東南加 (麗港城商場) (已結業)

5月1日下午，我到藍田麗港城辦點事。之後經過商場一間餐廳叫「東南加」， 裝飾亮麗感覺也整潔，於是我入去打算吃個下午茶餐。入到去環境舒適，冷氣充足。因為我之前未幫襯過，所以我問侍應姐姐有什麼好推介。姐姐很有禮貎的推介一個冬陰功香葉肉碎炒飯給我，跟餐叫了個凍檸茶。等了一會炒飯到了！🥰看上去賣相十分吸引，有香濃的冬陰功味道，十分有鑊氣，肉的份量也不少，再加上另一個驚喜就是那杯凍檸茶，因為天時暑熱入到來商場一杯份量充足的凍檸茶是很重要的。以$43這個價錢，有這樣的質素，十分超值。絕對值得推介。👍👍👍（註：謝謝侍應姐姐好介紹😊）

唔係住呢區，咁啱今朝行過來，就搵間餐廳食個早餐。唔使等位入左嚟。叫左個雞翼炒蛋麵，同埋熱檸茶。都算快嚟到。啲雞翼好多粉，偏鹹，又好奇怪咁落蒜蓉，幾條椰菜有怪味。啲麵唔入味，淨係得丁麵味粉嘅味喺個湯度。係啲炒蛋正常少少。連熱檸茶都有怪味，我飲都飲唔晒。我真係未飲過咁難飲嘅檸茶。唔明點解檸茶都可以咁難飲。我好少咁踩一間餐廳。但呢間真心難食。唔怪得咁少人嚟食。突然記起我之前都食過一次，唔知點解俾自己再中多次伏。

下午茶時段價錢雖平，已抱着沒有任何期望下光顧。果然食物飲品味道已經平平，但更差的是在今時今日疫情下，食客已經不多，只得四五張枱，每枱只得二人，工作量不多，侍應態度都可以這麼差，請問仲可以有咩好講，想再幫襯都難

我叫外買叫咗個金邊粉更本吾系泰式個隻味糸一的港式ga廈門炒河非常難食，個個豬頸肉木瓜沙律更本劣又咸苦又甜，咖喱牛腩非常之奀咬唔到，第一次叫泰國嘢叫到咁伏🥵無的水準

今日在東南加食左個早餐，叫左豬軟骨炒蛋米線，d 豬軟骨比較柴，乾身，湯普通， 有d紅蘿蔔絲同椰菜絲都可以，炒蛋就唔夠滑，老得滯。 食到三分之二，食到有d異樣，有d𠝹口既野，原來是有條鮑魚檫的鐵絲在米線中，嚇死我，好彩無吞。 我叫個職員來，叫左好耐都無人來。 最後個阿姐見到有d愕然，話換一碗俾我，都食到尾我飽了就廢事換了，但佢都無道歉無唔好意思。 我唔要求佢免單，知道餐廳而家生意唔易做，但始終衛生是很重要的，食落肚的野要好小心，希望呢間餐廳以後要注意一下，唔想有其他人受害。同埋佢地無心之失，只要誠心致歉，客人也會體諒，不過佢地唔太在乎，又無歉意，就會令人擔心，係咪仲會繼續出事。 以後我就唔會幫襯了，大家下次食呢間先檢查一下食物再食，小心小心小心！ 😔😔😔

話說夜晚嗌咗個鐵板西冷，佢問我要幾多成我話要七成，點知佢畀咗塊咁嘅嘢我 放上枱嗰陣仲要大大聲同我講話係西冷牛扒， 真係笑左笑埋右。呢塊係西冷？？ 搞笑咩，我早餐食嗰塊重厚過佢啦。諗深一層，塊扒咁L薄你問我幾多成做乜啫😂 食落去又冇肉味，油淋淋，得浸鬆肉粉味，唔講真係以為喺茶餐廳食緊早餐😂咁就$69，笑死😂就咁望落去我覺得啲薯菜應該貴過塊"牛扒"，所以我食完啲薯菜就走咗。總括而言，服務態度差，環境尚可，食物素質極差畀錢買難受 建議咪去😪

今日晏晝去麗港城食嘢，試下未去過嘅東南加先，入到去午市嚟講算幾多位，佢對面間魚米坐爆曬，環境其實幾好。望下個餐牌，五十幾蚊一個餐，有餐湯有野飲都幾唔錯丫。餐湯選咗中湯，個湯嚟咗我覺得好飲又夠熱，但一咬個餐包...嘩，我無再食喇，好難食下，感覺好唔新鮮....兩個飯嚟咗，賣相幾靚下，但朋友話佢個咖哩飯唔熱嘅...我就無咩所謂，海南個飯唔熱我ok嘅，但我食落覺得好乾同唔香，唔算係好食嘅海南雞飯。整體最係個湯，跟住係個嘢飲，唔係好差但又無咩點想再嚟嘅感覺喇...

