810
44
23
營業時間
今日營業
12:00 - 15:00
17:00 - 23:00
星期一至日
12:00 - 15:00
17:00 - 23:00
以上資料只供參考, 請與餐廳確認詳情
食家推介
耐唔耐刺身癮又起，會好想瘋狂任食一番，人氣日式放題「極尚大瀛喜」放題限時兩個鐘，旺角同元朗分店都幫襯過，今次第一次嚟觀塘店，餐廳環境好大樓底高，獨立卡座寛敞坐得舒服，私隱度高，同朋友盡情食嘢傾偈都好放鬆。我哋用QR code落單，餐廳另設有熟食、冷盤、飲品、甜品自助區，任飲任食。⊙刺身安排入座後即刻點一round刺身先，刺身款式都好多，松葉蟹腳、磯煮凍鮑魚呢類型放題比較少有，三文魚、油金魚、吞拿魚、北寄貝、帶子、酒煮榮螺、八爪魚，赤貝、赤蝦、甜蝦，點完一陣就好快送到上枱，擺盤好靚，嗰種鋪滿刺身澎湃感一定要打卡先。個人最鍾意赤貝肉厚爽脆，油金魚厚切肥美，帶子、甜蝦全部鮮甜，以二百幾蚊一位嚟講，淨係呢盤刺身絕對已經超值，我仲點咗幾轉。⊙創意刺身有四款選擇全部都好味，放題嚟講提供嘅食材都幾矜貴。⦿松露柚子醋池魚王一入口散發松露香氣，池魚王勁鮮味，配柚子醋酸酸的更清新開胃。⦿魚籽柚子醋鰺魚刺身三文魚籽鹹鮮，鰺魚口感滑溜帶少許爽脆，配柚子醋更突出鮮甜風味。⊙壽司壽司款式都唔少，仲有空運鮮魚壽司、火焰壽司同迷你手卷，試唔晒全部。⦿藍鰭拖羅壽司厚切大片超肥美，入口即溶，飯又細嚿，呢個價錢食到藍鰭拖羅勁高質，回本encore之選。⦿海膽手卷手卷係迷你，唔會食一件就飽晒，鍾意食幾多先叫幾多唔浪費，海膽好新鮮，見到一瓣瓣，唔會一出場已經溶溶哋，奶滑甘甜，入口即溶，回本encore之選，最緊要飯係細細嚿，如果唔會飽嘅話，我會一路食落去。⦿油甘魚腩壽司入口油脂豐富，配一點松露醬。⦿火炙三文魚腩三文魚腩豐富油脂經過火炙後更香口，入口充滿魚油香。⦿三文魚筋子壽司筋子新鮮，滲出鹹香。⦿醬燒左囗魚邊壽司醬汁香濃，充滿魚油香，必食之選。⦿鵝肝壽司鵝肝掃上醬汁經過火焰，表面更焦香，口感綿滑，一啲都唔腥，配上蔥絲，飯糰沾上芝麻，口味層次豐富。⊙串燒⦿鹽燒牛舌燒得熟度剛好，勝過出面好多串燒店，用鹽醃燒至焦香，爽彈有嚼勁，唧上檸檬汁更滋味，必食之選。⊙燒物⦿川燒珍寶鮮蠔燒剛剛燒好出嚟好有水準，蒜蓉釀滿成隻蠔嚟燒，好香蒜蓉味，蠔肉新鮮飽滿juicy，好鮮味，唔會燒到乾晒縮水，出面食川燒蠔價錢都唔平，無限encore之選。⦿極品金枕頭榴槤燒金枕頭都係任食太爽，燒後表面焦香，口感更creamy香甜，濃郁香味更突出，啱晒榴槤控。⦿西京燒比目魚西京醬漬醃魚肉，燒好後表面金黃，魚肉滑，魚油好香帶點淡淡的甘甜味。⧁一品料理⦿涼拌藤椒魚皮麻中帶清香嘅藤椒味，魚皮爽口惹味。