正宗澳門豬骨煲 (已結業)

一行三人兩大一細 見佢唔使等位就諗住試下 一坐低服務員攞哂 醬料同小食過嚟 收費為醬料每人十蚊 小食每碟十蚊 碟小食嘅味道可接受但就凍冰冰(小食係炒蜆，大約有唔夠十隻) 嗌咗半隻雞煲味道都幾好 但係講到服務態度就真係極度惡劣 坐咁耐就黑咁耐面 叫嘢飲冇反應 都知佢聽唔聽到 叫佢都好似唔情願咁 又唔係食得少 三個人都食咗成千蚊 總括而言 食物味道唔差 但服務就真係極差 差到冇人有 呢間嘢冇下次!!!(ps.唔好叫竹蔗茅根!甜到好似飲糖水咁!)

荃灣打邊爐，一諗就成日去大鴻輝嗰邊今次好想推介呢間已經係第三次食，水準仍然very good !今次叫海鮮多d 睇相都知正呢個象拔蚌，生食又好食，放落鍋熱食又甜牛係勁好味，佢有兩隻，我自己覺得兩隻都好食，一隻貴一隻平d ,口感吾同，如果人多可以兩樣都叫，因為平嗰個都吾差👍🏻👍🏻蠔係我覺得一般般的好似好多隻，但冇左d 鮮味要推介響玲同炸魚皮全部自己炸配麻辣鍋係無得頂最後要講重點，點解咁鐘意黎因為呢間野留上有兩間vip room 可以唱k ,又可以打邊爐，飲啤酒啱曬一班K 友 🤟🏻🤟🏻我真心覺得次次黎都好開心！！

完全覺得呢間鋪頭唔應該做打邊爐專門店明明門口大大隻字寫住9點後7折 我地入到去仲特登問其中一個侍應邊d 先係7折先叫 （我地係有叫其他食物，唔係只叫7折食物）但埋單個陣先同我地講無7折，話星期日係無，仲要無啦啦係張單打多左我地無叫既野。到我地同所謂既老闆娘投訴，佢既員工可能都聽到，即刻同我地做返7折。 我想話如果我地唔敢出聲，係咪唔做返比我地先？ 仲有個個員工都黑口黑面，特別係幫我地落單個個，我地欠左你架咩，叫佢比壺茶，又完全唔熱既？可以話係凍.....野食好多樣野都無咩味，係個湯底既皮旦叫做幾好食。個墨魚滑真係淡到呢...總括而已，唔洗旨意我地再幫襯

本身打算任食 但3個人黎齊都未有位就轉場去左呢間 叫左個細豬骨煲 再叫"送"打邊爐~黎野黎得好快 但細豬骨煲好香 幾多料 有羅白 粟米 豬骨 但唔系正宗豬筒骨濃烈既黑椒味 ~ D配料幾新鮮 ~ 價錢唔平 但大碟~ 手打墨魚丸好好味~ 1定要叫 ~ 待應比較少 叫野飲 要叫幾次~不過返到HOME 口渴到不得了 到第2日既夜晚我都系勁口乾~我想 味精會過份濃烈吧？ 我未試過系街食完野 口渴到咁~ 

服務員唔多..得一兩個..所以點菜或加湯要大叫~haha~但係服務員好有禮貌我聽到佢都會問下隔離枱差不多食完嘅客人..飽唔飽...覺得食物如何...都幾窩心 其實呢間之前都食過一次..覺得唔錯 ,於是再返轉頭再食...今次3個人食...唔係點左好多野...因為豬骨煲d豬骨食晒已經覺得飽飽地~可惜冇乜筒骨食...d骨又細左少少...~本身個湯有粟米蘿蔔跟埋....個湯濃郁 有少量胡椒...正...今次蟶子有優惠..就試下佢先...$30幾蚊碟...滾一陣離殼就食得...都唔錯..爽口彈牙...美國肥牛呢個$48一碟..價錢合理..一次過梗係要點兩碟先夠啦~haha~最正係珊瑚蚌就真...我從未食過d珊瑚蚌咁鮮甜架..真係好好味..爽口..正到暈...2人同行仲可以加$1 叫佢個原價$28 的火鍋料....

