水水Fusion • 川味 (已結業)

農曆年初一食過一次，當時食左麻辣湯及胡椒湯沙白粉絲各一碗，燒茄子和雞軟骨。當日兩碗粉絲超級好味，年初一可以食到咁鮮甜嘅沙白，實在令人好滿足。燒茄子和雞軟骨就普普通通啦!今日再次幫襯只叫了一碗麻辣燙沙白粉絲(BB辣)，有八隻鮮甜無沙的沙白，但麻辣湯底唔知點解冇咁好味，只有微辣味，沒有麻香味。都仍算好味嘅!環境就是一間外賣店，有點亂。有小小位可立食。食完要自己執返碗筷，但店內沒有垃圾桶，要拿出商場垃圾桶掉。店員態度OK。會講明畀我聽要等15分鐘。

係app落咗單,時間係8:45,之後行咗一陣再過去,本身食過好多次都知起碼要等10分鐘以上, 於是我哋9點過返去發現檯上面冇外賣,咪一直企係度等,等到9:15,個女員工一直坐係度嘅,冇問過我哋單號而當時好靜,一個客人都冇,我哋亦一直冇見到有外賣放出黎,結果佢無啦啦大叫：「你哋企係度咁耐係等咩架」個下真係O咗嘴,你講笑啊？一直企係度等緊外賣，你都識講等咁耐等咩，其實等都唔係問題，態度先係討厭,俾錢換黎咁嘅態度,加上入面成堆雜物又熱死辣辣冇風，最好係我特登企係度等咁耐啦🙂食過好多次都覺得冇問題,係之前冇堂食個時好多人買外賣佢態度都唔太好，估唔到依家一個客都冇都可以咁嘅態度,咁你唔耐煩就唔好出收銀serve人啦🙂我俾服務1但係如果可以0嘅話一定係0,建議大家唔好去幫襯🥰食物質素還可以,不過拎到個刻個外賣已經變咗微溫,而唔係熱辣辣，食物質素總評分2

伏伏伏伏！！！！店舖樓面大但只設企位， 食物烹調方法令人失望，標榜串燒做法但全部都係 白烚之後系燒烤爐上加熱🙄😑伏曬！ 一開舖頭就幫襯..畀錢要我哋等15分鐘， 我哋行足20分鐘先返去.. 諗住自己係第一二個客應該唔會等太耐， 點知20分鐘返到去發現自己d食物喺燒烤爐上面剛剛解凍咁既樣，都唔緊要。 同埋奇怪間舖主打同標榜燒烤， 我哋兩人叫一個海鮮餐已經鋪滿佢一個燒烤爐， 但佢成間舖頭就只有整整一個燒烤爐我地系叫個個海鮮餐... 店鋪夠曬體貼，可能擔心煮唔熟食， 全部海鮮白烚到over 曬， 鮑魚蟶子扇貝全部都夠曬依韌😅overcook 之後個燒豆卜仲離譜， 咬落去非常脆，原來佢係油炸豆卜， 即刻吐返出嚟冇食過... 成口油狀況非常恐怖... 識得用水白烚點解唔用氣炸鍋去氣炸豆卜呢？ 今次油炸係咩玩法其他蔬菜我唔再多講.. 都係白烚加d孜然粉上去😮‍💨。店舖話用餐後需自行清理... 由於店舖樓面都算寬敞，但穩唔到垃圾桶咪問佢垃圾桶喺邊， 原來自行清理嘅意思係, 需將食物垃圾帶離距地舖頭.. 要掉出商場個個垃圾桶🙄總之對呢間嘢非常失望，而且又唔好食， 好似食緊麻辣燙咁

每次嚟到葵廣必食嘅花甲粉真心推介不過要有心理準備因為佢係即叫即正所以每次都起碼要等15至20分鐘比起其他葵廣小店佢嘅空間算大，仲特別設有立式區位置，不過由於現場太多食店，所以油煙都幾大沙白粉絲套餐，另加$12加千島炸蠔個千島炸蠔性價比超高，平均6蚊一隻！個蠔味好突出好鮮甜，加埋個芝士千島醬，Juice得來又好爽口彈牙！呢個花甲份係我食過咁多間來講最正宗最好食嘅一間，建議大家揀沙白粉絲，因為沙白個size會大好多，蜆肉會大粒好多！佢最好食嘅地方係佢加咗大量蒜蓉再加少少微辣嘅感覺，峴肉鮮甜得來帶點微辣嘅刺激感，好好食！粉絲煮得好淋身，索哂個峴既鮮味湯汁，好正！唔係出面嗰啲一尾死辣嘅感覺！每次食完都會飲哂個湯，真心推介！

