樂香園咖啡室 (已結業)

相信中環的OL們每天上班時都會面對同樣的煩惱：究竟lunch食咩好？中環長年物價高企，一份商務午餐動輒便要上百元(甚至更貴)。加上中環午飯時段人山人海，搵位艱難。既要容易入座、又要價廉物美的話，本人首推「蛇竇」。「蛇竇」經常人頭湧湧，門外永遠有一條長長的人龍。但幸好食客來得快、去得快，我們只消片刻便已入座。在「蛇竇」當然要order它的招牌滑蛋飯。本人偏愛滑蛋叉燒這個組合，所以每次必點滑蛋叉燒飯，而今次還加點了一條香腸及一杯凍奶茶。桌上會配有一瓶豉油，可隨個人喜好調整味道。（我習慣在滑蛋飯上澆上一圈豉油）滑蛋飯一上， 便默默地散發着誘人的香氣。 第一口先吃香腸。香腸煎得外皮金黃焦香，不錯。主角滑蛋固然沒有令我失望：入口非常嫩滑，蛋漿包裹著熱騰騰的白飯，配上豉油的鹹香，好吃! 而且滑蛋中拌入了大量香蔥，經大火炒香後蔥香四溢，使滑蛋香味更濃。叉燒只是普通的瘦叉，不過不失。相信叉燒更好吃的話，整體味道會更上一層樓。但一個美味的滑蛋叉燒飯，加上凍奶茶，只需五十多元。在中環以這個價錢得此美食，夫復可求？

在中環上班，該沒有人沒聽過「蛇竇」這個名字。黎生年輕時曾光顧蛇竇，印象中其奶茶不俗，滑蛋牛肉飯亦不錯吃。蛇竇曾消失，機利文街的現舖是於零九年五月十一日重新開業。是日到蛇竇嘆茶，不能說是重來，始終昔日不是常來光顧。來奶茶一杯，入口不厚，稍淡，掛杯能力一般，不及昔日的印象。叫了油醬多士，但來了油占多，老闆娘表示歉意並謂再做，黎生表示沒所謂，照吃，多士外脆內脆，並非本人所好的外脆內軟，一般！埋單，共銀廿八元。看來，蛇竇的二代是失色了，希望只是水準不德吧。

成日聽人講蛇竇，終於有機會一試！1點鐘黎到排左成十幾個人，不過人流去得超快，10分鐘就有位坐都唔洗點考慮，即刻就叫左個滑蛋叉燒飯滑蛋叉燒飯  $38朋友建議加D豉油重正，不過我覺得其實唔落都已經夠味滑蛋食落非常完美，難得在滑得黎唔油膩，所有蛋都炒得好平均叉燒切薄片，但係我覺得唔係因為慳皮，切薄片反而同滑蛋口感更夾更順口，食食下唔覺意就成碟食哂，非常滿足！$38係中環食到厘個質素真係難得，下次要再黎試下其他野食先！

自去年2016從加拿大回港後，一次行經這條商業區的小巷，發現到這家看似老店的茶餐廳。我一直很想試試聞名的滑蛋碟頭飯。可惜每次不是已經吃飽了，就是遇著寫字樓打工仔放午飯時間，餐廳人山人海；仲勁搭枱～ 我都無興致同佢地迫！今日星期六，果然少人好多。我心諗，想食得舒服D, 係好時機入去食。我點咗雞蛋三文治，要滑蛋，加茶走。有驚喜啵！蛋又滑又厚，本人覺得蛋好足料。反而奶茶（茶走）就一般，都好滑好香，但水唔夠滾。講真咁嘅水準周街都有，賣$17杯，仲要用肥矮形果隻杯，唔係好抵囉！

一場黎到，又唔知會唔會有下次，order左招牌滑蛋叉燒蝦仁飯，但原來加蝦仁係貴左30蚊，呢碟貴價碟頭飯盛為70元。上菜速度快，滑蛋唔使講係滑，有一小部份蛋白滑到有點兒唔熟，味道唔覺有蛋香，有蔥拌蛋，成個味道只係滑。蝦仁 叉燒味道一般 冇話特別好味或唔好味，不過價錢比味道高。

呢幾年少去中環食晏，今次就特登走去中環食個便飯，既然去開中環，就一於去蛇竇食個開年飯。蛇竇唔駛多介紹，一句講晒，人多擠逼排長龍，但無他，個個照樣去食，同埋幾乎一定叫滑蛋叉燒飯。大大碟，滑滑溜，叉燒肥瘦均稱，加埋啲香蔥，食落口感味道一流，加埋啲豉油，就最正啦。

開工大吉，新年食咗咁多肥膩煎炸野，梗係要搵返啲正氣嘢食，俾個腸胃抖下啦！因為好多人仲放緊假嘅關係，中環少咗好多人，排咗一陣隊好快就有位喇。放完假要食返個大滿足嘅叉燒蛋飯多蔥$40，先可以一洗長假後要返工嘅鬱悶心情！登登登櫈環觀四周冇一枱客唔係食蛋飯，每碟都係一樣大細，一樣美味，一間好嘅食店就係要保持好高水準嘅出品。每次都想試佢首推嘅薯仔炆雞翼，但最終都敵唔過叉燒蛋飯嘅誘惑難得今日有樓上卡位坐，唔洗搭枱，食得舒舒服服。最神聖嘅就係淋上秘製甜豉油嘅一刻，為整個飯嘅味道提升到另一個層次！$40就有最佳飽肚感和滿足感，魅力真係沒法擋！