天氣涼涼地, 又禁啱路過lee間火煱店, 就入去試試.叫左一鍋細豬骨煲 (侍應話係招牌湯底, 賣hk$98), 都有8件豬骨 , 但不是豬筒骨, 而係平日用黎煲湯既豬骨同埋豬腳, 而且肉少筋多又冇乜味. 都算啦! 點知試埋個湯底 , 哇!! -味精到不得了! 好似濃湯寶一樣, 真離譜.另外, 叫了一碟牛坑腩(HK$58), 有4-5塊厚切肥牛腩, 並唔係坑腩. 都算啦! 見佢外表雪到結冰, 又瘀瘀地, 好怪. 我問侍應要淥幾內, 佢話已經熟ge啦! 煮熱就食得! 我心冧, 唔係化! 打邊爐既肉食竟然係已經預先煮熟然後急涷到好似雪藏豬扒一樣, 食落去當然只有雪味冇肉味啦! 其他食物唔想再講啦! 總之一句講嘥 "物非所值"

想去打邊爐, 朋友介紹去荃灣吃豬骨煲, 說好出名等等, OK啦, 一試無妨! 7點前已到, 不用等位, 食物亦很快到朋友說份量少很多, 縮水了, 不過, 兩個女孩子, 也夠了吧..千期米餃, 自己包的, 不過呢, 水餃已經變壞了, 朋友來不及吐出來及告訴服務生, 也不知他們想怎樣, 告訴他們水餃壞了, 不要再賣了, 另一位服務生又走來問是否欠水餃, 都已經壞了, 再送我, 我也不要了吧...豬潤十分一般, 有點厚, 要煮久一點, 煮久了, 就不好吃了...響鈴卷, 已經不夠脆, 很軟身手打墨魚丸, OK啦芝士腸, 如果不好吃就麻煩了!唐生菜也算新鮮最後全部吃完, 利害, 其實也沒有很差, 至少豬骨煲沒有很油膩的感覺, 我們2個人由7點多坐到10點多, 隔壁的都走了, 也沒有趕我們, 也算不錯!

我地一行12人去到新裝修+搬新舖既(澳門豬骨煲)，真係大失所望。湯底 - 叫左個招牌豬骨煲湯底，味道尚可，但份量就少左d!牛肉 - 第一轉order已經叫了一碟大肥牛，點知碟肥牛足足等左9個字至到，係呢9個字仲要追左5-6次，個伙計話唔夠人生切喎如果識做生意既，明知肥牛係最搵錢，切咩都好緊係切左肥牛比客人先呀!! 咁d客至可以快d叫多幾碟食架嘛...都係唔識做生意呀!!講返味道及賣相方面，全完唔得牛肉無肉味,又UN!係街市買急凍個d仲好味過佢，但一碟要成200蚊真係過份呀!!!丸類 - 款式,賣相及味道一般! 只係發現有款叫牛肉芝心丸，但未道都係麻麻，我個人覺得全統芝心丸好食好多。餃類 - 都係一般唔覺特別好味,同係超市買急凍既差唔多!海鮮 - 因為見牛肉都咁差勁，大家都覺得唔好叫哂錢呀最我地火既就係，當我地食到77,88 枱面上仲有2碟食物未食哂，有個女伙計居然問都唔問就熄左我地個爐，我地問佢咩事呀我地仲未食完架!!佢話我換個另一個煲比你地，因為我地當時用緊(鴛鴦煲)，佢想換個(唔係鴛鴦煲)比我地。當時我地個個都O哂咀，同佢講唔換得，我地好快食就走，你等下啦。嘩....咁既態度真係離

果晚一行三人去到荃灣想打邊爐，所以決定試下呢間豬骨煲。當時由於已接近九點，所以唔駛等即刻有位。坐底後上茶，上調味料，有蒽，有蒜，有芫茜，麻醬，椒絲樣樣齊，仲唔駛加錢！食物方面，呢度係逐碟計錢的，款式唔算太多，但應有盡有啦，睇左陣之後，我地叫左個"招牌豬骨湯底"，另加火鍋料幾碟。湯底黎到後，我地都冇為意，食食下其中一個友人發現，個湯底竟然一舊豬骨都冇....我地問下個侍應，佢答話：你呢個係招牌豬骨湯底，係冇豬骨架，想食豬骨，可以唔知$38 / $48蚊加半份... 唔，呢間野清潔都可以，待應亦都算有禮貌，不過最重要既係，點解豬骨鍋會冇豬骨？有少少取巧囉... 唔通我叫醉雞鍋，D雞要另外叫咩...

2010年10月9日 荃灣 ( 正宗澳門豬骨煲 - 1 ) ( 首評:232)荃灣第二間正宗澳門豬骨煲已經開業，中午期間經過，看到有午市套飯，就來個套飯。午市套飯，要了班腩飯，飯底幾好，班腩炸過，用上粟米、雞蛋埋芡炒製，整體都做得不錯，好味。這裡的套飯，送來一盅茶，屬於普通淡味茶。這店主打是豬骨煲，有機會時，約多幾人，亦會試試！