因為好晏先去食，下午茶當晚餐叫焗肉醬意粉，價錢計埋凍飲好似大約$42意粉不過不失，我話太特別好味，但唔難食華田都沖得ok，本人最怕沖到無味但唔會，味道甜道剛好。

We ordered fried rice and see what I gotJust rice and little bit of chopped veggie Changed $65Taste like chitSuper rude service They think we came to eat freeIt’s hard to believe still this place survive Laguna has no proper restaurants to eat and these shirt

我今日還是行去麗港城那邊食午餐。雖然有小小雨點，帶了雨傘也太擔心。但一邊行一邊聽着羅文所唱"獅子山下"的歌曲，彼有感觸。 人生總會有歡喜， 亦難免有淚。 我們大家在獅子山下相遇上， 總是歡笑多於唏嘘。 人生不免崎嶇， 難以絕無有掛慮。 既是同舟在獅子山且其濟， 拋棄區分且共對。我覺得歌詞彼有意思。如果人人都做到互相共濟及拋棄區分且共對。發揚獅子山的精神，還是會得到香江的名譽。到了那餐廳，我大约一點半左右到，見有位就進去坐下。看了餐牌，我點了我喜歡的黑椒汁燒西冷扒飯套餐，跟來有餐飽及羅宋湯。我還跟餐叫了杯熱檸茶。一般都是先餐飽及羅宋湯先上，餐飽及羅宋湯尚可。我差不多食完，主菜就放在我飯枱上，看起來唔錯，食落也算好味，只是太熟了。我是喜歡食牛扒7成熟的，這樣比較好食，但這裡沒有得選擇。 熱檸茶一般。下次經過都會再來， 我喜歡這裏不需要等位。

12點放飯時間，如果唔早啲去麗港城拎位，基本上實等唔到位。係其他鋪頭等左15分鐘有多都未有位，「東南加」一有位我地就即刻坐低啦。 😅—set lunch全部都會跟餐包，餐湯同野飲。可以揀羅宋湯或者中湯。羅宋湯超級辣，飲到尾真係覺得成個口都慶恰恰。🤣—煎雞扒配薯菜有2大塊雞扒，煎到個皮好脆，不過肉就老左啲，冇哂肉汁同口感啦。😩份量唔錯，藍妹個人唔太餓，食唔哂2塊雞扒，食左塊半左右就收手啦。—求其食個lunch，除左食得飽既，都冇乜特別好評價。

Ordered the potato Chinese yam curry with parata The portion was not enough for a lunch. Taste was goodAlso fried rice with chicken and egg for my friend and it was too large. But taste was okThen ordered a bun with condensed milk with drink It’s nice

去食佢地道食早餐，加個奶油豬就$8半個。（唔知點解要半個計，要面果件/定要底果件）佢地個女店長話要轉食花生醬豬仔包就要多加$5。自己想食，冇辦法；早餐一個花生醬豬仔包賣26蚊，得個笑字。餐廳開係麗港城已經係做屋苑客。一間餐廳唔餐廳，茶記唔茶記。佢地d嘢已經唔係好食，仲要唔係好想做。想食個花生醬豬仔包姐，就劈你。大家樂、大快活；你想食油多又得， 醬多又得，奶醬多又得，總之你想點食都得。可能椰林閣集團大把錢，唔憂做。

走出觀塘區，到了午餐時候，行到麗港城商場，見到門面唔錯，一於入去醫肚。我選B餐 - 洋葱香草豬扒配薯菜，有餐包，蘿宋湯及一杯熱擰水。有2塊豬扒配上濃濃的汁，薯條夠熱，整體味道沒有什麼特別，吃過這個平平凡凡的一頓午餐，繼續過我平凡的一天🤗。環境齊潔，光線充足，毫不焗促。

之前喺藍田麗港城呢間«東南加»食過幾次感覺食物唔錯點知今日同屋企人食飯食呢個海南雞飯食到好鬼嬲個女侍應話杯凍檸樂跟午餐加錢係5，6蚊我話ok la，我要凍檸樂知個女侍應打完單後俾我一睇張單凍檸樂加8蚊咁多?個落單女侍應無同我講返囉跟住我叫另一個女侍應同我取消杯凍檸樂同轉其他飲品我仲聽到佢問幫我落單既女侍應話無同我講加5，6蚊你地既對話咁大聲😒竟然係屈返個客錯，唔係佢地錯囉唔通頭先落單個陣我有幻聽?😆好啦，試下佢地既海南雞飯，午餐$56咁大個女我未試過海南雞飯係咁鹹第1舊雞食落口少少鹹仲接受到心諗師傅整鹹左少少姐跟住幾舊雞都係鹹完全唔駛點佢啲醬都可以送油飯食點知差唔多食完幾舊雞愈鹹愈覺得唔妥乜海南雞有鹽架咩？相中呢舊雞我真係食唔到入口肉眼可以睇到雞皮上面滿布是鹽😱😱😱我唔想食呢堆鹽落肚出事呀跟住埋單個陣我同個收銀女侍應講返點解啲雞咁鹹?個女侍應竟然話啲雞唔鹹架喎我話：我點知呀？你問返你地師傅點整啲雞啦😡我食淨呢舊鹹雞真係食唔到囉我有個屋企人喺我身邊至無大聲嘈佢大姐，我食完個飯成咀都鹹鹹地囉😒其實我係食緊海南雞定鹽焗雞呀？😱😱😱媽呀，我好亂呀