蛇竇對於中環人黎講一定唔會陌生，見佢日日lunch排哂長龍就知一定有佢個人之處！黎蛇竇肯定要食佢o既炒滑蛋，碟頭飯每款$38，見過有人響原本個飯另加腸加餐肉都得，我估計只要加錢你想加乜都得！我地次次都係例牌叫叉燒炒蛋飯多多多蔥！呢度o既炒滑蛋先係重點，叉燒/牛肉/蝦都係配角！阿姐亦好比面多蔥真係啖啖都有蔥！臨走時好多人都會順手買件雞批/雜批$9 做下午餐，叮返熱個批皮好有牛油香，係傳統舊式茶室先食到呢個咁鬆化o既牛油香味！

公司在中環中心 一到lunch time 就好多人係蛇竇排隊 見咁多人又有得食我鍾意食嘅滑蛋叉燒飯 緊係要食下 點知食完一次 變左我中環其中一大推介! $38係中環食到個飯仲要好食! 滑蛋 最怕水稀稀加生粉打汁芡 食過太多中伏的滑蛋 蛇竇e碟淨睇就知好吸引 叉燒又夠色水入味 香葱好重要 令到個蛋味豐富左 非常推介!!!!!!! 朋友食蝦蛋都相當唔錯 分量好多 上菜仲係熱辣辣 淨食滑蛋蝦同叉燒都已經夠做 提一提如果係附近番工嘅可以外賣快好多🙆🏼

同友人行過覺得幾特別就入去試下岀名滑蛋叉燒飯和滑蛋蝦仁飯我地叫左滑蛋叉燒飯 睇落分量唔大但食落都幾飽 滑蛋好味 但叉燒有d鹹值得一試下一次再去我會試埋佢既菠蘿油到時再同大家分享啦

中環蛇竇，個名夠曬特別。一早已經聽聞過呢到既滑蛋飯好出名，所以今日決定試下。中午12:30已見店外有條人龍，以為要等好耐，點知排左5分鐘就有位，超快手。店裡每個侍應都好忙，食客出入不停。到茶記食野要搭枱是常識吧! 我張枱有6個食客，全部都食緊同一款飯，所以我都唔執輸，一樣叫左碟叉燒蛋飯。就咁睇已經睇得出D蛋好滑好靚，食落個口感好綿，完全係第一次食炒蛋會有呢種感覺…可以唔洗咬就咁滑落個肚到

蛇竇嘅滑蛋碟頭飯系列真係食極都唔厭！特別係滑蛋蝦仁飯，啲蝦仁非常大隻，雖然估計都係雪藏貨，但係質素非常好，爽口鮮甜！其實，有煮開餸嘅朋友都會知道，其實靚嘅雪藏蝦可以比新鮮蝦更爽口！滑蛋炒得剛剛好，食到炒蛋本身嘅質感之餘，又保留到部分蛋汁。呢啲係中式嘅炒滑蛋，唔似西式要加牛奶加忌廉嚟扮滑，不過，唔排除可能加左一啲生粉水，同樣做到中式嘅滑滑嘅效果！但就唔會好似以前啲滑蛋牛肉飯咁樣，生粉水多個蛋，炒出來似蛋花芡多啲！此外，蔥花對於我來講，越多越好，夠晒香！仲有，佢有自己製作嘅豉油，應該都係老抽底加啲生抽，唔算太特別，但係加入埋佢嘅辣椒油，又好似產生左啲化學作用，好配合，用時下飲食節目最行貨嘅講法，就係：嘩！加咗秘製豉油同辣椒油，將整碟飯嘅味道提升哂！其實，我覺得啲辣椒油係香多個辣，所以好好味！如果你係食肉獸，可以另加煎火腿、煎午餐肉、煎香腸、煎孖腸都仲得！至於滑蛋飯系列嘅其他配搭，仲有牛肉同叉燒。最後，記得，唔食蔥嘅一定要嗌走蔥，因為蔥花係碟飯本身有嘅！

今日難得出席客戶的活動，去了中環一趟，順道一探蛇竇的風采。予人感覺這地方就是讓人身秘密會面「傾大茶飯」的地方，又或者是讓附近上班一族得到一絲喘息的空間。店內的燈光在大扇葉轉動下，緩緩地閃礫，時間仿佛凝住了在這空間。只有在水吧後面爐火不絕的聲音把食客們抓回了現實。「一客滑蛋叉燒飯，多蔥。」我叫道。我覺得在今天，只有那滑蛋並不能滿足我的食慾，我相信蔥能將其昇華。滑蛋如黃金灑落滿地般鋪滿了一整碟客飯，蔥段不規則地散落，好好的飾演他綠葉的角色。叉燒樣子很討好，夾起放入口，微微的甜味傳到舌尖，很輕鬆就能咬開。蔥段加上滑蛋配飯，一大口送入嘴裡，你會想這輩子需要的很簡單，只是一口飯。把飯放進口，略嫌有點乾，幸而桌上已貼心地放置了豉油。澆上豉油，飯身變軟卻沒有變得太咸。借用前面食家留下的一句：「專注一件事上，便能成為專家。」而樂香園就成功了。

週末早餐休息一下唔食麥片，去食個本地早餐煎蛋腸仔通跟央因為想健康小小無選擇公仔麵腸仔有煎過仲要係我愛的廚師腸通粉有咬口，好味煎蛋-可能因為佢地想隻蛋賣相靚啲用咗煎蛋器，影響咗煎出嚟的口感，太厚杯央就普普通通中環區＄30早餐

I was Ahab, and learning how to cook eggs the way Lok Heung Yuen does for their Char Siew Scrambled Egg Rice was my metaphorical White Whale. Do you remember the last thing you obsessed over, something you needed so bad that it would drive you insane otherwise? It could be small and irrelevant, yet you know you will never have peace of mind until the situation is resolved. I have been dining at Lok Heung Yuen for the better part of three years, and for the past three years, I have been totally f