樂陶陶飯店 (已結業)

是晚6點鐘和友人來到呢度冇客可能是太早的原因友人見到個wasabi沙律咕嚕肉就好想試的確是幾特別唔係間間舖都有味道：ok，沙律醬有D漏，好彩有wasabi嘅味中和下不過份量有D少，底下好多生菜和番茄，上邊仲有d洋蔥，我和朋友2人也只是剛剛好的份量，如果多人應該唔夠食跟住嗌佐個啫啫生菜煲呢個好好味，好夠鑊氣最後再叫佐個生煎海蝦粉絲煲一上臺聞到好香以為好好味點知d粉絲好淡味，又乾得濟蝦都一般般最後要撈埋生菜嘅汁食先夠味😭總括而言，很一般，服務態度都一般般

過年前去大坑蓮花宫還庫後，午餐去食這久違了的樂陶陶。二人食，叫了條蒸䱽魚及小菜葱爆牛肉。 蒸䱽魚等了約十分鐘，要早點叫，但蒸得算不錯、剛好熟，很滑。葱爆牛肉雖很野味、但略嚴太咸，要再加油，整體來說都可以。

老表介紹話依間d羊腩煲食得過，咁一行五人放工就去醫下肚喇。叫左羊腩煲，葱爆魚雲，炒豬雜同豬頸肉…個羊腩汁底真係幾夠味…食左我兩碗飯飲啤酒就一定唔少得…佢個凍碗都值得一讚。羊腩煲 - 分量一般....汁底夠濃，羊腩煮得夠耐，咬口剛剛好葱爆魚雲 - 表面炸得夠乾身，唔會有肥油。蔥蒜好香炒豬雜 - 咬勁十足，熱辣辣有鑊氣。而且好足料...乜部位都有。五柳豬頸肉 - 比較差既一味，個汁太過多生粉水，又太酸，配料太熟。

餐牌的選擇頗多, 但價錢偏貴我們4個女仔, 沒有點太多棻蝦仁炒蛋, 好味, 蛋很滑蠔餅, 炸粉太多, 不太好吃蜜味雞, 味道好濃, 我很喜歡有甜味的棻上湯娃娃棻, 不過不失棻式選擇多, 而且味道不錯

水佬榮煲:一個奇怪的名字,但食落真的一試難忘,用藩茄,豆腐等做湯底,但湯汁本身是辣的,但侍應建議我們少辣(因有小朋友在場),侍應的體貼也應加分這個煲甜甜辣辣的;但一點也不覺膩,很啱女仕口味不得不提還有足料花甲和鮮蝦(材枓也很新鮮!)豈馬吃了多隻花甲竟一粒沙也沒有!"神"最後,記得煲滾十至十五分鐘後,先撈起鮮蝦和花甲啊!因為太耐蝦身會老,花甲肉會全跑到煱底裏去啊!!!(當然是侍應的溫馨提示!)價錢也很平民,$128!也可另加火鍋配料呢!吃了全身暖暖的!京式燒羊架:這個一定要介紹給大家,表面平平無奇的羊架,但食落真的很滑很嫩,羊肉醃後燒香,吃時廚師灑上紫鹽粉,很香很惹味!我朋友平時抗拒吃羊的也可吃掉一整件!值得推介價錢:$120(四件)!最好先預訂,售完即止啊!順德魚湯煮桂花魚:個人至愛的其中之一,湯底本身用魚煲上幾個鐘,所以單是湯底已香甜到不得了,煮時放了大量鮮竹,草菇,花甲,蝦,金菇和菜等(不能盡錄了!),再加上桂花魚一條,魚身也很滑(新鮮)!不會太肥膩,很適合一家大細啊!價錢$138!!!湯也可另外order!(親眼看見!)火煱配料---斑片:是朋友預先訂的,用來打邊爐(川式麻辣雞煲

媽咪話想食英記,去到先知唔同左,但係都試下啦...豆豉鯪魚炒油麥菜竟然要$72,份量又少...真係水魚!!之前英記既椒鹽豬扒勁好食...而家真係好唔掂...呢間野真係得個樣個WAITER食野又細聲,係咁叫人食$9X既煎黃花魚....傻傻地

不僅價錢貴,出品其差, 相信沒有一間食能及. 點了嗜嗜唐生菜,變了油浸唐生菜,還有黑椒牛仔骨, 變成鹽醃牛仔骨,仲有田雞煲仔飯,自己煮仲好過佢煮,仲要收HK$88蚊..火記個個黑口黑面, 3樣野埋單要2百幾蚊.仲要唔好食...