⦿椰皇3.6牛乳燕窩燉蛋白用原隻椰皇燉，蛋白滑溜啖啖充滿奶香，仲有燕窩放面，感覺矜貴，食完都覺得美顏咗，啱晒女士們。⊙自助區有多款前菜、沙律、生果、熟凍蝦、青口、蜆、豉椒蒸鱔球、鹽水鴨⋯⋯⦿ D24蘇丹王榴槤蓉放題都有一整盤榴槤蓉任𢳂，當雪糕食，都幾瘋狂。⦿蟲草花膠雞湯味道清甜濃郁，足料有花膠，食得多刺身凍嘢，都會想飲碗熱湯。⦿飲品區一排雪櫃放滿飲品，款式多過便利店，汽水、茶類、自家製冷泡茶，亦有啤酒類提供。自由斟咖啡、冷熱清酒、梅酒、if椰青水⋯⋯⦿甜品區凍櫃放滿泡芙、布甸、豆腐花、乳酪⋯⋯名牌雪糕雪條款式都唔少，自助軟雪糕機俾你自己唧軟雪糕。無漏單，上菜同執枱有效率，埋單$268/ 1位，呢個價錢呢種質素，性價比極高，食得好滿足，飽到扶牆走，想食最好預先book定位。#極尚大瀛喜日本料理地址：觀塘觀塘道414號1亞太中心5樓
繼續閱讀
🚇觀塘呢間極尚大瀛喜🏯十分之大，地方闊落食物款式又多又🤩抵食，而且仲有榴槤蓉同埋🔥烤榴槤任食添！💪自助區有好多唔同嘅前菜、🥗沙律、熟食同埋湯品🥣，我尤其鍾意豉椒蒸鱔球、香滑嘅🐟酸菜魚同埋味道濃郁嘅D24蘇丹王😍榴槤蓉！🧃飲品方面除咗一般嘅放題🥤飲品之外，仲有清酒🍶、梅酒同埋多款罐裝🍺啤酒。刺身同埋壽司🍣當然係食日式放題嘅重點👍，除咗有磯煮凍鮑魚、🦀松葉蟹腳、吞拿魚刺身🔪等嘅矜貴食材，仲有松露柚子醋🐟池魚王、紋甲墨魚拼白蝦🦐雙色刺身花朵同埋魚籽柚子🐟醋鰺魚刺身等嘅創意刺身款式。個人十分推薦🥰藍鰭拖羅壽司🍣，肥美甘香好啱我😋口味。另外🇫🇷法式紅酒藍莓🪿鵝肝同埋黑松露溏心蛋🥚都係必食嘅前菜！川燒🌶️珍寶鮮蠔燒十分之肥美飽滿🦪又惹味，極品金枕頭榴蓮🔥燒更加係榴槤愛好者😍絕對唔可以放過嘅單品！金蒜蓉粉絲蒸♨️扇貝保持到水準，一品🦀蟹粉扒豆苗同埋蒜蓉🧈牛油蘆筍炒雜菌🍄我係第一次食，十分之有🤩驚喜。甜品有用原個🥥椰皇製作嘅3.6牛乳🥛燕窩燉蛋白，味道香甜好🥰滋補，另外有 Häagen-Dazs 🍨任食亦令我十分之🤤滿意。
繼續閱讀
極尚大瀛喜日本料理觀塘觀塘道414號1亞太中心5樓今次係專誠食呢個放題榴槤金枕頭榴槤係火槍燒過 原來係特別甜入口仲係暖暖地 熱嘅榴槤係特別甜刺身三文魚赤、赤蝦、帆立貝、吞拿魚每一件都係肥厚肉肥美🫶🏻入口仲係啖啖肉 鮮甜💓尚磯煮凍鮑魚 - 呢個有D驚喜呀 值得一叫 清甜好軟身💥鵝肝壽司：細細舊 仲有鵝肝甘甜燒鹽醬和牛肩胛壽司 : 呢個燒得牛既油出哂黎 好香🤤海膽手卷: 細細件 海膽有鮮味😬 燒物及串燒烤羊鞍 - 肉嫩有孜然味重🌟芝麻雞翼 - 肉質鮮嫩 好香🌟鹽燒牛舌 - 超中意食牛舌 厚肉有口嚼🌟黑椒蜜汁一口牛 - 呢個入口D蜜汁好重 牛柳好嫩🌟紫心香芋丸/炸榴槤- 芋蓉好多 好咬口 榴槤好重味入口好cream燒雞軟骨 - 好脆好香 好好食蒜蓉蒸蠔生- 蒜泥好多 好重味呢個自助區豬耳 雞腎 螺肉 炸餃子 炸鮮奶🥛沙律🥗 生果🍉 炸物🍟 雪糕🍦雪條🍨甜筒同甜品🍮
