永樂園餐廳

營業中

休息中

竟然烹調和包裝隻熱狗位大叔，在大熱天時设有配帶食物手套而手掌壓在麵包面上來製作給客人，簡直嘔心，不合衛生。客人會品嘗埋他的手汗在此呼籲其他食客，冇幫襯這間出名美味熱狗中環永樂園。態度差差，要客人講到call 食環處才refund, 價錢需不多，但好不衛生。收銀阿姐，仲話佢哋咁多年，都係唔佩戴食物手套來製作熱狗，包裝給客人。😠

Lunch time去到都好快有位，除左熱狗好食之外，個火鴨絲紋米同炒公仔麵都好好味！不過炒野佢地個價錢都算貴，但炒得好香！紋米又夠味唔會太乾，份量都算正常，3個女仔叫2個炒野食都夠食！

身為一個平民打工仔，小妹閒時最鐘意系揾下邊到有優質茶記放工難得可以食下自己鐘意食的餐廳，又可以揾下便餐廳食，早少少起身又點話呢Bookmark 左呢間熱狗店好耐，終於有機會試下<蕃茄濃湯鮮牛肉通粉$39>早餐價黎講都偏貴，不過勝在有包有粉實飽肚蕃茄湯頭幾濃烈，鮮牛肉食到鮮味，通粉彈牙滑蛋唔重牛油味，更重的系蛋味，唔錯午餐肉普通喇，包就差D，牛油查得好求其<熱狗餐$38>熱狗系招牌，但真心唔推介，食唔飽又無咩特別普通一個軟包夾Pat沙律醬，加條細條過廚師腸的豬肉腸$38，貴到呢<熱咖啡+熱檸水>正常茶記貨色~

去開中環做野，之前聽朋友講過永樂園的熱狗好出名，既然難得去開附近就緊係要去試下。店舖門口熱狗價錢外賣左個雙腸熱狗，雖然唔算好大個，但食落好鬆軟，熱辣辣好好味，而且腸有d脆身，唔係一般廚師腸，最正係沙律醬，好開胃就算食完都唔覺滯。係會值得encore再去食既熱狗。

二人外出食午餐，大約12:15pm去到，有大量座位，㨂咗坐卡位，二人坐同一邊，座位很濶，看似坐得落三人係同一邊。叫了一份午餐和一份散叫。午餐58元，㨂了粟米豬扒火腿飯配羅宋湯和熱好立克，羅宋湯足料夠味，粟米豬扒火腿飯味道正常，豬扒夠軟但粟米太少，熱好立克細細杯但非常濃味，粉多水少，是我的愛好。沙嗲牛崧菠蘿炒飯配熱檸茶73元，炒飯工夫唔錯，乾身少油，牛崧一般，廚師忘記放入菠蘿和沙爹醬，在沒有菠蘿的情況下，收73元太貴了。

話說早嗰排有幾晚都要係公司OT加班，女朋友係一個好體貼嘅女仔👍🏽 怕我肚餓所以買咗佢平時最鍾意食嘅嘢拎黎俾我，就係熱狗🌭️女朋友話呢一間茶餐廳，係中環平時tea time經常到嘅地方😂 而且係一間本土味幾重嘅茶記☺️✅雙腸熱狗王：其實腸仔同埋麵包都係好普通，重點就係佢嘅熱狗醬，同美式熱狗好大分別，或許呢啲就係香港味🇭🇰🤟🏽—————————— 食物質素：7/10 環境衛生：N/A舒適度：N/A 服務：N/A 性價比：8/10 總評分：7.5/10 —————————— #foodblogger #foodlover #foodie #hkfoodie #相機食先 #中環

早已聽過中環永樂園的熱狗，是不能不吃的。難得當天巧合到中環看戲，就先到該處吃頓下午茶熱狗餐 $36 - 一份熱狗皇配飲品，凍飲加 $3。熱狗大大隻，包皮被烘過後十分香脆熱狗腸不是一般的廚師腸，特別香口。另外，沙律醬中含少量酸瓜，令人胃口大增至於茄汁則由食客自行操刀，小弟弄得熱狗似是有六灘血跡炸雞翼薯條 $42薯條和雞翼炸得香脆，不算多油。至於雞翼，肉質都算幾嫩滑。不過煎炸食物，小吃為妙圖左：凍檸蜜，圖右：凍柚子蜜足料炮製，尤其柚子極多，小弟極為喜愛。在充滿8/90年代環境下，享用一頓下午茶，特別有感覺

A friend brought me here for a quick lunch on a weekday. There were a few choices on their Daily Special Menu at a cost of $58 including a soup and a hot drink.There was no white soup and only a choice of either red soup or soup of the day.I had the soup of the day which was winter melon + 雪耳. Taste-wise it was ok, seemed to be free of MSG.I ordered 粟米斑腩意粉, the portion of which was reasonably filling. There were a lot of pasta. The amount of sauce was just enough to finish all the pasta. The por

