影片
港鐵旺角站 E2 出口, 步行約7分鐘
繼續閱讀
電話號碼
27801666
營業時間
今日營業
10:00 - 22:00
星期一至日
10:00 - 22:00
以上資料只供參考, 請與餐廳確認詳情
要數到平時我最喜愛的飯堂，無論是外賣回去食，抑或堂食，都一樣喜歡。店面堂食空間不多，有少少吧檯位置及一張兩人座。其餘的空間都是放完韓式小菜的雪櫃及開放式廚房。跟男老闆點菜，女老闆負責煮肉。豬肉兩餸飯是我長年之選，有時胃口小就會點個蔬菜拌飯。兩餸飯可以自選兩款小菜，包括泡菜、小辣豆腐、甜薯仔、芽菜、菜心、蘿蔔等等。另外肉類可以選豬肉/牛肉/雞肉/辣豬肉/辣牛肉等等，價錢由$50起，晚市會貴$10。我最喜歡韓式醃肉，醬料甜甜的，有些蘿蔔絲同埋洋蔥絲。飯量也是多多的，每次都要叫老闆娘少飯。即叫即煮，新鮮又飽肚。豬肉兩餸飯 配小辣豆腐及芽菜 午餐價$50
繼續閱讀
同朋友嚟到旺角，得半個鐘頭要急速咁食個飯，朋友介紹咗一間隱蔽嘅韓國餐廳，老闆都係韓國人，雖然睇落有啲簡陋，冷氣亦都唔係好夠凍，不過朋友想試，就會一會佢啦入到去好多韓式前菜，選擇唔少，同埋感覺好地道正宗，完全係家常菜嘅風格。叫完之後，老闆娘係即刻喺旁邊個爐度炒肉，真係即叫即整㗎韓式兩餸飯（$60）兩款菜係可以自己揀嘅，另外跟一款肉，朋友揀咗豬肉，肉既份量係超級多，就算係男仔都一定夠飽😂蔬菜拌飯+雞肉（$60）同樣非常大份，雞肉好多，蔬菜有菠菜、芽菜、蘿蔔、紫菜等等。因為好足料，成件事非常豐富，平凡又簡單，好家常既感覺。能夠屹立喺旺角，總係有啲原因嘅👍雖然鋪面好簡陋，食物質素幾好，價錢又合理。堂食環境上係爭啲，但如果外賣，都係一個唔錯嘅選擇
繼續閱讀
lunch 唔想食太飽，通常都會黎呢度買條紫菜包飯。佢有唔同既口味選擇，我通常都係食辣豬肉紫菜包飯，$40一條，材料都好豐富，調味適中，平時當lunch 都OK。 佢仲有其他韓式小菜，有時買返屋企送飯都唔錯架！
繼續閱讀
呢間韓國鋪頭擺放咗唔少前菜出嚟，而且有好多人出入買外賣，所以就決定試下🤓原本想叫秘製豬手飯，可惜當日無，就轉咗做五花腩泡菜拌飯，姨姨即時喺一個大盤入面夾啲醃好嘅餸菜落鑊煮🍛初頭見餸菜同飯嘅比例係1:1都幾surprise，諗住呢餐會好滿足，但撈飯嘅時候發現90%都係泡菜，而且所有肉都係瘦肉，咬落比較乾身，亦都冇五花腩應有嘅肥膏🥲味道嚟講係唔錯，飯嘅份量亦好多，不過佢個餐牌欺騙咗我感情，令到想放肆暴食嘅我好傷心😂
繼續閱讀
有次喺附近食完牛肉麵，見到呢間外貌毫不起眼嘅韓國小店，見到佢成個凍櫃好多款韓式涼拌菜，個樣好正宗同地道咁，仲有唔常見嘅”辛辣生八爪魚”，二話不說，即刻買咗一盒細嘅返屋企試（有分大、中、細三款size)，每次一食完，就要返嚟補倉（之後通常買盒中size，襟食啲嘛～）老闆是韓國人，識講普通話，同少少廣東話，同佢傾計你會感受到地道小店的那份親切感～🔸辛辣生八爪魚🔥🧄🐙第一次接觸呢個涼拌菜係喺外國嘅韓國舖頭，一食返尋味，返香港之後唔係成日遇到，試過有一次喺其他舖頭買嚟食，之後腸胃炎，所以有好長時間冇再食過。江南嘅辛辣生八爪魚夠哂辛辣，作為食辣BB班嘅我，齋食可以食到幾口，通常會用嚟拌飯，八爪魚質地微微爽彈，有嚼勁，佢入面仲撈咗生蒜、蔥同芝麻，夠哂地道風味！有次去補倉，試埋佢嘅牛肉包飯，又發現多樣必買食品 😄🔸牛肉包飯🐮包飯好足料，除咗有牛肉、仲有蟹柳🦀、蛋🥚、醃漬黃蘿蔔💛🥕、青瓜🥒，各種食材互相配搭，調味剛好，一啖咬落去勁🈵️足！😋我通常會將佢嘅”辛辣生八爪魚”加埋落”牛肉包飯”一齊食，係一個更正嘅配搭！👍🏻👍🏻（p.s. 唔食牛嘅朋友，可以試佢嘅辣豬肉紫菜包飯，唔食肉嘅朋友就可以試佢嘅紫菜包飯）《江南韓國食品》除咗有即買即食嘅韓式食品，仲有賣醃好嘅生肉，試過佢嘅”牛仔骨”，係屋企煎好，包生菜食，就係一餐快靚正嘅自家煮韓式晚餐喇~~~🇰🇷仲有成日心思思想試佢嘅水冷麵同韓式豬手，天氣熱啲嘅時候一定要試吓～
繼續閱讀