繼續閱讀
香港食蠔仲覺得好食過喺珠海食🤣我之前約咗朋友去食觀塘極尚大瀛喜日本料理 我最鍾意食呢間放題，唔會獨沽一味會經常換下新菜式，加有一些新元素復活節我去了珠海食左個燒橫琴蠔不過原來喺香港食都可以食到，仲任食添大量嘅香料、蒜蓉配上鮮美嘅剛熟嘅蠔肉好有風味，仲好味過上次，係必食推介！今次外出自取熟食，竟然係好好味例如菜膽雞、滷水炆豬手、日本章魚小丸子打破我只會上網點單多，我甚少外出攞嘢食講返起個菜膽雞🐔，整隻雞肉非常嫩滑個汁仲充滿咗金華火腿嘅鹹香味(唔會太鹹)我好味到，明明攞少少嘅，要留肚食其他都要再攞多次，因為驚佢唔再加我強烈要求呢間餐廳要出外賣菜膽雞😂等到我唔使煮飯，屋企人又食得開心食雞又怎少得食中式菜，叫瑤柱汁扒豆苗🥬啖啖香濃瑤拄汁配上爽口嘅嫩豆苗海鮮必試香草牛油煮鮮蜆，個湯好正蜆肉非常鮮甜爽口，更配上淡淡的牛油湯味今期刺身我推介食肥美三文魚同玻璃蝦榴槤方面唔同上一次整件榴槤肉上今次會用個杯裝貓山王榴槤肉，唔使起核😆非常冰凍又鮮甜，我前後都吃了三杯🤣我由於太飽喇，未能夠試新菜式如三䓤薑爆線球、黃金歲月先墨魚。。甜品，我已經開始唔再食哈根杯裝雪糕啦因為食得佢太多，開始覺得悶我今次發現有新款口味嘅朱古力脆皮雪條同久違了的孖裝西瓜雪條 (我童年回憶嚟架)飲品方面呢樣嘢都甚至會變嘅就係我會繼續飲佢嘅自家花茶、熱華田咖啡及今期最新熱清酒 (入口甘甜，必飲推介)今次食飯真係食得好開心，完全滿足我慳家師奶仔，因爲平時唔捨得買多款海鮮(好貴)海鮮呢啲嘢都唔好自己煮，有時候難食浪費了連超市場嘅海膽及魚肉刺身，更加唔捨得買
繼續閱讀
每次一大班朋友出街，一到要諗嘢食，就頭都痕埋，朋友A想食海鮮，朋友B想食刺身，朋友又想食飯粉麵；不過只要去極尚大喜屋，就滿足晒所有要求，仲要任飲任食今次去咗觀塘亞太中心5樓嘅極尚大瀛喜日本料理，座位十分充足，不過都建議要預先訂位金磚慢煮紅酒鵝肝-第一次見嘅新品，用紅酒浸泡過嘅鵝肝，包得好似金磚，望落去已經好名貴，食落去紅酒同鵝肝嘅味道原來可以咁夾，忍唔住叫多幾件厚切鵝肝多士 - 又係必食之選，鵝肝煎得外脆內軟，配合埋多士，充滿口感，食返一打都唔過分D24蘇丹王榴槤蓉 - 朋友鍾意榴槤，今次佢可以食過夠料，無限添加，仲要係名貴嘅啲24榴槤，見佢好似食咗三、四杯極品金枕頭榴槤燒 - 除咗榴槤蓉，仲有榴槤燒，上枱嘅時候已經聞到陣陣嘅榴槤味，雖然個人嚟講唔太喜歡榴槤，不過見朋友食得咁滋味，俾佢食多幾舊啦西京燒比目魚 - 嚟咗咁多次，真係第一次點比目魚燒，原來咁好味，肉質又甜又彈牙，估唔到咁普通嘅燒魚都可以咁好味
繼續閱讀