因為公司下午茶經常叫永樂園既熱狗，一食愛上😋閑閑哋可以食兩個🥰熱狗🌭️(雙腸)$17其實腸仔好普通，出色既係熱狗醬，粒粒酸瓜配烘得脆脆既熱狗包。同埋個種港味，係美式熱狗冇得比架🌭️🌭️

與老友蛇聚要蛇當然要選擇不起眼的地方....永樂園basement是個好選擇.下午茶時段，每人點了一熱狗餐，孖腸和單腸分別為+/-$2，另包熱飲一杯收費為$36/$38.麵包熱的好吃，自制沙拉醬汁搭配非一般的廚師腸，應是小紅腸（比廚師腸短及細）.熱飲杯是傳統的花奶厚杯份量少。侍應多是上了年紀的叔伯阿姨，態度非常一般....

對上一次來這一間熱狗餐廳，應該已經是不少年前之讀書年代，一直對它的感覺都非常良好，中環的商業社區，大家都營營役役，走路🏃🏾‍♂️🏃🏾‍♂️🏃🏻‍♂️都好像快過其他區域，摩天大廈林立，竟然中間有條暗黑小巷，餐廳的門面不大，然後有堂樓梯下去轉個彎又另有天地。落到地庫之後發現原來下邊很大，幾邊都有倘大的卡位，我們坐的卡位亦都可以望到對面的水吧位置亦都非常之寬闊。餐牌上面沒有提供太多優惠套餐、特餐、常餐等等，主要都是散叫的菜式。因此就點個是日的午餐，以及一個熱狗餐算吧。是日午餐就黑椒牛扒拼薯菜連熱飲，而熱狗餐就是一隻單條香腸熱狗🌭️連熱飲。還有個忌廉湯先喝一下，夠熱而夠杰身，內裏些麵包粒黑椒牛扒拼薯菜，所謂薯菜就只有炸薯條。炸薯條就是波浪形的薯條，都挺香脆，不會令人覺得是回了氣的薯條黑椒牛扒大大塊，雖然肉質比較普通，但至少不會太熟，難免有點兒用醃肉粉的感覺，但至少，扒爐夠熱，因此這種中式牛扒放上爐到煎一煎，味道還是相當之香。如果以普通的茶餐廳頹飯來說， 50多元都偏向昂貴，但是它的牛扒，雖然都有用那些醃肉粉，但是還算大大塊，而且煎得夠香，而波浪形薯條亦都夠多，因此也不算特別高昂。熱狗，雖然只有一條香腸

係中環一條冷巷內，就有一間好有人氣的茶餐廳，地上鋪面外賣快餐同熱狗，餐室位處地牢下，茶啡麵飯不是主角，一隻獨門熱狗就係呢到最人氣的食物今次下午茶到來就叫左個豬扒包，因為豬扒包都係用左呢到獨門熱狗醬更抵食麵包烘得脆身，豬扒亦煎得肉嫩多汁，熱辣辣上枱當然好食靈魂就係黃澄澄的醬汁，有沙律醬的甜味，又有酸瓜和芥末的香味，酸酸甜甜十分惹味餐牌⬇⬇總括黎講:個熱狗醬真係呢到獨有味道，雖然係貴左少少，但係中環地段算係咁了

我相信響得中環既人都會識既舊式茶餐廳，成4x年lar~馳名熱狗王👍🏼你問佢係咪最好食？其實係想找回兒時味道～茶餐廳既波浪薯條，好多片檸檬既凍0茶～都真係茶餐廳先搵到，哈哈～#懷舊 #熱狗薯條

我同媽咪今日去中環睇完醫生 黎到3點3 有d口痕就撩下佢去tea1tea 中環下午茶時段都唔知食乜好 佢就提意去食永樂園 坐低佢先話呢間野出名食熱狗 佢後生仲係中環番個既時候都成日食呢度既熱狗既然講到咁我地就叫左一個熱狗 一個腿蛋治烘底 加2杯熱奶茶 呢度既野唔算好平 都話哂係中環嘛 價錢都有番咁上下呢個腿蛋治烘底無咩特別 佢個白麵包都幾薄 但係烘得幾脆 同熱既 反而佢個奶茶就唔錯 茶膽好香 亦夠濃 幾香滑 又唔會好gip 到馳名既熱狗喇！佢係好傳統香港茶室既熱狗 細細隻 佢個麵包烘得熱辣辣 外脆內軟 而佢入面既熱狗腸條幼個隻腸黎既 佢個沙律醬唔錯 食到有少少酸瓜係入面 有d似麥當勞魚柳包個隻醬咁 幾開胃 呢度既野食唔算係驚天動地既好食 但食既係老香港既味道同埋老茶室既人情味

頹廢星期一😪中環食飯食到唔知食咩好⋯永樂園熱狗🌭️出哂名，但飯/麵就未食過☺️今日試左，嗯⋯都係熱狗好食d! 但lunch 既價錢好抵食😳🍚叉燒煎蛋飯（$56，連湯同飲品）🍚蕃茄蛋牛肉飯（$56，連湯同飲品）