林昌記 (已結業)

周末又出旺角行，經過砵蘭街，見到一條小人龍出現在小食店前，不太起眼但偏偏有人排，所以羊群心理作祟，一於排埋一份。細眼一看、人龍原來由於店內只有一人分析落單，收銀，廚師....節省成本且吸引人流做勢，高級市場學🙈講返魚旦，叫了一客大份，鴛鴦旦有原味和咖哩味。咖哩是自家制，是有粒狀洋蔥，但味道普通，是甜味咖哩，不辣。分數：6.5/10原味則較為出色，魚味濃厚，彈牙口感。不是單純只靠大粒來作招徠. 反而用認真制作，魚旦的基本為根基。自定制辣油是神來之品，炒過的辣椒香，配搭出魚旦的低調味道分數：8/10

相信無一個香港人對魚蛋呢種咁有代表性嘅街頭小食會覺得陌生，由小販年代到今時今日，魚蛋串串都可謂陪住我哋成長。成行成市，就會帶來良莠不齊，街邊賣嘅魚蛋，有別於傳統潮式魚蛋，絶大部分賣嘅都係黃色，表面炸過嗰款，用咖喱汁或味精湯淖熟，［魚蛋亦都冇魚味，但係你為左掩飾，專登加D咖喱汁將佢做成咖哩魚蛋，但係咁做太天真，因為你煮o既時間唔夠，咖喱味根本只係o係表面，而冇入到裡面］「食神」嘅批評真係一針見血(笑)。原味魚蛋$10/7粒今次食嘅魚蛋，全粒白雪雪，不經油炸，魚味濃鹹味輕，咬落好彈牙。店方提供自家制辣椒油，夠辣而不嗆喉。AFTER TASTE強勁，唔怪得舖頭有得一樽樽咁賣。咖哩魚蛋$10/7粒魚蛋喺咖哩汁煮熟，夠晒時間比咖哩汁滲入核心嘅外圍同內圍，汁雖然夠辣但唔夠香，亦無層次，好大機會只係用咖哩粉開，但配合咁爽口彈牙嘅魚蛋，都算係水準以上。其實大家都識分，點先算係靚魚蛋，但好少有整得咁彈牙同有真•魚味，無怪乎之前喺年宵市場賣出10萬粒嘅驚人成績！希望老闆可以保持水準，令千千萬萬個食神刮目相看。

第一次試金蛋😊哇，原來都幾好味嫁喎😉金蛋即系炸魚蛋，即叫即炸！魚蛋皮炸完食落帶煙軔，而且又吾會食到成口油，炸得好香口😀而內面嘅魚肉又夠彈牙👍另外仲有千島醬同泰式酸辣汁做配料😝兩隻醬汁同金蛋都好match嫁😀個人比較鐘意酸辣🙋睇到相都流哂口水🙈作為口痕小食一流呀💕0

砵蘭街呢間篤魚蛋行過幾次都冇開，唔知係佢真係唔係成日開定我唔係成日去砵蘭街，今次又行過，一定要試下。佢特別在除左咖哩魚蛋，仲有白魚蛋，個疑似老細叫我落多d辣椒油，話唔落多d唔好食。我仲問佢會唔會勁辣架，佢答我放心唔辣架。突然覺得好鬼warm，最怕個d姑姑寒寒慌死蝕底的食店。既然你講得你辣椒油自慢，咁我又會對你d辣椒油有d要求喇。香，ok嘅，辣就真係如佢所講，十小辣，所以唔食得辣都可以食。魚蛋方面，十蚊七粒，細細粒，咬落好連好爽幾得意，一定唔係魚蛋粉個種魚，唔腥但有魚味，唔似其他魚蛋檔咁唔知食緊乜咁，不過小食黎講反而幾好。佢仲有黃金蛋，那炸魚蛋，係脆個隻同牛丸，如果下次再見到佢開咪試下佢囉。

之前喺荃灣見到有分店，但無食到；呢日經過旺角分店就試下啦！早排見到好多人話呢度嘅魚蛋好彈牙爽口，有魚味，唔試就走寶咁，今次我就一於試下。食落口感真係唔錯，而且真係夠曬爽口彈牙，同街市買嗰啲真係唔同嘅。要咗一半原味，一半咖哩，但其實無乜分別，啲咖哩汁都係之後先淋上去嘅XDD總結就係不負所望啦～只係，我唔太鍾意佢一買就要買$10蚊咁多，我都唔係想食咁多粒lol

