影片
電話號碼
26081898
座位數目
40
以上資料只供參考, 請與餐廳確認詳情
沙田呢間樂園魚蛋粉相信好多街坊都識，經過唔知食乜就揀佢。首先,我試咗佢哋嘅「四寶丸」,配埋幼滑嘅河粉,真係有夠順口!白魚蛋爽滑Q彈,加埋豬肉丸彈牙，魚片頭爽口，魚皮餃。特製嘅辣椒醬,咸香味足,又唔會太鹹太辣,配上柔綿嘅河粉幾好食。河粉份量超大。之後,我又試咗佢哋嘅「牛三寶」,淋上佢哋秘制嘅腩汁,配埋Q彈嘅幼麵。牛筋、牛腩同牛肚煮到爛熟,入口易咬,啱啱好。幼麵嘅口感夠彈,但就份量細d. 至於飲料方面,我就飲咗佢哋嘅「豆漿」,味道香濃,支裝正常發揮，另外,我飲咗佢哋嘅「凍檸茶」,可以走甜，值得一讚。總括嚟講,呢間魚蛋粉無論係食物定飲品,質素都係幾好!價錢平民，難怪咁多街坊支持。
繼續閱讀
餐廳屋企樓下，所以不停食開終於扚起心肝打吓食評餐廳新裝修有圓枱，有方枱，座位不算太闊落但係數目都算多Keep住門口有人等位，但係好快就到要讚佢嘅速度落order之後，好快就上菜唔使話等好耐自己認為呢度推介樂園四寶丸有魚蛋，黃金魚片頭魚片，魚餃仲有墨丸湯底唔算好濃，清清地，無味精魚皮餃幾好食，爽滑魚片唔會腥，都幾彈牙，魚味香濃墨丸彈牙，咬到墨魚肉，口感豐富加埋香蔥點綴 醒神食嘅就係情懷，就係香港特色味道五香牛腩拼肥牛河粉🍲牛夠香 清湯牛腩湯底不算太濃嚟呢度食牛腩河一定要同佢講話要肥啲河粉夠滑夠軟身值得讚嘅係呢度嘅姐姐服務態度幾好喺香港飲食業真係好少咁好態度嘅姐姐總括嚟講餐廳唔錯喺速度嘅香港人嚟講呢度算係天堂👅快靚正好味之選 性價比高啊冇得頂
繼續閱讀
好運中心開返之後 見到佢裝修好就去覓食尋晚口淡淡 見到有呢間魚蛋粉就入去試吓之前喺石門都食過 都幾好呢間就勝在裝修新 夠光猛我哋嗌咗一碗魚蛋河 同埋一碗牛三寶米粉牛三寶米粉好有驚喜！$70到 算係超水準牛肚牛筋，好入味牛腩唔係肥 但都唔柴湯唔太味精真係有驚喜加個菜，都好平 平平哋真係唔錯嘅選擇！
繼續閱讀
好運中心翻新完之後進駐咗好多唔同嘅舖頭，其中一間就係樂園魚旦專家～今日就喺下午茶時段同咗媽咪過嚟食嘢🙆🏻♀️舖頭好企理乾淨，知道佢呢度嘅魚旦非常出名，所以我就叫咗個魚旦米 ($36)😋佢嘅份量都唔少，有三塊魚片同埋三嚿大嘅魚旦，兩款都係超彈牙，而且調味唔會過鹹，同時亦都有啲魚味，另外就係佢碗麵加嘅冬菜同埋蔥令到成碗麵生色不少～另外媽咪叫咗牛雜河 ($39)～啲牛雜擺得好靚，又唔會過碎，尤其是牛肚，大大嚿賣相靚之餘，又好入味，所有嘅內臟都好新鮮，唔會有浸怪味，值得一讚👍🏻而下午茶時段加$5可以有嘢飲，我嘅凍檸茶同媽咪嘅凍豆漿都係加$5姐🤗所以都係相當抵食嘅🙆🏻♀️
繼續閱讀
好運中心翻新後，多咗好多餐廳，靚仔咗好多。今日放工經過就去咗食樂園，係幾高質。豬手麵- 豬手超淋，超入味，仲有2大舊，好夠食- 個湯好濃，一啲都唔淡，係落足料煲嘅味道- 辣椒油本身落少少都已經好夠辣，而且佢好香口，自家製自家炒嘅味道。牛丸河- 一碗有4粒，一咬就好香牛味，仲有少少牛嘅汁，牛香味好濃。- 牛丸都好彈牙，一啲都唔淋唔梅，好好咬口。樂園仲有出手工餃，仲可以喺超市買，現場都買咗幾隻返屋企慢慢淥嚟食！
繼續閱讀
您可能會有興趣的...