影片
營業時間
今日營業
07:00 - 22:00
星期一至日
07:00 - 22:00
以上資料只供參考, 請與餐廳確認詳情
喺尖沙咀做完Facial求其搵一間茶餐廳食少少嘢就趕住打道回府。印象中記得樂天冰室嘅菠蘿包好正，於是就衝過去我啱啱避過中午人潮。一坐低就叫咗個菠蘿叉燒包，熱鴛鴦 $34價錢都係咁上下，見之前好多食評話佢嘅服務態度超差，今日我嚟親身體驗就覺得正正常常茶餐廳態度，店員唔會對你笑騎騎，都係板面為客人落單。瞬間我嘅菠蘿叉燒包就送到眼前菠蘿包一拎起幾有手感有點重量，拎上手仲係暖，咬落去菠蘿皮頗鬆化，叉燒餡都幾多，唔會只係一劈醬，亦都唔係空氣包，$14 ok la 。熱鴛鴦味道淡咗少少，花奶唔夠多，口感冇咁滑。順手買多個紅豆麵包返屋企做早餐
繼續閱讀
諗住假期親子遊在附近食野，那度近K11，外面那個係好好招呼，即時拎位，但又唔同人講聲早選定套餐，入到去就兩回事，未坐好就即刻有人來問食乜，答一陣先點餐，那些伙記黑晒面走人，又唔畀杯水來，點餐果陣，最搞笑係餐牌，散叫餐現在叫野飲當係套餐計，但食食下叫野飲就係按正常價，心諗不如去搶，這裏還是遊客區，應該不只本地人去消費，貪d客10元8塊，做衰自己牌頭，都係電腦落單，點完餐又唔同人講餐具在那裏，黑住口臉走人，最搞笑亦最離譜是送錯餐，那個原本是我地的餐送了隔離枱，隔離枱又傻hi都照食，我地反而未食，侍應知道做錯了走來說送錯餐，但居然講話把已經食了的餐交換畀我地，有冇病阿，人地食了小小畀我地，點跟人口水尾，餐真係出得快，但係似滾水蒸熟的味道
繼續閱讀
都好難食下，個炒意粉唔熱，食時成口都係油。細份到爆。我平時唔食好多野，但都唔夠飽。地下勁污糟，除左油立立之外（好易跣親！），仲有麵包碎，鷄翼，黑色灰炭，黃色廁紙。。。唯一員工不是如其他評論所講咁差，都有笑容，係急啲。
繼續閱讀
首先茶餐廳係唔存在服務係正常不過入黎食餐飯應該都唔會想受氣坐左15分鐘，我見每一次落單啲侍應都好似想鬧個客咁。有客人話想要杯水，個侍應話：你估呢度係你屋企樓下茶餐廳呀？有四個客拎住好多嘢入嚟坐低咗啲嘢擺晒出走廊，佢想話去換張六人枱，侍應行埋嚟阻止佢，唔可以換枱我哋唔夠枱，我眼見有3-4成空枱。不過呢啲都係茶餐廳決定，跟住係我人生中第一次喺OpenRice打食評，因為眼見住佢哋每次鬧完人就返去個中間個位度笑笑笑，跟住就係咁話呢台客話嗰台客
繼續閱讀
去茶記食隻炸雞脾，超級惡劣嘅服務態度！完全冇道歉同唔好意思！打工仔食晏得一個鐘，我行到去呢度，再等你成廿幾分鐘，得番十幾分鐘食雞髀薯條，我梗係趕頭趕命啦。事緣今日食晏，我喺尖沙咀工作，食4點半，近近地就去附近間樂天冰室，坐低叫左一隻炸雞脾下午茶餐，叫左成20分鐘都未到，遲過我入座5-10分鐘既阿婆座我對面，反而佢個all day breakfast成大碟到先，我咪問下個樓面幫我跟跟，我趕時間，啲語氣同服務差到爆，答我你落單唔係我落㗎，不斷叫我等多兩三分鐘，已經好多個兩三分鐘，差唔多半小時，我同佢講如果你煮隻炸雞髀咁耐要同個客講聲，我有權選擇食其他嘢，然後個阿姐即刻大叫俾全個樓面聽話張單唔係佢落，話我發佢脾氣，然後佢個男同事話：「我哋係生炸雞脾，唔同出面嗰啲炸定嘅，等得耐係正常！」。我同佢哋講，我要趕住返工，你哋煮得耐正常都要問個客等唔等到，我可以揀食其他嘢㗎！老實講，我做客，真金白銀俾錢食嘢，我理得你生炸定煮定，成20分鐘都未到我咪問句囉，使唔使咁既態度呀？！轉個頭隻雞脾到咗，又有幾好味呀，咪又係咁難食。我都唔理喇，嗱嗱聲食完就走，佢呢度可以俾轉數快，我咪問佢轉數快號碼，個cashier阿姐好串咁話，小姐我哋用qr code㗎，我答佢咁你都要俾個qr code我掃，成功過完數咪走人囉，個cashier一樣大大聲屈我大叫：「小姐，你未俾錢呀！」，成間餐廳啲人即刻望住我，我終於忍唔住爆佢：「咩未俾錢呀，我咪轉咗數囉，你睇清楚我部電話啦，係已完成！你地部機慢關我咩事呀，你哋乜都遲，唔係我遲同冇俾錢！」轉個頭佢哋check到數先收聲。睇吓呢間餐廳評價原來已經勁多人投訴佢哋服務態度有幾差！
繼續閱讀