我一向幾鐘意食細細粒好堅韌、車仔檔果款魚旦！響有次食晏時，經過呢間魚旦檔，我朋友同我講話呢間好出名！咁因為果時已經食完晏，就食唔落住了！今日出開旺角特意去食，我聽到好多人都點食咖哩魚旦，我就點了原味魚旦，一人點了成廿幾粒食我真係要形容一下，我牙簽吉落魚旦度係彈架同真係堅魚旦、好有魚旦鮮味！（而家出面好多都溝左好多粉，完全不是魚旦！）有分細碗7粒、大碗16粒！炸魚旦都好彈，炸皮同魚旦食落好分明，即時炸都唔會好多油！加埋秘製辣醬會更惹味！

幫林昌記打響名堂嘅一定係兩三年前嘅深水埗桂林夜市！我亦係夜市人龍中嘅其中一人！今日再食，同當年喺夜市食嘅味道一樣，魚蛋無因為出咗名而質素下降！雖然佢亦有賣咖哩魚蛋（白魚蛋加咖哩汁），但我還是比較喜歡食油炸原味白魚蛋，外層有一點點嘅炸油包裹住，有油香味，但食落唔會有油膩嘅感覺，魚蛋好有魚味，而且好彈牙！就咁食已經好好味，不過我就鍾意加埋辣椒油一齊食，比較惹味啲！

魚蛋貴為香港代表小食幾乎隨處可吃但要吃有質素的魚蛋就要來林昌記了由尖東店到旺角由魚蛋到現在多了幾款選擇魚蛋依然美味今日一個人吃掉18粒魚蛋：原味魚蛋$10/7粒魚蛋夠彈牙小粒形夠小巧配上辣椒油簡直令我一粒接一粒地吃黃金蛋$20/11粒即叫即做新鮮炸去的魚蛋外皮香脆有少少椒鹽調味我又一口氣吃掉所有魚蛋了現在還在回味中

早幾年我還是學生的年代，不時都會到旺角「篤魚蛋」，因為魚蛋是香港小食不可或缺的代表但當時旺角某些小店售五元以下的「假魚蛋」，吃的只時為了過口癮。今日路過此店，有點熟悉的店名，原來我早在網絡/書刊上看到這店，那當然就要試一下。正所謂看似最簡單的食材，弄得好吃是最難的。魚蛋如是也！最後我決定點原味魚蛋，$10有7粒，價錢是可以接受的。我什麼醬汁也沒有加，只因希望吃到最原本的味道。質感頗彈牙，味道不是粉粉的，吃下去有點像長洲魚蛋，都是真材實料的。當然，亦有淡淡的魚鮮味。白色的魚蛋看下去顏色也不是死白的。已很久沒吃過這種真。魚蛋了雖經油浸處理，但不會有油膩的感覺

一間舖賣魚蛋要賣得成功我覺得要有良心有時去d旺區想食幾粒都要至少買20蚊呢到$10有7粒😍😍😍仲要係白魚蛋 好彈牙呀！仲有佢d辣油辣到我彈起。。。不過食完未夠喉，同老公點多左一杯😂😂之後見到有個大住肚嘅媽媽都買黎食而且明明入面好似無堂食店員都叫佢入去坐👍🏻👍🏻👍🏻👍🏻👍🏻$10生意都有服務食完之際。。有人叫一份炸蛋好奇望下 個店員請我地試食好好味呀所以又點一份😂😂😂😂$20好似有11粒。。。食到我同老公都好滿足有下次有下次

香港人就是喜歡吃魚旦...說它是港人的comfort food一點也沒錯放假來到旺角…怎能錯過'林昌記'！曾經試過他們的原味魚旦...已吃得十分歡喜…後來經老闆介紹'金蛋'...味蕾的享受更是昇華到另一層次！其實'金蛋'就是原味魚旦的升級版…每粒魚旦經炸後的顏色都是非常吸睛！粒粒金金黃黃…一口一粒絕無問題...金黃色的外層十分酥脆...每吃一次都忍不住研究細看何解魚旦的金黃外層能做到如此的薄？！油膩感不算嚴重...咬下一口...質感十分彈牙！完全不會是厚厚的粉漿混制而成..味道就是純純的魚旦...沒太多複雜的調味...也不會過鹹...假如喜歡重口味的…也可以加數滴店舖自家制的辣椒油...單是嗅覺已是很令人雀躍...無論你嗜辣與否…也不建議加太多辣油…因過辣會蓋過魚旦的味道..總之，試過便知'金蛋'的吸引！

