權發飯店 (已結業)

估不到一百三十八元的寵仔蟹蓋糯米飯咁好食，真美味！豬肺湯又甜又真材實料！Bb鴿不太細，很入味！豆腐蝦仁，蝦仁又大又新鮮！粉絲什菜煲，非常大煲，好味！算很抵又美味的一餐！

Tonight our family went to Sai Wan Ho 權發 to celebrate birthday of my niece. My wife picked a beautiful birthday cake for the little girl. When we arrived the staff offered to help us put the cake into the frig for having it after the meal.In summary, the quality of the food is really bad. Not a single dish one can say delicious. The service is also poor. Staff cannot wait to take away the plates even though there are obviously still food in them. It feels like we are rushed to pay the bill

約了老友們落堂後聚餐，肚子已餓得打鼓，今晚必定要大吃一番首先到場的兩隻為食鬼，已先行叫了湯和白飯，坐底時剛好有野食，時間剛剛好。木瓜雪耳唐排湯，侍應先把湯渣舀起，份量確是極之多，可謂真材實料。此湯向來是我所愛，入口鮮甜無比，喝不出有味精，正！ 香酥荔芋鴨：一道功夫菜也，先將鴨件拆骨，外面包上荔蓉，再蘸粉酥炸而成。份量非常可觀，由於新鮮熱辣炸起，外層酥皮夠鬆化。鴨肉十分之少，不太試到真味。芋蓉則是頗多，香滑得來又不黏口。生根田雞煲：其中一個姊妹點的，她說同事不喜歡田雞，今天終於可以大快朵頤！煲仔上枱時煙冒彌漫，鑊氣十足！田雞肉地結實，生根吸收了醬汁，入口一咬，所有味道釋放出來，很捧。最喜歡大蒜及香蔥等配菜，見大家都大手大手夾，十分痛快。家鄉煎藕餅：又是重量級之作，每碟八件大大舊。咦！是火喉太勁了嗎？原來煎即等如炸，加上之前那碟香酥鴨，好熱氣呀！但食物當前，懶理它！蓮藕非常爽口，釀料則有豬肉、馬蹄、雲腿，好像還有魚肉，配合得很好，讚。蠔仔浸豆苗：可能之前點的餸菜較膩，這一味來得正好。蠔仔隻隻脹卜卜，很是鮮甜。肉碎滿佈湯面，場面壯觀。豆苗鮮嫰無渣，配合魚湯來吃，天衣無縫。另有免費糖水紅豆沙，

其實都一段時間之前幫襯嫁啦, 襯我依家開左個戶口, 就補返個食評俾佢啦!!之前禮拜成日都同屋企人落權發飲茶, 次次都勁多人等位! 因為權發D點心真係抵食又大件! 而且水準唔錯!不過有一次吃晚飯就真係失望左少少, 不過可能係晚上又禮拜的關係, 真係又係勁多人! 等好耐都冇位!但有點過份的就係等左真係勁耐, 耐到EQ高都發脾氣, 點知佢仲夠膽死話分開兩張台俾我地坐! (我地都成10幾人)我真係忍唔住爆粗, 一來嘈佢等左勁耐都冇位, 二來仲要要我地分開坐, 真係冇用腦!!不過依個又唔算好大問題, 因為始終唔係D乜0野大酒樓大飯店, 所以這點可以原諒佢。話雖如此, 但晚餐小菜都真係唔錯, 記得當晚再正的就係"芝士焗龍蝦", 佢真係唔會呃你!!真係大大隻龍蝦勁好肉!! 而且D芝士真係好味好香, 唔係得個肥字溜字, 真係幾正!!