真係唔認老唔得，我越來越鍾意懷舊！看見這以傳統飯店為包裝的食肆，便急不及待要試試了。牆身舖鏡，鏡面寫菜名，就是以前住處附近，得記等「茶居」的形式。不過並不如想像般，主力供應懷舊菜式。冇計，惟有點些大路穩陣餸，試吓手勢。可能是自己之前心情太興奮，期望又太高之故，幾味菜都比較普通。金銀蛋莧菜，材料份量算平均，但食味較平淡，蒜頭亦未能帶起菜式的味道。蝦乾蒸肉片，豬肉吃起來頗爽，然而也不是其他酒樓飯店做不出的水準。輪到店員特別推介的炸子雞了。店方下了心機去包裝這味菜，用了很多懷舊彩色炸蝦片來圍邊，可惜塊塊都充滿油光，彷彿油都未隔清的樣子，放得入口的沒多少塊。兩個字：浪費！雞呢？另外兩個字：普通。各位望相片都看得出，肉地有些「鞋」，何況吃進咀裡？問店員，有無糖水送？端來了紅豆沙。好在，這還有些水準。但問多兩句其他事，店員的面色竟變了一變！衰在又俾我見到。算是「高開低收」的一頓晚飯！這次過後，我更認為實力是經年累月培養出來的，絕不能被包裝所取代！

十月上旬．晴前一天，才在天后那邊吃過焦黑到沒朋友的叉燒，心想，這裡的也不錯，就在另一天，來了這邊。午市這裡人很多，店內坐滿，店外也擺滿檯，坐滿人客，好不熱鬧。一個人，總易找位，邊行邊說：「叉燒飯，要焦一點，少汁，好少飯，唔該！」，就徑自坐下。叉燒真的幾「靚仔」，看樣子已經知好吃的了。不甜，肉質不是很腍的，薄身一點的很鬆化，厚身那邊有點點韌，可以接受。以「非脢頭」的部位來說，很不錯的了，是吃得頗滿意的。要了「少少飯」，還是太多，再減半才差不多。見檯檯都有要例湯，來一碗也好，怎知哥仔說「賣晒！」看看鐘，一時十五分不到已經「賣晒」的例湯，也真犀利。不要緊，就繼續吃我的叉燒飯。但，就給我看到，每一位再來的客人，也都有例湯，有一些（熟客吧）還可以「添湯」。喂！大佬，比個「淒涼面」你，因為你真的當個客是傻的，或盲的。我，兩樣都不是囉。

在達摩吃完碗不錯的豬骨湯拉麵後，繼續按線報探索新店，原來就在火車頭對面，排滿人的街坊飯店，不少街坊客排隊等燒鵝出爐，再加上「難兄難弟」劇情中才會出現的「十二少紅豆沙」，實在耐人「尋味」，只可惜胃納已滿，多吃無益，只好擇日重賽。兩款燒味也滿意，然後來一壺例湯消消膩，是唐排清保涼燉螺頭湯，火候佳亦足料，湯底濃郁夠熱，喝起來黏口是雞腳的效果，$48／壺可分到五碗，足料又好味，喜歡湯品者，值得一試。更多謊言分享＠http://foodxfile.blogspot.com/2010/08/blog-post_20.html

星期日無去玩, 走去同個朋友去完中央圖書館做野, 做左五個幾鐘見肚餓, 就打算去附近既大坑食野醫肚... 大坑出名多野食, 特別係浣沙街, 就有幾家有名聲既食店...! 朋友一心想同我去民聲食家常菜, 但六七點既時候多人到爆, 於是我地就退而求其次, 睇下負近有咩好野食囉...本身其實我係想去小白屋度食既, 不過朋友唔想食西餐, 咁我唯有遷就佢喇... 嚮唔想諗既情況下, 我地就去左呢間樂陶陶度食野喇...!一坐低已經有個啤酒小姐力sell 啤酒, 但我地兩個女仔都係算罷喇, 無喇喇梗係唔會叫嚟飲喇, 我地一心係想快快手食完返屋企再做野架...! 我地望一望個menu, 嘩... d野食都唔平bor... 一碟小菜都六七十蚊既... 有d再貴d既添... ! 其實我無咩食中菜既意慾, 所以就叫我朋友揀餸...兩個女仔只係order左兩樣野食加一個飯... 鱆魚馬蹄蒸肉餅同埋蝦醬牛肉炒通菜...味道我自己就覺得一般喇, 相對個價錢唔算抵... 不過果度係大坑wor... 野食貴過人係正常既... 我覺得個鱆魚馬蹄蒸肉餅d肉質太"林"喇, 同埋都唔夠香口既... 而個蝦醬牛肉炒通菜就不過不

間野個 logistics 真係好有問題, 好亂!由落order 到有野食, 起碼要30 mins! 野食唔算差, 但亦有待改進!金銀蛋莧菜OK, 但醬爆膳球就好差!

來到這小店，正值試業期間。這本是新英記飯店位置，但並非原班人馬，聽說已易手，現由對面火車頭老板入主而接手開了這小飯店。內部門面只是換了一些新裝修，地板和紅門磚牆沒有大變。此店提供燒味與廣東＂大路＂小菜，例如咕嚕肉和紅燒豆腐。點了燒鵝例牌$60，尚算可以，多汁，有些鵝昧，喜歡與否，見人見智。四寶飯裡有叉燒，燒肉，咸蛋，鵝和一件我見不到的雞件。鵝相當肥，他們斬了兩三件你不會吃的肥背件襯托在碗飯裡，盛恵$33。金銀蛋莧菜尚算可以，咕嚕肉或許油了點！想要點荷葉飯，他們說未有，到正式開張才有呀！