!!!!喝口湯, 味ok, 真的冇味精?咁飲多幾啖先...胡椒味幾重.湯飯味ok, 其他送如蝦等, 反而好一般;媽碟雞飯, d 雞真的很好, 食得過呢.但個湯飯真係....本想喊咁滯, 但個雞咁正... 俾個ok 啦, 又未去到"一次就夠" 既, 下次叫燒味啦....

小妮子做了小手術，到銅鑼灣探她後，下午四時仍未吃午飯，但沒有胃口，路過這店，打算吃個茶餐維持生命便算，要了一個叉燒麵及奶茶。麵質很好，彈牙爽口，鹼水味不重，叉燒很白淨，些少蜜味，不算甜，這碗麵，對於心情沉重的我，頗合心意，奶茶夠香滑，唯不夠滾熱。店內仍有許多很吸引的食品，如鯪魚球，自製雲吞等，將來再試吧！

行完花市二點幾又餓又攰,經過與朋友走入去食野,嗌左腕牛丸蝦仔面,飲左杯奶茶,大時大節居然無加二加三個d野,幾好!野食都唔差wo,份量剛剛好,d湯同河粉勁夾,可以encore. 見到有張寫代客買料打邊爐,唔知咩收費?

日期：2008年12月30日阿J搵到間平靚正既粉麵店，所以就搵個lunch time試下，湯底好清甜．１．走地雞叉燒河：滑滑既雞肉，半肥瘦叉燒，正．２．走地雞墨丸河：幾有味既雞肉，墨丸可以做得好一ｄ．

今天, 心血來潮想去中央圖書館借書, 於是趁午膳時間到來, 順道四周逛逛有甚麼好東西吃. 經過這間店子, 比門外"本店食物不含味精"這幾隻字吸引, 決定入內幫襯.店內不大, 大約只得20個座位, 由於那時已1.45pm, 店內只得二名食客. 坐下來, 店內一名男店員便舖了一張印有介紹<粉艇>來由的紙墊於桌上。男店員隨即說道 : 魚蛋、牛丸、珍肝都買晒。Aurelie : 咁仲有咩係呢度出名架?店員 : 雞、燒肉Aurelie : 好, 咁我要雞拼粉腸湯瀨店員 : 好很快, 由令一名較年長的男店員端上這碗湯瀨, 還說著: 小心熱。雖然看似微不足道的三個字，但卻反應了他的服務的確殷勤，每位食客入來時，他都是第一時間說著: 隨便坐，唔好意思，今日魚蛋、牛丸、珍肝都買晒，睇下食D咩。說回食物，湯很清，雞很滑，平時不吃雞皮的我，今天連皮帶肉一拼吞下，美味盡在不言。至於粉腸，爽滑無渣，煮得很腍身又無膻味，值得一試。最好叫了杯凍檸茶，一端上桌子，我已經知道一定好喝了，茶色通透，冰、茶及檸檬比例岩岩好，好飲。今天無意中給我找到這間好食店，真幸運 ! 下次一定再來試埋其他食物。 雙拼飯

湯底真係好得!! 同埋真係有當年避風塘粉艇既味道! 但係d燒味可以再細緻d, 以前粉艇d粉, 燒味切得好幼細, 入口會好d又爽d...但係唔知點解唔係好多人食甘...可能宣傳唔夠?

其實呢間叫"波記燒臘粉艇"----舊時係筲箕灣,香港仔避風塘好多,湯底梗係鮮啦,因為大多數用「地寶魚」或「梳籮魚」餚出來,早二星期同阿爺去食一路食魚蛋河一路講古,佢就話唔錯,不過舊仔有艇仔就風味d囉!我叫左個蝦仔珍干湯飯,我未食過舊時,我就覺得都記鮮甜.

個晚同個朋支去圖書館,經過見到扒王之王隔離有間新野,未試吓囉,入到去幾光鮮喎,伙記拎張紙鋪枱,上面印左啲介紹,講咩野係"粉艇",原來個舊陣啲水上人係海邊做粉麵生意,你揮手嗌佢,佢就撑架船過嚟,煮碗粉過你吔.哈!真係唔知.既然話食粉麵,咁就叫左碗--"牛丸湯河"($24),加碟--"鹵水雞腳"(4隻$10),唔太肚餓食腕粉算啦,我個朋就叫左碟--"叉燒煎蛋飯"($24)學蔡爛話齋食湯粉湯麵梗係飲淡湯先,係幾鮮喎無味精唔郭喉,再食粒牛丸,同元朗彪記有得揮,爽口彈牙有牛肉味,唔会好似出面個啲得淡粉嘅牛丸.個鹵水雞腳10蚊4隻大大隻幾底食.我老友碟叉燒蛋飯好大碟叉燒又多,見咁多我偷左件叉燒食,切得比出面薄,其實傳统叉燒應該係薄薄一片片,係香港人セ都要大大舊,唔太肚餓但係飲左大半碗湯,個老細見我識貨,笑笑口講:'正哩!啲湯無落味精,啲湯飯仲正呀!'又係嘅出面啲粉麵鋪一係多味精一係淡到無味,呢到啲湯係幾好飲.唯有下次還書再試個蝦仔珍肝湯飯!