20110624 8pm冬瓜盅- 是日最後一個, 差點兒走寶。XO醬西蘭花帶子桂花pon - 少少辣好味道。乳鴿 - 蝦片是即炸既, 乳鴿無得剩, 我估應該好味道。蟶子王 - $30一隻, 今晚麻麻地。 腿蓉蓮藕餅 - 小朋友話, 好重呀 唔講唔覺, 又真係幾重手喎。香口o野好快無晒。琵琶豆腐 - 穩陣之選。上湯龍蝦伊麵底 - 我好記得係唔好食既, 我無食。- 結果竟然食剩, 好食極有限啦。送綠豆沙- 眾人意見太甜啦。九大一小盛惠$1300, 好抵食。

權發去了不知多少次了, 抵食夾大件的感覺卻越來越少, 最近每次上去, 點菜的時候, 侍應總是推介大班兩味, 龍蝦伊面, 明明想吃的, 偏就覺得好似被人屈咁! 最近一次, 侍應落錯單, 送來的比原先叫的平, 最初應承減番差價, 埋單又當冇件事, 前後同唔同人講咗第三次先減番, 好似我呃佢咁, 激氣!!!

今日與朋友外出*…回家前突然想食蟹*於是就去左呢間飯店,個名都改得特別個人!!!我地就叫左個蟹鉗 同鴛鴦炒飯同埋鹽水大蜆首先個蟹鉗真係好鬼死大隻,而且咬落去唔會話太易碎而且d肉彈牙，唔係一般來路野-.-鴛鴦炒飯一直都係我鐘意既野食…貪佢一個飯有兩種味道，d 蝦仲要有蝦味..非一般雪櫃蝦，鹽水大蜆真係煮到出晒味..夠甜夠正!!超好人仲要送埋甜品wo!!!不過我地已經好飽!!!!食左一半就say good bye

對上一次光顧權發已經是很多年前的事！　今晚再次到臨，懷緬一番！權發大力推薦的肉蟹！ 下次要一試！款式多多的餐牌，要選擇食哪一款菜式，實在有一定的難道！因為樣樣都想試試，可惜肚皮空間及銀彈有限‥‥‥最後點了四道小菜！　豉椒炒大蜆，體積的確很巨型，難得一見！蜆肉也很大很厚，比細蜆肉來得更有口感！爽口入味！可惜一碟只有一打份量，只可用來佐酒，不能飽肚。蒜泥炒白菜，權發用的是細白菜，可能比較難洗淨吧‥‥有少許沙。不過尚算合格，菜葉沒有被汁漿住，而且沒有炒得過火。蒜蓉味道也夠濃郁！　薑蔥生根田雞煲，鑊氣十足！上檯時煙從煲裡洶湧出來，發生「滋滋」聲！正是「煲之精神」！出外吃「ＸＸ煲」，最討厭就是上檯打開煲蓋時死寂一片，只見食物靜靜的盛著，跟「碟上」無異。權發在「煲」方面，的確出色！生根田雞也是一個很新穎的配搭，生根吸收田雞汁，放入口中一咬，汁從生根中釋放出來，就像羊腩煲的腐竹一樣！味道十足！田雞份量也夠多！抵食！！！蜜汁燒脆鱔，除了「讚」之外，想不到其他字眼形容此道小菜！我這個「鰻魚痴」，一看到類似鰻魚的物體就會忍不住，誓要一試！吃過很多地方的鰻魚及鱔，權發的手勢的確頂呱呱！！！！鱔以「件」上，配

10月7日（星期四）晚，是日下午自己一個人去做運動，女友收工後就來和我一起吃晚飯，因為不大想在太古城區域吃，所以相約了女友去西灣河地鐵站等，這夜女友想吃小菜，其實地鐵站周圍都有不少小菜館，但思前想後下，還是去了這店。就算是約晚上八時半來到，依然客似雲來，幸好不用等位就有空檯可以坐下，雖然有餐牌，但單看選擇多不勝數的推介菜單已經可以點菜。因為想明天帶飯，所以點了紅酒牛肋條煲、琵琶豆腐和鮮雞湯蟲草花浸健康蔬三個菜，後來才知出事了！原以為紅酒牛肋條煲是普通煲仔小菜的份量，豈料上檯時卻是大湯砂鍋內盛滿著牛肋條、紅蘿蔔、椰菜、洋蔥和西芹等材料，未吃已經飽了一截，無骨的牛肋條煮得非常軟腍入味，而且每塊牛肋條都頗巨型，雖吃不到紅酒的味道，但醬汁裡還是感受到濃厚的牛肉清湯和香甜的蕃茄膏，當然少不了用作調味的香葉和黑椒；初時在菜單紙上看到五柳琵琶豆腐這道菜，便想試試五柳醬汁加上琵琶豆腐會有甚麼化學作用，可惜落單的阿叔寫漏了「五柳」這兩個字，所以來到的也是普通的琵琶豆腐，不過琵琶豆腐有十多粒，炸得香口，裡面有冬菇粒和火腿粒，口感軟滑；鮮雞湯蟲草花浸健康蔬也是用上大湯砂鍋盛著，材料十分豐富，有大白菜、津菜、