苦：彼此撐了一柄雨傘　妳吃魚蛋卻沒說話妍：為我仍未親吻我　旁人的心聲可有消化苦：這檔辣醬妳吃不慣　令你手震反白眼隨淚線崩潰再沒法說話還記得小時候小弟一吃魚蛋便會想起這首魚蛋歌，雖然twins已經無以前咁受人歡迎，但一聽到食到魚蛋，就不自覺想起這首歌了XD今次小弟就去左試深水埗桂林夜市創下日賣十萬粒魚蛋神話的林昌記，竟然由夜市開到MK都有。身為食評家同BLOGGER嘅我當然要食啦。當時小弟知道林昌記在桂林夜市一舉成名原因，靠的是對食物質素的無比執着，更聽閒魚肉比例超過八成，小弟當場睇過賣相白晳，當場更有試食，味道有魚味，絕非坊間那種魚肉粉糊，只靠調味惡補的無誠意魚蛋，而且價也不貴，只是幾蚊而已。不過辣醬雖然聽人講話好好味，但小弟就覺得名不符其實了，原全係唔夠辣，連食開某連鎖米線嘅小辣嘅小弟都唔覺得辣，咁就好名顯唔夠啦。不過就咁食魚蛋都幾有味，鐘意食香港小吃嘅你地可以又有好地方去啦。

看了某飲食雜誌的推介，特意來試下有幾好食。點了幾種不同口味的魚蛋，果然名不虛傳！首先各要了一份小的咖哩魚蛋和白魚蛋，都係$10 /7粒。白魚蛋，粒粒白白滑又圓又彈，未食已經覺得好鮮味。食落口感非常彈牙有咬口，而且食到有明顯的魚肉香味，食得出係用新鮮魚肉打成的！味道亦洽到好處鮮味十足，令人想一食再食！喜歡吃辣的朋友還可以自助加入辣椒油調味，有辣勁而且香味十足！而咖哩魚蛋，則是在優質美味的白魚蛋上再淋上滿滿的咖哩汁！咖哩汁非常香濃惹味，還帶有一點點甜味！甜甜辣辣的令人胃口大開！然後係我要誠意推介的金蛋(炸魚蛋)，聽講係熟客先識嗌，因為店面的介紹上係冇寫架！而且每份都即叫即炸，夠晒新鮮熱辣辣！$20/11粒連台灣人都話好食！一咬開熱呼呼的金蛋，透出了人見人愛的白魚蛋！而重點是外層的蛋黃酥真係炸得好好好鬆脆！你會見到鬆脆煙韌嘅外層緊緊包住裏面的魚蛋，絕對吾會一咬開就甩晒或散開。再是會嘗到有點鹹蛋黃的甘香味道！非常美味！真係令人一試難忘。連我班台灣朋友都大讚不得了，食完又再點。😋👍而且店舖老闆伙計都好好人，見我地企係度等，問我地: 有凳喎，坐低等啦。 又有禮貌，又好笑容，臨走仲同你 say go

環境：好細嘅鋪頭，多人排隊嘅話就一定要喺條街度排 食物：有原味白魚蛋，咖喱魚蛋，炸魚蛋，炸片頭。16粒$20，7粒$10原味白魚蛋：好彈牙，第一下咬落去，當你啲牙掂到粒魚蛋嘅時候，係要用少少力先咬得到嘅。但當咬落去後，就變得非常軟。有淡淡嘅魚味咖哩魚蛋：嚴格嚟講只係將咖喱汁倒上魚蛋，冇其他街邊檔咁成窩咖喱汁浸住啲魚蛋咁入味，可以唔試炸片頭：喺餐牌上冇出現嘅，其實佢係炸片頭+魚片，唔似平時啲魚蛋粉嘅魚片咁樣。佢呢個係真係炸，所以外面係成層炸粉。係好脆口嘅，不過食唔到魚味囉服務：全店只有一位男士，收完銀即刻擰轉面整魚蛋，好忙... 不過仍然好有禮貌，值得一讚！

林昌記由深水埗搬左去旺角, 生意旺左好多!! 皆因佢既魚蛋真系無得輸!! 用油新鮮泡過既魚蛋熱辣辣, 好滑好爽彈, 有魚鮮味, 絕不死實, 配上香辣的辣椒醬, 簡直是絕配, 令人一試愛上!!