之前次次去葵廣，都已經食到好飽先係角落見到呢間今次特登未食野就黎呢度 因為好想食花甲粉。除左花甲粉，但有好多燒海鮮朋友想食燒扇貝見menu 燒扇貝有得加 大蝦 赤貝 等等我初初以為係刺身分開裝 不過最後係燒埋放係扇貝上面另外仲叫左燒鮑魚 燒象拔蚌仲送左一隻燒聖子比我地花甲粉 叫左少辣多麻 加尤魚 娃娃菜個味道唔太似平時食果種味加既餸兩樣都要入味先好食不過佢煮得唔入味 (無味🥲）平時食花甲粉最好食係佢既粉絲不過粉絲都一般🥲燒既海鮮 反而比起花甲粉出色另外 等既時間 佢一路燒通風唔好 一路等 太焗 焗到流眼水已經有幾把大風扇 但都冇用抽風要處理一下但服務態度好好

行街到攰攰哋，想試啲新嘢食冷麵食四川拌麵有啲悶最後，揀咗呢間主打海鮮嘅立食店舖頭入面比較熱，即使有兩部大風扇，都係吹腳嘅位，唔係幾解到熱我想食吓沙白粉絲，有細同大碗揀冇記錯細碗就$35倒，大碗係$47我揀咗大碗舖頭有3張釘喺牆上嘅木枱，留意返唔好挨落張枱度呀店員俾嘅嗰隻包埋紙巾仔嘅餐具，好彩呀，咁啱我冇帶紙巾，得救了🥹🥹講返個粉絲，叫咗少辣係好食嘅，沙白一啲沙都冇，非常鮮甜不過$47喺葵廣有好多類似嘅好選擇，要飽肚未必會再食呢

去葵芳區做嘢，順便掃下街 因為太耐冇嚟話葵廣，見到好多新店，間間都想試下咁咁啱經開水水見到係食花甲粉，又見到有立食，可以放低啲工作文件去食下，就決定一試 🔸花甲粉麻辣小辣 （細）$35 $35一碗粉絲，諗住份量都應該OK啦 點知一開個蓋，見到湯好多，但見唔到麵，都心知不妙🥹即刻夾起嚟睇睇 嘩！份量真心少得可憐，一啖可以食哂….湯底味超級淡，小辣一啲都唔辣… 花甲有大約5隻？但有隻有沙🥲睇相賣相幾靚，估唔到真身會係咁🫣極度失望我食完個一啖粉絲後，完全覺得自己冇食過嘢..好似吸咗一啖空氣咁🥹好肚餓呀！

晚巿不能在外用餐，只好買外賣返屋企食，老公被二人餐吸引住，而店員表示二人餐係新出嘅餐係包括2個粉絲，每個粉絲可以再選擇2個餸，2個小食，2個飲品，價錢$138佢係有網上點餐服務，不過套餐網上訂購唔到，walkin落單都等咗起碼5分鐘，注意我係排第一個，因為佢地都真係幾忙下，最後店員都有講唔好意思要等咁耐嘅買完外賣返到屋企食路程起碼15至20分鐘時間，所以始終會爭少少，冇即刻食咁好可選沙白或花甲粉絲，我地都選擇花甲，花甲細細隻正常味道，選擇配料分別有肥牛、餐肉、手絲雞、魚腐，全部都正常，主要係粉絲湯底，我地都選擇麻辣小辣，佢個麻辣好香，不過係唔麻嘅，小辣黎講係好微辣，如果食得辣嘅，可以叫辣啲，整體黎講係好食炸豆卜有啲乾，因為炸關係，不過都仲脆嘅，但唔推介，除非好鐘意食豆卜啦水水辣雞我估佢本身唔係脆，咬落偏向淋身，味道普通，完全唔覺辣燒茄子食開燒茄子，同樣落得多蒜，但覺得佢呢個孜然粉落得太多啦，而蒜蓉亦有少少偏向苦，我係好鐘意食蒜，佢雖然多，但個味差啲燒聖子店員送比我地食，話每日新鮮運送海鮮到店好甜，容易咬開，時間啱啱好，好食嘅整體黎講係ok嘅，不過下次唔會叫餐，散叫應該會更加好食到啲啱

第一次吃這間，我點了一個花甲粉絲(小) & 蟹柳蕎麥麵（小） & 手撕雞蕎麥麵（小） +燒茄子，味道不錯，只略嫌份量太少，感覺好像吃了風落肚一樣⋯在外賣平台點餐，所以一個麵盛惠$35

醬油蟹只有一茶匙份量， 一撈就唔見咗 聽講原價一盒二百幾蚊會多兩三份， 只能當試食但味道較淡， 完全食唔到醬油同蟹味應該一撈就冇哂味，辣味可能好啲，視乎各人口味應該算是健康派食法。 我加咗手撕雞， 唔算少但葵廣幾間手撕雞撈麵份量都多過佢， 味道清淡冇雞味 非常健康見到其他人多數叫花甲粉， 其他應該會好食啲。但想像唔到咁健康的調味，花甲粉會咩味環境係葵廣裏面難得比較闊落， 雖然都係企住食但好似冇冷氣得風扇， 如果食辣都係外賣好啲。服務態度ok出差都算快。