一向出名"街妨生意" 的此店,今時今日. 沒需要等位了.平時星期五未到 19:00 人山人海. 現在舊觀不在了 !點了"鹽水煮蛤: 蛤肉是有的沒有像下面的食家遇上不幸的事情.但是這個湯裹的"粉絲" 是極差." 清檸雞塊" 是普通" 時菜斑片 味道可以.不算太差 !羊腩煲 是全晚最" 失敗" 的. 材料不是純"羊腩" !!!! 所以羊腩是咬不進去" 不知所謂的. 要認真想一想價錢上升.變成品質下降,問誰會來幫親.我自問食左"十年"此店.希望他們能自我醒覺吧.

當天是星期天，我們一行三人在杏花邨探望親友後，決定在權發飯店吃晚飯。對於在星期天在街坊式飯店吃晚飯，我們已經預期服務比平日差了，聽了親友的推介後，亦想一試，想不到服務實在差勁，無法忍受到要在此一記。其中一款菜式XX煮大硯，見到很多殼但見不到太多硯肉，而其中三至四隻硯更緊緊閉着，慣吃海鮮的太座大人即時要求退回此菜，侍應回應經理才可處理，我們即要求見經理，數分鐘後經理來到，我們道明原委，並要求退回此菜，而回應經理才可處理的侍應即時來到，解釋（或者砌詞更貼切）大硯煮後肉殼分開，硯肉在底並不出奇，而緊緊閉着的大硯祇要再煮就可以了。當然我們不接受這個解釋，堅決要求退回，侍應走開，而經理回應可以退回，但要再點一道菜式補回，我們已經即時要求菜譜，並要少許時間斟酌，但經理回應他會等，似乎我們若不補回，他不會走開，亦不會退回那客大硯，當然我們補回後，他才拿起那客不合水準的大硯走開。其它食物方面，水準一般，尖東好彩的大班兩味絕對可以比得上，甚至猶有過之，加上菜式經過製作後不立即上枱（真的太忙了），而空調過涼，到上枱時已經祇是微溫，而我們的期待亦涼了一大截。經此這樣差劣服務的一餐後，太座大人說明以後不再光顧

7:00pm 的一餐晚飯直到2:00am都頂住頂住, 決定要上黎寫個食評同大家share!頂住唔係因為受氣, 係因為食到好飽好飽!!是夜跟家人初到貴境, 已經被店方座無虛席的場面先黎一個下馬威! 可幸尚有一席恭侯大駕光臨, 所以唔使等位由於太肚餓, 先來一客店方推介---蒜香雞, 不消5分鐘, 主角已經入席, 可以起筷! 雞肉炸得剛好, 配以香蒜令人食慾大增再來一客”大班兩味”($188) 及 “黃金蝦球”($95)炆頭腩味道略淡, 炒班球火侯十足, 伴碟o既炒菜心亦不遑多讓黃金蝦球可說是皮薄餡靚, 蛋黃漿剛好包褢整隻蝦球, 蝦肉爽口彈牙, 實在出色總括而言, 喺現今主張”輕食文化”o既環境下, 當其他餐廳的菜式越黎越的式o既時侯, 此店卻絕不欺場, 每一碟餸都足4人份, 價錢合理, 加上一班阿叔輩o既伙記沒有一些老字號的毛病---聲大夾惡唔憂做, 反而笑容可掬, 雖然滿場飛, 依然能夠耐心解答食客的問題, 難怪此店能夠成為大眾飯堂真係好耐未試過每碟菜都差不多食剩一半已經好飽呢~~ 下次要叫多d人再黎擦過!

佛誕日的超飽肚甜品午茶後，很快又出發到主人家強烈推介的西灣河權發老店用餐。驚喜是餐廳翻新後光猛企理，冷氣大開，舒適好坐；連我在內，幾位早被甜品撐飽的甜魔，就交幾位非甜魔拍版，點下一檯的餸：　油鹽粉絲煮大蜆-蜆隻肥厚肉鮮，簡單加以調味已經很可口，吃時還有陣陣胡椒香，回家也要試整一下；講回食物，吃完外層的蜆肉，底層原來還有收盡鮮美蜆湯的粉絲，也幾好吃的。　豉椒炒蟶子-侍者向我們落推銷各類海鮮如巨型蟶子皇，不過是晚狀態不夠勇，普通的例牌蟶子也夠吃了。蟶子調味較濃，不太吃得出鮮度如何，整體水準正常。　辣酒煮花螺-上檯完全是不期待中的紅艷模樣，而是漆黑一片，令人心驚一驚...據侍者解釋，原來廚房用上黑螺，以致色水有變；但無論賣相或味道，都與預期的辣中帶甜差太遠了。不推介。　　金銀蛋莧菜-很喜歡的一款菜色，用上慷慨咸蛋、皮蛋及肉碎製成，味道中上收貨有餘了。　菠蘿生炒骨-夠鑊氣炒得皮脆香口，可惜調味是不自然的偏酸，不夠吸引。　金沙炒蝦球-巨大的鮮蝦球被一層蛋黃醬緊緊封鎖包圍，再炒香，成品香脆惹味非常，不過味道也較漏，太飽的我只吃了一隻。　紅燒乳鴿-做到皮脆肉嫩的要求，鴿肉也有該有的鮮甜，平穩過關。　

1.西蘭花炒斑球$108 ~ 肉質嫩滑,不過有點腥,西蘭花則凍冰冰.2.荔芋香酥帶子$88 ~ 一碟8隻,功夫之作,以芋蓉包住帶子而炸,很鬆脆,而且沒有油膩感.3.中式煎焗牛柳$70 ~ 沒有強烈鬆肉粉的質感,但沒有牛肉味,而且走油過久.4.馬拉盞炒通菜 ~ 普通菜一碟,油了點.5.芝士牛油焗海中蝦(伊麵底)$115 ~ 中蝦算是大隻,伊麵過淋,芝士不算太膩.最後贈送的紅豆沙 不吃也罷.

一年一度母親節當然會出街食, 權發係西灣河平靚正之選, 圓枱飯局既熱鬧又有親切感, 係一大班人聚餐必然選擇...1) 冬瓜盅 $118 ~ 清新消暑, 唔重味精, 冬瓜好大個, 有成個半人頭咁大, 每人都可以分到最少2碗, 每日限量供應 2) 荷葉飯 $68 ~ 一致高度激讚, 飯帶有好香荷葉味, 香軟可口, 配料又多, 一客起碼可以分到11-12碗, 必叫 3) 什菌炒雙柳 $88 ~ 炒得比較油膩, 而味道好一般4) 鐵板啫啫鴛鴦雞 $85~ 未上到枱己經嗅到好香, 用鐵板上的確有綽頭好特別, 田雞+雞既配搭比較少有, 好野味, 但略嫌油5) 碧綠炒雙蚌 $98 ~ 珊瑚蚌同象拔蚌都係我最愛, 2樣同樣好鮮味6) 蒙古烤羊扒 $98 ~ 有7件咁多, 肉身唔乾好淋, 加上大量香料嚟烤, 一食己經愛上佢, 真係好有蒙古 feel, 必試 7) 芝士焗海蝦伊麵 $115 ~ 芝士味道唔錯, 海蝦大大隻好鮮味, 而伊麵略嫌少, 只可以分到5-6碗8) 荔茸香酥帶子 $88 ~ 一共8粒, 啱啱好分得晒, 炸粉炸得薄薄好好味, 而荔茸唔會太厚, 食完感覺都唔會太飽附送甜品 (紅豆沙 或